Димаш Құдайберген, архивтегі сурет

"Тағы да таңғалдырды" Димаш америкалық шоудың үшінші кезеңіне өтті видео

2511
(Жаңартылды 11:02 21.02.2019)
Екінші кезеңде Димаш 94 балл, ал қарсыласы болған монах қызы 39 балл жинады

АСТАНА, 21 ақпан – Sputnik. Қазақстандық әнші Димаш Құдайберген The World's Best шоуының қазылар алқасы мен сарапшыларын тағы да таңғалдырып, үшінші кезеңге өтті, деп хабарлайды Sputnik Қазақстан.

Екінші турда Димаш Құдайберген сахнаға ұлттық нақыштағы алтын түстес костюм киіп шықты. Отандасымыз Селин Дионның All by myself композициясын орындады.

Посмотреть эту публикацию в Instagram

Публикация от Димаш ҚҰДАЙБЕРГЕН (@kudaibergenov.dimash)

"Жұлдыз туды", - деді әділ қазылар алқасының мүшесі, актер Ру Пол.

Екінші кезеңде Димаштың қарсыласы монах қызы Кристина болды. Кристина Бразилияда қайырымдылықпен айналысқан, кейін монах қыздардың діни қауымына кірген.

Дауыс беру қорытындысы бойынша Кристина 39, ал Димаш 94 балл жинады.

Посмотреть эту публикацию в Instagram

Публикация от The World's Best (@theworldsbestcbs)

Бұған дейін жобаға Қазақстан атынан қатысып жатқан Данэлия Төлешова да үшінші кезеңге жолдама алған еді. Жас әнші оң қолынан айырылған жапон скрипкашымен бақ сынасты. Данэлия Stone Cold композициясын орындап, қазылар алқасын өнерімен тәнті етті.

The World's Best – әлемнің түкпір-түкпірінен жиналған таланттар бақ сынайтын америкалық шоу.

2511
Тақырып бойынша
Димаш әлемдік деңгейдегі қандай композиторлармен жұмыс істейтінін айтты
Димаш Құдайберген бәрін басынан бастайтынын мәлімдеді
Димаш Құдайберген Америка жұртшылығын аузына қаратты
Димаш Испанияда түсіріп жатқан бейнебаянының суреттерін көрсетті
"Ұстаздың өзі білімді болуы керек" Толқын Забирова Димаш туралы ойын айтты
Димаш Құдайберген Америкада жеке концертін беруі мүмкін
Домбыра, архивтегі сурет

Ресей елшілігінің кеңесшісі домбыра тартты видео

297
(Жаңартылды 14:29 05.07.2020)
Ресейдің Қазақстандағы елшілігінің кеңесшісі Дмитрий Суворов домбырамен қазақтың күйлерін тартып, мерекемен құттықтады

НҰР-СҰЛТАН, 5 шілде – Sputnik. Ресейдің Қазақстандағы елшілігінің кеңесшісі Дмитрий Суворов домбыра тартып үйренді. Ол дипломаттар халық аспабын жақсы көретінін және бағалайтынын атап өтті.

"Ресейдің Қазақстандағы елшілігінің ұжымы атынан сіздерді тек Қазақстанда ғана бар бірегей мереке – Домбыра күнімен құттықтауға рұқсат етіңіздер. Сырт көзге қарапайым көрінген музыкалық аспаптың киелі үнінде қазақ халқының рухы мен сан ғасырлық даналығы жатыр", - деді Суворов.

Ресей елшілігінің кеңесшісі домбыра шертуді бір жыл ішінде үйреніп алған. Музыкалық аспап Ресей мен Қазақстан халықтарын етене байланыстырады, деп атап өтті ол.

"Біз, Ресейдің Нұр-Сұлтандағы елшілігінің дипломаттары домбырада ойнағанды жақсы көреміз. Орыс халық әуендері мен қазақтың күйлері домбыра үнімен қалай үйлесетінін тыңдап көріңіздер", - деді ол.

Ұлттық домбыра күні алғаш рет Қазақстанда 2018 жылдың шілдесінде тойланды. Тиісті жарлыққа елдің тұңғыш президенті Нұрсұлтан Назарбаев қол қойған болатын. Содан бері шілденің алғашқы жексенбісінде мейрам құрметіне концерттер мен мерекелік шаралар өтеді. Биыл коронавирус пандемиясына байланысты олар онлайн форматқа ауыстырылды.

