АҚШ туы сұлбасындағы адамдар

Ішкі жау Американы құртады, ал Ресейді құтқаруы мүмкін бе

437
АҚШ-тың Демократиялық партиясының онлайн режимде өтетін құрылтайында бұрынғы вице-президент Джо Байденді Америка Құрама Штаттарының болашақ президенті ретінде таңдауы мүмкін

Кері кеткен болашақ...

Неліктен мұндай жағдай болып жатыр деген мәселе туралы айтсақ: Байден қазіргі уақытта өзінің қарсыласы АҚШ президенті Дональд Трамптан түрлі сауалнамалар бойынша екі, төрт, сегіз немесе тіпті, он пайызға алда келеді. Сауалнамаға қатысқан америкалықтардың көпшілігі Трамп туралы жағымсыз пікір білдіргенімен, болашақта оған президенттікке кепілдік берілген сияқты көрінеді (77 жастағы Байден интернет пен теледидар арқылы бұқара алдына сирек шыққанымен қоймай, ол оқтын-оқтын сөзден шатасып жатады. Сондай-ақ, көпшілік арасында оның қабілетсіздігі жиі айтылатындықтан, сайлауға дейінгі кәсіби жарамдылығы да сезілмейді).

"Көрінеді" дейтін себебіміз, кезінде Хиллари Клинтонның президенттігіне де кепілдік берілді, бірақ іс жүзінде жағдай басқаша болып өзгеріп кетті.

Егер Джо Байден ант қабылдайтын болса, ол 78 жасқа толады. Ол кезде Ақ үйді басқаратын ең көне президент болып қана қоймайды. Яғни, бұрынғы рекордшы, 70 жастағы Дональд Трамптан он жылға жуық асып түседі.

Ол америкалық президенттер қайтыс болған жаста (45-тің 36-сы)  президенттік қызмет атқаруға келеді. Демократиялық кандидаттың мінез-құлқындағы жоғарыда айтылған жағымсыздықтарды ескере отырып, барлығы өзінің қызметтік міндеттерін орындау кезінде осы көпшілікке қосыла алатындығын түсінеді.

Осындай жайсыз жағдайлар туындаған кезде вице-президент Байден төрт жылдық мерзімнің соңына дейін президент атанады (жай ғана "әрекет етуші" емес, АҚШ-тың жүз пайыздық президенті). Егер Джо кеңсеге келгеннен кейінгі екінші күні бұл әлемде өзін жақсы сезінсе, онда адамдар толықтай сайламаса да, президент ең ірі батыстық ядролық державаны 2025 жылға дейін басқарады.

Бірақ Байденнің өзі ерте көктемде: "бір нәрсе алдын-ала белгілі, келесі президент әйел болады" деп уәде берді. Конгресс қарсаңында ол қандай әйел болады деген сұрақ америкалықтар үшін күн тәртібіндегі басты саяси мәселеге айналды.

Кандидаттардың қатарынағы ең танымалы – сенатор Элизабет Уоррен бар. Ол жыл басындағы демократияішілік дауыс беру жарысында Байденге жол берген; Мичиган губернаторы Гретхен Уитмер (жасы 48-де); сенатор Тэмми Дакворт (екі аяғынан жарақат алған Ирак соғысының ардагері, сонымен қатар ол ұлты жартылай тайлық-қытайлық әйел); конгресші әйел Вэл Демингс (қара нәсілді әйел және бұрынғы полиция қызметкері); Карен Басс (қара нәсілді әйел және есірткімен күресуші); Сьюзан Райс (қара нәсілді әйел және Обаманың ұлттық қауіпсіздік бойынша бұрынғы кеңесшісі); Камала Харрис (жартылай қара нәсілді әйел, жартылай үнді және Калифорнияның бұрынғы прокуроры). Алайда, бұл жерде соңғы екеуі жасырын түрде вице-президенттік демократиялық жарыста фаворит саналады.

Демократиялық партиядағы АҚШ халқының 13%-ін құрайтын қара нәсілділердің Клинтон мен оның ақ нәсілді вице-президенттікке кандидатурасын қолдаудың әлсіз деңгейіндегі 2016 жылғы сәтсіздіктен кейін негізгі факторларының бірі ретінде қара нәсілді әйелдердің артықшылығы бар. Сондықтан, олар (қара нәсілділер) міндетті түрде вице, тіпті толыққанды президент болуға үміттенуі керек.

