АҚШ президенті Дональд Трамп

Кремль Трампты құтқармақ па?

62
АҚШ-тағы толқуларға Дональд Трамп және ... Ресей жауапты. Ия, көп ұзамай осылай болады. АҚШ президентінің қайта сайлануын болдырмас үшін оған қарсы күрестің барлық тәсілдерінен кейін "вашингтондық батпақ" қайтадан о бастағы ұстанымына оралды: бәріне орыстар кінәлі

Олар 2016 жылы Дональд Трампқа көмектесті және қазір де көмектесіп жатыр, енді олар әлеуметтік желілерде емес, Америка қалаларының көшелерінде қорқыныш пен өшпенділікті қоздыруға көшті, деп жазады РИА Новости. 

Бұл қалайша болғаны? Күні кеше ғана америкалық БАҚ бүкіл әлемді Құрама Штаттарындағы қарсылықтар бейбіт сипатта өтіп жатқанына және нәсілшідлік пен полиция қызметкерлеріне қарсы екеніне сендіруге тырысты емес пе?

Сонда дұрыс жүйедегі наразылықтарды "дұрыс емес" орыстар ұйымдастырып отыр ма?

Бұл жөнінде Джо Байден әзірше еш мәлімдеме жасамағанымен, конгрестегі беделді демократтар пікір білдіруге көшкен. Мысалы, барлау жөніндегі комитет басшысы Адам Шифф күні кеше CNN-ге берген сұхбатында былай деді:

"-Төрт жыл бұрын орыстар Black Lives Matter-ді пайдаланды, олар желіге өздерінің арандатушылық әрекеттерін жариялап, халықты нәсілдік белгілері бойынша бөлуді мақсат тұтты. Біз де...

- Олар мұны қазір де жасап жатыр ма?

- Олар тағы да қолдан келгеннің бәрін жасауда, әлеуметтік желіде, өз БАҚ-тарында және басқа жерде ".

Яғни, орыстар өз БАҚ-тарында ғана емес, америкалық әлеуметтік желілерде және қала көшелерінде Американың жігін ажыратып жатыр ма? Осы тектес далбасаға қатысты Fox News тележүргізушісі Такер Карлсон пікір білдірмей тұра алмады:

"Сіздерге жаулас державаның агенттері ұсынған жалған ақпарат таратылып келді. Ол, сондай-ақ, Facebook әлеуметтік желісін де бақылауға алған. Ия, дұрыс, ханымдар мен мырзалар, орыстар жасанды тәртіпсіздіктер жасап, Джо Байденді айыптады. Расымен де осыған сенесіздер ме? Твиттердегі бірқатар демократтар осыған сеніп отырғанын байқадық. Ал, Адам Шиффтің мәлімдемесі жаға ұстатады. Бұл азаматтың ақылынан адасқаны және стационарлық емдеуді қажет ететіні көрініп тұр. Ал, Демократиялық партияның басқа жетекшілері ше? Олар да ессіз бе? Жоқ. Олар жай ғана өтірікшілер".

Демократтар көшбасшыларының алаяқтығы ешкімді таң қалдырмайды, бірақ, қазір олар ептіліктің ерекше қабілетін көрсетті. Олар жаңа ғана тәртіпсіздіктер фактісін жоққа шығарып, бейбіт сипатта өтіп жатқанын мәлімдеген еді, енді, зорлық-зомбылықты мойындауға мәжбүр болып отыр. Трамп болып жатқан оқиғаны ішкі терроризм деп атайды, ал демократтар бұған Ресей кінәлі екенін меңзеп отыр. Түсінікті емес пе: наразылық білдіру үшін жақсы адамдар көшеге шықты, бірақ, "орыс насихатының" құрбанына айналған жаман ниетті көтерілісшілер оларға араласып кетті. Міне, осының бәрі Трамптың жеңілісі үшін емес, оның жеңісі үшін жұмыс істеп жатқан көрінеді. Бұл Путиннің айлакерлік жоспары-мыс.

Есалаңдық па? Жоқ, шарасыздық. Шындығында, осы жылдың көктемінде-ақ Трамп жеңіске жетіп, қайта сайлануға келе жатқаны анық еді. Импичмент жариялау әрекеті де, оған өшпенділікті қоздыру да еш әсер ете алмады. Бірақ көп ұзамай коронавирус Америка Құрама Штаттарына жетті де, экономика құлдырай бастады, ал жазда "нәсілшілдік" толқулар басталып, демократтар енді Трампты жеңе аламыз деп шешті.

