Стрела аэромобильді броневигі

Ресей әскері ерекше бронды автокөлікпен толықты

115
(Жаңартылды 17:42 21.07.2020)
Ресей әскерінің бронды автомобильдерінің ерекше топтамасы "Стрела" туындысымен толықты. Ол сағатына 155 шақырымға жылдамдығын үдетіп отыр

Мобильділік – РФ және оның одақтастарының қорғану қабілеттілігін нығайтатын әрі соғыс жағдайында орыс қаруының басымдылығын айқындайтын қасиеттің бірі болып отыр.

"Әскери-өнеркәсіптік компания" атты дайындаушы кәсіпорынның бас директоры Александр Красовицкий "Стрела" бронды автомобилінің Ресейде баламасы жоқ. Техниканың АК-74, АКМ автоматтары мен ДСВ винтовкаларының оғына шыдамды баллистикалық қорғанысы бар. Минаға қарсы қорғаныс броневик дөңгелегі астында мина немесе тротил эквивалентінде екі келіге дейінгі қуаттылығы бар түрлі жарылғыш заттары жарылған уақытта экипаж өміріне қауіп төнбеуін қамтамасыз етеді. Машина салмағы – 4,7 тонна. Бұл Ми-8 (Ми-17) тікұшағының сыртқы аспасы арқылы тасымалдауға мүмкіндік береді. Салыстыру үшін айта кетсек, "Тигр" бронды автомобилі екі есе ауыр және тротил эквивалентінде 600 грамға дейінгі жарылысты көтере алады.

Күшті жарылғыш құрылғылардан "Стрела" сырт жағынан заманауи броньмен және корпус геометриясымен қорғалған және жарылыс толқынының соққысын бәсеңдету мақсатында ішіне жұмсақ орындықтар орнатылған. Сирияда заманауи жаңа бронды автомобильдерін қолдану мұндай конструкцияның сенімділігін көрсетті. Жарылыс кезінде адам қазасы орын алған жоқ.

"Стрела" бронды жеңіл автомобилі арнайы бөлімшелердің жедел-қызметтік жұмысына, баллистикалық қорғаныстың жоғары деңгейін қамтамасыз етумен адамдар және түрлі жүкті тасымалдауға арналған. Салонға жүргізушіні қоса есептегенде сегіз адам сыяды. Қаруландыру мен арнайы жабдықтың модульдік кешендерін орнату қарастырылған. Соғыс көлігі тек ресейлік материалдардан дайындалған. Өндіруші компанияның беделі әлемдегі ең қарқынды броневиктің жоғары сапасы мен оның халықаралық нарықтағы экспорттық әлеуетін қамтамасыз етеді.

"Стрела" әскери қызметшілерге ұнауы ықтимал. Себебі, жоғары мобильділік бөлімшелердің әскери тұрақтылығының негізі болып табылады. Егер броневик тас жолда сағатына 155 шақырымды еңсерсе, ойлы жерде 80 км/сағ жылдамдықпен қозғала алады. Аталған әскери көліктің конструкциясында қолданылған тораптар мен агрегаттар ресейлік автоөнеркәсіп өндірісінде де қолданылуы мүмкін. Сонда, Ресейде геологтар, туристер мен балықшылардың арманына айналған автокөлік пайда болады.

Арнайы техникалар бәсекелестігі

Соғыс кезінде бронды автокөліктерді қолданудың келешегі зор. Түрлі санаттағы және мүмкіндігі әртүрлі машиналар әскерге алдағы мәселені бірыңғайластыра шешуге, қарсыласты соққы күші әрі маневр арқылы жеңуге мүмкіндік береді. Сондықтан, халықаралық қару-жарақ нарығында бронды көліктердің көптігі тектен тек емес. Мысалы, Stryker (АҚШ), LAV (Канада), (Швейцария), VBCI (Франция), Boxer (Германия – Голландия), Pandur (Австрия), Pars (Түркия). Бұл секторда миллиардтаған доллар айналымда жүр және Ресей де көш бастап тұрған елдің бірі. 2010-2017 жылдар аралығында жалпы сомасы 1,48 миллиард долларға 1 206 ресейлік машина сатылған. Жаңа бронды автомобильдері ресейлік қорғаныс позициясын одан әрі нығайта түспек.

