Әділхан Макин Славян базарында Қазақстанның намысын қорғайды

Димаштың ізімен: қазақстандық әнші "Славян базарында" көш бастап келеді видео

3964
(Жаңартылды 14:14 14.07.2019)
Бірінші күннің қорытындысы бойынша Әділхан Макин 90 ұпайдан 89 жинады

НҰР-СҰЛТАН, 14 шілде – Sputnik. Беларусьтің Витебск қаласында өтіп жатқан "Славян базары" байқауында қазақстандық әнші көш бастап келеді. Бірінші күннің қорытындысы бойынша Әділхан Макин 90 ұпайдан 89 жинады.

Жас әртістер 13 шілдеде Михаил Финберг жетекшілік еткен Ұлттық академиялық концерт оркестрінің сүйемелдеуімен жазғы амфитеатрда өнер көрсетті. Конкурсанттар славян композиторларының шығармаларын орындады.

Әділхан Макин "Озеро надежды" (видеода 27 минут) әнін шырқады, әннің сөзі мен музыкасын ресейлік сазгер Игорь Николаев жазған.

Екінші орында 87 ұпаймен Израиль әншісі Илай тұр. Бір қызығы, жуырда ғана байқауда бақ сынаған латвиялық Саманта Тина қазақстандық әншіге де, израильдік әртіске де төмен ұпай қойған.

Бірінші күннің қорытындысы бойынша Украинадан келген Дмитрий Бабак 86 балл жинап, үшінші орынға жайғасты.

Посмотреть эту публикацию в Instagram

Публикация от Makin Adilkhan (@makin.khan)

Бастапқыда байқауда 18 елдің қатысушылары өнер көрсетеді деп жоспарланған, алайда Словакия мен Кубаның әртістері келе алмай қалды.

Осыған байланысты биыл 16 елдің өнерпазы бас жүлдеге таласады. Шараға алғаш рет Швейцария мен Қытай әншілері қатысып жатыр.

Биылдан бастап байқауға өзгерістер енгізілді: ұйымдастырушылар жартылай финалдан бас тартуды ұйғарған. Әртістердің вокалына Ресейдің халық әртісі Тамара Гвердцители бастаған әділ қазылар алқасы баға береді.

Әділхан Макин туралы не білеміз

Әділхан Макин Болгарияда поп-рок орындаушылар арасында өткен "Сарандев 2019" халықаралық жастар байқауында бірінші орын иеленген.

Посмотреть эту публикацию в Instagram

Публикация от Makin Adilkhan (@makin.khan)

Бұдан бөлек, былтыр X Factor тележобасына қатысып, финалға дейін жетті.

Қазақстандықтардың жұлдызын жаққан "Славян базары"

Биыл "Славян базары" 8-17 шілде аралығында өтеді. Музыкалық байқауға он сегіз елдің әртістері қатысып жатыр.

Қазақстандықтар халықаралық фестивальде биіктен көрініп келеді. 2011 жылы Әлішер Кәрімов үшінші орын иеленсе, 2015 жылы Димаш Құдайберген бас жүлдені жеңіп алды, ал былтыр Әміре (Ернар Сәдірбаев) бірінші орын алды.

3964
Кілт сөздер:
видео, Димаш Құдайберген, Славян базары
Астана Балет театры он қайырымдылық концертін өткізеді

"Дәрігерлерге алғыс айтамыз": "Астана Балет" он қайырымдылық концертін өткізеді

54
(Жаңартылды 17:46 21.09.2020)
Алғашқы қайырымдылық концерті 3 қазанда Нұр-Сұлтан қаласында ұйымдастырылады. Театр концертке келушілер үшін барлық санитарлық нормаға сәйкес келетін арнайы "келу алгоритмін" әзірлеген

НҰР-СҰЛТАН, 21 қыркүйек – Sputnik. "Астана Балет" театры Нұр-Сұлтан мен басқа өңірлердің дәрігерлері үшін он қайырымдылық концертін өткізеді, деп хабарлайды театрдың баспасөз қызметі.

