Әншілердің баспасөз мәслихаты

"Неге бермеске?" Танымал қазақстандық жас әнші атақтан дәмелі екенін жасырмады

1368
Нұрболат Абдуллин 2017-2018 жылдары ел-елді аралап, 200-ден астам концерт қойған

АСТАНА, 4 ақпан – Sputnik. Қазақстандық әнші Нұрболат Абдуллин 2019 - Жастар жылы марапат алудан дәмелі екенін білдіріп қойды, деп хабарлайды Sputnik Қазақстан тілшісі.

Бүгін мәдениет және спорт министрлігінде Жастар жылына орай белгілі өнер жұлдыздарының қатысуымен брифинг өтті. Шараға Мөлдір Әуелбекова, Әлішер Кәрімов, Әли Оқапов, Нұрболат Абдуллин, Бақтияр Адамжан, "Жігіттер" тобының солисі қатысты.

Брифинг барысында әнші Нұрболат Абдуллин өнер иелеріне көрсетіп жатқан қолдауы үшін Елбасы мен мәдениет және спорт министрлігіне алғысын айтты.

"Жастар жылы деп жариялаған кезде, шын мәнінде қуандық. Мен өзім "Қазақконцерт" бірлестігінде жұмыс істеймін. Бірлестіктің ең кенже әншісі менмін. 2017-2018 жылдары берген концерттерімді есептесем, облыс-аудандарды аралап бас-аяғы 200-ден аса концерт өткізіппін. Биыл жастар жылы тек басты қалалар ғана емес, үлкенді-кіші ауылдар да қамтылса екен деген тілегім бар. Сондықтан сол жақтағы әкім ағаларымыз концерт қою үшін немесе тағы басқа шаруалармен барған жастарға қолдау көрсетеді деп сенемін", - деген ол Жастар жылында марапат алғысы келетінін жасырмады.

Пресс-конференция в Министерстве культуры и спорта РК
© Sputnik / Владислав Воднев
Нұрболат Абдуллин (оң жақта)

"Мына жерде атағы жоқ мен ғана екенмін. Құдай қаласа, 2019 жылы – Жастар жылын пайдаланып, бір атақты алып алайық", - деді Абдуллин.

Осыдан кейін журналистердің бірі эстрада әншілері неге әлі күнге дейін министрліктің қаржылай қолдауына мұқтаж екенін, тіпті атақ алғысы келетіндер де бар екенін сұрады. Абдуллин шын мәнісінде халықтың ыстық ықыласы мен қошеметінен асқан атақ жоқ деп ақталды.

"Мен өнерге өз еңбегіммен, инвестордың немесе продюсердің қолдауынсыз келдім. Министрліктің қолдауына ие болу үшін де соған лайықты адам болу керек қой. Мәселен, мен үшін Джастин Тимберлейк ешкім емес. Ол да жақсы әнші,  бірақ басқа елдің өнерпазы. Біз өзімізді ұлықтап, өзімізді қолдауымыз керек. Мақтайтын жерде мақтап, сынайтын жерде сынау керек",  - деді өнер жұлдызы.

Ол әншілерге бүкіл халықтың алдында концерт беру жұрт ойлағандай оңай емес екенін, өзіндік қиындықтары бар екенін атап өтті.

"Құдай қаласа, биыл күзге қарай елуден аса концерт жоспарлап отырмыз. Сол кезде бізбен бірге еріп жүрсеңіздер, әртістің өмірін, әртістің жағдайын өз көздеріңізбен көресіздер. Тіпті, сахнада отырғанда бір жұтым суға зар болып қалатын кездер болады. Бір ауданда мәдениет үйі бар, бірақ жөнді аппаратурасы, микрофоны жоқ", - деді әнші.

Абдуллин елдің сүйіспеншілігіне бөленіп жүрген әртістерге атақ беруді құптайтынын жеткізді.

"Елдің сүйіспеншілігіне, ықыласына бөленіп жүрген кісілерге неге атақ бермеске?! Мен бұл жерде атақ сұрап отырған жоқпын, жалпы айтып жатырмын. Сондықтан көзге көрініп тұрған, оқшауланып тұрған дүниеге адам жақсы қарап, мақтауы керек деп ойлаймын. Шетелден бізге ешнәрсе керек емес. Джастин Тимберлейк бар, басқасы бар, ол біздің менталитетке келмейді. Мен оны жек көрмеймін, бірақ, "ел боламын десең, бесігіңді түзе" деген. Біз өзіміздің қазақтығымызды ұлықтауымыз керек. Америкаға немесе Ресейге барып, солардың тілімен оларды таңғалдыра алмайсыз...Ешкім далада тектен-тек қой бағып жүрген жоқ", - дейді ол.