"Стреланың" бәсекелестері аса қуатты емес. Салыстыру үшін сипаттамасы ұқсас бірнеше броневикті қарастырып көрейік.

RenaultSherpa II тактикалық автомобилі жолсызда жүру кезіндегі миссияға арналған. Түрлі құрауыштары бар және түрлі санаттағы соғыс модульдерін тасымалдайды. Sherpa II броневигі 4,7 литрлік турбодизельдік 215 күштік қозғалтқышпен жабдықталған және сағатына 120 километрді бағындырады.

Израильдің Plasan компаниясынан шыққан SandCat броневигі жарылыстан қосымша қорғанысты қамтамасыз ететін амортизациялаушы орындықтар қойылған патрульдік автомобиль. Корпусындағы алты порт жүріс барысында десанттың жеке қаруынан оқ атуына мүмкіндік береді. SandCat автокөлігінде қуаттылығы 330 л.с. сегіз цилиндрлі 6,7 литрлік қозғалтқышпен қамтылған. Бронды машинаның максималды жылдамдығы 120 км/сағ. ТМД кеңістігінде мұндай броневиктер Әзербайжан, Қазақстан және Түркіменстанда бар.

Австралия әскеріне тиесілі Hawkei бронды автомобилінің баллистикалық қауіптен қорғаныс деңгейі жоғары. Жарылысты жұту жүйесі мина қаупін төмендетеді. Броневикте қашықтықтан басқаруға арналған қару-жарақ станциясы орнатылған (5,56 мм, 7,62 мм және 12,7 мм калибрлі пулеметтер, 40 миллиметрлік гранатометтер мен танкіге қарсы зымырандар). Hawkei алты цилиндрлі дизельдік қозғалтқышпен қамтылған және сағатына 130 километр жылдамдықпен қозғала алады.

GeneralDynamics компаниясының Flyer жеңіл бронды машинасы АҚШ әскерінің арнайы операцияларына қолбасшылық ету үшін дайындалған. Барлау, рейд, шабуыл, эвакуация және тағы басқа миссиялар үшін қолданылуы мүмкін. Flyer 360 градусты қамтитын қару жүйесімен жабдықталған. Машина мұнарасында 12,7 калибрлі пулемет орнатылған. Броневик сағатына 135 километрмен қозғалуға мүмкіндік беретін 150 л.с. қуаттылығындағы 1,9 литрлік қозғалтқышпен жабдықталған.

Тағы оқыңыз: Путин Керчьте жаңа десанттық кемелердің құрылысын бастап берді – видео

ParamountGroup оңтүстік африкалық әскери-өнеркәсіптік тобының туындысы саналатын Mbombe-4 жеңіл бронь машинасының ең жаңа үлгісі БАӘ-дегі IDEX-2019 көрмесінде таныстырылды. Ішіне 10 адам сыяды. Дөңгелек формуласы 4х4. Патрульдеу міндеттерін атқара алады және әскери операцияларға қатыса алады. Автомобиль корпусы 14,5 мм калибрлі оқ-дәрілерден және шет жақтан жарылған минадан қорғай алады. Сағатына 140 километрге дейін жылдамдықпен қозғала алатын бұл броневик 457 л.с. қуаттылығы бар қозғалтқышпен жабдықталған. Дәл осы бронды машина ресейлік "Стреланың" ең жылдам бәсекелесі болып отыр.

"Әскери-өнеркәсіптік компания" дөңгелекті бронь техникасын шығаратын ресейлік ірі өндіруші. Бронь машиналарын РФ құрлықтағы әскеріне және 40-тан астам елдің әскеріне жеткізеді. Компанияның танымал жобаларының ішінде "Тигр" бронды автокөліктері мен "Бумеранг" платформасы бар. Барлық өнім қатаң соғыс жағдайында тексеріледі және келісілген мерзім ішінде кепілдендірілген қызмет көрсетіледі.

Айта кету керек, қанша жылдан бері бронь техникасын сәтті дайындаумен айналысып келе жатқан "ӘӨК" кәсіпорнында осал дүние шықпасы анық. Сондықтан, "Стрела" соғыста және халықаралық қар-жарақ нарығында оң сипатқа ие болмақ.

115
Кілт сөздер:
Ресей
Тақырып бойынша
Ресей Сириядағы әскери базаларын не үшін кеңейтпекші
АҚШ-тың мемлекеттік хатшысы Ресей мен Қытайды не үшін жазалағысы келеді?
Альтиус-У

Әуе күштеріне соққы жасайтын дрондар қашан пайдалануға беріледі?