297
Кілт сөздер:
Ресей елшілігі, домбыра күні
Тақырып бойынша
Тоқаев Ұлттық домбыра күнімен құттықтады
Ұлттық домбыра күні

Тоқаев Ұлттық домбыра күнімен құттықтады

180
Президент қара домбыраның үнінде Ұлы даланың тамыры терең тарихы мен сан ғасырлық шежіресі бар екенін атап өтті

НҰР-СҰЛТАН, 5 шілде – Sputnik. Мемлекет басшысы Қасым-Жомарт Тоқаев қазақстандықтарды Ұлттық домбыра күнімен құттықтады, деп хабарлайды Ақорда.

"Бұл – Елбасының рухани жаңғыру жолын және салт-дәстүріміздің мән-маңызын дәріптейтін игі бастама. Қос ішекті қара домбыраның үнінде Ұлы даланың тамыры терең тарихы мен сан ғасырлық шежіресі бар. Қазақтың бекзат болмысы мен асыл қасиеттері қашанда әнмен әрленіп, күймен көмкерілген", - деді президент.  

Халқымыздың төл өнерін төрімізден түспеген домбырасыз елестету мүмкін емес. Ұлттық рухты күмбірлеген күйден артық көтеретін дүние кемде кем, деп жалғастырды ол.

"Халқымыздың көрнекті ақыны Қадыр Мырза Әлі жырлағандай: "Нағыз қазақ – қазақ емес, нағыз қазақ – домбыра". Біз ұлттық аспабымыздың бүкіл әлем мойындаған мәдени құндылыққа айналғанын мақтан етеміз. Атадан балаға аманат болған осындай асыл қазынамызды қадір тұту – бәріміздің қасиетті борышымыз", - деді Тоқаев. 

Президент жылдан жылға домбыра тартатын жастардың қатары көбейіп келе жатқаны қуантатынын айтты.

Тағы оқыңыз: Домбыраны әлемге танытқан қазақстандық әртістер

Мемлекет басшысы қазақтың дәстүрлі ән-күйін насихаттап жүрген барша өнерпазға ризашылығын білдірді.

Ұлттық домбыра күні алғаш рет Қазақстанда 2018 жылдың шілдесінде тойланды. Тиісті жарлыққа елдің тұңғыш президенті Нұрсұлтан Назарбаев қол қойған болатын. Содан бері шілденің алғашқы жексенбісінде мейрам құрметіне концерттер мен мерекелік шаралар өтеді. Биыл коронавирус пандемиясына байланысты олар онлайн форматқа ауыстырылды.

180
Кілт сөздер:
Қасым-Жомарт Тоқаев, домбыра күні
Ресейлік әскери дәрігерлер Қазақстанға келді

Ресейдің әскери дәрігерлері Нұр-Сұлтан мен Алматыдағы госпитальдерде жұмысқа кірісті

0
(Жаңартылды 10:00 07.08.2020)
Бағдарлама емделушілердің емдеу хаттамаларын зерделеуді, семинарлар өткізіп, диагностикалау саласында тәжірибе алмасуды көздейді

НҰР-СҰЛТАН, 7 тамыз – Sputnik. Қазақстан мен Ресейдің әскери дәрігерлері коронавирус инфекциясымен күрес бойынша бірлескен жұмысқа кірісті. Бұл туралы қорғаныс министрлігі хабарлады.

"Қазақстан мен Ресей қорғаныс ведомстволары басшыларының әскери-медициналық ынтымақтастық туралы келісіміне сәйкес, Нұр-Сұлтан мен Алматы қалаларының әскери клиникалық госпитальдеріне ресейлік анестезиолог-реаниматолог, инфекционист пен терапевтен тұратын әскери дәрігерлер тобы келді", - делінген хабарламада.  

Российские военные медики прибыли в Казахстан
© Photo : Минобороны Казахстана
Ресейлік әскери дәрігерлер Қазақстанға келді

Бағдарлама аясында емделушілердің емдеу хаттамаларын зерделеу, әскери дәрігерлердің консультациясымен семинарлар өткізу және инфекциялық ауруларды диагностикалау мен емдеу саласында тәжірибе алмасу көзделген.

 Бұған дейін хабарланғандай, ресейлік дәрігерлер Қазақстанда бір ай болады.

Сондай-ақ, Ресейден Қазақстанға медициналық жабдықтар мен қорғаныс құралдары жеткізілді.

0
Тақырып:
Коронавирус эпидемиясы
Тақырып бойынша
Коронавирусқа қарсы вакцинаның құны қанша болады?
Коронавирус анықтамасын сатқан медицина қызметкері қылмыс үстінде ұсталды – видео  
Коронавирустың екінші толқыны: елдің жағдайы не болады?
Қазақстанда бір тәулікте коронавирус пен пневмониядан 50 адам көз жұмды
Өткен тәулікте 980 адамнан коронавирус табылды