Горе от ума спектаклі

"Современник" театры Нұр-Сұлтанда: Тасмағамбетов қандай сыйлық жасады?

99
(Жаңартылды 12:07 06.07.2019)
Иманғали Тасмағамбетов – Мәскеудегі "Современник" театрының тұрақты көрермені, Нұр-Сұлтан халқына ұсынылған репертуарды таңдауға елшінің өзі ықпал еткен көрінеді

НҰР-СҰЛТАН, 3 шілде – Sputnik. Қазақстанның Ресейдегі елшісі Иманғали Тасмағамбетов Мәскеудің "Современник" театрынан Нұр-Сұлтанда "Вишневый сад" және "Горе от ума" спектакльдерін қоюды өтінген, деп хабарлайды Sputnik Қазақстан тілшісі.

Режиссер Римас Туминастың "Горе от ума" спектаклін көрермендер Бейбітшілік және келісім сарайында 3-4 шілде күндері сағат 19:00-де тамашалай алады, ал 6-7 шілдеде сағат 17:00-де режиссер Галина Волчектің "Вишневый сад" қойылымы халық назарына ұсынылады.

"Спектальдерді таңдауға көмектескен сіздердің Ресейдегі елшілеріңізге алғыс айтамыз, ол шын жүректен сыйлық жасағысы келді. Осы екі спектакльді өзі таңдап, келіп көрді. Иманғали Нұрғалиұлына (Иманғали Тасмағамбетов – Қазақстан Республикасының Ресей Федерациясындағы төтенше әрі өкілетті елшісі) көп рахмет", - деді Еуразия халықтары Ассамблеясының халықаралық мәдени ынтымақтастық кеңесінің төрағасы, "Ресейдің мәдени маусымдары" жобасының жетекшісі Эльмира Щербакова.

"Современник" театрының директоры Игорь Поповтың сөзіне сүйенсек, Қазақстан елшісі – театрдың тұрақты көрермені. Елшілік ғимараты театрға жақын маңда орналасқан, дейді ол.

"Современник" театры қойған "Горе от ума" спектаклінің ерекшелігі неде?

Sputnik Қазақстанға берген эксклюзивті сұқбатында Ресейдің халық әртісі Сергей Гармаш айтқандай, литвалық режиссер Римас Туминастың "Горе от ума" спектаклі осы шығарманың өзге қойылымдарынан ерекшеленіп тұрады.

"Римастың театры – оның жеке театры. Біз өмір бойы орыс психологиялық театры туралы айтамыз. Сіз Римасты да, бізді де көресіз. Арамызда өзіндік бір үйлесім бар", - деді Гармаш.

Чацкийдің рөлін сомдаған Иван Стебунов Туминаспен бірге жұмыс істегеніне қатты разы екенін жеткізді.

"Біз әртүрлі жайттарға алдын ала дайын болдық, әрі қарай шынайы мерекеге ұласты", - дейді ол.

Дарья Белоусованың (Лизаның рөлінде) айтуынша, режиссер актерлердің сеніміне кіріп, дәрежесі жоғары, тәжірибесі мол, жасы үлкен болсын - барлық әртісті өзіне ғашық етеді.

Ресейдің еңбек сіңірген әртісі Владислав Ветров (Молчалин рөлінде) атап өткендей, әр режиссердің қандайда бір шығармаға деген өз көзқарасы бар.

"Оқып отырып, ерекше назарымызды аударатын сәттер болады. Кейбір дүниелерге онша мән бермейміз. Ал Римас Туминас уақытты мүлдем басқаша сезінеді", - деді Ветров.

"Современник" театры елорда күніне орай Қазақстанға гастрольдік сапармен келді. Театр спектакльдер қоюмен қатар, Қазақ ұлттық өнер университетінің студенттеріне мастер-класс өткізбек.

Айта кетсек, мәскеулік театрдың Нұр-Сұлтан қаласына гастрольдерін Қазақстанның мәдениет және спорт министрлігінің қолдауымен Ресейдің Қазақстандағы елшілігі, Ресейдің мәдениет және ғылым орталығы ұйымдастырды.

Бұл материалды Sputnik Қазақстанның орысша нұсқасынан да оқи аласыздар. 

