Продюсер Жан Мұқанов

"Әміре Төреғали сияқты болмайды". Продюсер не деп уәде берді?

372
(Жаңартылды 19:00 19.07.2018)
Жан Мұқанов Әміренің тойдан емес, концерттен ақша табатынын айтты

АСТАНА, 19 шілде – Sputnik. Беларусьте өткен "Славян базары" халықаралық өнер байқауында 1-орын алған Әміренің (шын аты Ернар Садырбаев) продюсері Жан Мұқанов әншінің Төреғали секілді той әншісі болмайтынын айтты, деп хабарлайды Sputnik Қазақстан тілшісі.

Мұқанов Әміренің Ресей телеарналарының бірінде өтетін шоуға сарапшы ретінде шақырылғанын атап өтті. 

"20 жастағы жігіт не туралы айта алады? "Славян базарын" жеңген күннің өзінде ол автоматты түрде сарапшы бола алмайды. Жауап ретінде біз Әміренің "1 арнадағы" шоуға қатысушы ретінде бара алатынын айттық", — деді Мұқанов.

Продюсер Ернардың жоспарлары туралы да айтып өтті.

"Оның жаңа образда, қазақстандық әншілер арасында жаңа стилі болады. Қандай да бір прототип жасағым келмейді. Оның той әншісі болғанын қаламаймын. Шынымды айтсам, оның қандай болуы керегін өзім де білмеймін", — деді ол. 

Мұқанов Әміренің той әншісіне айналмайтынына уәде берді. 

"Оның Төреғали сияқты болмайтынына уәде беремін. Төреғалимен бірге мүмкін болатынның бәрін жасадық. Ал бұл жолы формат басқаша. Таңертең той туралы хабарласты. Біз мұны талқылаған да жоқпыз. Дайын емеспіз, қазір ең бастысы той емес дедік. Қазақстандық әртістер тойдан ғана ақша табатыны жасырын емес. Ал біз концерттен ақша табуға тырысамыз", — деп сөзін түйіндеді ол.

Айта кетсек, "Славян базары" халықаралық өнер байқауы Беларусьтің Витебск қаласында 12-16 шілде аралығында өтті. Қазақстан атынан қатысқан Ернар Садырбаев бақ сынады.

Ернар Садырбаев "Славян базарында" бірінші орын алды

Қазақстан мен Румыния конкурсанттары бірдей балл жинаған – 156. Алайда әділ қазылар алқасы бас жүлдені Румыния әншісіне беруді ұйғарды. Қазақстан – бірінші, Украина – екінші орын алса, ал үшінші орын Польша мен Беларусь дарындыларына бұйырды.

Ернар Садырбаев "Славян базарында" бала күнгі арманын орындады

372
Кілт сөздер:
той, славян базары, халықаралық байқау, әнші, Жан Мұқанов, Ернар Садырбаев, Төреғали Төреәлі, Димаш Құдайберген, Беларусь
Тақырып бойынша
Витебсктегі Славян базары: Димаштың жолын қуған қазақ әншісі кім?
Димаш Құдайберген Ресейдің танымал әншісін қалай гүлсіз қалдырды?
Лукашенко Роза Рымбаеваға сыйлық табыс етті
"Мен бақыттымын!" Беларусьте Роза Рымбаеваның жұлдызы "жанды"
Загрузка...