Дастан Оразбеков, қазақстандық танымал әнші

Дастан Оразбеков әкесіне темекі бермей қойғаны үшін өкініп, көзіне жас алды

1695
(Жаңартылды 11:00 20.12.2018)
Әнші 27 жасқа келгенде әкесі өкпе ауруынан көз жұмған

АСТАНА, 19 желтоқсан — Sputnik. Қазақстандық танымал әнші Дастан Оразбеков әлі күнге дейін әкесінің соңғы тілегін орындамағаны үшін өкінетінін айтты. Бірақ, әнші дәл сол күні соңғы сапарға аттанарын білгенде, сөзін жерге тастамайтын едім деп отыр. 

Дастан Оразбековтың әкесі ол 27 жасқа келген кезде қайтыс болған. Әншінің айтуынша, жаман ауруға шалдығып, біраз уақыт емделіпті. Ол әкесінің жиі қайталаған өсиетін айтып берді.

"Біздің әкеміз өте кең адам болған. Мен үшін ол ұлы, қайталанбас тұлғалардың бірі. Әкемді қайтыс болатын күні ауруханаға мен алып кеткендіктен, әлі күнге дейін ол туралы сөз қозғағанда көңілім босайды. Ауруханаға бірге келіп, үйге әкемсіз қайттым. Қатты түңілдім. Әкем "25 жасқа дейін сенде мәңгілік дос болады, одан кейін болмайды. Бауырдан артық ешкім жоқ" деп жиі айтатын. Осы ойымен келіспеген кездерім болды. Мен оны мың рет талқыладым", — дейді әнші Гәкку арнасының "Шыны керек" бағдарламасында.

Десе де, Дастан Оразбеков, соңғы 11 жыл ішінде және 25 жасына дейін жолыққан достарының арасы жер мен көктей екенін жасырмайды. Кейінгілері әншіні бар қалпында қабылдап, жанына көбірек сенім ұялатады екен. Сондай-ақ, әнші өмірде қиналған сәтте бірінші болып бауырларының қасынан табылатынын айтады.

Тағы оқыңыз:

"Астана қаласында жүріп ауырып қалсам, үйге бармауға тырысамын. Себебі, ауру балаларға жұғады деп қорқамын. Мұндайда анамның үйіне келіп еркелеп, уколды да салдырып, дәріні де ішіп жатамын. Осы сәтте бауырдан артық адам жоқ екенін жақсы түсінемін. Меніңше, мұндайды бауыр ғана істей алады", — дейді ол.

Мұнымен қатар, әнші әкесінің соңғы сапарға аттанардағы жалғыз тілегін еске алды. Бұл тілегін орындамағаны үшін әлі күнге дейін өкінеді екен. Осы орайда ол бала Дастанға өткенге өкінбей, ештеңеге қарамастан алдына қойған мақсатына жетуге кеңес берді.

"Әкем "Бір темекі шеккізші" деді. Ол кісінің өкпесі ауыратын еді. Сол күні тамағын бергенім есімде. Ал өтінішіне "Жоқ, әке" деп жауап бердім. Ешқандай бала әкесінің денсаулығы одан бетер нашарлап кеткенін қаламайды деп ойлаймын. Осы үшін әлі де өкінемін. Мұның орнына "Ақыры кетеді екен, бір темекісін шегіп алғаны дұрыс қой" деп ойлаймын қазір", — деп көзіне жас алды.

Әнші ата-анасына берген тәрбиелері мен жасаған жақсылықтары үшін алғыс айтты. Бала күнінде отбасымен бірге күнде кешке Жаңатас қаласындағы көлге барып шомылатын болған екен. Осы секілді естеліктер балаларында да болуы үшін аптасына кемінде бір рет бірге киноға немесе өзге де қызықты жерлерге баруға тырысады.

1695
Кілт сөздер:
достық, туысқан, әке, бала, әнші, Дастан Оразбеков
Тақырып бойынша
Астанада Димаш Құдайберген мен Алина Сансызбай бірге ән шырқады – видео
Димаш Құдайберген Шанхайдағы фестивальде "Жыл әншісі" атанды
Димаш Құдайберген Кремльде жеке концерт береді
Димаш енді Америка сахнасында ән шырқайды — видео
Әуежайда шу шығарған Төреғали Төреәлі жазаланды
"Әміре Төреғали сияқты болмайды". Продюсер не деп уәде берді?
"Мен емес, елім кешірмейді" Төреғали Алтынбек Қоразбаевтың көңілін қалдырды
Әнші Димаш Құдайберген мен актер Джеки Чан

Димаш Джеки Чанның жаңа фильміндегі басты әнді шырқады

485
"Авангард" деп аталатын фильмнің премьерасы Қытай мен Сингапурде және Малайзияда 30 қыркүйекте өтеді

НҰР-СҰЛТАН, 25 қыркүйек – Sputnik. Қазақстандық орындаушы Димаш Құдайберген Джеки Чанның жаңа фильмінің басты әнін орындады.

