Микрофон

"Жексұрын болдым": Танымал әнші құмар ойынға салынып, 200 000$-дан айырылғанын мойындады

7883
(Жаңартылды 13:18 10.04.2019)
Бағлан Әбдірайымов бизнеске деп жинаған ақшаны казинода ұтылып, жақындарына өтірік айта бастаған

АСТАНА, 27 қаңтар — Sputnik. Танымал қазақстандық әнші, "Жігіттер" тобының солисі Бағлан Әбдірайымов бірнеше жыл бұрын құмар ойындарға тәуелді болып, 200 мың долларға дейін қарызға кіргенін айтты. Осы орайда, ол алғаш рет қазақстандық ер-азаматтарға сабақ болсын деген ниетпен басынан өткен оқиғасын баяндап берді. 

Бағлан Әбдірайымов құмар ойындарға тәуелділіктің қызығушылық пен ұтыстан басталатынын айтады. Бастапқыда көп ұтысқа ие болғаны соншалық, кей казино оны ғимаратына кіргізуден бас тартқан. Әнші құмар ойындарға деген қызығушылығының Шымкент қаласында оқып жүргеннен басталғанын жасырмады. Күнделікті дүкенде тұрған автоматқа ақша салып ойнайтын болған екен.

"Мен казинодағылар үшін ыңғайыссыз ойыншы болдым. Өйткені, 500, 1 000 доллармен келіп ойнап, ұтылмай қайту деген қағидам бар еді. Бір кездері лотореядан жаңа Tayota Carolla көлігін де ұттым. Әдетте казиноға "Бүгін 500, 1 000 доллар ұтсам жетеді" деп барасың да ойламаған жерден 5-7 мың доллар ұтып кетесің. Тіпті, 25 мың доллар ұтатын кездер де болады. Анау-мынауды есептемегенде ойынға деп 80 мың доллар ұстап жүрдім", — дейді Бағлан Әбдірайымов Аман Тасығанның TalkLike бағдарламасында. 

Әнші осылай ұтысқа ие болып қана қоймай, казинода жарты немесе бір сағат қана ойнайды. Ал казино үшін бұл тиімсіз болған. Алайда көп ұзамай бұл уақыттың ұзара түскенін айтады.

"Алғаш рет бір үстелде 24 сағат ойнап, 30 мың доллар ұтылдым. Осы 30 мың долларды төрт рет ұтылып, төрт рет қайта ұтып алып, соңында өзім шаршап қалдым шамам келмей. Ақыры ұтылып қайттым. Кейін 15 мың долларға ойнап, үстіне 10 мың доллар қосып ұттым. Бірақ кешегі жеңілісіме 5 мың доллар жетпей тұрған соң тағы да ойнағым келді. Содан әр барған сайын казиноға ақша қалдырып кетіп отырдым", — деді әнші.

Тағы оқыңыз:

"Жігіттер" тобының солисі аз ғана уақыт ішінде 200 мың доллар қарыз болып қалғанын айтады. Тіпті, бизнеске деп жинаған ортақ ақшаның да бір бөлігін құмар ойындарда ұтылып, серіктестерінің сенімінен айырылған. Өзі көп адамға өтірік айтқанын да жасырмайды. Десе де, жақын достары мен жұбайы қолдау көрсетіп, тығырықтан шығуға көмектескен-ді. Соңғы рет казиноға үш ай бұрын барған екен. "Қарызданып әбден жексұрын болдым" дейді әнші. 