Алайда, экономикалық проблемалар да, тәртіпсіздіктер де президентті "құлата" алмады. Керісінше, тәртіпсіздіктер қаншалықты көп болса, Трамп соғұрлым көп ұпай жинай бастады. Ол Америкаға "заң мен тәртіптің" қажет екенін қайталаудан танбаса, америкалықтардың басым бөлігі оның осы пікірімен келісіп отыр. Демократтар өздері басқаратын аумақтарда тәртіпті қалпына келтіруі керек-ақ еді. Бірақ, олай болғанда Трамп "менің айтқаным дәл келді, тәртіпсіздіктерді о баста-ақ доғару керек еді" дейтіні анық. Сондықтан, қазір демократтардың жағдайы мүшкіл. Олар қақтығыстарды жақтаса да, даттаса да, хәлі одан әрі ушығып, позициясы дүдәмал күйде қалмақ.

Қазіргі әрекеттеріне қарағанда, қақтығыстарды ақырындап мойындау, бірақ, оның кінәсін Трамп пен Ресейге арту тактикасы қабылданған секілді. Бұл сол баяғы "орыс Трамп" деген қағиданың аясында болмақ.

"Біз ресейлік қарулы күштер Сириядағы америкалық сарбаздарға шабуыл жасап, оларды жаралағаны туралы хабарламаны естідік. Трамптың тарапынан қандай да бір әрекет болды ма? Ресеймен қарым-қатынаста осыншалықты "ләппай, тақсырға" көшкен президент Америка тарихында болмаған. Бұл – нағыз қорлық", - дейді Джо Байден.

Байден штабының соңғы мәлімдемесі мынандай мазмұнда болды:

"Президент Трамп Владимир Путин осы жолы да кандидатурасын қолдап, оның біздің елді үлкен проблемаларға бастайтын саясатын еш кедергісіз жүзеге асыруға ықпал етеді деп үміттеніп отыр. Ол өзі қайта сайлануы үшін Владимир Путиннің қандай қадамдарға баратынын америкалықтардың білгенін қаламайды. Себебі, Дональд Трамптың сыртқы саясаты – Кремьлге тарту етілетін сыйлық".

Мұндай мәлімдеме АҚШ Ұлттық барлау қызметінің директоры Джон Рэтклиффтің өкілдер палатасының барлау комитетінің мүшелері үшін алдағы президент сайлауы кезіндегі қауіпсіздікті қамтамасыз ету мәселелеріне қатысты ауызша брифингтер ұйымдастыруға тыйым салу туралы шешімінен кейін жасалды. Енді оларға тек жазбаша түрде ақпарат ұсынылады. Рэтклиффтің айтуынша, бұл құпия ақпараттың таралып кетуіне және оның бұрмалануына кедергі болады.  

"Осы тектес кезекті брифингтен кейін БАҚ алдына шыққан конгресс мүшелері журналистерге саяси мақсатта құпия ақпаратты жайып салды. Бұл Қытайға қарағанда Ресей ұлттық қауіпсіздікке үлкен қатер төндіріп тұрғаны жайлы жалған картина қалыптастыру үшін қажет болды. Әрине, мен Ресейдің рөлін төмендеткім келмейді. Ол біздің ұлттық қауіпсіздікке үлкен қауіп төндіріп тұр. Алайда, Қытай тарапынан болып жатқан қауіп-қатер әлдеқайда ауқымды", - деді Рэтклифф.

Ұлттық барлау қызметінің директоры айтқанына сәйкес, арнайы қызмет өкілдерінің өзі конгресмендер Трамппен күресте барлау қызметінің ақпараттарын бұрмалайтынын мойындап отыр.

Қалай болғанда да, америкалықтар, соның ішінде, демократтар үшін қандай жағдайда да "орыстар кінәлі" деп жариялау әдетке айналған. Өздері тап болған тығырықтан шығу үшін олар үнемі осы ұстанымды берік ұстанып, сол сөзіне өзгелерді сендіруге әрекет етіп келеді.

62
Теңге, ақша

Зейнетақы жинағын беру халыққа шынайы көмек пе?

2491
(Жаңартылды 21:01 20.09.2020)
Қазақстанда зейнетақы жинағының бір бөлігін пайдалануға рұқсат беру жайы былтырдан бері қозғалып жүр

Айлығы шайлығына жетпейтін қазақстандықтар үшін бұл жаңалық қараңғы туннельдің соңындағы үміт сәулесіндей көрініп еді. Алайда бөркін аспанға атқан ел-жұрттың қуанышы су сепкендей басылды.