Кейбір Boston Globe сияқты басылымдар: "Байден қара әйелді вице-президент етіп сайлауы керек" деп ашық түрде жаза бастады.

Қара нәсілді әйелдер республикашылар мен Трамптың нәсілшіл табиғатын агрессивті түрде қудалаған нәсілдік азшылық тұрғысынан теріске шығаратын функциялық тандемін орындайды деп болжанады. Сонымен қатар, Байден Обаманың қол астында қызмет еткен кездегі қоғамда мұндай полярланған қоғам болмаған және оның миссиясы елді біріктіру болып табылады. Сондықтан да мұндай тандем Трамп жасаған әрекеттерден гөрі елді біріктіре алады деген сенім бар. Бәлкім, ол одан да ауыр жағдайды шеше алуы мүмкін.

Мәселен, жақында Коннектикут университетінің профессоры Питер Турчиннің ондаған жыл бұрын, 2020 жылдың бастапқы кезеңінде АҚШ-тағы саяси тұрақсыздықтың шыңын болжағаны пайда болды. Ол осы тұрақсыздықтың басты факторларының бірі ретінде элиталардың шамадан тыс көбеюін атаған.

Шамадан тыс мұндай өндіріс – бай адамдар санының артуы сипатында көрінетін жағымсыз нәтиже. Ең жаманы, бұл жерде біз байлар мен кедейлер арасындағы алшақтықтың кеңеюі деп ойлауға үйреніп қалдық.

Бірақ зұлымдық "позитивті" болып көрінетін өзгерістердің астарына жасырынғанға ұқсайды. Біз осы кезге дейін де, 1970 жылдары халықтың 62% құраған, ал қазір жартысына жуығы – АҚШ-тың орта таптары кедейлер және байлар деп миграцияға ұшырап жатқанын жазған болатынбыз. Ал соңғы онжылдықта миграциялық өзгеріске ұшырағандардың үштен екісі кедейліке емес, элитаға айналды.

Сол сияқты байлардың да саны өсті: АҚШ-тағы ең бай адамдардың қатары екі жарым пайызға жетті. Активтері ондаған миллион доллардан асатын отбасылардың саны 1983 пен 2010 жылдар аралығында бес есе өсті (қазір одан да көп). Бүгінгі таңда АҚШ-тағы элиталардың көптігі соншалық, оларда миллионерлердің саны 19 миллион (бұл бүкіл Румыния немесе Қазақстанның халқымен тең), децимиллионерлер – жарты миллион, ал миллиардерлер – шамамен 650-ге жуық.

Бұл жақсы болып көрінетін шығар? Бірақ мұның бір иірімі бар. Адамдар байыған сайын, табиғи түрде билікке ұмтыла бастайды. Олар өздерінің экономикалық күштерін сезінеді және оны саяси сипатқа айналдыруға дайын. Сөйтіп, олар қалалар, штаттар, конгресс пен Ақ үйді талап етеді.

Бірақ биліктегі орындар шектеулі. Тіпті, 450 орындық конгресс барлық миллиардерлерді де сыйғыза алмайды. Элиталардың осындай күйзелісінен өз араларындағы кез-келген ынтымақтастық ыдырап, керісінше, қорқынышты дау-дамайға ұласады. Ал мұндайға тек байлар ғана қатысады деп ойламаңыз.

Іс насырға шапқанда, орта топтар мен кедейлер нағыз ақша, күш пен өркендеудің жоғары жаққа қарай жылжып бара жатқанын сезген кезде, байлар мен үлкендердің жарқыраған әлеміне тап болу үшін олар да әлеуметтік лифттерге бар күштерін салады.

Жалпы, соңғы жылдары заңгерлер мен саясаттанушылар немесе "қоғамтану ғылымы бойынша мамандар" саны АҚШ-тағы халық санының өсуінен едәуір асып кетті. Яғни, бұл – теориялық тұрғыдан мүмкін болатын және сол кезде саяси мансапқа айнала алатын барлық мамандықтардың иелері деген сөз. Демек, адамдардың көпшілігі саяси мансапқа кірісіп қана қоймай, табысқа жету жолында. Сондай-ақ, бұл адамдарға жекелей қарасаң өзлерін Американың патриоты сезінеді – бірақ олардың барлығы да елдің негізгі ішкі жауы болып табылады.