47
Ресейдің әуе-ғарыш күштері (ӘҒК) 2021 жылдан бастап соққы жасайтын көп нысанды ұшқышсыз ұшу аппараттарын ала бастайды. Бұл жөнінде ӘҒК бас қолбасшысының орынбасары Сергей Дронов мәлімдеді

Әскери басшы мынаны атап өтті: "Сирия Араб Республикасындағы арнайы операция барысында пилотсыз авиацияны пайдалану өз тиімділігін растады. Ұшқышсыз ұшу аппараттарын қолдану қаруланған заңсыз құрылымдардың нысандарына дәл соққы жасауға мүмкіндік берді".

Ресей ӘҒК-нің жақын және алыс қашықтықтағы ҰҰА кешендері әзірше басқарылатын авиация міндеттерін шешу және мүмкіндіктерін кеңейту үшін "екінші рөлде" қызмет етіп жатыр. Ұшқышсыз ұшу аппараттарының бірыңғай ақпараттық кеңістікте әскери ұшқыштармен ықпалдастығы артып келеді және келешекте "ақылды" дрондар үлкен жетістікке қол жеткізеді. Ресейлік көпнысанды ұшқышсыз ұшу аппараттары 2021 жылдан бастап өз бетінше әуе барлау қызметіне жетекшілік етіп, "стратегиялық тереңдіктегі дәлдігі жоғары оқ-дәрімен қарсылас нысандарына шабуыл жасай алады".

Дронов генерал алдағы уақытта ӘҒК әскери құрамына енетін дрондардың "есімін" атамады. Бірақ, ауыр "Охотник" 2024 жылы операциялық дайындыққа жететіні белгілі, ал қалған екі ресейлік аппарат – "Альтиус" пен "Орион" Сириядағы сәтті сынақтан кейін әскери-тәжірибелік пайдалану сатысында тұр.

Көшбасшы "Орион"

Ұшқышсыз "Орион" 8000 метрге дейінгі биіктікте әрекет етеді, 250 кг дейін пайдалы жүктемемен қосымша жанармай құюсыз әуеде 24 сағатқа дейін ұша алады (аппарат салмағы – 1100 кг). Ұзындығы – 8 метр, қанатының құлашы – 16 метр. Диаметрі 1,9 метр АВ-115 қос қалақты бұрандасы бар АПД-110/120 поршеньді қозғалтқышымен жабдықталған.

Жауынгерлік қолдану радиусы басқару қағидасына байланысты болады (жердегі оператор немесе жеке бағдарлама). Құрылғы жоғары дәлдіктегі зымырандарды жеткізе алады және қарсыластың аумағындағы тереңдікте орналасқан нысанды қирата алады. Ұшқышсыз ұшу аппараты Сирияда конструктарлар тағайындаған соққы әлеуетін сенімді жүзеге асырды. Қытайдың "Хуаньцюшибао" басылымының мәліметі бойынша, мұнда тұрақты түрде түрлі модификациядағы шамамен 80 ресейлік дрон бар көрінеді. Видеолардың бірінде соққы жасаушы "Орион" Зака қаласындағы содырлардың тірек нүктесін қиратты.

"Орионның" зымырандық-бомбалаушы қарулануы жайлы ашық дереккеөздерде мейлінше аз айтылған. Алайда, ақпан айында "Тактикалық зымырандық қарулану" корпорациясының бас директоры Борис Обносов журналистерге дрондарға арналған жеңіл арсеналды әзірлеу туралы айтып берді.

Есептеуіш техника қуаттылығының артуы және жасанды интеллектінің күрделі алгоритмдерінің артуына байланысты алдағы жылдары жоғары дәлдіктегі жеңілдетілген қарулану тиімділігі күрт артуы мүмкін.

"Орион" ҰҰА зерттеу мен сынақтың сан түрлі жолынан өтіп, қазір сәтті қолданыста жүр. Бұл жоба 2011 жылы Ресейдің қорғаныс министрлігі тарапынан болған тапсырыс бойынша дайындалды.

"Орионның" сериялық өндірісі 2019 жылдың тамызында басталды. Жыл сайын осы тектес 30 машина шығару жоспарда бар. Өндіруші компания "Орион" ҰҰА-ның экспорттық нұсқасы қайран қалдырарлықтай болатынын мәлімдеді.