"Біз бірнеше ай бойы бар күшін-жігерін адамдардың денсаулығы мен өмірін сақтап қалу жолында жұмсап, еңбектің ерен үлгісін көрсетіп келе жатқан ақ халатты абзал жандарға шынайы ризашылығымызды білдіргіміз келеді", – деді театр директоры Александр Совостьянов.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Алғашқы концерт 3 қазанда Нұр-Сұлтан қаласында өтеді

Он қайырымдылық концерті Қазақстанның бірнеше қаласында өтеді, олардың алғашқысы 3 қазанда Нұр-Сұлтан қаласында ұйымдастырылады. Гастрольдік кесте өңірлердегі эпидемиологиялық жағдайға байланысты кейінірек белгілі болады.

Гастрольдік сапар мәдениет және спорт, сондай-ақ, денсаулық сақтау министрліктерінің қолдауымен ұйымдастырылады.

"Біз концертке көрерменді шақыру арқылы өзімізге жүктелетін жауапкершілікті толықтай сезініп отырмыз, сондықтан, бұған жан-жақты дайындықпен келдік. Театр көрермендер үшін барлық санитарлық нормаға сәйкес келетін арнайы "келу алгоритмін" әзірледі", – деп атап өтті Совостьянов.

Қайырымдылық концерттердің бағдарламасына театрдың "визит карточкасына" айналған айрықша қойылымдар енеді. Солардың бірі – "Ұлы дала мұрасы" дивертисменті. Онда артистер қазақ ұлттық биінің өзгеше мәнерін, иірімі мен ырғағын жан-жақты ашып көрсетеді.

"Өнер адамның рухын көтереді, жан тыныштығын сыйлайды. Біз осы орайда, айрықша қойылымдарды әзірледік, олар көрерменге жеңіл және мерекелік көңіл-күй сыйлайды", - деді театрдың бас балетмейстері Мукарам Авахри.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Гастрольдік кесте өңірлердегі эпидемиологиялық жағдайға байланысты болады

Сондай-ақ, ол артистердің концерттің басты қонағы – дәрігерлерге қажырлы еңбегі үшін алғыс білдіргісі келетінін жеткізгісі келеді.

"Артистер көрерменмен кездесетін күнді ерекше толғаныспен тағатсыздана күтіп жүр. Себебі, осы уақытқа дейін оларға сахна, көрерменнің қошеметі жетіспегені анық, ал кері байланыс оларды қанаттандырады әрі шабыттандырады", - деді  Авахри.

Қазан айында "Астана Балет" көпшілік назарына спектакльдер мен бірнеше премьера ұсынады, олардың ішінде қазақстандық балетмейстер Анвара Садықованың "Желтораңғы туралы аңыз" атты премьерасы бар.

54
Астана Опера

Пандемия кезіндегі театр: "Астана Операда" алғашқы концерт өтті

18
(Жаңартылды 14:19 21.09.2020)
"Астана Опера" театрындағы концертке 50 көрермен қатысты. Олардың арасында мәдениет және спорт министрі Ақтоты Райымқұлова болды

НҰР-СҰЛТАН, 21 қыркүйек – Sputnik. "Астана Опера" театры өзінің VIII маусымын "Опералық классиканың парақтары" гала-концертімен ашты.

"Бас санитар дәрігердің қаулысына сәйкес, концертке небары 50 көрермен, соның ішінде мәдениет және спорт министрі Ақтоты Раймқұлова қатысты", – деп хабарлады театрдың баспасөз қызметі.

Кезекті маусым шымылдығын театр дирижері, Қазақстанның еңбек сіңірген қайраткері, мемлекеттік сыйлықтың лауреаты Алан Бөрібаев ашты.

Концерт бағдарламасына әйгілі "Абай", "Дон Карлос", "Кармен", "Тоска", "Мадам Баттерфляй", "Севильский цирюльник" операларынан ариялар мен қойылымдар енген.

