Димаш Құдайберген, танымал қазақстандық әнші

Халық әртісі Мақпал Жүнісова Димаш туралы не ойлайтынын айтты

5062
(Жаңартылды 11:51 08.01.2019)
Халық әртісі Қазақстанда Димаш секілді дауысы 6 октаваға жететін әнші жоқ екенін айтты

АСТАНА, 4 қаңтар — Sputnik. Халық әртісі Мақпал Жүнісова Қазақстанда бұрын-соңды Димаштай әншінің болмағанын айтады. Осы уақытқа дейін қазақстандықтар шетел сахнасында ән шырқағанымен, жеке ән кешін бергендер сирек.

"Димаштай азамат мың жылда бір рет туатын шығар. Ол, шынымен де, қазақ халқының маңдайына біткен жарық жұлдыз десем, артық айтқаным емес. Димашты қайталаудың қажеті жоқ, ол — уникум, дара тұлға", — деді әнші Астана арнасының "Сырласу" бағдарламасында.

Сондай-ақ, Мақпал Жүнісова Димаштың Қазақстанда жүріп бірден бағын аша алмағанына тоқталды. Мұны бір кездері өзі де ата-анасына ескерткен екен. Айтуынша, Қазақстанда Димаштай әншіні қабылдамайды. Мұнымен қатар, ол кезінде біраз отандық әнші шетелде танылғанымен, интернет дамымағандықтан, олар туралы видеолар аз екенін айтты.

"Димаш қазір Майкл Джексон сияқты халықаралық деңгейде концерттер беріп жүр. Бұл қазақтарда болмаған нәрсе. Бізде "Халықаралық әншімін" деп бүкіл әлемді жаулап алғандай сөйлейтіндер бар. Бірақ ешкім бұлай шетелде жеке концерт беріп көрмеген", — деді Мақпал Жүнісова.

Әрі қарай халық әртісі өзі мен әріптестерінің шетелге тек 300-500 адамға концерт қою үшін барғанын айтып берді. Оның өзінде әрқайсысы 4-5 өлеңмен шектелетін болған.

Тағы оқыңыз:

"Димашпен қатты мақтанып жатырмыз. Ресейдің өзі біртүрлі болып, не істерін білмей жүр. Құдай тіл-көзден сақтасын. Шынымен де, Димаштың дауысы 6 октаваға жетіп қалды. Күнделікті өзін баптап, Алла берген дауысын дұрыс пайдаланып жүр", — деді ол.

Мұнымен қатар, Мақпал Жүнісова Әлібек Дінішев, Ермек Серкебаев сынды әншілердің де өзіндік орны бар екенін айтып өтті. Алайда мемлекет тарапынан оларға дұрыс қолдау көрсетілмеген.

5062
Кілт сөздер:
әртіс, әнші, Мақпал Жүнісова, Димаш Құдайберген
Тақырып:
Димаштың жұлдызды жолы (116)
Тақырып бойынша
Қырғыздың халық әртісі Димаш Құдайберген туралы не ойлайтынын айтты
Байбек Димаш Құдайберген мен Қанат Исламға үндеу жолдады
Айгүл Иманбаева Димаш туралы не ойлайтынын айтты
Димаш енді Америка сахнасында ән шырқайды — видео
Мұхамеджанов: Димаш қытайлардың қазақтар туралы пікірін өзгертті
Данэлия неліктен Димаш ұсынған ақшадан бас тартқанын түсіндірді
Мақпал Жүнісова туралы не білеміз?
Загрузка...