Автономды "Альтиус"

"Альтиус" атты үлкен қашықтыққа ұшқышсыз ұшатын ауыр турбобұрандалы аппарат автоматты режимде алғашқы ұшуды 2019 жылы жүзеге асырды. Бұл машина қанаттарының ұзындығы 28,5 м болса, корпусының ұзындығы 11,6 м құрайды. Ол сағатына 250 км/сағ жылдамдықпен екі тәулік бойы 2 тоннаға дейінгі жүктемені көтеріп жүре алады және 12 мың метр биіктікте 10 мыңға дейінгі километрді оңай еңсеруге қабілетті. Композициялық материалдарды пайдалану арқылы жасалған дронның өз салмағы 5-6 тоннаны құрайды.

СП-2 инерциялы навигациялық жүйе аппараттың әуеде көзге түсуін төмендетеді және қарсылас тарапынан радиоэлектронды қарсы әрекетке қосымша төзімділігін қамтамасыз етеді. Жасанды интеллекті бар "Альтиус" автономды түрде, оператордың қатысуынсыз, басқарылатын ұшақтармен өзара әрекеттесе алады.

Бүгінде жауынгерлік дрон әуедегі жағдай туралы штабтан өз бетінше ақпарат алуға, әлеуетті қарсыластың әуе шабуылына қарсы қорғаныс аймақтарын айналып өтіп, нысанаға бағдар құруды, маңызды жер үсті және су үстіндегі нысандарды (штаб, байланыс тораптары, зымыран қондырғылар, кемелер) анықтауға және жоюға және әскери қызметтің басқа да қыр-сырын үйренуге ден қойып жатыр. Ауыр және өте ақылды "Алтиус" Ресей ӘҒК және ӘТФ-ға қарулануын толықтырады деп жоспарлануда.

Ұзақ қашықтыққа және жоғары биіктікке ұшатын дрондардың әуедегі үстемдігінің артуы, соққы жасаушы және барлаушы ұшқышсыз ұшу аппараттарын белсенді пайдалану және "интеллектуалдандыру", әскери мамандар мен жауынгерлік роботтардың бірлескен әрекеттері қайтымсыз қарқынға айналуда. РФ Қарулы күштерін ұшқышсыз ұшу аппараттарымен жаппай жабдықтау олардың жауынгерлік пайдалану тиімділігін едәуір арттыруға мүмкіндік береді, ықтимал басқыншының жолында - ауада, құрлықта және теңізде еңсерілмейтін кедергілерді тудырады.

Ресей 2022 жылы тағы бір ұшқышсыз ұшу аппаратын іске қосуды жоспарлап отыр. Бұл – "Сириус". Аталған аппаратәуеде 40 сағатқа дейін ұша алады, 1 тонна пайдалы жүктемемен 12 мың метрге дейінгі биіктікте 10 мың километрге дейінгі қашықтықты еңсере алады.

РФ әуе-ғарыштық күштерінің "ақылды" барлау және соққы жасаушы ұшқышсыз ұшу авиациясымен басымдықпен дамуы қазір қолданыста бар және келешектегі авиациялық жою құралдарының тиімділігін арттырып, жеке құрамның ықтимал шығынын төмендетеді.

47
АҚШ-тың F-16 әскери ұшағы Ирактың Балада әскери базасында, архивтегі сурет

Иракта болған соғыстың әлемге қандай әсері тиді

186
Автор "Соғысты бастау. Буш әкімшілігі Американы Иракқа қалай итермеледі" кітабын жаза бастағанға дейін Буштың отбасымен достық қарым-қатынаста болған

АҚШ-тың қазіргі ұлттық апатына Ирактағы сәтсіз (немесе арандатқан) оқиғалар себеп болған: дәл қазір бұл айқын сериялар сияқты. Жақында Америкада жарық көрген кітапта 2003 жылдың наурызында Иракқа басқыншылық әрекетті бастау туралы шешімді кім және қалай қабылдағанын егжей-тегжейлі талданған.

Бұл кітап осынысымен ғана жақсы емес. Сонымен қатар бұл жерде сол кездегі басқарушы топ – Джордж Буш пен оның өзге де серіктестерінің бірегейсіздігі ғана емес деген тақырыпта арандату пікірталасын тудырды. "Ал бірегейсіздік қайдан пайда болады?" дегенге нақты себептер де бар.

