WorldSkills Russia

WorldSkills Russia ұлттық чемпионаты жаңа форматта өтеді

41
(Жаңартылды 13:40 07.09.2020)
WorldSkills Russia әлемде алғашқы болып VIII Ұлттық чемпионаттың финалын күндізгі-қашықтан форматында өткізеді

WorldSkills Russia VIII Ұлттық чемпионатының финалы 2020 жылдың 6-21 қыркүйегі аралығында күндізгі-қашықтан форматында өтеді.

Коронавирус эпидемиясы әлем бойынша дәстүрлі жұмыс форматына өзгерістер енгізіп отыр. Есесіне жаңа мүмкіндіктер пайда болуда: цифрлық алаңдарға сұраныс артты. Күнделікті жиналыстар, спорттық жаттығулар, кездесулер, бизнес, мектептер, университеттер, музейлер онлайн форматқа көшіп жатыр.

WorldSkills Russia да оқу-жаттығулар, жарыстар мен біліктілікті бағалауды қашықтан өткізу үшін жаңа цифрлық құралдарды әзірлеуден шет қалған жоқ. Ұлттық чемпионаттың финалын кейінге қалдырмау үшін WorldSkills жүйесінде алғаш рет күндізгі-қашықтан форматы дайындалды. Бұл форматқа ең үздік технологиялар мен құралдар енгізілді, оларды кейін өзге елдер кадрларды дайындау мен ұлттық чемпионаттарды өткізу үшін өз жүйесіне енгізіп, пайдалана алады.

Финал чемпионата WorldSkills Russia проходит  в дистанционно-очном формате. Владивосток, Россия, 7 августа, 2020 г.
© Photo : Организаторы чемпионата WorldSkills Russia
WorldSkills Russia VIII Ұлттық чемпионатының финалы күндізгі-қашықтан форматында өтіп жатыр

Ұлттық чемпионаттың финалы аясында жарыстар 130 біліктілік бойынша өтеді (юниорлар үшін - 71). Ұлттық біріншілікке 2800-ден астам адам қатысады, олардың арасында юниорлар мен шетелдік үміткерлер болады. Салыстыру үшін айта кетсек, 2018 жылы олардың саны 700, ал 2019 жылы 1500 болды. Сарапшылар қауымдастығы 700-ден астам адамнан тұрмақ.

WorldSkills Russia әзірлеген жаңа формат бүкіл ел бойынша мейлінше көп адамның чемпионатқа қатысуына мүмкіндік беріп отыр. Осылайша, 2020 жылғы WorldSkills Russia VIII Ұлттық чемпионатының финалы сегіз жыл ішіндегі Ресейдегі ең ауқымды жарыс болмақ. Кез келген адам оны әлемнің кез келген нүктесінен онлайн-трансляция көмегімен тамашалай алады.

Финал чемпионата WorldSkills Russia проходит  в дистанционно-очном формате
© Photo : Организаторы чемпионата WorldSkills Russia
WorldSkills Russia әзірлеген жаңа формат мейлінше көп адамның чемпионатқа қатысуына мүмкіндік беріп отыр

Біліктілік 7 мамандық блогы бойынша бағаланады: құрылыс және құрылыс технологиялары; ақпараттық және коммуникациялық технологиялар; шығармашылық және дизайн; өндіріс және инженерлік технологиялар; қызмет көрсету саласы; көлік және логистика; Future Skills.

Финал колледждердің өңірлік алаңдары, сонымен қатар мамандандырылған және халықаралық біліктілік орталықтарында өтеді. Басты сарапшылар жарыс барысын бақылап, регламентке қатаң сәйкес келуін қадағалайды.

Қатысушылар қашықтан және онлайн-технологиялар көмегімен бағаланады. Бағалау жүйесі бірнеше блокқа бөлінеді. Конкурсқа қатысушылардың жұмысын сарапшылар өңірде немесе қашықтан бағалайды. Қашықтан бағалай алмайтын жұмыстар Новокузнецктегі негізгі орталыққа немесе Мәскеу мен Қазанда ашылатын қосымша орталықтарға экспресс-поштамен жіберіледі.