Оған театрдың барлық солисі, хор артистері, оркестр және миманс музыканттары қатысты.

"Барлығы жұмысты сағынып қалғандықтан, оған ерекше ынта-ықыласпен кірісіп кетті. Біз өнерімізді әрбір көрерменнің жүрегіне жеткізгіміз келеді. Мәселен, Абайдың 175 жылдығына орай, бағдарламаға Жұбанов пен Хамидидің "Абай" операсынан көріністер енгізілді", – деді өз ойымен бөліскен Бөрібаев.

Театрда не өзгерді?

Санитарлық талаптарға сәйкес, фойеде санитайзерлер қойылды. Ал залдағы орындықтар шахматтық тәртіппен орналасқан. Көрермендер қойылымның соңына дейін бетперде киіп отыруы тиіс.

"Оркестр музыканттарын отырғызу тәртібіне де өзгерістер енгізілді. Яғни, санитарлық талаптар бойынша, аспапта ойнаушылар бір-бірінен бір жарым метр қашықтықта отыруы тиіс. Әрине, мұндай арақашықтықта мінсіз музыканттар ансамблін құру қиын, десек те, оркестр артистері өздерін бұл жағдайдан тамаша алып шықты", – делінген театр хабарламасында.

Жаңа формат: көрермен көзімен

Көрермендер театр қойылымдарын сағынып қалған екен. Сондықтан, жаңа форматқа қатысты жылы лебіздерімен бөлісті. 

"Театрларға аз көрерменге арналған қойылымдар қоюға рұқсат етілгенін білген кезде, бірден билет сатып алдық. Біз классикалық өнерге, театрға, артистердің өнеріне сусап қалыппыз", – дейді көрермен Аида Махпирова.

Оның айтуынша, жұмыстағы ұзақ үзіліске қарамастан, барлық солист пен хор артистері концертке тамаша вокалдық дайындықпен келген.

"Бүгін оркестрдің үні керемет естілді, әлемдік опера жауһарларының Алан Бөрібаев дайындаған тамаша интерпретациясын тыңдау бізге сөзсіз, рухани ләззат сыйлады", - дейді ол.

Бір атап өтерлігі, театрдың қыркүйектегі афишасына Римский-Корсаковтың музыкасына жазылған "Күміс ғасыр балеттері" мен "Шехеразада" қойылымдары енген екен.

Театр және пандемия

Наурыз айында, Қазақстанда коронавирус инфекциясы алғаш тіркелген кезде, театрлар негізгі қызметін тоқтатқан болатын. Алайда, артистер өз өнерлерін көрермен назарына онлайн-форматта паш етті. Осы ретте, "Астана Опера" театры 20-дан астам қойылымды әзірледі. Олардың ішінде елорда күні өз көрерменіне жол тартқан "Абай" операсы да бар.

Жеңіс күнінде үш танымал баритон әнші "Тырналар" халықаралық онлайн-жобасына қатысты. Танымал композицияны "Астана Операның" солисі Талғат Мұсабаев, Ресейдің Үлкен театрынан шақырылған солист Василий Ладюк және Абай атындағы Қазақ мемлекеттік академиялық опера және балет тетрының солисі Расул Жармағамбетов шырқады. 

Композиция "Астана Опера" театрының бас концертмейстері Елена Сахноның, сондай-ақ, симфониялық оркестрдің музыканттары мен "Астана Опера" хоры әртістерінің сүйемелдеуімен орындалды.

18
Кілт сөздер:
театр, өнер, "Астана Опера" мемлекеттік опера және балет театры
Тақырып бойынша
 "Астана Опера" Санкт-Петербург сахнасында
Астана Опера театры Ресейде BraVo сыйлығын иеленді
"Астана опера" театрында қойылым кезінде өрт шықты
"Астана опера" мемлекеттік опера және балет театры
"Астана Опера" театрының жетекші солисі жол апатынан қаза болды
Күнге қол созған адам

Алматыда COVID-тен жазылғандар оңалту орталығына ағылып жатыр: мамандар себебін түсіндірді

0
(Жаңартылды 08:16 25.09.2020)
Мамандардың айтуынша, тіркелген емханағадағы реабилитологтардың қорытындысымен ауру санатына қарай шипажайларға жолдама алуға болады

НҰР-СҰЛТАН, 25 қыркүйек – Sputnik. Коронавирустан жазылып шыққандар медициналық оңалту орталықтарына ағылып жатыр. Әсіресе, психикалық тұрғыдан көмекке зәру жандар көп, деп хабарлайды КТК арнасы.

