Айгүл Үлкенбаева

Құлақтан кіріп, бойды алар... Қазақ музыкасы Мәскеу халқын тәнті етті

388
14 қазан күні Мәскеуде "Қазақстанның музыкалық әлемі" атты концерт өтті

МӘСКЕУ, 18 қазан — Sputnik, Тимур Селиванов. Царицыно саябағындағы Үлкен сарайда "Елшілік кештері" жобасының аясында 14 қазан күні кешке бір жарым сағаттық ұлттық және авторлық музыка концерті өтті. "Қазақстанның музыкалық әлемі" атты кеште Sputnik тілшісі де болды.

Тувадан Лос-Анджелеске дейін

Үлкен сарайдағы Екатерина залында ақ рояльде қара көйлек киген пианист қыз отыр, сахнаның ар жағында "Алтын орда" триосы қойылымға әзірленуде.

"Алтын орда" музыканттарының бірі аспаптарын алма-кезек айырбастайды: біресе қобызда, біресе сыбызғыда ойнап, кейде рейнстик – жаңбыр үнін салатын ағаш трубаны қолына алады. Тіпті анда-санда қалтасынан варган атты әлемдік халықтық аспапты алып шығады.

Алтын орда триосы
© Sputnik / Рамиль Стидиков
"Алтын орда" триосы

Санжай Әлмішев есімді музыканттың айтуынша, "Алтын Орда" тобының мүшелері бүкіл қазақ музыкалық аспаптары мен классикалық инструменттерде ойнай алады. Мәселен, әріптесі Венера гитара класында білім алған, бірақ бүгін жетігенмен саз орындайды екен. Домбыра шертпейтін қазақ жоқ, дейді Санжай.

"Бірге өнер көрсетіп жүргенімізге үш жыл. Ресейге сирек келеміз, көбінесе Еуропада концерт береміз. Биыл Әзербайжан, Франция, тіпті Туваға барып қайттық. Алда Лос-Анджелеске жол тартсақ деген жоспарымыз бар", — деп жоспарларымен бөлісті ол.

Ұялудың қажеті жоқ

Концерт алдында саябақ директоры Елизавета Фокинаның қатысуымен видео серуен көрсетілді. Ол Царицыно музейіне қойылған қазақ бұйымдары мен қыш ыдыстары туралы айтты.

"Бұл "Елшілік кештері" аясында өтіп отырған алтыншы концерт, осы уақытқа дейін кештерге бір миллионнан астам көрермен қатысты. Қонақтарымыздың ауқымы кеңейе түседі деп үміттенемін, өйткені өнерде ешқандай шек болмайды, музыкалық саяхатқа визаның қажеті жоқ", — дейді жоба кураторы Анна Генина.

Одан кейінгі сөз кезегін алған қазақстандық театр және кино актері Сергей Погосян қазақ домбырасының қасиетті үні туралы әңгімеледі.

"Бұл — қазақтардың жан дүниесі мен толғанысынан сыр шертетін бірден бір аспап. Сәби шыр етіп дүние есігін ашқанда домбырамен қарсы алады, жаңа түскен келіннің бетін домбырамен ашады, домбыра жылай да, күле де біледі", — дейді Погосян.

Қазақстан Республикасының еңбек сіңірген әртісі Айгүл Үлкенбаева домбырамен күй төкті. Бір қарағанда импровизация болып көрінгенімен, шын мәнісінде қазақ классиктері – Есбай, Қазанғап және Нұрғиса Тілендиевтің қайталанбас туындылары орындалды.

Қазақстан Республикасының халық әртісі Айгүл Үлкенбаева
© Sputnik / Рамиль Стидиков
Қазақстан Республикасының халық әртісі Айгүл Үлкенбаева

Көрермендер ду қол шапалақ соғып, қошемет көрсетті, жүргізуші "Қысылмаңыздар, "Браво!" деп айғайлаңыздар. Көптеген қазақстандықтардың туған елінен жырақта жүріп, ұлттық музыканы сирек тыңдайтынын білемін" деп қонақтардың делебесін қоздыра түсті. 

Сары даланың самал желі

Қазақстан мен Татарстанның халық әртісі Нұржамал Үсенбаева "Алқоңыр" әнін тамылжыта орындап, артынша Легар опереттасындағы Джудиттаның ариясын шырқады.

Қазақстанның халық әртісі Нұржамал Үсенбаева
© Sputnik / Рамиль Ситдикова
Қазақстанның халық әртісі Нұржамал Үсенбаева

Келесі орындаушылар — "Алтын орда". Кенет сары даланың самал желі соққандай болды – бұл қобыз, содан соң жетігеннің үні баяу қосылды. Міне, сыбызғының да сазы құлаққа жетті.