1368
Кілт сөздер:
марапат, жастар жылы, әншілер
Тақырып бойынша
Әнші Төреғали комедиялық фильмде басты рөлді сомдады — видео
Әнші Шахризат қыздардың сахнада жүруіне қарсы шықты
Танымал әнші ұшақ жолаушысының өмірін құтқарып қалды
"Жексұрын болдым": Танымал әнші құмар ойынға салынып, 200 000$-дан айырылғанын мойындады
Алматыда елімізге танымал әнші 6 жылға сотталды
"Әнші қыздардың бірі": Мақпал Жүнісова бағалы әшекейлерін кім ұрлағанын айтты
Танымал әнші жаңа бейнебаян шығарып, интернетті бұзды - видео
Астанада Абай Құнанбайұлының құрметіне арналып салынған мурал

Польшада Абай бейнеленген пошта маркасы шығарылды

44
(Жаңартылды 17:29 30.06.2020)
Қазақстанның Польшадағы елшілігі ұлы ойшылдың бейнесі бар пошта маркасын шығару бастамасын көтерген

НҰР-СҰЛТАН, 30 маусым – Sputnik. Польшада Абай Құнанбайұлының 175 жылдығы құрметіне ұлы ақын бейнеленген пошта маркасы шығарылды, деп хабарлайды Sputnik Қазақстан сыртқы істер министрлігінің баспасөз қызметіне сілтеме жасап.

Абай бейнеленген пошта маркасын Қазақстанның Варшавадағы елшілігінің бастамасымен "Почта Польска" компаниясы шығарған.

Қазақстанның Польшадағы елшісі Әлім Қирабаев қазіргі ұрпақты адалдық пен әділеттілік қағидаларын басшылыққа алуға, сондай-ақ, өз халқына қызмет етуге және ағартуға ұмтылуға шақырып, ақынның философиялық идеялары мен өлмес әдеби мұрасының өзектілігін атап өтті.

"Почта Польска" АҚ төрағасы Томаш Здзикота ұлы ойшыл бейнеленген пошта маркасы филателистердің зор қызығушылығын тудырып, бірлескен сәтті жобалардың айғағы болатынына сенім білдірді.

Тағы оқыңыз: Абай мерейтойына арналған шаралар қай кезде басталады

"Абайдың 175 жылдығын мерекелеу аясында өткізілген шара поляк аудиториясын Қазақстан халқының мәдени мұрасымен және рухани байлығымен таныстыруға жақсы мүмкіндік ұсынды", - делінген хабарламада.

Пошта маркасын таныстыру салтанатына, Қазақстан елшілігінің өкілдерімен қатар,  "Почта Польска" АҚ мен Польша сыртқы істер министрлігінің басшылығы қатысты.

Кездесу соңында елші қонақтарға поляк тілінде жарық көрген Абайдың "Қара сөздер" кітабының бірнеше данасын табыстады.

Абайдың 175 жылдығы

Биыл Қазақстанда Абай Құнанбайұлының 175 жылдығы аталып өтіп жатыр. Ұлы ақынның мерейтойына республикалық бюджеттен 2,36 миллиард теңге қарастырылған.

30 маусымда елордада ABAI TV телеарнасының ашылу салтанаты өтті. Жаңа арна "Qazaqstan" телерадиокешеніне кіреді.

Бұдан бөлек, Абай туралы деректі фильм түсіріліп жатыр.

Сонымен қатар, Қазақстанда мерекелік даталардың қатары Абай күнімен толығуы мүмкін. Мәдениет және спорт министрлігі жариялаған тиісті қаулы жобасы қазір талқылануда.

44
Кілт сөздер:
сыртқы істер министрлігі, пошта, Абайдың 175 жылдығы
Тақырып:
Абайдың 175 жылдығы
Қазақстанның халық әртісі Нұржамал Үсенбаева

"Менің Қыз Жібегім осындай болуы керек": Нұржамал Үсенбаева кімнен бата алғанын айтты

1730
(Жаңартылды 17:46 29.06.2020)
Опера әншісі бірнеше жыл бұрын Сәкен Майғазиевтің ұсынысымен "Мен сенімен кездестім" әнін дуэтпен орындап, бейнебаян түсірген

АЛМАТЫ, 29 маусым – Sputnik. Қазақстан мен Татарстанның халық әртісі, опера әншісі, "Құрмет" сыйлығының иегері Нұржамал Үсенбаева Абай атындағы опера және балет театрынан кеткенімен, өнер сахнасынан алыстаған жоқ. Ол жақында жаңа бейнебаянын жарыққа шығарады.  Sputnik Қазақстан тілшісіне берген сұхбатында әнші шығармашылығындағы жаңалығы мен жоспарлары жайлы айтты.