Финал чемпионата WorldSkills Russia проходит в дистанционно-очном формате
© Photo : Организаторы чемпионата WorldSkills Russia
Чемпионатқа қатысушылар қашықтан және онлайн-технологиялар көмегімен бағаланады

Бұдан бөлек, жарысты қашықтан тамашалаушылар үшін Try-a-skill – "Өзіңді кәсіпте сынап көр" арнайы бағдарламасы "Болашаққа билет" платформасында ұйымдастырылады. Кез келген адам виртуалды экскурсияға қатысып, заманауи онлайн мүмкіндіктер арқылы біліктілігін бағалай алады.

Жұмыстың жаһандық тәсілдері мен цифрлық экономика өсімінің айқын көрінісі болып отырған бұл трансформация бірлескен іс-әрекеттің нәтижесі екенін атап өту керек. WorldSkills Russia жаңа әдістемелерді әзірлеуге назар аударғанына көп уақыт болды, сондықтан ұлттық чемпионатты жаңа, күндізгі-қашықтан форматында өткізу бастамасын РФ Білім министрлігі, Кузбасс үкіметі, Стратегиялық бастамалар агенттігі мен әлемнің 50 жетекші компаниясындағы серіктестер қолдады.

Әлемдегі ірі көмір бассейндерінің бірі Кузбасс VIII Ұлттық чемпионат финалының орталығына айналады. Бұл қалада ауыр өнеркәсіп, металлургия кәсіпорындары орналасқан. Бүгінде Кузбасс белсенді дамып келеді, зауыттарда жоғары халықаралық стандарттарға жауап беретін озық технологиялар мен жұмыс механизмдері енгізілуде. Өңірге жоғары деңгейдегі мамандар қажет. Сондықтан ұлттық чемпионаттың финалын өткізу - жастарға сұранысқа ие жұмыс мамандықтарын көрсету үшін жақсы мүмкіндік.

Новая реальность создает возможность мобильности и глобальной интеграции кадров
© Photo : Организаторы чемпионата WorldSkills Russia
Шетел азаматтары да WorldSkills Russia ұлттық чемпионатына қатысып, шеберлігін шыңдай алады

Шетелдіктер де әдеттегідей WorldSkills Russia ұлттық чемпионатына қатысып, шеберлігін шыңдай алады, сондай-ақ бірнеше біліктілік бойынша жарыста бағын сынай алады. Чемпионат аясында еуразиялық кеңістіктегі елдердің қатысушылары үшін еуразиялық сынақ өтеді деп жоспарланған.

"WorldSkills Russia-ның кадрларды кешенді дайындау жүйесін құру, кәсіптік шеберлік чемпионаттарын ұйымдастыру, сонымен қатар оларды оқыту үшін цифрлық шешімдерді дамыту бойынша серіктес елдермен халықаралық ынтымақтастық орнатуда тәжірибесі зор, – дейді WorldSkills Russia бас директоры Роберт Уразов. – Қазіргі уақытта біз еуразиялық кеңістіктегі елдерде, оның ішінде ТМД мемлекеттерінде кадрларды дайындау жүйесіне осындай шешімдерді ендіруге көмектесіп жатырмыз. Осы жұмыс аясында біз ресейлік алаңдарға, WorldSkills Russia цифрлық инфрақұрылымы мен ресурстарына, сондай-ақ компаниялар мен білім беру ұйымдарының серіктес желілеріне қашықтан қосылу бойынша бірлескен жаттығулар өткізіп жатырмыз. Бұл технологияларды жетілдіруге, ТМД елдерімен бірыңғай жоғары білікті мамандар нарығын қамтамасыз етуге мүмкіндік береді".

Системная работа по развитию движения WorldSkills в Казахстане позволяет выводить национальную систему подготовки кадров на мировой уровень
© Photo : Организаторы чемпионата WorldSkills Russia
2017 жылдан бастап Қазақстанның ұлттық құрамасы WorldSkills Russia ұлттық чемпионатының финалына қатысып келеді

Чемпионатқа қазақстандықтардың қатысуы  - WorldSkills Russia-мен ынтымақтастықтың бір бөлігі, елдегі орта кәсіптік білім жүйесіне озық тәжірибелер мен құралдарды ендіруді әрі қарай дамыту көзделіп отыр.

