Британдық фотограф Майкл Дональд Димаш Құдайберген үшін фотосессия өткізді

Димаш Құдайберген Лондонда қазақ тілінде сұхбат берді

1788
(Жаңартылды 14:30 26.11.2018)
Қазақстандық әнші Лондонда өткен концертінен кейін бірнеше БАҚ-қа сұхбат беріп, өзі жайында, шығармашылығы мен отаны туралы айтты

АЛМАТЫ, 23 қараша — Sputnik. Қазақстандық әнші Димаш Құдайбергеннің шығармашылығына Ұлыбританияның ірі телеарналары, радио және ақпарат агенттіктері қызығушылық білдірді. Әнші Лондондағы концертінен кейін бірнеше сұхбат берді.

Құдайберген BBC телевидениесі мен радиостанциясын аралап көрді. Британия қоғамдық телевидениесінің студиясында Димаш қазақ тілінде сұхбат беріп, шығармашылығы туралы әңгімеледі. BBC World Service радиостанциясында музыкант сенбі күнгі Cultural Frontline шоуында өзінің жетістікке жету тарихын баяндады. Радиостанцияны апта сайын әлемдегі 75 миллион адам тыңдайды, деп хабарлайды Red Point.

Димаштың Лондондағы концерті
© Photo : Министерство культуры и спорта / Никита Басов

Сондай-ақ, қазақстандық өнерпаз The Independent интернет басылымының журналисіне өзінің музыкалық және шығармашылық карьерасы туралы айтып берді. Тілші қазақстандық әншіден қайда демалғанды ұнататынын сұрады. Димаш өзге мемлекеттерге тек жұмыс барысымен барғанын, шетелде ешқашан демалмағанын айтты.

"Қазақстанда Ақтөбе деген шағын қала бар. Сол жерде менің отбасым, ата-әжем, бүкіл туысым тұрады. Сол жерде мен керемет демаламын", — деп әнші ашық айтты.

Одан бөлек, жас әнші лондондық "Candid" журналының тілшісі Адам Зорганимен кездесті. Адам "indigo at the O2"залында өткен Димаштың концертінде болғанын және қазақстандықтың шығармасына тәнті екенін жеткізді.

  • Димаш Құдайберген Лондонда
    Димаш Құдайберген Лондонда
    © Photo : Минкультуры и спорта / Никита Басов
  • Димаш Құдайберген
    Димаш Құдайберген
    © Photo : Минкультуры и спорта / Никита Басов
  • Димаш Құдайберген Лондонда Candid журналының тілшісі Адам Зоргани
    Димаш Құдайберген Лондонда "Candid" журналының тілшісі Адам Зоргани
    © Photo : Минкультуры и спорта / Никита Басов
  • Димаш Құдайберген Лондонда сұхбат берді
    Димаш Құдайберген Лондонда сұхбат берді
    © Photo : Министерство культуры и спорта / Никита Басов
1 / 4
© Photo : Минкультуры и спорта / Никита Басов
Димаш Құдайберген Лондонда

"1883" интерактивті мультимедиялық платформасына Димаш өз шығармасы мен болашаққа құрған жоспары туралы әңгімеледі. Портал редакциясы сәнді музыка, кино, саяхат және өнер әлеміндегі соңғы жаңалықтарды таратумен айналысады.

Димаш Құдайбергеннің алғашқы жеке концерті 19 қарашада Лондонда DQ деген атаумен өтті. Концерт залы лық толы болды – талантты әншінің өнерін тамашалауға 45 елден жанкүйерлер келді.

 


1788
Тақырып:
Димаштың жұлдызды жолы (120)
Загрузка...