Осы арада мынадай да бір сұрақ туындауы заңдылық: "Джо атай" мен қара нәсілді "темір ханым" бұл адамдарды қалай тыныштандыра алады? Мақсатты аудиторияның алдында нақты биліктің серпіліс әрекеті ретінде екі жоғары лауазымды шенеуніктің бірін жынысына немесе терісінің түсіне қарай ауыстыру керек пе? Бұл элиталар арасындағы ішкі бәсекелестік мәселелерін шеше ала ма?

437
Кілт сөздер:
Ресей, АҚШ
Қытай

Қытайға жасалған қыспақ кімге тиімді?

305
Қытаймен арадағы соғыстың бір боларына көзі жеткен батыс қауымдастығы санкциялар, экономикалық байланыстарды шектеу, өзара шпионаж, конфронтациялық соғыс күштерін есепке алмағанда, Бейжіңді жеңетін ғажайып әдіс іздеп жатыр

Вашингтон, Лондон және Брюcсельде талқыланатын "қытайлық айдаһарды тұншықтыру" әдістерінің барлығы дерлік антиқытайлық коалиция құруды қарастырып отыр. Дәл осы секілді ұжымдық күшпен оқшаулау әрі жансыздандыру КСРО-мен күрес кезінде де қолданылған болатын, деп жазады РИА Новости.

Егер қандай да бір бағыттауыш ұстанымдарының деңгейінде ешқандай алуантүрлілік байқалмаса, осы ұстанымдарды нақты жүзеге асыруда президенттер, премьерлер, саясаткерлер мен аналитиктердің найзасы сынатындай күрделі проблема туындап отыр.

Мәселе Еуроодақтың көптеген елі, әсіресе, Германия, Франция және Италия мен Азиядағы бірқатар мемлекет ҚХР-ға қарсы бұл қырғи-қабақ соғысқа АҚШ-тың қуыршағы секілді қатысуға аса үлкен құлшыныс білдірмеуінде болып отыр. Сонымен қатар, олар жеңіс үшін АҚШ-қа ақы төлеуді құптамай отыр және толықтай тыйым салу шараларына да бірауыздан келісім беріп отырған жоқ. Мысал ретінде 5G желісі үшін қытайлық Huawei компаниясының Еуроодаққа жабдықтар жеткізуін айтуға болады. Бұл Вашингтон мен Лондондағы "антиқытайлық қырғиларды" қуанта қоймағаны сөзсіз.

Council on Foreign Relations (Халықаралық қатынастар жөніндегі кеңес) үшін ықпалды "ми орталығы" болып табылатын Foreign Affairs беделді журналы осы мәселе айналасындағы әдістерді екі түрге бөліп отыр. Оның бірін "Дональд Трамп әдісі" деп, екіншісін "Борис Джонсон әдісі" деп атауға болады.

Council on Foreign Relations-тің америкалық элита мен Еуропадағы проамерикалық элитаның ойлауына ауқымды ықпалын ескере отырып, "қытайлық проблеманы" шешуге қандай әдістер ұсынылатынын қарап көруге мүмкіндік бар.

Foreign Affairs мақаласы "Демократиялар кеңесі халықаралық қатынастағы көпжақтылықты құтқауы мүмкін" деген тақырыппен жарық көргенімен, ондағы ұсынылған әдістер Вашингтонның әлемдегі басымдылық рөлін сақтап қалуға бейімделген және айырмашылық тек америкалық үстемдікті сақтауға арналған нақты әдістерде ғана болып тұр.

Беделді америкалық басылым авторлары әлемдегі тәртіпке бүгінде тоқырау келгенін және басты қауіп коронавирус емес, Ресей мен Қытай екенін алға тартады.

Алайда, Екінші дүниежүзілік соғыстан кейін Америка Құрама Штаттары негізін қалаған көпжақты жүйе коронавирус пандемиясына дейін әлемдегі өзекті мәселелерді тиімді шеше алмай келген. COVID-19 патшаның жалаңаш екенін көрсетсе, шындығында, патша біраз уақыттан бері жұпыны киімде жүрген еді.

Әлемдік экономикалық ауырлық күші Үнді-Тынық мұхиты өңіріне қарай ығысқаннан кейін жаһандық амбициясы бар құрылымдарға аталған өңірдегі маңызды өкілдіктерсіз үстемдік құру қиынға соқты. Алайда, 1973 жылғы мұнай шогынан кейін құрылған G7-де Еуро-Атлантида аумағынан тыс бір ғана мүше бар, ол – Жапония. 1997 жылғы азиялық қаржы дағдарысынан кейін құрылған және 2008 жылғы дағдарыс кезінде өз тиімділігін көрсеткен "үлкен жиырмалық" саяси және халықаралық проблемаларды шешу көзқарасы бойынша сәйкес келмейтіні анықталды. Ал, БҰҰ Қауіпсіздік кеңесі Ресей мен Қытайда агрессивті өктемшілдіктің пайда болуымен дел-сал күйде болатын.