"Індетке байланысты көптеген опера спектаклім, жеке концертім кейінге қалды. Әлем болып күрес жүріп жатқан аурудың емі табылып, баршамыз үлкен сахнада жолығамыз деп сенемін. Алайда карантин деп шығармашылығымды тоқтатқан жоқпын", – деп бастады әңгімесін халық әртісі.

Нұржамал Үсенбаева
© Photo : Нұржамал Үсенбаеваның жеке архивінен
Қазақстанның халық әртісі Нұржамал Үсенбаева

Сонымен қатар Нұржамал Үсенбаева Шөмішбай Сариевтің сөзі мен Төлеген Мұхамеджановтың әніне жазылған "Аққуым" әні жайлы айтып берді.

"Бұл ән өзіме қатты ұнайды, дауысыма да сай келеді. Аққу – әр адамның арманы, қол жетпейтін арманы десе де болады. Өмір сонысымен қызық, адам соның жолында еңбектенеді, тырысады, арманға қол жеткізу үшін ізденеді. Адамның жалпы өмір жолы да дәл солай, адам бір дүниеге қол жеткізуі үшін талмай еңбектенуі қажет. Егер бойыңда бар қасиетті орнымен жарата алмасаң, одан пайда болмайды", - дейді әнші. 

Нұржамал Үсенбаева 1983-2016 жылдары Абай атындағы Қазақ мемлекеттік академиялық опера және балет театрында қызмет етті. Одан кейін астанаға қоныс аударды. Қазір Нұр-Сұлтан қаласындағы мемлекеттік филармонияның солисі болып қызмет етеді. 

"Театрдан кетсем де, сахнадан кеткен жоқпын. Театрдағы әріптестерімнің шақыруымен опералық спектакльдерге, концерттерге барып, сүйікті театрымның сахнасында өнер көрсетемін. Мен үшін ең маңыздысы – сахна. Мені өсірген, тәрбиелеген, алғаш ән әлеміне, шығармашылыққа қадам жасатқан да Абай атындағы театр. Ал қазір өзім еңбек етіп жатқан филармония да кәсібилік жағынан өте жоғары деңгейде", - дейді Үсенбаева.

Посмотреть эту публикацию в Instagram

Публикация от Нуржамал Усенбаева (@nurzhamal_ussenbayeva)

Ғабит Мүсірепов бата берді

Халық әртісі театр сахнасында алғаш Қыз Жібек партиясын Қазақ ұлттық консерваториясының студенті кезінде орындаған. Сол қойылымды тамашалап отырған қаламгер-драматург Ғабит Мүсірепов әншіге батасын берген.

"Қыз Жібек" операсы – менің дебютым, өнердегі алғашқы қадамым. Консерваторияның студенті кезімде театрдың 50 жылдығына арнап жаңа қойылым қойылды. Режиссері – Байғали Досымжанов. Сол кезде пьеса авторы Ғабит Мүсірепов залда отырып, спектакль біткен соң сахнаға шығып батасын берді. "Менің Қыз Жібегім осындай болуы керек" деп айтты. Ұлы драматургтің бір ауыз сөзі мен үшін бата", - дейді ол.

Халық әртісі кейінгі кезде "Гәкку" ариясын орындап жүрген әншілерге де оң бағасын берді. Әр орындаушының өз стилі, ерекшелігі болады, әрбір әншіні сүйіп тыңдайтын тыңдарманы тағы бар, деп толықтырды Үсенбаева.

"Гәкку" әнімен қатар халық әртісінің "Ақ желкен" әні де көпшілікке танымал. Бұл – әншінің жолдасы, белгілі сазгер Төлеген Мұхамеджановтың сағынышынан туған ән.

Посмотреть эту публикацию в Instagram

Публикация от Нуржамал Усенбаева (@nurzhamal_ussenbayeva)

"Ақ желкен" әнін орындап жүргеніме 30 жылдан асты. Біз отбасы құрған соң алғаш ұзақ уақытқа гастрольдік сапарда жүргенімде Төлеген сағынышын ән арқылы жеткізген", - дейді әнші.

Отбасы жайлы азды-көпті әңгіме арасында Үсенбаева жолдасы екеуінің күнделікті бірге жаттығу жасайтынын да айтып қалды.