Қазақстандық мамандармен ынтымақтастық аясында WorldSkills Russia кадрларды WorldSkills стандарттарына сәйкес дайындау бойынша жол картасын әзірлеуге, чемпионаттық қозғалысты дамытуға, дәстүрлі және цифрлық біліктілік блоктары, сонымен қатар Future Skills біліктілігі бойынша оқыту мен тәжірибе алмасу үшін бірлескен жаттығулар ұйымдастыруға көмектесіп жатыр.

2017 жылдан бастап Қазақстан Республикасының ұлттық құрамасының өкілдері жыл сайын WorldSkills Russia ұлттық чемпионатының финалына қатысып келеді. WorldSkills Russia әзірлеген күндізгі-қашықтан форматы жаһандық өзгерістерге қарамастан Қазақстанмен тиімді қарым-қатынасты әрі қарай жалғастыруға мүмкіндік беріп отыр.

VIII ұлттық чемпионатының финалында WorldSkills Russia жаңа цифрлық технологияларды тек өз алаңында ғана емес, серіктес елдердің алаңында да сынап көреді, осылайша оларды жетілдіріп, ұлттық оқыту жүйелеріне бейімдей алады.

Көптеген ел WorldSkills Russia "зертханаларында" әзірленген құралдарды алып, кейін оны кадрларды дайындау бойынша өз ұлттық жүйесіне ендіру үшін ресейлік кәсіптік шеберлік чемпионаттарына қатысуға қызығушылық танытады. Осылайша, WorldSkills Russia өз тәжірибесінің ауқымын жаһандық деңгейге шығарып отыр.

Биылғы жылы тәжірибе алмасып, жаңа технологияларды зерттеу үшін WorldSkills Russia өкілдері шетелдік серіктестер үшін арнайы онлайн-бағдарлама өткізеді, ол жарыстарды ұйымдастыру үшін цифрлық және онлайн-шешімдерді ендіруге арналмақ. 40 елдің қатысушылары бағдарламаға тәуелсіз сарапшылар мен бақылаушылар ретінде қосылады.

Участие казахстанких представителей в чемпионате – часть сотрудничества с WorldSkills Russia для дальнейшего развития движения в стране
© Photo : Организаторы чемпионата WorldSkills Russia
Қазақстанда WorldSkills қозғалысын дамыту бойынша жүйелі жұмыс кадрларды дайындаудың ұлттық жүйесін әлемдік деңгейге шығаруға мүмкіндік береді

Бағдарлама аясында өтетін іс-шаралар: цифрлық шешімдер мен онлайн-технологиялар көмегімен өтетін WorldSkills Russia ұлттық чемпионатының жаңа форматына арналған сессия; жарыстар қашықтан өтетін чемпионаттың алаңдары мен жарыстарды басқару орталықтарына онлайн-тур; WorldSkills стандарттарына сәйкес қашықтан тәуелсіз бағалау жүргізу бойынша тренинг; онлайн-тренингтер мен жарыстар өткізу үшін өнеркәсіп компаниялары мен серіктестермен ынтымақтастық пен қарым-қатынас орнату жөнінде business talk; 7 біліктілік блогы бойынша қашықтан және онлайн жарыстар өткізу моделін ендіру бойынша сессия.

Қазіргі жағдайда кадрларды дайындаудың кәсіптік жүйесі сын сағатта тұр. Нәтижесінде жүйенің жаңа бағытта даму кезеңінің басталуына ықпал етті. Қашықтан өткізу форматына тек чемпионаттар ғана емес, білім беру және жұмыс процесі де көшіріліп жатыр, осылайша жұмыспен қамтудың жаңа үлгісі мен еңбек нарығында жұмыс орындарының қалыптасуына сеп болуда.