Бұл "Барлығы құрыды және жұмыс жасамайды! " деген тезиске дәл келетін диагноз іспеттес.

Сәйкесінше, бірі Трамптан, бірі Джонсоннан екі шешім ұсынылып отыр. 

Джонсон алғашқылардың бірі болып жаңа құрылым құруды ұсынды. Мамыр айында ол G7 мен Австралия, Үндістан және Оңтүстік Корея елдерінен құралған жетекші он демократиядан тұратын альянс құруды және оны D10 деп атауды ұсынды. Бұл ұйым телекоммуникациялар саласындағы саясатты үйлестіруге және 5G техологиясымен басым тұрған қытай нарығының көшбасшысы Huawei брендіне балама әзірлеуге бейімделмек.

Осыдан кейін Трамп маусымдағы G7 кездесуін кейінге қалдырып, күзде G11 форматында бас қосуды ұсынды. Джонсон ұсынысынан асып түсуді мақсат тұтатын Трамптың жаңа тобы дәл сол он елмен қатар Ресейді де қосуды ұсынады.

Foreign Affairs сарапшылары Ресейді бұл клубқа енгізбеуді ұсынып, D10 нұсқасына қолдау көрсетіп отыр. Олардың пайымдауынша, Ресейді қалай болғанда да антиқытайлық күреске қатысуға көндіргенмен, Трамп схемасы бәрібір нашар сипатқа ие және ұзақмерзімді уақытта келешексіз болып қалуы мүмкін. Ал, Джонсон иедясынан Қытайға қарсы одақ құруға емес, әлемде барлығы жақсы болуы үшін бірігуге шақырған позитивті үндеуді табуға болады.

Позитивті үндеу – бұл "Демократия", "Бостандық" және "Адам құқығы" секілді лозунгтер. Мұндай позитивті үндеудің пайда болуы Вашингтонның қазіргі сыртқы саясатына қарсы келіп тұр: "Құрама Штаттар Қытай басқарып отырған Азия инфрақұрылымдық инвестициялар банкіне, "Бір белдеу – бір жол" бастамасына және Ресей қолдау көрсетіп отырған "Солтүстік ағыны - 2" бастамасына қарсы болуы мүмкін. Бірақ, сенімді балама ұсына алмаса, басқа елдерді көндіру қиынға соғады. Вашингтан ештеңе қолданбай бірдеңені жеңе алмайды".

Алайда, "АҚШ-та жасалған" деген затбелгісі бар "демократия" мен "бостандық" Германия үшін ресейлік газды немесе Италия үшін қытайлық инвестицияны алмастыра алмасы анық. Бұл мәселені ақшамен шешуге болар еді. Бірақ, Вашингтонға мұндай қарым-қатынас керек емес. Байденге де, Трампқа да колониялар қажет. Бірақ, Еуроодақты бұл жағдайға кері қайтару мүмкін емес. Одақтың D10 немесе G11 форматында болуы аса үлкен рөл ойнап тұрған жоқ.

305
зертхана, коронавирус

Эпидемиямен күрес халықаралық жарысқа айналды ма?

74
Коронавирус пандемиясы әлем экономикасын тізе бүктіргеннен кейін шамамен бір айдан соң саяси және медиа әлемінде вакцина-жарыс деп атауға сұранып тұрған халықаралық бәсекелестің жаңа "жанры" пайда болды

Коронавирустың ұжымдық Батысқа жасаған екі дүркін психологиялық жарақаты есебінен бұл жарыста жеңіске жету батыс қоғамы үшін тек саяси ғана емес, өзіне деген құрметті сақтап қалуға ықпал ететін бірбеткейлікке негізделді.

Гуманизмді жоғары қоятын кез келген адам үшін батыстың "вакцина-жарысына" деген қуатты құлшынысын түсіну қиын. Алайда, мұны АҚШ пен Ұлыбританияның басты индустриясы, яғни, саяси және коммерциялық пиар көзқарасымен түсіндіруге тырысып көруге болады.