Еңбек министрлігі жыл басында 113 мың қазақстандыққа ғана зейнетақы жинағын шешіп алуға рұқсат берілуі мүмкін екенін мәлімдеді. 30 жастағы ер адамдардың шотында кемінде 6 миллион, ал әйелдерде 9 миллион теңге болуы шарт еді. Есеп-қисап жасау кезінде министрлік әйелдердің ерлерге қарағанда көбірек өмір сүретінін есепке алыпты.

Мемлекеттік органның бұл ұсынысы экономистердің де, қарапайым халықтың да ашуына тиді. Елдегі орташа жалақының 200 мың теңгеден сәл ғана асатынын ескерсек, отыз жастағы салымшының шотына 9 миллион қайдан келсін?!. Билік осы арқылы халыққа Бірыңғай жинақтаушы зейнетақы қорындағы ақшадан үміт үзіңдер дегісі келгендей еді.

Осылайша зейнетақы жинағына қатысты алғашқы ұсыныстар қоғамның сынына ұшырады. Бұл мәселеге президент те араласты. Міндет – зейнетақы жинағының бір бөлігін алу мүмкіндігіне ие болатын азаматтардың санын арттыру. Арада жеті-сегіз айтты. 1 қыркүйекте мемлекет басшысы Қасым-Жомарт Тоқаев жыл сайынғы жолдауын жария етті. Басты жаңалық – 2021 жылдан бастап зейнетақы жинағының бір бөлігін пайдалануға рұқсат ету. Үкімет пен парламентке жыл соңына дейін заңнамалық өзгерістерді әзірлеп, қабылдау тапсырылды. Зейнетақы жинағы баспанаға, емге немесе сенімгерлік басқаруға беріледі.

Барша халықты мазалаған ендігі сұрақ – жинақты алу үшін шотта кемінде қанша ақша болуы керек? Еңбек министрлігі ұзақ күттірген жоқ, әр жас үшін жеткіліктілік шегінің мөлшерін жария етті.

Жаңа есептеулерге сәйкес, зейнетақы жинағын пайдалана алатын бақытты қазақстандықтардың тізімі 6 есеге, 721 мыңға дейін көбейген. Жеткіліктілік шегі де әжептәуір төмендеген сияқты еді. Бірақ, бұған қуанған халықты байқамадық. Елдің көңіл-күйі жоқ, жабырқау. Қарапайым халықтың емес, тағы да сол баяғы бай-бағландардың сойылын соққан билікке өкпелі. Ренжитін жөні бар – зейнетақы шоты бар салымшылардың басым бөлігінде зейнетақы жинағы жеткіліктілік шегінен аспақ түгілі, маңына да жақындамайды.

Мәселен, 20 жастағы азамат жинағының бір бөлігін алғысы келсе, шотына ең кемі 1 миллион 720 мың теңге жиналуы шарт екен. Оқу орнын енді ғана тәмамдаған адамға мұндай ақша қайдан келеді? Еңбекке 18 жастан бастап араласқан күннің өзінде, айналдырған екі жылдың ішінде екі миллион жинау мүмкін емес. Жоғарыда аға-көкесі бар бай баласы болмаса, әрине. Екі жылда 1 миллион 720 мың теңгені жинау үшін жалақың 750-800 мың теңгеден кем болмауы керек. Осыдан-ақ, жеткіліктілік шегінің мөлшері халықтың 80-70 пайызы үшін тым жоғары екені көрінеді.

Тағы оқыңыз: Зейнетақы жинағын пайдалану: кім, қашан және қалай жұмсай алады

Экономистердің айтуынша, зейнетақы жинағын пайдалану мүмкіндігіне ие болғандардың саны БЖЗҚ салымшыларының 10%-іне де жетпейді. Ал бұл он процент – басында баспанасы бар дәулеттілер деп топшылауға әбден негіз бар.

БЖЗҚ бір есебінде салымшылардың 70%-іне жуығында зейнетақы жинағы орташа есеппен 1 миллион теңге екенін, ал 97%-інде ақша 5 миллионнан да аспайтынын мәлімдеген еді. Қазақстанның әр өңірінде жалақы мөлшері де әртүрлі.