Финал чемпионата WorldSkills Russia проходит  в дистанционно-очном формате
© Photo : Организаторы чемпионата WorldSkills Russia
WorldSkills Russia басты міндеттерінің бірі WorldSkills стандарттарының ауқымын кеңейту болып отыр

Қазақстанда WorldSkills қозғалысын дамыту бойынша жүйелі жұмыс кадрларды дайындаудың ұлттық жүйесін әлемдік деңгейге шығаруға мүмкіндік береді, бұл ретте ТМД елдерінде бірыңғай еңбек нарығы мен жұмыс стандарттарының қалыптасуы ескеріледі. Кадрлардың мобильділігі мен жаһандық интеграциясы үшін әлемдік деңгейдегі дағдылар керек. Осы себепті WorldSkills Russia басты міндеттерінің бірі WorldSkills стандарттарының ауқымын кеңейту және ендіру болып отыр, бұл кез келген кадрларды дайындаудың ұлттық жүйесі аясында әлемдік деңгейдегі оқытуды қамтамасыз етеді.

Жарыстар KNAUF, IEK, 1С, Элфорт компанияларының қолдауымен өтеді.

Жоба серіктесі

Толығырақ WorldSkills Russia сайтынан оқи аласыздар.

41
Болашақ мамандық

Болашақ мамандығын игерудің оңай жолы

139
(Жаңартылды 14:00 02.07.2020)
WorldSkills Russia ұйымы Future Skills Camp деп аталатын күндізгі-қашықтан оқытудың жаңа форматын іске қосады, оған бүкіл әлемнің, оның ішінде Қазақстанның жас кәсіпқой мамандары қатыса алады

Бүгінгі таңда әлем индустриясы нағыз кадрлық революцияны бастан кешіп жатыр. Тұтас салаларды цифрландыру жоғары технологиялық өндіріс пен өзгермелі экономика үшін жаңа білікті мамандарды көптеп қажет етуде. Сонымен қатар, уақыт талабына сай келмейтін жұмыс орындарының бір бөлігі қысқарып жатыр, ал босатылған қызметкер қазіргі жұмыс берушілердің талабын қанағаттандыру үшін біліктілігін көтеруге мәжбүр болып отыр. Еңбек нарығына енді ғана түсіп жатқан жас мамандардың алдында да дәл осындай міндет тұр.  

Коронавирус індетінің жағымсыз салдары цифрлық технологияны енгізу жылдамдығын арттыруға оң ықпал етті деуге болады. Тұтас кәсіпорындар мен салалар лезде қайта құрылып, жұмыстың бір бөлігін қашықтықтан істеу режиміне ауыстырды. Бұрын бірнеше айды, тіпті жылдарды қажет етуі мүмкін болған процестер бірнеше аптаның ішінде жолға қойылып, реттелді. Кеңестер мен құжат айналымы ғана емес, оқшаулану жағдайында айтарлықтай қажет екені байқалған кадрларды даярлау және қайта даярлау бойынша кейбір бағдарламалар мен курстар да цифрландырылды.  

WorldSkills Russia
© Photo : WorldSkills Russia
WorldSkills Russia өткізетін Future Skills Camp жаттығу сериясы өз кәсіби шеберлігіңді жетілдіруге мүмкіндік беретін жаңа форматтардың біріне айналып үлгерді

WorldSkills Russia өткізетін Future Skills Camp бірлескен күндізгі-қашықтықтан жаттығу сериясы өз кәсіби шеберлігіңді жетілдіруге мүмкіндік беретін осындай жаңа форматтардың біріне айналып үлгерді. Маусым айының соңында арнайы платформада заманға сай цифрлық экономикаға қажетті ең перспективалы мамандықтарға машықтану курсы, немесе, басқаша айтқанда, Future Skills бағдарламасы басталды.    

Future Skills бағдарламасы WorldSkills Russia ұйымының стратегиялық бастамасы болып саналады. Ол алғаш рет WorldSkills Kazan 2019 кәсіби шеберліктен 45-ші әлем чемпионатында таныстырылып, кәсіби қоғамдастықтың назарын бірден аударды, келешегі бар мамандықтардың мүлдем басқа тізімін  ұсынғандықтан болар, HR-менеджментті дамыту саласында ерекше бір серпіліс болды. Қазан қаласында жалпы алғанда Future Skills бағдарламасының 25 жаңа біліктілігі таныстырылды.