"Жақын күндері Джеки Чанның "Авангард" атты жаңа фильмі көрерменге жол тартады. Мен ол жерде фильмнің басты әнін шырқадым. 30 қыркүйектен бастап кинотеатрлардан көріңіз", – деп жазды Димаш Instagram парақшасында.

Айта кетейік, "Авангард: Арктикалық қасқырлар" премьерасы 30 қыркүйекте Қытай мен Сингапурде және Малайзияда өтеді. 15 қазаннан бастап Ресей кинотеатрларынан көрсетіле бастайды.

Басты рөлдерді Джеки Чанның өзі мен Ян Ян, Ай Лун, Мия Муци, Чжу Чжентинг, Ван Чжэнвэй, Саид Бадрия, Мир Сарвар, Джан Айдин және Кайл Пол сынды актерлер ойнады. Фильмнің режиссері Стэнли Тун.

Оқи отырыңыз: "Үндемедім": Димаш Құдайберген неден ұялғанын айтты

Фильмде "Авангард" тобы туралы айтылады. Картина сюжеті бойынша Ұлыбританияда "Арктикалық қасқырлар" жалдамалы тобы қытайлық кәсіпкер мен оның қызын ұрлап кетеді. Кепілге алынған адамдарды құтқарудың жалғыз үміті – бұл "Авангард" халықаралық қауіпсіздік қызметі. Олар ғылым мен техниканың жаңа жетістіктерімен қаруланғандықтан, өзгелер орындай алмайтын міндеттерді жүзеге асырады.

485
Кілт сөздер:
жаңа фильм, Джеки Чан, Димаш Құдайберген
Тақырып бойынша
"Ненің құрметіне?!": Димаш шенеуніктерге неге шүйлікті
Димаш тағы бір талантымен жанкүйерлерін тәнті етті – видео
"Бұл неткен қасірет еді": Димаш Құдайберген желіде жазба жариялады
"Димаш Құдайберген" Марсқа ұшты
"Олар мені Димаш деп атайды": науқастарға ән салған санитар сұхбат берді
Астана Балет театры он қайырымдылық концертін өткізеді

"Дәрігерлерге алғыс айтамыз": "Астана Балет" он қайырымдылық концертін өткізеді

58
(Жаңартылды 17:46 21.09.2020)
Алғашқы қайырымдылық концерті 3 қазанда Нұр-Сұлтан қаласында ұйымдастырылады. Театр концертке келушілер үшін барлық санитарлық нормаға сәйкес келетін арнайы "келу алгоритмін" әзірлеген

НҰР-СҰЛТАН, 21 қыркүйек – Sputnik. "Астана Балет" театры Нұр-Сұлтан мен басқа өңірлердің дәрігерлері үшін он қайырымдылық концертін өткізеді, деп хабарлайды театрдың баспасөз қызметі.

"Біз бірнеше ай бойы бар күшін-жігерін адамдардың денсаулығы мен өмірін сақтап қалу жолында жұмсап, еңбектің ерен үлгісін көрсетіп келе жатқан ақ халатты абзал жандарға шынайы ризашылығымызды білдіргіміз келеді", – деді театр директоры Александр Совостьянов.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Алғашқы концерт 3 қазанда Нұр-Сұлтан қаласында өтеді

Он қайырымдылық концерті Қазақстанның бірнеше қаласында өтеді, олардың алғашқысы 3 қазанда Нұр-Сұлтан қаласында ұйымдастырылады. Гастрольдік кесте өңірлердегі эпидемиологиялық жағдайға байланысты кейінірек белгілі болады.

Гастрольдік сапар мәдениет және спорт, сондай-ақ, денсаулық сақтау министрліктерінің қолдауымен ұйымдастырылады.

"Біз концертке көрерменді шақыру арқылы өзімізге жүктелетін жауапкершілікті толықтай сезініп отырмыз, сондықтан, бұған жан-жақты дайындықпен келдік. Театр көрермендер үшін барлық санитарлық нормаға сәйкес келетін арнайы "келу алгоритмін" әзірледі", – деп атап өтті Совостьянов.