Алтын орда триосы
© Sputnik / Рамиль Ситдиков
"Алтын орда" триосы

Гүл жазира дала

Жүргізуші ұшы-қиыры көрінбейтін жазира даланың сұлулығын ерекше бейнелі сөздермен сипаттайды:

"Бір қарағанда қазақ даласында ешқандай тіршілік белгісі байқалмайтындай көрінеді, бірақ олай емес! Даланың көздің жауын алатындай гүлденген шағын көрген де арманда, көрмеген де арманда. Көктемде көк шығып, біртіндеп ал қызыл түске енеді. Күннің көзі шығып, аптап ыстық басталғанда, дала сап-сары болып құбылады".

Жазира даланың сол бір көрінісін көз алдымызға елестетіп отырғанда, республикалық байқаулардың лауреаты Айгүл Қосанова ән сала бастады. Домбыраның күмбірлеген үні біресе ойнақы, біресе баяу естіледі. Даланың әні көрермендерді елітіп, сол ырғақта шапалақ соғылды.

Пианист Ида Каплан Нағым Меңдіғалиевтің "Домбыра туралы аңызын" жалғастырды.

Қазақстанның Ресейдегі елшісі Иманғали Тасмағанбетов
© Sputnik / Рамиль Ситдиков
Қазақстанның Ресейдегі елшісі Иманғали Тасмағанбетов

Асыл мұрамыз

Соңғы орындаушыны сахнаға шақырған жүргізуші "Асыл мұрамыз" деп хабарлады. Көрермендер алдына КСРО мен Қазақ ССР-нің халық әртісі Әлібек Дінішев шықты.

Аты аңызға айналған әнші Абайдың "Желсіз түнде жарық ай" туындысынан бастап, бірнеше ән орындап, көрермендерді қуанышқа бөледі.  

"Біз кешімізді Қазақстанның қолөнер туындыларының жинағынан бастадық. Менің ойымша, әр адам басынан өткен тамаша сәттерді жадында мәңгі сақтап жүреді. Бүгінгі концерт менің жүрегімнен орын алды, сіздерге де сондай әсер қалдырды деп сенемін", — деп жоба кураторы кешті аяқтады.

388
Кілт сөздер:
мәдени мұра, музыка, домбыра, қазақ өнері, Нұржамал Үсенбаева, Айгүл Үлкенбаева, Мәскеу
Тақырып бойынша
Танымал опера әншісі Астанада қайырымдылық шоуын өткізеді
Қазақ әнін орындайтын жапон әншісі Астанаға келді
Димаш Қытайда екінші рет "Жылдың ең танымал әншісі" атанды
Димаш тағы да ең танымал шетел әншісі атанды
Домбыра, архивтегі сурет

Ресей елшілігінің кеңесшісі домбыра тартты видео

302
(Жаңартылды 14:29 05.07.2020)
Ресейдің Қазақстандағы елшілігінің кеңесшісі Дмитрий Суворов домбырамен қазақтың күйлерін тартып, мерекемен құттықтады

НҰР-СҰЛТАН, 5 шілде – Sputnik. Ресейдің Қазақстандағы елшілігінің кеңесшісі Дмитрий Суворов домбыра тартып үйренді. Ол дипломаттар халық аспабын жақсы көретінін және бағалайтынын атап өтті.

"Ресейдің Қазақстандағы елшілігінің ұжымы атынан сіздерді тек Қазақстанда ғана бар бірегей мереке – Домбыра күнімен құттықтауға рұқсат етіңіздер. Сырт көзге қарапайым көрінген музыкалық аспаптың киелі үнінде қазақ халқының рухы мен сан ғасырлық даналығы жатыр", - деді Суворов.

Ресей елшілігінің кеңесшісі домбыра шертуді бір жыл ішінде үйреніп алған. Музыкалық аспап Ресей мен Қазақстан халықтарын етене байланыстырады, деп атап өтті ол.

"Біз, Ресейдің Нұр-Сұлтандағы елшілігінің дипломаттары домбырада ойнағанды жақсы көреміз. Орыс халық әуендері мен қазақтың күйлері домбыра үнімен қалай үйлесетінін тыңдап көріңіздер", - деді ол.