Жаңа өнімнің пайда болуы жұртқа қатты әсер еткені соншалық, 2021 жылы Шанхайда өтетін келесі WorldSkills әлем чемпионатында WorldSkills Russia әзірлеген 5 жаңа біліктілік бірден жарыстың негізгі бағдарламасына енеді. Олардың қатарына "Реверсивті инжиниринг", "BIM ақпараттық модельдеу технологиялары", "Өнеркәсіп дизайны", "Мобильді қосымшаларды әзірлеу" және "Өнеркәсіп робототехникасы" бар. Бұл әлемдегі перспективалы біліктіліктерді ілгері жылжытатын зор серпіліс.   

Осы жазда Future Skills Camp бағдарламасындағы бағыттар саны да таңғалдырмай қоймайды. Машықтану бағдарламасы 19 біліктілікті қамтиды, олар: "Аддитивті технологиялар"; "Ғарыш жүйелері инженериясы"; "Заттар интернетi"; "Интернет-маркетинг"; "Кванттық технологиялар"; "Өндірістегі топтық жұмыс" (Maker); "Ақпараттық қауіпсіздікті ішкі қатерлерден корпоративтік қорғау"; "Машинамен оқыту және үлкен деректер"; "Бизнеске арналған бағдарламалық шешімдер"; "Өнеркәсіптік робототехника"; "Өнеркәсіптік дизайн"; "Мобильді қосымшаларды әзірлеу"; "Роботтандырылған дәнекерлеу"; "BIM ақпараттық модельдеу технологиялары"; "Тіршілік кезеңін басқару"; "Цифрлық өндіріс"; "Ұшқышсыз авиация жүйелерін пайдалану"; "Қызмет көрсету роботтарын пайдалану".

WorldSkills Russia
© Photo : WorldSkills Russia
Future Skills Camp әдістемелік және тәжірибелік блоктардан тұрады

Платформада біліктіліктердің бірі бойынша тіркелген әлемдегі әр түрлі елдің қатысушылары бірнеше модульдік курстан өтеді. Future Skills Camp әдістемелік және тәжірибелік блоктардан тұрады. Әдістемелік блок аясында WorldSkills халықаралық стандарттарының сипаттамасын зерделейтін біліктіліктерге негізделген оқыту, конкурстық құжаттама әзірлеу технологиялары мен дайын жобаларды бағалау әдістемесін оқыту көзделген.

Модульдің әдістемелік бөлігі аяқталғаннан кейін машықтануға қатысушылар конкурстық тапсырмалар топтамасынан тұратын тәжірибелік бөлімді игеруге кіріседі. Қатысушылар қай елде тұратынына қарамастан тапсырманы  бір уақытта алады. Дегенмен оны орындауды қатысушы елдердің уақыт белдеуіне сәйкес бастауға рұқсат берілген.

Әр модульдің тапсырмасы орындалғаннан кейін сарапшылар оларға күндізгі-қашықтық  форматында баға қойып шығады. Қазірдің өзінде Ресей, Бразилия, Қытай, Оңтүстік Африка Республикасы, Тунис, Португалия, сондай-ақ келешегі бар кәсіптерді игеру мен дамытуға мүдделі болып отырған басқа елдердің конкурсқа қатысушылары мен сарапшылары машықтануға қатысуға дайын екендерін білдірді. Future Skills Camp бағдарламасына Қазақстанның жас мамандары да қатыса алады.

Машықтану соңында барлық қатысушыға Future Skills Camp-ты аяқтағаны туралы сертификат тапсырылады. Тестік жобаны аяқтағандардың барлығына skills-паспорт, WorldSkills Russia әзірлеген кәсіби біліктілік деңгейін растайтын құжат беріледі.  