Әңгіме ауаны Роберт Дрейпердің "Соғысты бастау. Буш әкімшілігі Американы Иракқа қалай итермеледі" (To Start a War, by Robert Draper) деп аталатын жұмысы туралы өрбімек. Автор осы кітапты жаза бастағанға дейін Буштың отбасымен достық қарым-қатынаста болған. Ол бұл кітапты жаза бастағанда, экс-президент онымен сөйлесуден бірден бас тартқан. Ал сол кездегі оның серіктестері бас тартпаған. Дрейпер шенеуніктерден алынып, сол уақыттарда жарияланған жүздеген сұхбаттарды жинақтады. Өйткені, бұл материалдар әрдайым оқуға жарамағанмен, өте пайдалы еді.

Ендеше, бұл мәселенің астарына америкалық азамат ретінде емес, адами көзқараспен үңілу керек. Ирактағы соғыс Америка мен әлемге не әкелді?

90-жылдардағы жағдай осы әлемді басқаратын жалғыз ғана держава бар деген елес кезді. Себебі, сол кездегі держава әлсіз қарсыласпен соғыста айқын жеңіске жете алатындығын әлемге көрсетті (өткен ғасырдың 60-70 жылдарындағы үндіқытайдағыдай емес). Бірақ мұндай жеңіс жеңімпазды жойып жібереді.

Мұндай жағдайда жақын одақтастар (Германия мен Франция), сондай-ақ мейірімді серіктестердің (Ресей) өзіндік көзқарасы болуы тиіс және қажет жағдайда Американы елемесе, ол орынды еді.

Америка өзінің барлық қаржылық және басқа да күштерімен бір елді (яғни Иракты) басып алу арқылы оны бақытқа кенелтіп, гүлдендіре алмады. Бұл әлемдегі ондаған мемлекетті дұрыс ой мен іс-әрекетке әкелуде АҚШ-тың (батыстың да) саяси және құндылықтар жүйесі экспортқа жарамсыз дегенді білдіреді. Яғни, бұл жерде Америкасыз өтіп қана қоймай, қажет болса айналып өту деген сөз.

Егер Ирак авантюрасы болмағанда – қазіргі қаржылық қиындықты айтпағанда, америкалық қоғамның, бүкіл басқару жүйесінің бүгінгідей бүлінуі мен идеологиялық күйреуі болмас па еді? Қалай болғанда да, Ирак мұнда айтарлықтай өзіндік үлесін қосты.

Дрейпердің кітабы бізге ең алдымен америкалық барлаудың деградациясына қатысты кездейсоқ сюжетті көрсетеді. 90-шы жылдардың соңында ЦРУ-дің бірнеше бөлікке бөлінуіне байланысты Билл Клинтон әкімшілігімен арада  проблемалар туындағаны белгілі болды. Бірақ содан кейін 2001 жылдың 11 қыркүйегінде террористік шабуыл болып және сол кездегі ведомство басшысы Джордж Тенет ықпалды жандандыруға үміттенді.

Айтпақшы, ЦРУ-дің 90-жылдардағы сәтсіздіктерінің өзіндік және әртүрлі себептері болды. Бірақ содан кейін күлкілі жағдай орын алды. Атап айтқанда, Таяу Шығыста (бүкіл Ирак тарихының нәтижелері бойынша белгілі болған) ақылды әрі қабілетті мамандардың жетіспеушілігі туындады. Содан кейін Тенеттен болмағанды болдыру талап етілді. Яғни, Ирак жетекшісі Саддам Хусейн 11 қыркүйектегі террорлық шабуылды ұйымдастырған "Аль-Каидамен"* құпия одақтас болғанын және АҚШ-қа қарсы жаппай қырып-жою қаруын дайындап жатқандығын дәлелдеуі керек.

Ал мұндай жағдайда нашар барлау қызметі өзін қалай ұстайды? Жалған деректер жасап, оған сенуді сұрайды. Айтпақшы, "Америкалық сайлауға Ресей араласты" деген ашық айыптауға негізделген жалған деректерді 2003 жылдармен салыстырып қарағанда жағдай әлі де өзгерген жоқ. Жалпылама түрде алғанда ақылды барлау қызметі мемлекет үшін көп ақша үнемдеп, ал ақымақ үлкен проблемалар туғызады.