Қайырымдылық концерттердің бағдарламасына театрдың "визит карточкасына" айналған айрықша қойылымдар енеді. Солардың бірі – "Ұлы дала мұрасы" дивертисменті. Онда артистер қазақ ұлттық биінің өзгеше мәнерін, иірімі мен ырғағын жан-жақты ашып көрсетеді.

"Өнер адамның рухын көтереді, жан тыныштығын сыйлайды. Біз осы орайда, айрықша қойылымдарды әзірледік, олар көрерменге жеңіл және мерекелік көңіл-күй сыйлайды", - деді театрдың бас балетмейстері Мукарам Авахри.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Гастрольдік кесте өңірлердегі эпидемиологиялық жағдайға байланысты болады

Сондай-ақ, ол артистердің концерттің басты қонағы – дәрігерлерге қажырлы еңбегі үшін алғыс білдіргісі келетінін жеткізгісі келеді.

"Артистер көрерменмен кездесетін күнді ерекше толғаныспен тағатсыздана күтіп жүр. Себебі, осы уақытқа дейін оларға сахна, көрерменнің қошеметі жетіспегені анық, ал кері байланыс оларды қанаттандырады әрі шабыттандырады", - деді  Авахри.

Қазан айында "Астана Балет" көпшілік назарына спектакльдер мен бірнеше премьера ұсынады, олардың ішінде қазақстандық балетмейстер Анвара Садықованың "Желтораңғы туралы аңыз" атты премьерасы бар.

58
Қасым-Жомарт Тоқаев Hyundai Trans Kazakhstan зауытына барды

Тоқаев Алматыда автокөліктің капотына не жазды

570
(Жаңартылды 11:14 26.09.2020)
Президент Алматы қаласына жұмыс сапары кезінде қол қойған автокөлік жаңа зауыттың көрсету залына қойылады

НҰР-СҰЛТАН, 26 қыркүйек – Sputnik. Президент Қасым-Жомарт Тоқаев Алматыдағы Hyundai Trans Kazakhstan зауытына барған кезде жаңа автокөліктің капотында естелік жазба қалдырды.

Мемлекет басшысы "Iске сәт! Ақ жол тілеймін!" деп жазды. Ол сондай-ақ қол қойып, сол күннің датасын көрсетті.

Касым-Жомарт Токаев оставил надпись на капоте авто
© Photo : Astana Motors
Тоқаев жаңа автокөліктің капотында естелік жазба қалдырды

"Астана Моторс" компаниясы Sputnik Қазақстанға президент қол қойған көлікті не істейтіндерін айтты.  

"Ол тарих үшін сақталып, зауыт кеңсесінің көрсету залына қойылады", - деп хабарлады баспасөз қызметі.

Айта кетейік, кәсіпорында президентке автокөліктерді құрастыру процесі көрсетілген болатын. Ол 2020 жылдың 15 қазанында ашылады.

Кәсіпорын пайдалануға берілгеннен кейін оның қуаты бірінші кезеңде жылына 30 мың, екінші кезеңде 45 мыңға дейін машина жасауға жетеді. Инвестицияның жалпы көлемі – 28 миллиард теңгеден астам, оның 30% – компанияның өз қаражаты.

Оқи отырыңыз: Коронавирустың екінші толқынына дайын болайық – Тоқаев 

Hyundai Trans Kazakhstan кәсіпорны 700-ге жуық жұмыс орнын ашып, сабақтас салалардың дамуына серпін береді.

Инвесторлар келешекте автобөлшектер шығаратын зауыт салуды жоспарлап отыр. Осылайша компания отандық автокөлік өнеркәсібін дамыту жөніндегі көздеген мақсаттарына қол жеткізеді. Бұл отандық өндірістің 51 % астамын қамтамасыз етеді.

Еске сала кетейік, жұмада Қасым-Жомарт Тоқаев жұмыс сапарымен Алматыға барды. Ол қалалық клиникалық жұқпалы аурулар ауруханасы филиалының, өнеркәсіптік кәсіпорындардың және көпфункционалды музыкалық орталықтың жұмысымен танысты.

570
Кілт сөздер:
зауыт, Алматы, Қасым-Жомарт Тоқаев
Тақырып бойынша
Президентке құрылыс материалдары өндірісінің технологиялық процесі көрсетілді
Тоқаев жарлыққа қол қойды
Тоқаев жұмыс сапарымен Алматыға барды
Тоқаев Қазақстанның өлім жазасынан бас тартуына байланысты түсініктеме берді