Мемлекеттік органдарға осы мәселелерді електен өткізіп, жеткіліктілік шегін тағы бір қарастырған жөн болар еді. Әйтпесе, шекті сома дәл осы күйде қалса, көмекке мұқтаж қазақстандықтардың саны артпаса, азаймайтыны аян.

Зейнетақы жинағын алуға рұқсат беру арқылы мемлекеттің өз көздегені де бар. Коронавирус пандемиясы ел экономикасын әбден тұралатты. Жұмыссыздық, жалақының қысқаруы, бюджет түсімдерінің азаюы. Халықтың төлем қабілеттігі төмендеді. Қолдарында ақша жоқ. Ақша болмаған жерде сұраныс болмайды. Сұраныс болмаса, экономика жұмыс істемейді.

Зейнетақы шотындағы ақшаға рұқсат беру – ел экономикасының тамырына қан жүгіртудің бір жолы.  Сарапшылар азаматтардың дені жинақты баспанаға жұмсайтынына сенімді. Бұл дегеніміз, тұрғын үйлерге сұраныс артып, құрылыс саласы жанданады деген сөз.  Десе де, таяқтың екі ұшы болатыны секілді, мұның да теріс әсері бар: баспана бағасы күрт шарықтап кетуі мүмкін.

Баспанадан бөлек, зейнетақы жинағын ипотеканы өтеуге немесе қайта қаржыландыруға рұқсат етілді. Экономистер мемлекет осы арқылы банктерге қол ұшын созудың тағы бір жолын тапқан сыңайлы деп отыр. Билік бұл уәжбен келіспейді, әрине.

Зейнетақы жинағын мақсатты түрде жұмсауға рұқсат беру көлеңкелі экономиканың үлесін азайтуға септігін тигізуі мүмкін. Жаңа бастама өзін-өзі жұмыспен қамтығандар мен жалақысын "конвертпен" алатын жұмысшыларды ынталандыруы мүмкін. Олар "жарыққа" шықса, ел қазынасына қосымша түсім түседі. Ал пандемия кезіндегі дағдарыс жағдайында мемлекетке әр тиын қымбат.

Зейнетақы жинағының бір бөлігін пайдалануға беру қазақстандықтардың БЖЗҚ-ға деген сенімін арттырудың және зейнетақы жинағына көзқарасты өзгертудің таптырмас жолы екенін де ескерген жөн. Зейнетақы қорының төңірегіндегі даулардан кейін, халық шотқа аударылатын ай сайынғы 10 процентті қамсыз қарттықтың кепілі емес, мәжбүрлік ретінде көретіні жасырын емес.  

P.S. Жаңа бастаманың шикі тұстары көп-ақ. Әйтсе де, қаңтарға дейін екі-үш ай уақыт бар. Зейнетақы жинағын алуға рұқсат бергеннен кейін, қартайғанда алатын ақша өмір бойғы бейнеттің зейнетін көруге жетпей қалады деген де қауіп бар. Бұл мәселені шешудің бір жолы – азаматтардың жалақысын өсіру. Бастысы – "артық қыламын деп тыртық қылмау".     

Тілшінің көзқарасы Sputnik Қазақстан редакциясының көзқарасымен сәйкес келмеуі мүмкін.

2491
Кілт сөздер:
зейнетақы
Тақырып бойынша
Nur Otan партиясы зейнетақы жинағының бір бөлігіне салық салмауды ұсынды
Экономист баласы бар отбасыларға зейнетақы жинағын алуға рұқсат беруді ұсынды
Алексей Навальный, архивтегі сурет

Германия Алексей Навальныйдың "үнін өшірмек"

790
Алексей Навальныйдың Ресейге оралуға деген ықыласы немістерді өте жағымсыз және қиын жағдайға душар етуі мүмкін

Алексей Навальный әлеуметтік желіде өзінің ауруханаға жатқызылғаннан кейінгі алғашқы суретін жариялады. Сондай-ақ, ол өзінің бойында байқалған оң өзгерістермен қатар, денсаулығындағы кейбір кінәраттар туралы да жазды, деп хабарлайды РИА Новости.

Дүйсенбіде өткен баспасөз мәслихатында Германияның сыртқы істер министрі Хайко Маас блогердің улануына қатысты жасалған тұжырымдарды сынға алуды тоқтатуды талап етті. Өйткені, Франция мен Швециядағы кейбір тәуелсіз зертханалар да бундесвер мамандарының қорытындыларын растаған. Зертханалар туралы ақпарат құпия болғандықтан, олардың қандай зертханалар екендігі әзірге белгісіз.