Ұлттық домбыра күні алғаш рет Қазақстанда 2018 жылдың шілдесінде тойланды. Тиісті жарлыққа елдің тұңғыш президенті Нұрсұлтан Назарбаев қол қойған болатын. Содан бері шілденің алғашқы жексенбісінде мейрам құрметіне концерттер мен мерекелік шаралар өтеді. Биыл коронавирус пандемиясына байланысты олар онлайн форматқа ауыстырылды.

302
Кілт сөздер:
Ресей елшілігі, домбыра күні
Тақырып бойынша
Тоқаев Ұлттық домбыра күнімен құттықтады
Ұлттық домбыра күні

Тоқаев Ұлттық домбыра күнімен құттықтады

183
Президент қара домбыраның үнінде Ұлы даланың тамыры терең тарихы мен сан ғасырлық шежіресі бар екенін атап өтті

НҰР-СҰЛТАН, 5 шілде – Sputnik. Мемлекет басшысы Қасым-Жомарт Тоқаев қазақстандықтарды Ұлттық домбыра күнімен құттықтады, деп хабарлайды Ақорда.

"Бұл – Елбасының рухани жаңғыру жолын және салт-дәстүріміздің мән-маңызын дәріптейтін игі бастама. Қос ішекті қара домбыраның үнінде Ұлы даланың тамыры терең тарихы мен сан ғасырлық шежіресі бар. Қазақтың бекзат болмысы мен асыл қасиеттері қашанда әнмен әрленіп, күймен көмкерілген", - деді президент.  

Халқымыздың төл өнерін төрімізден түспеген домбырасыз елестету мүмкін емес. Ұлттық рухты күмбірлеген күйден артық көтеретін дүние кемде кем, деп жалғастырды ол.

"Халқымыздың көрнекті ақыны Қадыр Мырза Әлі жырлағандай: "Нағыз қазақ – қазақ емес, нағыз қазақ – домбыра". Біз ұлттық аспабымыздың бүкіл әлем мойындаған мәдени құндылыққа айналғанын мақтан етеміз. Атадан балаға аманат болған осындай асыл қазынамызды қадір тұту – бәріміздің қасиетті борышымыз", - деді Тоқаев. 

Президент жылдан жылға домбыра тартатын жастардың қатары көбейіп келе жатқаны қуантатынын айтты.

Тағы оқыңыз: Домбыраны әлемге танытқан қазақстандық әртістер

Мемлекет басшысы қазақтың дәстүрлі ән-күйін насихаттап жүрген барша өнерпазға ризашылығын білдірді.

Ұлттық домбыра күні алғаш рет Қазақстанда 2018 жылдың шілдесінде тойланды. Тиісті жарлыққа елдің тұңғыш президенті Нұрсұлтан Назарбаев қол қойған болатын. Содан бері шілденің алғашқы жексенбісінде мейрам құрметіне концерттер мен мерекелік шаралар өтеді. Биыл коронавирус пандемиясына байланысты олар онлайн форматқа ауыстырылды.

183
Кілт сөздер:
Қасым-Жомарт Тоқаев, домбыра күні
Ет, архивтегі сурет

Үстел үстінде "тіріліп кеткен" ет жұрттың зәресін ұшырды видео

1955
(Жаңартылды 17:12 09.08.2020)
Видео Twitter әлеуметтік желісіндегі парақшада жарияланды. Болған жағдайдан соң әйел тамақ дайындауын тоқтатып, етті тоңазытқышқа қайта салып қойды

НҰР-СҰЛТАН, 9 тамыз — Sputnik. Twitter қолданушылары тамақ дайындап жатқанда дірілдей бастаған еттің видеосын көріп шошыды.

Видеоны желіге малайзиялық қолданушы жүктеген. Бойжеткен анасы тамақ әзірлей бастағанда, тақтайда ет дірілдеп кеткенін айтқан. Олар шошып, етті қайта тоңазытқышқа салды.

Көптеген адам видео расымен де қорқынышты екенін жазып жатыр. Ал енді бірі шикі етте біраз уақыт бойы жүйке ұштары жұмыс істеп түруі мүмкін екенін айтуда.

​Видеоны 1 миллионнан астам адам тамашалап, 15 мыңға жуық пікір қалдырған.

1955
Кілт сөздер:
желі, видео, жұрт, ет
Тақырып бойынша
Жас жұбайлар суретке түсіп жатқанда болған жағдайдың видеосы тарады
Жүздеген адам жиылды - Ақтауда болған жағдайдың видеосы тарап кетті
"Малды дәрімен семіртеді" - отандық ғалым ет жемеуге кеңес берді
Парамен ұсталған шенеунік өзенге секіріп кетті - видео
Әлеуметтік желіде зираттардың видеосы қызу талқыға түсті