WorldSkills Russia
© Photo : WorldSkills Russia
WorldSkills Russia жоспарлап отырғандай, болашақта Future Skills біліктіліктерін сонымен қатар оқыту жүйелеріне және ұлттық кәсіби шеберлік чемпионаттарына біріктіруге болады

Әзірге бұл мұндай ауқымдағы алғашқы сайыс, дегенмен WorldSkills Russia мамандары оның үлкен сұранысқа ие болатынына сенімді және келесі кезеңде форматқа әлемнің әр түрлі елінен тағы да көптеген қатысушы қосылады деп санайды. Атап айтқанда, қазірдің өзінде BRICS Future Skills Challenge дайындау жұмыстары жүріп жатыр, оған "бестікке" кіретін елдердің командалары қатысады, ол осы жылы күндізгі-қашықтық форматында өтеді. Future Skills құзыреттері сонымен қатар 2020 жылдың күзінде өтетін WorldSkills Russia Ұлттық чемпионатының VIII финалының ажырамас бөлігі болады.

WorldSkills Russia жоспарлап отырғандай, болашақта Future Skills біліктіліктерін сонымен қатар оқыту жүйелеріне және ұлттық кәсіби шеберлік чемпионаттарына біріктіруге болады, WorldSkills Russia әлемде белсенді түрде дамытып келе жатқан басқа форматтар да осылай жасалған болатын. Worldskills қозғалысы ертеректе пайда болып, Ресей оған 10 жылдан аз уақыт бұрын қосылғанына қарамастан, ол жаңа мамандықтар мен тәуелсіз бағалау жөнінде зерттеу, жобалау және сайыстар өткізу, білім беру бағдарламаларын әзірлеу тұрғысынан алғанда WorldSkills-тің маңызды әрі креативті драйвері бола білді.  

"Жас кәсіпқой мамандар (WorldSkills Russia)" одағы бас директорының халықаралық қызметтер жөніндегі орынбасары, Ресейдің WorldSkills International-дегі техникалық делегаты Алина Досканованың айтуынша, технологияның шапшаң өзгеруі, жасанды интеллектің қарыштап дамуы, жаппай цифрландыру және салдарынан жұмыс процестерінің күрделенуі конвергентті дағдылардың пайда болуына, сонымен қатар мультисекторлық және салааралық ынтымақтастықты кеңейтуге жағдай жасап жатыр. WorldSkills Russia ұлттық кадрлар дайындау жүйесін әлемдік деңгейге көтеруге қабілетті құралдарды әзірлеуде, ол кез келген экономиканың бәсекеге қабілеттілігін арттыра алатын кәсіби дағдыларды игеруге мүмкіндік береді.

WorldSkills Russia
© Photo : WorldSkills Russia
Келесі жылы Digital Skills 2021 Қазақстан чемпионаты "Цифрлы Қазақстан" мемлекеттік бағдарламасына енетін болды

Осындай құралдардың қатарына қысқа білім беру бағдарламаларын әзірлеу және серіктес елдерде білім беру зертханаларын құру, сонымен қатар WorldSkills Russia ұлттық чемпионаттар өткізу үшін қандай да бір елдер үшін жинайтын сайыс біліктіліктерін дайындау жұмыстары жатады. Мұндай өнімдер мен бастамалар серіктес елдерде үлкен қызығушылық тудыруда. 

Мысалы, Worldskills Russia қазақстандық кәсіпқой мамандармен ынтымақтастық аясында классикалық біліктіліктер бойынша өндірістік оқыту шеберлерінің оқу сессияларын өткізді.

Өткен жылы WorlSkills Kazan 2019 әлем чемпионатында қазақстандық жас кәсіпқой мамандар бірден Future Skills-тің екі біліктілігі – "Машинамен оқыту және үлкен деректер" және "Мобильді қосымшаларды әзірлеу" бойынша жарыстарға қатысты.

Нәтижесінде келесі жылы Digital Skills 2021 Қазақстан чемпионаты "Цифрлы Қазақстан" мемлекеттік бағдарламасына енетін болды. Оған кәсіптік-техникалық білім беру ұйымдарының студенттері қатысады деп жоспарланып отыр, ал WorldSkills Russia чемпионатты өткізу кезінде әдістемелік және ұйымдастыру жұмыстарына көмектеседі.

