Данэлия Төлешова

"Бетіме тиіп кетсе қайтемін" Данэлия Төлешова неден қорқатынын айтты - видео

1693
Дене шынықтыру пәніне қатыспайтын Данэлия Төлешова спортпен үйде шұғылданады екен

АЛМАТЫ, 7 сәуір - Sputnik. Украинадағы "Балалар дауысы" байқауының жеңімпазы, 2018 жылғы Балалар Евровидение байқауының қатысушысы, қазақстандық жас әнші Данэлия Төлешова "Қызық Times " бағдарламасында мектептегі қызықты оқиғаларымен бөлісті.

Ол Алматыдағы №56 гимназияда 6-сыныпта оқиды. Ал сынып жетекшісі - қазақ тілі мұғалімі, ол Данэлияны "ханшайымым" деп еркелетеді екен. Оның айтуынша, дәрігердің анықтамасы болғандықтан, дене шынықтыру пәнінен босатылған.

"Анықтамам бар. Бір жылға. Мен осымен екінші жыл қатарынан дене шынықтыру пәніне қатыспаймын. Бірақ үйде спортпен шұғылданамын, массаж аламын. Қазір шпагатқа отырсам деп талпынып жүрмін. Ариана Гранде (америкалық әнші) құсап...", - дейді ол.

Осылай деген Данэлия өз сұқбатында дене шынықтыру пәніне қатыспаудың тағы бір ерекше себебін де айтап қалды.

"Ұлдар допты жақсы көреді ғой. Допты теуіп қалғанда мен шошып, басымды ала қашамын. Бетіме тиіп кетсе қайтем, содан қорқамын. Сол себепті спортпен үйде шұғылданғанды жөн көремін", - дейді ол.

Бұдан бөлек Данэлия тек бір сабақтан төрті барын айтты, ол информатика пәні екен.

"Тартпасам тартпай жатқан шығармын. Бұл пән өзіме қатты ұнайды. Онда біз болашақта ойлап табуымыз тиіс ойындар туралы шығарма жазамыз. Бірақ оны мен ойлап таппайтын шығармын", - деп қалжыңдады сөз соңында кішкентай әнші.

Данэлия мектеп асханасынан тамақтанғанды жақсы көреді екен. Ол сүйікті тамағы ірімшік қосылған самса екенін айтады.

"Асханада оқушыларға ыстық тамақ береді. Бірақ оған үлгермейміз. Өйткені 10 минут қана ғой үзіліс. Оның үстіне онда үлкен кезек болады үнемі. Себебі асхананың есігі кішкентай, тар. Мен өзім ірімшік қосылған самсаны жақсы көрем. Самса да, жемістер де сатылады асханада. Онда тек бір нәрсе тегін беріледі. Ол – ауыз су", - дейді ол.

1693
Кілт сөздер:
видео, Данэлия Төлешова
Тақырып бойынша
Данэлия Төлешованың "Балалар Евровидениесінде" айтқан әні - видео
Данэлия неліктен Димаш ұсынған ақшадан бас тартқанын түсіндірді
Танымал голливудтық актриса Данэлия Төлешованың әнінен кейін көзіне жас алды - видео
Данэлия Төлешова: Димашпен бірге ән айтуды армандаймын
Данэлия Төлешова Sputnik Қазақстан оқырмандары үшін арнайы ән салды – видео   
Бауыржан Байбек Данэлия Төлешовамен кездесті
Загрузка...