Емханада физикалық жаттығулардан бөлек, әр адамның хәліне қарай түрлі курстар бар. Сандуғаш есімді келіншек коронавирус дертінен айыққанымен, үрейінен арыла алмаған. Ол Алматыдағы оңалту орталығына алғашқылардың бірі болып жазылып, қазір жайсыз көңілі қалпына келіпті.

"Емделген соң оңалту орталығына келдім. Екі-үш апта бойы тыныстап демалу жаттығуларын жасап, осындай күйге жеттім. Жақсы болып қалдым" деген ол мұндай қызмет өзіне ұнағанын айтады.

Алматыдағы №4 қалалық емхана тамыздан бері Сандуғаш секілді 70 науқасқа көмек берген. Мұнда келген әр адамға вирус түрлі әсер қалдырған. Оларға физикалық, психологиялық жаттығу, массаж секілді түрлі ем ұсынылады.

"Әрбір бағдарлама жекелей қаралады. Спорттық жаттығу оңалтудың ең үлкен бөлшегі және қосымша бізде массаж кабинеттері бар. Сондай-ақ, инемен емдеу мен тыныс алуды емдейтін қосымша тұз шахтасы да бар", – дейді емхана реабилитологы Айгүл Сұлтанбек.

Емханада тіркелген науқастар еш кедергісіз осы емнің бәрін тегін қабылдайды. Тек, қолында ПТР-тест қорытындысы болуы шарт. Оңалту курсы он күнге созылады. Ал мұнда келуге мүмкіндігі жоқтарға мамандар онлайн жаттығу өткізеді. Міндетті әлеуметтік медициналық сақтандыру аясында әр науқас санатына қарай оңалту орталығына жолдама алады.

Әлеуметтік медициналық сақтандыру қорының төрағасы Болат Төкежанов өте ауыр дәрежедегі КВИ немесе пневмониямен ауырғандар тәулік бойы стационарда екі кезең оңалтуға жатқызылатынын айтады.

"Кейіннен үшінші кезеңге ауыстырылады. Орташа ауыр КВИ, пневмонияны басынан өткізген жандар стационар деңгейінде, оның ішінде санаторияық курорттық жағдайларда, күндізгі стационарда оңалту ем-шараларын қабылдайды", – дейді ол.

Оқи отырыңыз: Белгілері ұқсас: дәрігер коронавирус пен тұмауды қалай ажыратуға болатынын айтты

Мамандардың айтуынша, тіркелген емханадағы реабилитологтардың қорытындысымен ауру санатына қарай шипажайларға жолдама алуға болады. Өйткені, осындай оңалтуға әлеуметтік медициналық сақтандыру қорынан биыл 46 миллиард бөлініпті. Шипажай, емхана, тағы да басқа емдеу, демалыс орындары бар жалпы 559 мекемемен келісім-шарт жасалған.

0
Кілт сөздер:
емделу, коронавирус
Тақырып:
Коронавирус эпидемиясы
Тақырып бойынша
Ғалымдар шілдеде коронавирустың неліктен күшейіп кеткенін анықтады
Карантиндегі көмек: Қазақстанда жаңа сайт іске қосылды
"Сіздерге маска түсті ме?" деген сөзді айтқан әйелдердің үйіне лезде полиция барады
"Күрт нашарлайды": алматылық дәрігерлер ауруханадағы жағдайды айтып берді
Полицей әйел жалғызбасты әкеге үш баланы тәрбиелеуге көмектесіп жүр – видео