Әли Оқапов

Әли Оқапов неден қорқатынын айтты

427
(Жаңартылды 15:20 04.02.2019)
Оның пікірінше, бала зорлау оқиғаларын бүкіл әлемге жар салып, жариялау әдепке жатпайды

АСТАНА, 4 ақпан – Sputnik. Қазақстандық әнші Әли Оқапов ел ішінде ұрлық-қарлық, зорлау секілді оқиғалардың көбейіп кеткеніне алаңдайтынын және мұндай проблеманы мәдениеттің көмегімен шешуге болатынын айтты, деп хабарлайды Sputnik Қазақстан тілшісі.

Жас әншінің айтуынша, кей кезде жаңалықты ашып оқуға қорқатын кездер болады.

"Денис Теннің өлімі туралы айтпау мүмкін емес, жанға бататын жайт. Кей кезде "Қазір неге осындай жаңалықтар шығып жатыр? Бұл жақсы ма, әлде жаман ба?" деп өз-өзіңе сұрақ қоясың. Тіпті кейде жаңалықты ашып оқуға қорқасың, өйткені әртүрлі жағдайлар болады. Мүмкін, мұның бәрі ақпарат саласының дамығанынан шығар", - дейді Оқапов мәдениет және спорт министрлігінде өткен брифингте.

Оның пікірінше, бала зорлау оқиғаларын бүкіл әлемге жар салып, жариялау әдепке жатпайды.

"Себебі біз сол балалардың тағдырын, болашағын ойлауымыз керек. Ең алдымен, олар өздері немесе ата-анасы шешім қабылдауы керек, тиісті шаралар қолға алынуы керек", - дейді өнер жұлдызы.

Оқапов мәселенің анық-қанығына көз жеткізбейінше, пікір білдіруге асықпайтынын айтты.

Тағы оқыңыз: Танымал әнші Димашты сынаған Ринат Зайытовқа жауап берді

"Өйткені кейін істің мән-жайы шығып, сенің пікірің қате болып қалып жатады. Жалпы мұндай оқиғалар елімізде мүлде болмауы керек, қайталанбауы керек деп санаймын. Мұндай мәселелерді мәдениеттің көмегімен де шешуге болады деп ойлаймын. Себебі рухани бай адам мұндай қадамға бармайды", -деген пікірде әнші.

427
Кілт сөздер:
Әли Оқапов, Мәдениет және спорт министрлігі, әнші
Тақырып бойынша
Әнші Айқын Төлепберген қазақстандықтарға үндеу жасады – видео
Әнші Ғаділбек Жанай ұстаздарға кимешек кигізуді ұсынды
"Әнші қыздардың бірі": Мақпал Жүнісова бағалы әшекейлерін кім ұрлағанын айтты
Алматыда елімізге танымал әнші 6 жылға сотталды
"Жексұрын болдым": Танымал әнші құмар ойынға салынып, 200 000$-дан айырылғанын мойындады
Танымал әнші ұшақ жолаушысының өмірін құтқарып қалды
"Залда шал жоқ". Тұрсынбек Қабатов әнші Төреғалимен әзілдесті
Загрузка...