Пиар-кеңістікте ұжымдық Батыс, соның ішінде, АҚШ пен Ұлыбритания бірнеше ауыр "коронавирустық соққы" алды. Біріншіден, анықталғандай, алыстағы Қытай эпидемияға тойтарыс беру ісінде сәтті шаралар қабылдап, тап болған проблеманы ертерек түйсінді және экономикалық шығынды тиімді шектей алды. Олардың жанында АҚШ пен Ұлыбритания да, сондай-ақ, Еуроодақтың кейбір елдері америкалық патриоттар үшін үлгі бола алмайды.

Келесі соққы Ресейде коронавирус салдарынан қайтыс болғандар санының аздығы және жаппай тестілеу шараларын жолға қоя білген шақта болды. Мұның барлығы батыстық БАҚ-тың "Ресей статистиканы бұрмалауда" деген секілді айыптауларды қарша боратуына алып келді. Міне, осы жағдайдың салдарынан, қажетті шығындар мен кез-келген қауіп-қатерге қарамастан, ұжымдық Батыс және батыстық бірқатар өр саясаткерлер үшін вакцинаны ойлап табуда алғашқы болу ел имиджі үшін аса маңызды болып отыр. Себебі, олар кезекті рет "АҚШ – әлемдегі нөмірі бірінші" екенін дәлелдеу керек.

Бірақ, америкалық БАҚ-тағы мақалаларға көз жүгіртсек, екіұдай сезім қалыптасады. Себебі, партиялық ұстанымына және Дональд Трампты жақтауы немесе даттауына қарай, кейбір редакциялар вакцинаны әзірлеумен айналысып жатқан америкалық компанияларға қолдау көрсетсе, кейбірі британдық, неміс, тіпті үндістандық компаниялар мен университеттерге қолдау көрсетуге дайын. Олардың пайымдауынша, "вакцина-жарыстағы" барлық сый-марапат "жөні түзу" кез келген мемлекетке бұйырса болғаны. Бастысы, "қарғыс атқыр Дональд Трамп режимі" саяси бонуссыз болуын қалайды.

Макродеңгейде де осы тектес дау бар. Кейбір неміс БАҚ-тарының бағалауы бойынша, НАТО немесе G7 бойынша өз серіктестерімен күш-қуатты үйлестірудің орнына, ресми Вашингтон антикоронавирустық маңызды әзірлемелері бар биотехнологиялық компанияны Германиядан АҚШ-қа "жер аударғысы" келген.

Сол себепті, Ресей немесе Қытай коронавирусқа қарсы вакцинаны ойлап табуға және оны жаппай қолдануға жақын қалды деген сыңайлы ақпараттар батыстық ақпарат көздерін есеңгіреткен үстіне есеңгіретіп жатқаны анық.

Осы жылдың күз мезгілінде медиктерді жаппай вакцинациялау жөніндегі ресейлік жоспар мен қытайлардың вакцинаны сәтті сынақтан өткізгені туралы ақпаратқа The Wall Street Journal басылымында шыққан америкалық бас инфекционистің ұстанымын мысал ретінде келтіруге болады:

"АҚШ-тың инфекциялық аурулар жөніндегі бас сарапшысы дәрігер Энтони Фаучи конгрестің COVID-19 жөніндегі шағын комитеттің тыңдауында АҚШ Қытай немесе Ресейде әзірленген вакциналарды қолданбауы ықтимал екенін мәлімдеді. "Орыстар немесе қытайлар вакцинаны біреуге егуден бұрын оны тестілеуден өткізеді деп үміттенемін", - деді ол. – Тестілеу жүргізгенге дейін аталған вакцинаны ел арасында таратуға дайын екендігін мәлімдеу проблемаға алып келері анық". Фаучи АҚШ вакцинаны осы жылдың соңына қарай алатынын мәлімдеді.

Bloomberg ақпарат агенттігі келтірген түрлі елдерден жеткізілетін ықтимал вакциналардың салыстырмалы талдауы бойынша Фаучидің америкалық Moderna компаниясының өніміне иек артып отырғаны байқалады. Алайда, мақала жазылған сәтте Bloomberg трекерінде ресейлік әзірлемелер болған жоқ. Бұл батыстық оқырманның түйсігінде ресейлік вакцина ауадан пайда болғандай сипат қалдыруы мүмкін.