7883
Кілт сөздер:
казино, құмар ойын, доллар, ұтыс, әнші
Тақырып бойынша
"Әнші қыздардың бірі": Мақпал Жүнісова бағалы әшекейлерін кім ұрлағанын айтты
Танымал әнші жаңа бейнебаян шығарып, интернетті бұзды - видео
Әнші Ғаділбек Жанай ұстаздарға кимешек кигізуді ұсынды
Қазақстанға белгілі 4 әнші Халыққа қызмет көрсету орталығына "жұмысқа тұрды"
Психоаналитик қандай адамдардың несие алуға құмар болатынын айтты
Әнші Бүркіт: Біреуіміз аяғымыз шалынып құласақ, бәріміз жатып күлетін күнге жеттік
"Қазақша сөйлеймін". Әнші Шахризат орыс тілінде сұхбат беруден бас тартты
Шәмші Қалдаяқовқа музей ашылды

Түркістан облысында Шәмші Қалдаяқовқа музей ашылды

46
Шәмші музейі жас композиторлар мен әншілер тәу ететін зиярат орнына айналуы тиіс, деп атап өтті Өмірзақ Шөкеев

АЛМАТЫ, 14 тамыз – Sputnik. Түркістан облысында Шәмші Қалдаяқовқа арналған Қазақстандағы алғашқы музей ашылды. Бұл шара композитордың 90 жылдық мерейтойы қарсаңында Қалдаяқов туып-өскен Отырар ауданында өтті, деп хабарлады облыс әкімдігінің баспасөз қызметі.

Музейдің ашылу салтанатына өңір басшысы Өмірзақ Шөкеев қатысты. Ол Шәмшіге арналған музей демеушілер есебінен ашылғанын айтып өтті. 

"Бүгін айтулы мереке. Түркістан облысына келгелі Шәмшінің кіндік қаны тамған жерде оған арналған музейдің жоқ екенін білдім. Тіпті біздің бүкіл республикада "қазақ вальсінің короліне" арналған бір де бір музей жоқ. Аз уақыт ішінде кеткен кемшіліктің орнын толтыру үшін тапсырма беріп, демеушілер есебінен Шәмші музейін ашуды қолға алдық", - деді Өмірзақ Шөкеев.

Оның пікірінше, Шәмші музейі Жидебайдағы Абай музейі секілді жас композиторлар мен әншілер тәу ететін зиярат орнына айналуы тиіс.

Музей ішінде композитордың қолданған бұйымдары, саз шығаруға сеп болған мандолина секілді құнды жәдігерлер бар. Қазақстанның Ұлттық музейі Шәмші музейінің ашылуына орай композитордың бас киімін тарту етті.

Айта кетейік, Түркістан облысының орталығындағы жаңа музыка мектебіне Шәмші Қалдаяқов есімі берілді. Сонымен қатар музыка мектебінің алдында композитордың ескерткіші бой көтереді. Түркістан қаласындағы көшелердің біріне сазгердің есімі берілді.

46
Кілт сөздер:
музей, Шәмші Қалдаяқов
Тақырып бойынша
Нұрғали Нүсіпжанов болашақ жарымен бес жыл бұрын не туралы сөйлесті – видео
Қазақтың танымал тұлғаларының есімі қандай мағынаны білдіреді?
Мұхтар Шаханов бүгін 78 жасқа толды: жазушы туралы қызықты деректер
Рухани Жаңғыру

"Рухани жаңғыру" бағдарламасын өзгеріс күтіп тұр

66
(Жаңартылды 13:46 13.08.2020)
Ақпарат және қоғамдық даму министрлігі "Рухани жаңғыру" бағдарламасы жаңа жағдайға бейімделетінін хабарлады

НҰР-СҰЛТАН, 13 тамыз – Sputnik. Қазақстан ақпарат және қоғамдық даму вице-министрі Болат Тілепов "Рухани жаңғыру" бағдарламасы заман талабына сай өзгертілетінін айтты, деп хабарлайды Sputnik Қазақстан тілшісі.

"Егер біз санамыздағы пайдасыз қағидаттар мен қажетсіз әдеттерден, тіл мен ділдің қадірсіздігінен, талғамсыз салт пен дарақы дәстүрден дер кезінде арылмасақ, жаңа әлемнің өркениетті жетістіктерінен үмітіміз де аз. Сол себепті қазіргі таңда министрліктің алдында "Рухани жаңғыру" бағдарламасын жаңа жағдайға бейімдейтін бірқатар міндет тұр", - деді Тілепов орталық коммуникациялар қызметінде өткен онлайн брифингте.

