Данэлия Төлешова

Данэлия Төлешова: Димашпен бірге ән айтуды армандаймын

67
(Жаңартылды 18:13 04.04.2019)
Мәскеудегі Кремль сарайында халықаралық Bravo музыкалық жүлдесінің марапаттау рәсімі өтті. Салтанатты жиында "үздік әнші" номинациясында Полина Гагарина жеңіске жетті. Алайда ресейлік эстрада жұлдызы шараға қатыса алмағандықтан, оның орнына қазақстандық талантты жас әнші Данэлия Төлешова өнер көрсетіп, A Million Voices әнін орындады

Салтанатты жиын басталар алдында Sputnik тілшісі Данэлия Төлешованы әңгімеге тартты.

Алдымен әнші Мәскеудің ауа райына үйреніп жатқанын айтты.

"Басым ауырып тұр. Ауа райының өзгеруіне байланысты шығар. Себебі, Алматыда күн ыстық. Ал мұнда ауа райы салқындау. Соған қарамастан маған Мәскеу қаласы ұнайды. Шаһарды толық аралап үлгермедім. Тек қызыл алаңда болдым. Алған әсерімді сөзбен айтып жеткізе алмаймын", - деді Данэлия Төлешова.

Данэлия Тулешова
© Photo : Игорь Пантин
Данэлия Төлешова

Сонымен қатар ол Ресейде әлі танымал емес екенін атап өтті.

"Мені Астана мен Алматы қалаларындағы сауда орталықтарында адамдар жиі таниды. Әзірше, Мәскеуде танымал емеспін. Бірақ, мен жұмыс істеуге әзірмін. Мәскеуде өз көрермендерімнің болғанын қалаймын", - деді әнші.

Әңгіме барысында Данэлия Төлешова 2018 жылы алдына қойған мақсаттарына жеткенін айтты.

"Бір жылдың ішінде көптеген өзгеріс болды. Көп дүниені түсіндім. Вокал жағынан тәжірибе жинап, музыкалық қабілетімді шыңдадым. Сондай-ақ психологиялық және моральдық тұрғыдан да есейдім. Дүниеге ересек адамның көзқарасымен қарайтын болдым", - дейді ол.

Сондай-ақ Төлешова сахнаға шығар алдында қобалжитынын жасырған жоқ.

"Анам қобалжитынымды біледі. Менің ойымша, әрбір әртіс сахнаға шығар алдынды қобалжиды. Бұл – қалыпты құбылыс. Мен ішімнен "барлығы жақсы өтсе екен" деп тілеймін. Сахнаға шығып, ән айтқанда барлығын ұмытамын. Маған әндер көмектеседі", - дейді әнші.

 Певица Данэлия Тулешова во время церемонии вручения музыкальной премии BraVo
© Sputnik / Екатерина Чеснокова
Данэлия Төлешова BraVo музыкалық сыйлығын табыстау рәсімі кезінде

Сұқбат барысында әншіден "Димаш Құдайбергенмен бірігіп, ән айту жоспарыңда ма?" деп сұрақ қойдық.

"Әрине, Димашпен бірігіп ән айтқым келеді. Себебі, ол дарынды да талантты әртіс. Димаштың дауысын естіген сайын оның талантына бас иемін. Менің асқақ армандарымның бірі - Димашпен бірге ән айту. Болашақта екеуміз ән айтамыз деген үміттемін", - деп түйіндеді сөзін Данэлия Төлешова.

BraVo сыйлығының ресми ақпараттық агенттігі - "Россия сегодня", ал Sputnik - халықаралық ақпараттық серіктесі.

67
Кілт сөздер:
сұхбат, Данэлия Төлешова
Тақырып бойынша
Димаш пен Данэлия Төлешова Америкада әлемдік дарындылар шоуына қатысты
Данэлия Төлешова ата-анасы туралы айтып жатып, жылап жіберді – видео
Димаштың кісілігіне қайран қалдым – Данэлия Төлешова
Әнші Димаш Құдайберген мен актер Джеки Чан

Димаш Джеки Чанның жаңа фильміндегі басты әнді шырқады

592
"Авангард" деп аталатын фильмнің премьерасы Қытай мен Сингапурде және Малайзияда 30 қыркүйекте өтеді

НҰР-СҰЛТАН, 25 қыркүйек – Sputnik. Қазақстандық орындаушы Димаш Құдайберген Джеки Чанның жаңа фильмінің басты әнін орындады.