"Вакцина-жарыстың" одан әрі қалай өрбитінін қазірден болжауға болады: ресейлік немесе қытайлық вакциналарды адам өміріне қауіпті деп танып, мұны фейк ақпараттармен негіздеуге тырысады. Ал, мұндай жалған жаңалыққа ә дегеннен сене қоймайтын аудитория үшін вакцина жарамды болғанымен, орыстар оны қытайлық, ирандық, ресейлік хакерлердің көмегімен ұрланған мәліметтер арқылы жасады дегенді алға тартпақ. Сонымен қатар, Ресей мен Қытайды "вакциналық ұлтшылдыққа" жол берді және эпидемиямен күресті халықаралық жарысқа айналдырып жіберді деп айыптап, Бейжің мен Мәскеуге тәуелді болмас үшін америкалық өндірістегі вакцинаны дайындау қажеттілігін де қоса насихаттайтын болады.

Мұндай әдістің салдарынан батыстық медиа "машина" өз аудиториясының сенімін жоғалтуын жалғастыра бермек. Мұның ақыры ресейлік және қытайлық жалған ақпаратпен күресуге шақыратын баспасөз конференцияларына және тиісті америкалық және еуропалық құрылымдардан беделді қалпына келтіру үшін бюджет бөлуін талап етуіне алып келеді. Ал, сенім деген шыны секілді өте нәзік дүние. Қалпына келуі екіталай.

74
ноутбук, планшет

Батыс Қазақстанда 100 ноутбук алу үшін бөлінген қаржы қолды болды

0
Аудандық білім бөлімінің луаузымды тұлғалары қызмет бабын пайдалана отырып, ірі көлемде бюджет қаржысын ұрлағаны үшін айыпталып отыр

НҰР-СҰЛТАН, 7 тамыз – Sputnik. Батыс Қазақстан облысында төтенше жағдай кезінде оқушыларға ноутбук сатып алуға бөлінген қаржы ұрланды. Бұл туралы сыбайлас жемқорлыққа қарсы іс-қимыл агенттігі мәлімдеді, деп хабарлайды Sputnik Қазақстан тілшісі.

Ресми мәліметке сәйкес, "БҚО Қаратөбе ауданының білім бөлімі" мемлекеттік мекемесінің лауазымды тұлғаларына қатысты сотқа дейінгі тергеу басталды. Олар қызмет бабын пайдалана отырып, ірі көлемде бюджет қаржысын ұрлағаны үшін айыпталып отыр.

"2020 жылдың мамыр айында Қазақстан аумағында төтенше жағдай енгізілген кезде мердігерлік ұйымның бір топ адамымен бірлесіп, 100 дана ноутбук сатып алуға бөлінген 6 миллион теңгеден астам бюджет қаражатын жымқырды", - делінген ресми хабарламада.

Айта кетейік, биыл жаңа оқу жылы да қашықтан оқыту форматында басталады. Осы орайда мемлекет басшысы Қасым-Жомарт Тоқаев оқушыларды қажетті техникалық құралдармен қамтамасыз етуге тапсырма берген. Себебі, төтенше жағдай кезінде компьютерлердің тапшылығы сезілді.

4 тамызда өткен үкіметтің онлайн отырысында білім және ғылым министрі Асхат Аймағамбетов қолында ешқандай құрылғысы жоқ балалардың өзі аз емес екенін айтты. Олардың саны 185 мыңнан асады. Әсіресе, көпбалалы, жағдайы төмен және жетім балаларды қажетті техникамен қамтамасыз ету мәселесі өзекті болып тұр.

Оқи отырыңыз: Жаңа оқу жылында студенттер қалай оқиды – білім министрі түсіндірді

Министр 1 қыркүйекке дейін оқушыларға 500 мың компьютерді таратып беруге уәде берді. Бұдан бөлек, 24 мың мұғалімде арнайы құрал-жабдықтар жоқ. Оларға мектеп техникасы уақытша беріледі.

0
Кілт сөздер:
жемқорлық, оқушылар, ноутбук
Тақырып:
Төтенше жағдай және карантин
Тақырып бойынша
Оқушылар жаңа оқу жылында қалай білім алады – білім министрлігінің жауабы
Қазақстанда жаңа оқу жылында мектеп формасы міндеттелмейді
Жаңа оқу жылында студенттер қалай оқиды – білім министрі түсіндірді
Қашықтан оқу кезінде мұғалімдер есеп бермейді – министр
Спортшылар мен жаттықтырушылар онлайн сабақ өткізеді