Димаштың астанадағы концерті

Нью-Йорктегі жеке концерт: Димаш тыңдарманын қалай таңғалдырмақ?

622
10 желтоқсанда қазақстандық әнші АҚШ-тың Нью-Йорк қаласында "Arnau tour ENVOY" атты жеке концертін бермек. Ұйымдастырушылар бұл концертте өнерсүйер қауымды тосынсый күтіп тұрғанын хабарлады

НҰР-СҰЛТАН, 15 қазан – Sputnik. Димаш Құдайбергеннің АҚШ-тағы жеке концертіне дайындық жұмыстары қандай деңгейде, әнші шетелдік көрерменді қалай таңғалдырады деген сұрақтарға Қазақстанның мәдениет және спорт министрлігі жауап берді.

Кәсіби мамандар қатысады

"Arnau tour ENVOY" жаңа шоуының басты тақырыбы - ғарыш және шексіз кеңістік. Шоуда ескі хиттермен қоса, арнайы дайындалған жаңа шығармалар ұсынылады. Димаш қазақ, ағылшын, орыс және қытай тілінде ән шырқайды", - делінген министрлік таратқан хабарламада.

Концерт бағдарламасын дайындауға талантты қазақстандық жастар жұмылдырылған. Шоу бағдарламаға қатысушылардың орташа жасы – 25.

"Мен әлемге мәдениетімізді "Arnau tour ENVOY" шоуы арқылы паш ететініме қуаныштымын. Нью-Йорктегі концерттің көрермендері заманауи нақыштағы қазақтың саф өнерімен таныса алады. Біз командамызбен осы бағытта жұмыс істеп жатырмыз. Жобаға қатысы бар әр адамды кәсіби маман деп айта аламын", - дейді Димаш Құдайберген.

Кімдер билейді?

Шоу хореографиясына Қуаныш Бекен мен Арсен Именов жауапты.

Қуаныш Бекен ISDS нұсқасы бойынша "2018 жылдың үздік хореографы" атанған. Ал Арсен Именов Contemporary art бағытында жұмыс істейді. Ол түрлі еуропалық труппаларда өнер көрсеткен.

"Концерттегі  барлық хореографиялық элементтерді 10 бишіден құралған қазақстандық топ орындайды. Оның ішінде "Танцы на ТНТ" шоуының финалисі Александр Ли де бар", - делінген хабарламада.

Шарында түсірілді

"Arnau tour ENVOY" шоуының промо-ролигі Алматы облысындағы Шарын шатқалында түсірілді. Оны талантты қоюшы-оператор Азамат Дулатов дайындады. Ол осыған дейін қазақстандық және ресейлік жұлдыздардың фильмдері мен клиптерін түсірген.

Жаңа образ

Димаш пен шоуға қатысушылардың образын қазақстандық стилист Әнел Нұрашева дайындады. Бұл жұмысқа басқа дизайнерлер де атсалысқан.

Посмотреть эту публикацию в Instagram

Публикация от Dimash Kudaibergen (@kudaibergenov.dimash)

Айта кетейік, қазақстандық әнші Димаш Құдайбергеннің жеке концерті Нью-Йорктегі Barclays Center аренасында өтеді. Ғимарат 19 мың көрерменге шақталған. Әншінің концертіне билеттер 13 қыркүйекте сатыла бастады.

Шараны АҚШ-тағы Қазақстанның мәдени күндері аясында ҚР мәдениет және спорт министрлігі ұйымдастырады.

622
Кілт сөздер:
Димаш Құдайберген, жеке концерт, Нью-Йорк
Тақырып бойынша
Нұрлан Өнербаев Димаш туралы ойын ашық айтты
"Әлемнің халық әртісі": Димаш Ресейдің әйгілі әншілерін гүлсіз қалдырды - видео
Димаш тыңдармандарын сүйінші хабарымен қуантты
"Ал, енді Дінмұхамед айтсыншы": Димаш Филипп Киркоровпен бірге ән шырқады - видео
Димаш Құдайберген жаңа кейіпке енді
Домбыра, архивтегі сурет

Ресей елшілігінің кеңесшісі домбыра тартты видео

164
(Жаңартылды 14:29 05.07.2020)
Ресейдің Қазақстандағы елшілігінің кеңесшісі Дмитрий Суворов домбырамен қазақтың күйлерін тартып, мерекемен құттықтады

НҰР-СҰЛТАН, 5 шілде – Sputnik. Ресейдің Қазақстандағы елшілігінің кеңесшісі Дмитрий Суворов домбыра тартып үйренді. Ол дипломаттар халық аспабын жақсы көретінін және бағалайтынын атап өтті.

"Ресейдің Қазақстандағы елшілігінің ұжымы атынан сіздерді тек Қазақстанда ғана бар бірегей мереке – Домбыра күнімен құттықтауға рұқсат етіңіздер. Сырт көзге қарапайым көрінген музыкалық аспаптың киелі үнінде қазақ халқының рухы мен сан ғасырлық даналығы жатыр", - деді Суворов.

Ресей елшілігінің кеңесшісі домбыра шертуді бір жыл ішінде үйреніп алған. Музыкалық аспап Ресей мен Қазақстан халықтарын етене байланыстырады, деп атап өтті ол.