Ведомство басшысының тілегі орындалуы да екіталай. Бірақ нәтиженің керісінше болуы да ықтимал, өйткені Алексей Навальный неміс билігіне күтпеген "соққы жасамақ".

New York Times басылымы ГФР қауіпсіздік органының жоғары лауазымды өкіліне сілтеме жасай отырып, Навальныйдың ауруханадан емделіп шыққаннан кейін "өзінің қызметін жалғастыру" үшін Ресейге оралуға ниетті екендігін жазған.

Егер газетте жазылған ақпарат шындыққа жанасса, Навальный үшін қуануға болады. Себебі, дәрігерлер науқастың жағдайының ауырлығын ескере отырып, оның жазылып шығатынына толықтай кепілдік бермеген еді.

Жалпы, соңғы ондаған жыл ішінде Ресейден көп адам қоныс аударған. Олардың арасында белгілі қоғам және саяси қайраткерлер де бар. Бұған лауазымды тұлғалардың қоғам алдында өз салмағын жоғалтуы, соның нәтижесінде эмигранттардың қатарына қосылып, ешқандай назарсыз қалуы себеп болып отыр.

Кремльмен ымырасыз күресушілер өздерінің нық ұстанымдарымен бірге қаржылық мүмкіндіктерінен де айырылды. Ал ресейлік оппозиционерлер арасында Михаил Ходорковский сияқты байлар аз.

Оқи отырыңыз: "Солтүстік ағын – 2" жобасының тағдыры не болмақ? – видео

Нәтижесінде, олар не істейді? Қазір олар Прагадағы, Ригадағы немесе Лондондағы қарапайым пәтерлерінде отырып, әлеуметтік желілерге іштегі запыранын төгеді. Болмаса, Петр Павленский сияқты қиын жағдайға душар болуы мүмкін.

Жыл өткен сайын "Мен Ресейден мәңгілікке кетемін, менсіз мақұрым қалсын", деген пікірлер сирек те болса естіліп жатыр.

Алексей Навальный үшін де мұндай жағдай өте тиімсіз болар еді. Себебі, ол Ресейдің ең танымал оппозиционеріне айналып қана қоймай, өз жақтастарынан қаражат жинаудың өте тиімді жүйесін құрды. Ол барлық жағынан өзінің жағдайын жасап алды: мәселен, әрдайым отбасымен бірге шетелдің қымбат курорттарына демалуға барады, қызын Стэнфорд университетіне оқуға түсірді.

Блогердің осы кезге дейінгі барлық тапқан-таянғаны мен жиған-тергенінен өз еркімен бас тартып, екінші Скрипальға айналғысы келмейтіні таңғаларлық жағдай емес. Себебі, Скрипальді британдық барлау агенттіктері ежелгі Солсберидегі жайлы өмірінің орнына әлемнің ең бір қиыр шетіне жіберген еді.  Ал мұның бәрі Скрипальдің бас барлау басқармасының "кісі өлтірушілерінен" құтылу туралы аңыз-әңгімені қолдағанынан басталып еді.

Бұл жерде Алексей Навальныйдың жеке мүдделері мен оның батыс суреттеген ауруының арасында түбегейлі қайшылық бар. Немістер "оның жеке қауіпсіздігі үшін Навальныйдың өз отанына оралуын" қажет деп таппайды. Бірақ блогердің қайтадан Ресейге оралуға деген құлшынысы Ресей билігі тарапынан оның өміріне ешқандай қауіп төніп тұрмағанын және улану туралы мәселеге сенбейтінін көрсетеді.

Бір қызығы, неміс тарапы Мәскеуге Навальныйдың диагнозын растайтын кез-келген ақпаратты беруден бас тартып отыр. Ресейдің бас прокуратурасы тексеріс жүргізу үшін неміс әріптестерінен блогердің денсаулық жағдайына қатысты анықтаманы сұратқан еді, ал Берлин тарапы үнсіз. Алайда, блогердің "Шаритэ" клиникасынан өзімен бірге алып келетін анықтамасы негізінде Ресейдің құзыретті органдары біраз жәйттің бетін ашуы мүмкін.

Жалпы, Алексей Навальныйдың Ресейге оралуға деген ықыласы немістерді өте жағымсыз және қиын жағдайға душар етуі мүмкін, өйткені оларға өздерінің бірнеше апта бойы айтқан "сандырағын" түбегейлі теріске шығару қаупі төніп тұр.