Бірақ бір ведомствоның сәтсіздікке ұшырауы – мұның өзі ерекшелік. Егер Джордж Буш жеке өзі мен негізгі лауазымдарға тағайындаған адамдар ЦРУ-дан мұндай жалған ақпаратты талап етпегенде, Ирак апаты болмайтын еді. Осылайша, Теннет өзінің кеңсесін Саддамды АҚШ-қа қауіп төндіруші идеясын "халыққа сататын" агенттікке айналдырды. Бірақ оны сол дәуірдің барлық басты кейіпкерлері – қорғаныс министрінің орынбасары Пол Вулфовиц пен оның бастығы Дональд Рамсфелд, вице-президент Дик Чейни және ең алдымен президенттің өзі мәжбүрледі.

Мұны неліктен жасады? Өйткені, олар Американың кедергісіз басшылығы ретінде бүкіл әлемдегі жаһанданудың идеологтары болды. Олар сол бұрынғы лауазымдарында, 90-жылдардың соңында Конгрестің "Иракты азат ету актісін" қабылдауға қол жеткізді. Өздері комиссия құрып, іс жүзінде Ирактан келетін "қауіпті" ЦРУ байқамады деп айыптады (сонымен бірге Иран мен Солтүстік Корея да бар). Ал лаңкес террористер Нью-Йоркке соққы жасаған кезде ел басқарылмайтындай күйге душар болды.

Ал енді Бушқа келер болсақ, кітапта Саддам жай құбыжық еместігі және оны билікте қалдыру мүмкін емес екендігі айтылған.

Дрейпердің сөзіне қарағанда, әкімшілікте Иракта соғыс бастау туралы бір де бір пікірталас болмаған. Әңгіме, тек қана қашан және қалай болатыны туралы өрбіген.

Демек, идеялар алдын-ала іске асқан кезеңде, фактілер де оған сәйкес келуі керек. Олай болмаған жағдайда мемлекеттегі билеуші ​​таптың надандығы мен тозуы орын алады. Президенттер мен премьер-министрлерді немесе патшаларды қандай-да бір жолмен өзгерту мүмкін-ау, ал жалпы ұлтты ауыстыру қиын.

* – Қазақстан мен Ресейде тыйым салынған террористік ұйым.

186
Кілт сөздер:
соғыс, Джордж Буш, АҚШ
Архивтегі фото

Нұр-Сұлтанда басқарма басшысы 1 миллион теңгеге дейін пара алған видео

0
Елорда әкімдігінің лауазымды қызметкерлері заңды тұлғаларға құрылыс-монтаждау жұмыстарымен айналысуға лицензияларды заңсыз берген

НҰР-СҰЛТАН, 14 тамыз – Sputnik. Сыбайлас жемқорлыққа қарсы іс-қимыл агенттігі елорда әкімдігінің лауазымды тұлғасын тергеуге алды, деп хабарлайды Sputnik Қазақстан тілшісі.

Ресми ақпаратқа сәйкес, "Нұр-Сұлтан қаласының қалалық орта сапасы және бақылау басқармасы" мемлекеттік мекемесінің басшысы мен басқа да тұлғаларына қатысты сотқа дейінгі тергеу басталды.

"Олар 100 000 теңгеден 1 000 000 теңгеге дейінгі ақшалай сыйақы үшін заңды тұлғаларға құрылыс-монтаждау жұмыстарымен айналысуға 1,2,3-санаттағы лицензияларды заңсыз бергені үшін айыпталып отыр", - дейді тергеушілер.

Ал Алматы облысы Кербұлақ ауданының тұрғын-үй коммуналдық шаруашылығы және тұрғын үй инспекциясы бөлімінің басшысы мен басқа да қызметкерлері бюджет қаражатын жымқырғаны үшін тергеуге алынды.

Оқи отырыңыз: Алматы полициясының лауазымды тұлғасы қылмыс үстінде қолға түсті – видео

"Олар 2019 жылдың шілде-тамыз айларында "Сарыөзек ауылының сумен жабдықтау жүйесін ағымдағы жөндеу" объектісі бойынша нақты орындалмаған жұмыстар үшін 35 855 570 теңгені аудару арқылы бюджет қаражатын жымқырды",- делінген ресми хабарламада.

0
Кілт сөздер:
видео, пара