Оқи отырыңыз: Назарбаевтың тапсырмасын орындамаған шенеунік сөз естіді

Вице-министрдің айтуынша, алдағы уақытта ұлттық ерекшелікті сақтай отырып, қазақстандықтардың қазіргі заманғы сын-талаптарына төтеп бере алатын және жеке кәсіби қасиеттерін дамытатын іс-шараларға басымдық беріледі. Осыған орай, бірнеше арнайы жобаның нобайы әзірленді.

"Мәселен, прагматикалық өмір салтын дәріптейтін жоба бар. Бұдан бөлек, ізгілік және тәрбие құндылықтары тұрғысынан өзекті болып отырған "Дәстүр мен ғұрып", елдің құқықтық мәдениетін ашатын "Құқықтық мәдениет", еңбекқорлыққа шақыратын және масылдықтан бас тартуға үндейтін "Еңбек – елдің мұраты" деген бастамалар бар. Әрине, олардың қамтитын тақырыптық шеңбері атауынан әлдеқайда кең", - деп атап өтті Тілепов.

Оның сөзіне қарағанда, жаңа жобалар аясында өскелең ұрпақтың мінезін қалыптастыру, эстетикалық талғамға баулу, тағамтану мәдениетінен бастап музыка мен театр сияқты терең дүниелерді қабылдау, азаматтардың қарапайым құқықтарын қорғай білуі, кәсіп жасау сияқты мәселелер де қамтылады.

"Оған өткенде ел президенті айтқан қоғамның экологиялық сауатын ашу және экомәдениетін көтеру мәселесі де кіреді. Сосын кітап сүйер ұлтты қалыптастыру, әсіресе, мектеп жасындағы балаларды кітап оқуға баулудың маңызы зор", - дейді Тілепов.

66
Кілт сөздер:
өзгерістер, Рухани жаңғыру
Тақырып бойынша
Ақпарат министрі "Рухани жаңғыру" логотипі туралы: құстардың бәрі бір-біріне ұқсайды
"Рухани жаңғыру" ұрлықтан басталғаны ма немесе министрлік гонорарға 50 мың теңге таппаған
Оралда дүлей жел талдарды құлатып, "Рухани жаңғыру" деген жазуды қиратты
Абаев: "Рухани жаңғыру" эмблемасы туралы жайтқа кінәлілерді іздеудің қажеті жоқ
ҰБТ, архивтегі фото

Грант иегерлерінің тізімі қашан жарияланатыны белгілі болды

588
(Жаңартылды 17:25 15.08.2020)
2020 жылғы грант иегерлерінің тізімі 15 тамыз күні сағат 18:00-де testcenterkz парақшасында жарияланады

НҰР-СҰЛТАН, 15 тамыз – Sputnik. 2020 жылғы білім гранты иегерлерінің тізімі 15 тамызда жарияланады, деп хабарлайды Sputnik Қазақстан.

"Грант иегерлерінің тізімі бүгін сағат 18:00-де testcenterkz парақшасында жарияланады", - деп жазды Ұлттық тестілеу орталығының басшысы Дидар Смағұлов Instagram-да.

Оның айтуынша, комиссия отырысы аяқталып, шешім қабылданған.

Грант қалай тағайындалады?

"Бакалавр" дәрежесі бойынша білім гранттары ұлттық бірыңғай тестілеудің немесе кешенді тестілеудің нәтижесіне қарай конкурстық негізде беріледі. Конкурс кезінде Қазақстан тарихы, математика, оқу сауаттылығы (қазақ немесе орыс тілі) және екі бейіндік пәннің ұпай саны ескеріледі. Ал шығармашылық пәндер болса, емтихандардың нәтижесі есепке алынады.