Осыған ұқсас жағдайды кезінде британдықтар жақсы пайдаланды. Мәселен, Скрипальдың улануына қатысты шоу өзінің ауқымымен, егжей-тегжейлі детальдерімен есте қалды. Бұл ретте, "құрбан" рөліндегі адам да өте сауатты таңдалды: себебі, ол өзінің жетекшілерінің айтқанымен жүріп, айдауына көнетін, ешкімге қызықсыз және қажетсіз бұрынғы тыңшы болатын. Бірақ бұл жерде Лондон Скрипальға ешқашан артық әрекет етуге, тіпті журналистермен немесе дипломаттармен сөйлесуге мүмкіндік бермеген еді.

Ал Алексей Навальныйды бүкіл отбасымен ресейлік оппозиционердің "тәтті өмірінен" өз еркімен бас тартуға көндіру немістер үшін өте маңызды міндет болмай қалуы мүмкін.

Блогер үшін жағымсыз жаңалық, оның Ресейге оралуы Берлинде әзірленген "ботқаға" байланысты күрделі мәселе тудыруы мүмкін. Сондықтан Ресей бұл түйткілді шешу үшін "сендіру" және "өз еркімен" деген сөздерді қолдануды қажет етпейтін әдістерге жүгіне алады.

790
Кілт сөздер:
Ресей, Германия
Ағылшын ауылының тұрғындары

Қазақстандық олигарх Англияда 200 үй салғалы жатыр: тұрғындар наразылық білдірді

0
(Жаңартылды 21:36 21.09.2020)
БАҚ қазақстандық олигархтың ағылшын ауылындағы сатып алған жеріне 200-ден астам үй салғалы жатқанын хабарлады

АЛМАТЫ, 21 қыркүйек – Sputnik. XII ғасырда іргесі қаланған ұлыбританиялық Ист-Хосли ауылының тұрғындары қазақстандық миллионер Нұрлан Бизақовты сотқа беруге дайын отыр. Қазақстандық сол аймақтағы өзіне тиесілі жылқы зауыты аумағына 205 тұрғын үй кешенін салғалы жатыр, ал тұрғындар бұған наразылық танытуда, деп жазды Daily Mail.

Басылымның хабарлауынша, ауыл тұрғындары бұл құрылыс сол елді мекеннің тарихи келбетін бұзатынына сенімді.

2010 жылы Нұрлан Бизақов Шығыс Сассексте Hesmonds жылқы зауытын сатып алған. Жергілікті тұрғындар бастапқыда бұл жаңалыққа қуанған еді, себебі олигарх зауыттың көркеюіне миллиондаған доллар қаржы құйды.

Алайда жақында Бизақовтың сол аймаққа 205 тұрғын үй салуға рұқсат алғаны белгілі болды. Енді тұрғындар миллионерге және оның бұл жоспарына қарсы болып отыр, олар тіпті Бизақовпен сот арқылы күресуге дайын.

Қазақстандық олигархтар Лондондағы пәтерлерін сатып жатыр: байлар неден қашты? 

Ауылда шамамен 500 үй бар. Алайда тағы екі жүз үй салу туралы жаңалық тұрғындарды қуантпады.

"Барлығы Бизақовтың миллиондаған қаражат құйғанына қарап оны керемет деп санайды. Алайда мұндай ауқымды құрылыс бірегей ауылды құртады, бұл елді мекеннің іргесі мың жыл бұрын қаланған. Бизақов Францияға (Бизақовтың бұл елде де жылқы зауыты бар – Sputnik) тарихи ауылды жоюдан тапқан миллиондаған қаражатты өзімен бірге алып кеткенде ғана бұл іс шешілетіндей көрінеді", - деді жергілікті тұрғындардың бірі Джонатан Уокер.

2017 жылы Нұрлан Бизақов Forbes рейтингісі бойынша Қазақстанның ең бай 50 бизнесменінің қатарына енді. Оның байлығы 445 миллион доллар деп бағаланды. Әр жылдары Бизақов Қазақстанның ұлттық компанияларында жоғары қызметтер атқарған.

0
Кілт сөздер:
бизнесмен, Ұлыбритания
Тақырып бойынша
Қазақстандық бай-манап елді шулатқан Париждегі қымбат үйін сатып жатыр
Олигарх Мақсат Әріптің 17 миллион доллар тұратын үйіне бұғау салынды
Министр Нұрымбетов ауқатты адамдар қай өңірлерде тұратынын айтты