"Жақын күндері Джеки Чанның "Авангард" атты жаңа фильмі көрерменге жол тартады. Мен ол жерде фильмнің басты әнін шырқадым. 30 қыркүйектен бастап кинотеатрлардан көріңіз", – деп жазды Димаш Instagram парақшасында.

Айта кетейік, "Авангард: Арктикалық қасқырлар" премьерасы 30 қыркүйекте Қытай мен Сингапурде және Малайзияда өтеді. 15 қазаннан бастап Ресей кинотеатрларынан көрсетіле бастайды.

Басты рөлдерді Джеки Чанның өзі мен Ян Ян, Ай Лун, Мия Муци, Чжу Чжентинг, Ван Чжэнвэй, Саид Бадрия, Мир Сарвар, Джан Айдин және Кайл Пол сынды актерлер ойнады. Фильмнің режиссері Стэнли Тун.

Оқи отырыңыз: "Үндемедім": Димаш Құдайберген неден ұялғанын айтты

Фильмде "Авангард" тобы туралы айтылады. Картина сюжеті бойынша Ұлыбританияда "Арктикалық қасқырлар" жалдамалы тобы қытайлық кәсіпкер мен оның қызын ұрлап кетеді. Кепілге алынған адамдарды құтқарудың жалғыз үміті – бұл "Авангард" халықаралық қауіпсіздік қызметі. Олар ғылым мен техниканың жаңа жетістіктерімен қаруланғандықтан, өзгелер орындай алмайтын міндеттерді жүзеге асырады.

592
Кілт сөздер:
жаңа фильм, Джеки Чан, Димаш Құдайберген
Тақырып бойынша
"Ненің құрметіне?!": Димаш шенеуніктерге неге шүйлікті
Димаш тағы бір талантымен жанкүйерлерін тәнті етті – видео
"Бұл неткен қасірет еді": Димаш Құдайберген желіде жазба жариялады
"Димаш Құдайберген" Марсқа ұшты
"Олар мені Димаш деп атайды": науқастарға ән салған санитар сұхбат берді
Астана Балет театры он қайырымдылық концертін өткізеді

"Дәрігерлерге алғыс айтамыз": "Астана Балет" он қайырымдылық концертін өткізеді

62
(Жаңартылды 17:46 21.09.2020)
Алғашқы қайырымдылық концерті 3 қазанда Нұр-Сұлтан қаласында ұйымдастырылады. Театр концертке келушілер үшін барлық санитарлық нормаға сәйкес келетін арнайы "келу алгоритмін" әзірлеген

НҰР-СҰЛТАН, 21 қыркүйек – Sputnik. "Астана Балет" театры Нұр-Сұлтан мен басқа өңірлердің дәрігерлері үшін он қайырымдылық концертін өткізеді, деп хабарлайды театрдың баспасөз қызметі.

"Біз бірнеше ай бойы бар күшін-жігерін адамдардың денсаулығы мен өмірін сақтап қалу жолында жұмсап, еңбектің ерен үлгісін көрсетіп келе жатқан ақ халатты абзал жандарға шынайы ризашылығымызды білдіргіміз келеді", – деді театр директоры Александр Совостьянов.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Алғашқы концерт 3 қазанда Нұр-Сұлтан қаласында өтеді

Он қайырымдылық концерті Қазақстанның бірнеше қаласында өтеді, олардың алғашқысы 3 қазанда Нұр-Сұлтан қаласында ұйымдастырылады. Гастрольдік кесте өңірлердегі эпидемиологиялық жағдайға байланысты кейінірек белгілі болады.

Гастрольдік сапар мәдениет және спорт, сондай-ақ, денсаулық сақтау министрліктерінің қолдауымен ұйымдастырылады.