"Күнде таңертең жаттығу жасау – біз үшін міндет. Ол кісі маған үлгі, еңбек еткеніне қарап мен де жаттығамын. Денсаулық – ең бірінші байлық, ал сол байлықты сақтап қалу үшін ерінбей денсаулықты күтіп, еңбектену қажет", - дейді Үсенбаева.

Жаңа бейнебаян

"Опера әншілері эстрада әншілері секілді көп бейнебаян түсіре бермейді. Соған қарамастан менде бірнеше бейнебаян бар. Бірнеше жыл бұрын әнші Сәкен Майғазиевтің ұсынысымен "Мен сенімен кездестім" әнін дуэтпен орындап, бейнебаян түсірдік. Сәкен – керемет әнші, әдемі дауыстың иесі, жақсы азамат. Оның ұсынысын қуана-қуана қабылдадым", - дейді Үсенбаева.

Сол бейнебаянды көрермен жақсы қабылдағандықтан, опера әншісі қазір жаңа бейнебаян түсіру бойынша жұмыс істеп жатыр. Көп созбай, жаңа бейнебаян шығарамын, деп бөлісті әнші.

Нұржамал Үсенбаева
© Photo : Нұржамал Үсенбаеваның жеке архивінен
Қазақстанның халық әртісі Нұржамал Үсенбаева

Халық әртісі Қазақстанның оңтүстігінде Арыс қаласында дүниеге келген. Әнші қайырымдылық концертін өткізіп, туған жеріндегі көмекке мұқтаж жандарға қол ұшын созып отырады.

"Арысым – алтын бесігім. Өткен жылы болған жарылысқа байланысты әрине, жаным ашиды, уайымдаймын, жерлестерімнің, жалпы қазақстандықтардың сан түрлі апаттан аман болғанын қалаймын, амандығын тілеймін. Мүмкіндігінше қайырымдылық концерттерін өткізіп, мұқтаж жандарға көмек беріп отырамын. Барша қазақстандыққа амандық пен береке тілеймін", - деп аяқтады әңгімесін Үсенбаева.

1730
Кілт сөздер:
сұхбат, өнер, Нұржамал Үсенбаева
Тақырып бойынша
Жазушы Ғабит Мүсірепов туралы қызықты деректер
Димаш АҚШ-тың продюсерлік агенттігімен келісімшартқа қол қойды
Құлақтан кіріп, бойды алар... Қазақ музыкасы Мәскеу халқын тәнті етті
"Қыз Жібекті" үш жыл түсірдік": актер әрі режиссер Асанәлі Әшімов жайлы не білеміз
Ресейдің СІМ ғимараты

"Бізге дәлел қажет": Ресей New York Times мақаласына баға берді

0
Таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады

АЛМАТЫ, 2 шілде – Sputnik. Ресейдің сыртқы істер министрлігі Ресейдің тәлібтермен "сөз байласқанына" қандай да бір дәлел бар екеніне қатысты түсініктеме берді. Ресей Федерациясы президентінің Ауғанстандағы арнайы өкілі, Ресей СІМ екінші Азия департаментінің директоры Замир Кабуловтың айтуынша, мақалада тек бос айыптаулар жазылған.

"Бізге дәлел қажет, ал олар жоқ. Бұл бос пайымдау ғана", - деп мәлімдеді Кабулов Sputnik радиосына. 

Ол сондай-ақ, мақалада есімі аталатын контрабандист Рахмат Азизи жайлы ешқашан естімегенін айтты. Басылымның мәліметі бойынша, ол екі тараптың арасында бас делдал болған.  

Сонымен қатар Кабулов мақаланы оқып отырған кезде жауаптан гөрі сұрақ көп туындайтынын атап өтті.

"Жалған дүниені де мұқият дайындау қажет",- деп толықтырды ойын Кабулов. 

Айта кетейік, таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады. Мақала авторының айтуынша, делдал – контрабандист Рахмат Азизи деген азамат.

Бұған дейін NYT басылымы атауы көрсетілмеген арнайы қызметтерге сілтеме жасап, Ауғанстандағы америкалық сарбаздарға шабуыл жасағаны үшін Ресейдің тәлібтермен байланысы бар жауынгерлерге сыйақы ұсынғаны жайлы мақала жариялады. Алайда мақалада ешқандай дәлел көрсетілмеген.

"Талибан" қозғалысының өкілі Забиулл Муджахид америкалық басылымның бұл сөзін жоққа шығарды. Ал Трамп бұл мақаланы тапсырыспен жазылған болуы мүмкін деп бағалады.

0