Енді, әлемде танымал болып келе жатқан тағы бір формат – Future Skills Camp бағдарламасының арқасында қазақстандықтар келешегі бар ондаған біліктілікті игере алады.    

Future Skills Camp Росатом, Ростех, Роскосмос, 1С, FANUC, InfoWatch, Autodesk, Siemens, COEX, hakta, Ресей Кванттық Орталығының қолдауымен өтеді.

Future Skills Camp жайлы толығырақhttps://fscamp.worldskills.ru/

Жоба серіктесі

139
дәрі-дәрмек, архивтегі фото

Ресейлік дәрі-дәрмек пен медтехника қазақстандықтарға аурудан айығуға көмектеседі

169
(Жаңартылды 20:27 30.09.2019)
60 елден астам мемлекет Қазақстанға дәрі-дәрмек жеткізеді. Олардың арасында Ресейдің үлесі көп, ол нарықтағы көшбасшылық үшін Германия, Үндістан, Қытай, Франциямен бәсекелесіп отыр

НҰР-СҰЛТАН, 30 қыркүйек - Sputnik. Қазақстандағы импорттың шамамен 12%-і ресейлік дәрі-дәрмекке тиесілі. Міндетті әлеуметтік медициналық сақтандыру жүйесі іске қосылған соң фармацевтикалық нарықта қандай өзгерістер болатынын және импорттаушылар не істейтінін Sputnik Қазақстан анықтады.

Қазақстандағы ресейлік дәрі-дәрмектер

2019 жылдың басында дәрі-дәрмек Қазақстан импортының негізгі бөлігін құрады. Жалпы алғанда оның үлесі 3,4%, одан кейін қара металдан жасалған құбырлар импорты - 3,3%, үшінші орында мұнай және мұнай өнімдері - 2,7%.

Ресей Федерациясы сауда өкілдігінің мәліметі бойынша бірінші жартыжылдықта Қазақстанға 56 миллион доллар немесе 22 миллиард теңгенің 6 мың тоннадай препараты пен медициналық бұйымы жеткізілген. Оның ішінде вакцина, қан препараты, медикаменттер бар.

Бұдан бөлек, 37,1 миллион доллар немесе 14 миллиард теңгенің медициналық қондырғылары әкелінді. Олар - электрокардиограф, ультрадыбыстық сканерлеу қондырғысы, магниттік-резонанстық томограф, рентгенографиялық аппаратура, стоматологиялық қондырғы, гемодиализ қондырғысы, жасанды бүйрек аппараты және диализатор, қан құю аппаратурасы, жасанды буындар және тағы басқа.

Ойын тәртібі өзгереді

2020 жылдан бастап Қазақстанда әлеуметтік медициналық сақтандыру жүйесі іске қосылады. Бұл дегеніміз, азаматтар тиісті қорға төлем аудара бастайды, осының арқасында бірқатар медициналық қызмет, сондай-ақ дәрігер жазып берген дәрі-дәрмек пациенттер үшін тегін болады.

Денсаулық сақтау министрі: халық дәріні өз ақшасына алмайтын болады

Сонымен қатар, тұрғындар алатын дәрі-дәрмекті бақылау күшейтіледі. Бүгінде Қазақстанда 7 792 дәрі-дәрмек тіркелген, оның ішінде 6 033-і дәрігер рецептісімен және тек 1 759-ы ғана рецептісіз сатылады.

Науқастар дәрігер сақтандыру бойынша жазып беретін, яғни, шартты түрде олар үшін "тегін" дәрі-дәрмекке басымдық беретін болады деп күтілуде. Сондықтан, тегін дәрі-дәрмек тізімі кеңейтіледі, деп хабарлады Республикалық денсаулық сақтау саласын дамыту орталығының дәрі-дәрмекті тиімді пайдалану және медициналық технологияларды бағалау орталығындағылар.  