"Біз концертке көрерменді шақыру арқылы өзімізге жүктелетін жауапкершілікті толықтай сезініп отырмыз, сондықтан, бұған жан-жақты дайындықпен келдік. Театр көрермендер үшін барлық санитарлық нормаға сәйкес келетін арнайы "келу алгоритмін" әзірледі", – деп атап өтті Совостьянов.

Қайырымдылық концерттердің бағдарламасына театрдың "визит карточкасына" айналған айрықша қойылымдар енеді. Солардың бірі – "Ұлы дала мұрасы" дивертисменті. Онда артистер қазақ ұлттық биінің өзгеше мәнерін, иірімі мен ырғағын жан-жақты ашып көрсетеді.

"Өнер адамның рухын көтереді, жан тыныштығын сыйлайды. Біз осы орайда, айрықша қойылымдарды әзірледік, олар көрерменге жеңіл және мерекелік көңіл-күй сыйлайды", - деді театрдың бас балетмейстері Мукарам Авахри.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Гастрольдік кесте өңірлердегі эпидемиологиялық жағдайға байланысты болады

Сондай-ақ, ол артистердің концерттің басты қонағы – дәрігерлерге қажырлы еңбегі үшін алғыс білдіргісі келетінін жеткізгісі келеді.

"Артистер көрерменмен кездесетін күнді ерекше толғаныспен тағатсыздана күтіп жүр. Себебі, осы уақытқа дейін оларға сахна, көрерменнің қошеметі жетіспегені анық, ал кері байланыс оларды қанаттандырады әрі шабыттандырады", - деді  Авахри.

Қазан айында "Астана Балет" көпшілік назарына спектакльдер мен бірнеше премьера ұсынады, олардың ішінде қазақстандық балетмейстер Анвара Садықованың "Желтораңғы туралы аңыз" атты премьерасы бар.

62
Архивтегі фото

Қытайда тәрбиеші өлім жазасына кесілді

0
Балабақша қызметкері Ван Юнь әріптесінен өш алу мақсатында оның тобына барып жүрген балаларды улағаны анықталды

НҰР-СҰЛТАН, 29 қыркүйек – Sputnik. Қытайдың Цзяоцзо қаласында халық соты балабақша қызметкерін өлім жазасына кесті, деп хабарлады РИА Новости.

Сот материалдарына сәйкес, "Мэнмэн" балабақшасында жұмыс істеген Ван Юнь деген келіншек орта топқа жауапты тәрбиешімен жанжалдасып қалған. Артынан әріптесінен өш алу мақсатында оның тобына барып жүрген балаларды улауға шешім қабылдайды. Сөйтіп, 2019 жылы 27 наурызда таңертең Сунь есімді тәрбиешінің балалары жейтін ботқаға натрий нитритін салып жіберген. Сол күні 25 бала уланып, ауруханаға түсті. Бір бала көз жұмды.

Оқи отырыңыз: Балабақшадағы балалар есек етін жеп келгені әшкере болды 

Тергеу шаралары барысында Ван Юньн осы іспетті тағы бір қылмыс жасағаны анықталды. Осыдан үш жыл бұрын үйдегі жанжалдан кейін ол күйеуін улаған. 2017 жылы ақпан айында алдымен интернет арқылы натрий нитритіне тапсырыс берген. Ал химиялық затты алғаннан кейін суға қосып, күйеуіне берген. Ол кезде ер адам уланғанмен қатты зардап шекпеген.    

Цзяоцзо қаласының орта санаттағы халық сотының шешімімен Ван Юнь өлім жазасына кесілді.

0
Кілт сөздер:
Қытай, балабақша
Тақырып бойынша
Шымкентте балабақшада төрт бала мен тәрбиеші уланып қалды
Алматы облысында балабақшадағы видеодан кейін тәрбиеші хабарсыз кетті
Алматыда балабақшадан сәби ұрламақ болған әйелге қатысты тың дерек шықты
Бүлдіршінді сорпамен күйдірген балабақша қызметкері жазадан құтылды
Шипажайда баланы сүлгімен ұрған тәрбиеші қылмыстық жазаға тартылмайтын болды