Оқытудың қысқартылған мерзімін көздейтін және жоғары білімнің ұқсас білім беру бағдарламалары бойынша оқуға түсемін деушілердің кәсіптік пәннен және арнайы пәннен жинаған ұпайы ескеріледі. Сол сияқты шығармашылық даярлық бойынша арнайы пән мен шығармашылық емтиханның бағасына қарайды.

Қанша балл жинау керек?

Жоғары білімнің білім беру гранттарын тағайындауға арналған конкурсқа қатысу үшін шығармашылық даярлықты талап ететін жоғары білімнің білім беру бағдарламаларына түсушілерді қоспағанда, ұлттық университеттерге түсу үшін ҰБТ нәтижесі бойынша кемінде 65 балл жинау керек.

  • "Педагогикалық ғылымдар" бойынша кем дегенде 70 балл;
  • "Ауыл шаруашылығы және биоресурстар" және "Ветеринария" бойынша кемінде 60 балл.

Басқа жоғары оқу орындарына түсуі үшін кемінде 50 балл жинау қажет. Педагогика бойынша ұпай саны 70 болса, медицина мамандықтарына түсу үшін кем дегенде 65 балл алу керек.

Ал шығармашылық даярлықты талап ететін жоғары білімнің білім беру бағдарламаларына түсушілерді қоспағанда, оқытудың қысқартылған мерзімін көздейтін жоғары білімнің ұқсас білім беру бағдарламаларының тобы бойынша білім беру бағдарламалары топтарына түсушілерге ҰБТ нәтижесі бойынша – кемінде 25 ұпай жинау керек.  

Кімге басымдық беріледі?

Конкурс кезінде грантқа үміткерлердің ұпай саны тең болса, басымдық беру шарттары қарастырылған. Олар:

  • "Алтын белгi" белгiсімен марапатталған тұлғалар;
  • техникалық және кәсіптік білім алғаннан кейін мамандығы бойынша кемінде бір жыл жұмыс өтілі бар тұлғалар;
  • тiзбесiн бiлiм беру саласындағы уәкiлеттi орган айқындайтын жалпы бiлiм беретiн пәндер бойынша халықаралық олимпиадалар мен ғылыми жобалар конкурстарының (ғылыми жарыстардың) (бiрiншi, екiншi және үшiншi дәрежелi дипломдармен марапатталған), орындаушылардың халықаралық және республикалық конкурстарының және спорттық жарыстардың (бiрiншi, екiншi және үшiншi дәрежелi дипломдармен марапатталған) соңғы үш жылдағы жеңiмпаздарының, сондай-ақ өздерi таңдаған мамандықтар олимпиадалардың, конкурстың немесе спорттық жарыстың пәнiне сәйкес келген жағдайда, жалпы бiлiм беретiн пәндер бойынша ағымдағы оқу жылында президенттік, республикалық олимпиадалар мен ғылыми жобалар конкурстарының (бiрiншi, екiншi және үшiншi дәрежелi дипломдармен марапатталған) жеңiмпаздары;
  • жетiм балалар мен ата-анасының қамқорлығынсыз қалған балалар, сондай-ақ кәмелетке толғанға дейін ата-аналарынан айырылған немесе ата-анасының қамқорлығынсыз қалған жастар қатарындағы Қазақстан Республикасының азаматтары;
  • I және II топтағы мүгедектер, жеңілдіктері мен кепілдіктері бойынша Ұлы Отан соғысының қатысушылары мен мүгедектеріне теңестірілген тұлғалар, медициналық қорытындыға сәйкес тиісті білім беру ұйымдарында оқуға қарсы айғақтары жоқ бала кезінен мүгедектер, мүгедек балалар және үздік білімі туралы құжаттары (куәліктері, аттестаттары, дипломдары) бар тұлғалар.
  • Гранттардың 70 проценті жалпы конкурс тәртібімен беріледі, қалған 30 проценті тек ауыл жастары арасынан шыққандарға таратылады.

 

588
Кілт сөздер:
грант тізімі, грант