Бұдан бөлек, міндетті әлеуметтік медициналық сақтандыру жүйесі жаңа аурулар мен дәрі-дәрмекпен толығады. Маңызды жайт – балалар 100% тегін дәрі-дәрмекпен қамтамасыз етіледі.

Осындай жаңа ережелер жағдайында қазақстандық және шетелдік өндірушілер арасында нарық үшін күрес күшейе түседі. Бұл орайда дәрі-дәрмек бағасы өзекті мәселеге айналмақ. Бұл дегеніміз, бәсекелес өнім жеткізушілер экспорт мүмкіндігін кеңейтуі қажет деген сөз.

Ресей дәрі-дәрмек экспортын өсіреді

Жыл басында Ресей экспорттық орталығы республиканың 2024 жылға қарай фармацевтикалық экспортты төрт есеге көбейтуді көздеп отырғанын жариялады.

Орталықтың дәрі-дәрмек өндірушілерді сыртқы нарыққа шығаруға қолдау көрсетуге қажет қаржылық және қаржылық емес мүмкіндігі бар.

Экспорттың негізгі драйверлері:

  • Инвестициялық белсенділіктің жоғары деңгейі, толық қуатпен жұмыс істемейтін өндірістердің өнімділігін арттыру мүмкіндігі;
  • Инвестициялық циклдің соңғы кезеңдерінде бірегей препараттардың болуы;
  • Қарқынды дамып жатқан нарықтарда (оның ішінде Қазақстан да бар) ресейлік өндірушілердің белсенділігінің артуы.

Орталық көмегі

Ресей экспорттық орталығы шетелде тендерге қатысу үшін кепілді кредиттік қолдау көрсетеді.

2017 жылдан бастап Ресейде Made in Russia ("Ресейде жасалған") ресейлік брендтер мен өнімдердің шетелдегі танымалдылығын арттыру бағдарламасы іске асырылып келеді.

Компания сертификаттаудан өткен соң ресейлік өндіруші болып танылып, ол елдің экспорттық бренді мен сапа белгісіне ие болады. Бағдарламаға фармацевтикалық компаниялар, медициналық техника мен тауарларды өндірушілер қатыса алады.

Материал коммерциялық негізде жарияланды.

169
Шикі ет

Желіні шулатқан видео: полиция шикі ет жеп отырған баланың ата-анасын іздеп жатыр

0
Бүлдіршіннің заңды өкілдері табылғаннан кейін, олармен түсіндіру жұмысы жүргізіледі, қажет болған жағдайда балаға медициналық көмек көрсетіледі

НҰР-СҰЛТАН, 22 қыркүйек – Sputnik. Қазақстанның ішкі істер министрлігі Қазнетте тараған видеода шикі ет жеп отырған баланың әке-шешесін іздестіріп жатыр.

Бұл туралы білім және ғылым министрлігі балалар құқығын қорғау комитеті төрағасының орынбасары Юлия Овечкина хабарлады.

"Біз ақпаратты ішкі істер министрлігіне жолдадық. Баланың заңды өкілдері табылғаннан кейін, олармен түсіндіру жұмысы жүргізіледі. Қажет болған жағдайда балаға медициналық көмек көрсетіледі. Ата-аналар балаларының денсаулығына, физикалық, психикалық, рухани және моральдық дамуына қамқорлық жасау керек екенін ұмытпауы керек", - деді ол.

Овечкина ата-аналарға балалардың өмірі, денсаулығы мен қауіпсіздігі үшін әкімшілік және қылмыстық жауапкершілік қарастырылғанын ескертті.

Желіні шулатқан ролик 21 қыркүйекте жарияланды. Видеода бала шикі ет жеп отыр, кадр сыртынан әйелдің күлген даусы естіледі.

"Кәдімгідей тістеп отыр, жұлып алды әне. Бола берсін бе", - деп сұрайды бір әйел.  

"Не болады, жей берсін", - деп жауап береді екіншісі.  

Желі қолданушылары видеоны қызу талқылады. Бірі "мұнда тұрған ештеңе жоқ" десе, енді бірі баланың ішіне инфекция түседі деп алаңдаған.

0
Кілт сөздер:
ет, видео, бала