"Біз, Ресейдің Нұр-Сұлтандағы елшілігінің дипломаттары домбырада ойнағанды жақсы көреміз. Орыс халық әуендері мен қазақтың күйлері домбыра үнімен қалай үйлесетінін тыңдап көріңіздер", - деді ол.

Ұлттық домбыра күні алғаш рет Қазақстанда 2018 жылдың шілдесінде тойланды. Тиісті жарлыққа елдің тұңғыш президенті Нұрсұлтан Назарбаев қол қойған болатын. Содан бері шілденің алғашқы жексенбісінде мейрам құрметіне концерттер мен мерекелік шаралар өтеді. Биыл коронавирус пандемиясына байланысты олар онлайн форматқа ауыстырылды.

164
Кілт сөздер:
Ресей елшілігі, домбыра күні
Тақырып бойынша
Тоқаев Ұлттық домбыра күнімен құттықтады
Ұлттық домбыра күні

Тоқаев Ұлттық домбыра күнімен құттықтады

134
Президент қара домбыраның үнінде Ұлы даланың тамыры терең тарихы мен сан ғасырлық шежіресі бар екенін атап өтті

НҰР-СҰЛТАН, 5 шілде – Sputnik. Мемлекет басшысы Қасым-Жомарт Тоқаев қазақстандықтарды Ұлттық домбыра күнімен құттықтады, деп хабарлайды Ақорда.

"Бұл – Елбасының рухани жаңғыру жолын және салт-дәстүріміздің мән-маңызын дәріптейтін игі бастама. Қос ішекті қара домбыраның үнінде Ұлы даланың тамыры терең тарихы мен сан ғасырлық шежіресі бар. Қазақтың бекзат болмысы мен асыл қасиеттері қашанда әнмен әрленіп, күймен көмкерілген", - деді президент.  

Халқымыздың төл өнерін төрімізден түспеген домбырасыз елестету мүмкін емес. Ұлттық рухты күмбірлеген күйден артық көтеретін дүние кемде кем, деп жалғастырды ол.

"Халқымыздың көрнекті ақыны Қадыр Мырза Әлі жырлағандай: "Нағыз қазақ – қазақ емес, нағыз қазақ – домбыра". Біз ұлттық аспабымыздың бүкіл әлем мойындаған мәдени құндылыққа айналғанын мақтан етеміз. Атадан балаға аманат болған осындай асыл қазынамызды қадір тұту – бәріміздің қасиетті борышымыз", - деді Тоқаев. 

Президент жылдан жылға домбыра тартатын жастардың қатары көбейіп келе жатқаны қуантатынын айтты.

Тағы оқыңыз: Домбыраны әлемге танытқан қазақстандық әртістер

Мемлекет басшысы қазақтың дәстүрлі ән-күйін насихаттап жүрген барша өнерпазға ризашылығын білдірді.

Ұлттық домбыра күні алғаш рет Қазақстанда 2018 жылдың шілдесінде тойланды. Тиісті жарлыққа елдің тұңғыш президенті Нұрсұлтан Назарбаев қол қойған болатын. Содан бері шілденің алғашқы жексенбісінде мейрам құрметіне концерттер мен мерекелік шаралар өтеді. Биыл коронавирус пандемиясына байланысты олар онлайн форматқа ауыстырылды.

134
Кілт сөздер:
Қасым-Жомарт Тоқаев, домбыра күні
қоғамдық көлік

Алматыда қоғамдық көлік уақытша тоқтатылды

12
Жолаушылар ағымының аз болуына байланысты алтыншы шілдеде Алматыда қоғамдық көлік жұмысы тоқтатылды

АЛМАТЫ, 6 шілде– Sputnik. Алматыда 6 шілдеде қоғамдық көлік жұмысы тоқтады. Бұл туралы Алматы қаласының көлік холдингі хабарлады.

"Жолаушылар ағымының аз болуына байланысты 6 шілдеде Алматы қаласының қоғамдық көлігінің жұмысы тоқтатылды. Барлық жылжымалы құрам дезинфекциялауға жіберілді", - делінген ақпаратта.

Қаладағы қоғамдық көлік жұмысы 7 шілдеде сағат 6:00-ден бастап қайта іске қосылады.

Айта кетейік, Қазақстанда коронавирусқа байланысты бесінші шілдеден бастап екі аптаға карантин күшейтілді. Соған сәйкес, қалааралық автобус қатынасы тоқтатылды, алайда жеке автокөлікпен жүре беруге болады. Карантинге байланысты кей пойыз уақытша жүрмейді, кейбірінің қатынау жиілігі қысқарды. Қала маңында қатынайтын электр пойыздарының қозғалысы тоқтатылды. Пойызбен жүру үшін ПТР тест анықтамасы қажет емес.

Сонымен қатар қоғамдық көліктің жұмыс уақыты шектелді. Енді автобустар таңғы уақытта 06.00-ден 10.00-ге дейін, ал кешке 17.00-ден 21.00-ге дейін жүреді.

Ал Нұр-Сұлтан қаласында қоғамдық көлік 14 күнге тоқтайды. Автобустар мен автопарктерде дезинфекция жүргізіледі.

12