99
Кілт сөздер:
театр, Иманғали Тасмағамбетов, Нұр-Сұлтан
Тақырып:
Қазақстан театрлары (80)
Әнші Димаш Құдайберген мен актер Джеки Чан

Димаш Джеки Чанның жаңа фильміндегі басты әнді шырқады

572
"Авангард" деп аталатын фильмнің премьерасы Қытай мен Сингапурде және Малайзияда 30 қыркүйекте өтеді

НҰР-СҰЛТАН, 25 қыркүйек – Sputnik. Қазақстандық орындаушы Димаш Құдайберген Джеки Чанның жаңа фильмінің басты әнін орындады.

"Жақын күндері Джеки Чанның "Авангард" атты жаңа фильмі көрерменге жол тартады. Мен ол жерде фильмнің басты әнін шырқадым. 30 қыркүйектен бастап кинотеатрлардан көріңіз", – деп жазды Димаш Instagram парақшасында.

Айта кетейік, "Авангард: Арктикалық қасқырлар" премьерасы 30 қыркүйекте Қытай мен Сингапурде және Малайзияда өтеді. 15 қазаннан бастап Ресей кинотеатрларынан көрсетіле бастайды.

Басты рөлдерді Джеки Чанның өзі мен Ян Ян, Ай Лун, Мия Муци, Чжу Чжентинг, Ван Чжэнвэй, Саид Бадрия, Мир Сарвар, Джан Айдин және Кайл Пол сынды актерлер ойнады. Фильмнің режиссері Стэнли Тун.

Оқи отырыңыз: "Үндемедім": Димаш Құдайберген неден ұялғанын айтты

Фильмде "Авангард" тобы туралы айтылады. Картина сюжеті бойынша Ұлыбританияда "Арктикалық қасқырлар" жалдамалы тобы қытайлық кәсіпкер мен оның қызын ұрлап кетеді. Кепілге алынған адамдарды құтқарудың жалғыз үміті – бұл "Авангард" халықаралық қауіпсіздік қызметі. Олар ғылым мен техниканың жаңа жетістіктерімен қаруланғандықтан, өзгелер орындай алмайтын міндеттерді жүзеге асырады.

572
Кілт сөздер:
жаңа фильм, Джеки Чан, Димаш Құдайберген
Тақырып бойынша
"Ненің құрметіне?!": Димаш шенеуніктерге неге шүйлікті
Димаш тағы бір талантымен жанкүйерлерін тәнті етті – видео
"Бұл неткен қасірет еді": Димаш Құдайберген желіде жазба жариялады
"Димаш Құдайберген" Марсқа ұшты
"Олар мені Димаш деп атайды": науқастарға ән салған санитар сұхбат берді
Астана Балет театры он қайырымдылық концертін өткізеді

"Дәрігерлерге алғыс айтамыз": "Астана Балет" он қайырымдылық концертін өткізеді

61
(Жаңартылды 17:46 21.09.2020)
Алғашқы қайырымдылық концерті 3 қазанда Нұр-Сұлтан қаласында ұйымдастырылады. Театр концертке келушілер үшін барлық санитарлық нормаға сәйкес келетін арнайы "келу алгоритмін" әзірлеген

НҰР-СҰЛТАН, 21 қыркүйек – Sputnik. "Астана Балет" театры Нұр-Сұлтан мен басқа өңірлердің дәрігерлері үшін он қайырымдылық концертін өткізеді, деп хабарлайды театрдың баспасөз қызметі.

"Біз бірнеше ай бойы бар күшін-жігерін адамдардың денсаулығы мен өмірін сақтап қалу жолында жұмсап, еңбектің ерен үлгісін көрсетіп келе жатқан ақ халатты абзал жандарға шынайы ризашылығымызды білдіргіміз келеді", – деді театр директоры Александр Совостьянов.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Алғашқы концерт 3 қазанда Нұр-Сұлтан қаласында өтеді

Он қайырымдылық концерті Қазақстанның бірнеше қаласында өтеді, олардың алғашқысы 3 қазанда Нұр-Сұлтан қаласында ұйымдастырылады. Гастрольдік кесте өңірлердегі эпидемиологиялық жағдайға байланысты кейінірек белгілі болады.

Гастрольдік сапар мәдениет және спорт, сондай-ақ, денсаулық сақтау министрліктерінің қолдауымен ұйымдастырылады.

"Біз концертке көрерменді шақыру арқылы өзімізге жүктелетін жауапкершілікті толықтай сезініп отырмыз, сондықтан, бұған жан-жақты дайындықпен келдік. Театр көрермендер үшін барлық санитарлық нормаға сәйкес келетін арнайы "келу алгоритмін" әзірледі", – деп атап өтті Совостьянов.

Қайырымдылық концерттердің бағдарламасына театрдың "визит карточкасына" айналған айрықша қойылымдар енеді. Солардың бірі – "Ұлы дала мұрасы" дивертисменті. Онда артистер қазақ ұлттық биінің өзгеше мәнерін, иірімі мен ырғағын жан-жақты ашып көрсетеді.

"Өнер адамның рухын көтереді, жан тыныштығын сыйлайды. Біз осы орайда, айрықша қойылымдарды әзірледік, олар көрерменге жеңіл және мерекелік көңіл-күй сыйлайды", - деді театрдың бас балетмейстері Мукарам Авахри.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Гастрольдік кесте өңірлердегі эпидемиологиялық жағдайға байланысты болады

Сондай-ақ, ол артистердің концерттің басты қонағы – дәрігерлерге қажырлы еңбегі үшін алғыс білдіргісі келетінін жеткізгісі келеді.

"Артистер көрерменмен кездесетін күнді ерекше толғаныспен тағатсыздана күтіп жүр. Себебі, осы уақытқа дейін оларға сахна, көрерменнің қошеметі жетіспегені анық, ал кері байланыс оларды қанаттандырады әрі шабыттандырады", - деді  Авахри.

Қазан айында "Астана Балет" көпшілік назарына спектакльдер мен бірнеше премьера ұсынады, олардың ішінде қазақстандық балетмейстер Анвара Садықованың "Желтораңғы туралы аңыз" атты премьерасы бар.

61
Украинадағы ұшақ апаты

Украинадағы ұшақ апаты: аман қалған жалғыз курсанттың әкесі сұқбат берді

0
(Жаңартылды 11:00 28.09.2020)
Ан-26 ұшағы апатынан тірі қалған жалғыз курсант Вячеслав Золочевскийдің әкесі де авиация саласында жұмыс істейді, ол да үш рет ажалдан аман қалған

НҰР-СҰЛТАН, 28 қыркүйек – Sputnik. Украинада ұшақ апатынан аман қалған жалғыз курсанттың беті бері қарап келеді, денсаулығына қауіп төніп тұрған жоқ.

Курсанттың әкесі де авиация саласында қызмет етеді. Айтуынша, ол да үш рет ажалмен бетпе-бет келген, деп хабарлайды РИА Новости.

"Мен үш рет құладым. Баламның тірі қалғаны өз әкесінің ұлы екенін көрсетеді", - деді үлкен Золочевский "Сегодня" газетіне берген сұқбатында.

Оның айтуынша, Вячеславтың еш жері сынбаған, тек жарақаттары бар.

"Бәрі оны ұшақтан секіріп кетті деп айтып жатыр. Бірақ олай емес. Ол ұшақтан ұшып кетті. Өзінің досын құтқаруға тырысқанын да білемін", - деді әкесі.

Вячеслав Золочевскийдің өзі үйінді маңында есін жиғанын, жанында өртеніп жатқан курсантты құтқаруға ұмтылғанын айтқан еді. Көп ұзамай ол тағы да есінен танған. Курсант денесін жауып қалған фюзеляждің арқасында аман қалды.

Ан-26 ұшағының апатқа ұшырауы  

Әуе апаты Украинаның Харьков облысы Чугуев қаласы маңында 25 қыркүйек күні кешке болды. Ан-26 әскери-көлік ұшағы оқу ұшуын орындаған.

Крушение самолета Ан-26 под Харьковом
© Sputnik / Сергей Одинцов
Украинада Ан-26 ұшағы апатқа ұшырады

Бортта 27 адам – экипаждың 7 мүшесі және 20 курсант болған. Жиырма бесі оқиға орнында қаза тапты. Екі курсант ұшақтан шыққан, бірақ, кейінірек, біреуі ауруханада көз жұмды.

Ұшу және оған дайындық ережелерін бұзу туралы қылмыстық іс қозғалды. Төрт болжам қарастырылып жатыр: техникалық ақау, экипаждың қателігі, ұшуды басқаруға жауаптылардың қызметтік міндеттерін тиісті деңгейде орындамауы, ұшаққа техникалық қызмет көрсету және оны ұшуға дайындаумен байланысты проблемалар.

0
Кілт сөздер:
курсант, ұшақ апаты, Украина