Ақын Фариза Оңғарсынованың өмірі мен шығармашылығы туралы спектакль

Мәскеудегі "Современник" театрында қазақша спектакль қойылды

217
(Жаңартылды 15:36 01.11.2019)
Кешті Қазақстанның Ресейдегі елшісі Иманғали Тасмағамбетов ашты. Ол ұзақ жылдар бойы қазақ ақыны Фариза Оңғарсыновамен жақын араласқанын атап өтті

НҰР-СҰЛТАН, 1 қараша — Sputnik. Мәскеудегі "Современник" сахнасында "Фариза" спектаклі қазақ тілінде қойылды, деп хабарлайды Қазақстанның Ресейдегі елшілігі.

Шара Қазақстанның Ресейдегі күндері аясында ұйымдастырылды.

Мәскеу театрының сахнасында қазақ ақыны Фариза Оңғарсынованың өмірі мен шығармашылығы сахналанды. Спектакльдің режиссері – Фархат Молдағали, пьеса авторы – Роза Мұқанова.

Спектакль о жизни и творчестве поэтессы Фаризы Онгарсыновой
© Photo : посольство Казахстана в России
Ақын Фариза Оңғарсынованың өмірі мен шығармашылығы туралы спектакль

Қойылым қазақ тілінде сахналанды. Сондай-ақ орыс тілінде де аудармасы болды.

"Мен Фариза Оңғарсыновамен жай ғана таныс болған жоқпын. Ұзақ жылдар бойы оның жанында болып, жақын араластым. Ол ешкімге ұқсамайтын, рухани жан дүниесі бай, өте әділ, қуатты көркем сөзбен қаруланған мықты адам еді", - деді Қазақстанның Ресейдегі елшісі Иманғали Тасмағамбетов.

Ол спектакльді қояюға көмектескені үшін "Современник" театрының көркемдік жетекшісі Галина Волчекке және мекеме директоры Игорь Поповқа шексіз алғысын білдірді.

Пьесада басты рөлді Назгүл Қарабалина сомдады. Ол Фариза Оңғарсынованың поэзиясын аударма арқылы жеткізу мүмкін еместігін атап өтті.

"Ол қарапайым адамдарды жақсы көріп, оларға көмектесуге тырысатын. Шындықты бетке тура айтатын. Қазір біз мұндайды кездестіре бермейміз. Сонысымен ерекше еді", - дейді әртіс.

Спектакльдің көркемдік жетекшісі Шара Айдарова қазақ ақынының шығармашылығын жоғары бағалады.

"Оның өлеңдері драматизмге, экспрессивтілікке толы", - деді ол.

Ресей көркемөнер академиясының вице-президенті Анатолий Любавин қойылымды әдейі қазақ тілінде тамашалағанын жеткізді.

"Керемет. Аудармасыз-ақ барлығы түсінікті. Себебі, махаббатты аударудың қажеті жоқ. Спектакльдің соңында көз жасыма ерік бердім", - деп Любавин ағынан жарылды.

Сондай-ақ бұл спектакльді көру үшін Константин Параскевопулос есімді көрермен Грекиядан арнайы келген.

"Менің туған жерім Қазақстан. Балалық шаққа саяхат жасап, бақытты сәттерімді есіме алдым", - деді ол.

217
Тақырып:
Қазақстан театрлары (80)
Тақырып бойынша
Ресейлік театрлар Қазақстанға гастрольдік сапармен келеді
Асанәлі Әшімов атындағы өнер мен мәдениетті қолдау қоры құрылды
Балет бишілерінің бас киімі қалай тігіледі - видео
"Современник" театры Нұр-Сұлтанда: Тасмағамбетов қандай сыйлық жасады?
Сәкен Сейфуллинге қатысты алыпқашпа әңгімеге нүкте қойылды
Домбыра, архивтегі сурет

Ресей елшілігінің кеңесшісі домбыра тартты видео

289
(Жаңартылды 14:29 05.07.2020)
Ресейдің Қазақстандағы елшілігінің кеңесшісі Дмитрий Суворов домбырамен қазақтың күйлерін тартып, мерекемен құттықтады

НҰР-СҰЛТАН, 5 шілде – Sputnik. Ресейдің Қазақстандағы елшілігінің кеңесшісі Дмитрий Суворов домбыра тартып үйренді. Ол дипломаттар халық аспабын жақсы көретінін және бағалайтынын атап өтті.

"Ресейдің Қазақстандағы елшілігінің ұжымы атынан сіздерді тек Қазақстанда ғана бар бірегей мереке – Домбыра күнімен құттықтауға рұқсат етіңіздер. Сырт көзге қарапайым көрінген музыкалық аспаптың киелі үнінде қазақ халқының рухы мен сан ғасырлық даналығы жатыр", - деді Суворов.

Ресей елшілігінің кеңесшісі домбыра шертуді бір жыл ішінде үйреніп алған. Музыкалық аспап Ресей мен Қазақстан халықтарын етене байланыстырады, деп атап өтті ол.

"Біз, Ресейдің Нұр-Сұлтандағы елшілігінің дипломаттары домбырада ойнағанды жақсы көреміз. Орыс халық әуендері мен қазақтың күйлері домбыра үнімен қалай үйлесетінін тыңдап көріңіздер", - деді ол.

Ұлттық домбыра күні алғаш рет Қазақстанда 2018 жылдың шілдесінде тойланды. Тиісті жарлыққа елдің тұңғыш президенті Нұрсұлтан Назарбаев қол қойған болатын. Содан бері шілденің алғашқы жексенбісінде мейрам құрметіне концерттер мен мерекелік шаралар өтеді. Биыл коронавирус пандемиясына байланысты олар онлайн форматқа ауыстырылды.

289
Кілт сөздер:
Ресей елшілігі, домбыра күні
Тақырып бойынша
Тоқаев Ұлттық домбыра күнімен құттықтады
Ұлттық домбыра күні

Тоқаев Ұлттық домбыра күнімен құттықтады

180
Президент қара домбыраның үнінде Ұлы даланың тамыры терең тарихы мен сан ғасырлық шежіресі бар екенін атап өтті

НҰР-СҰЛТАН, 5 шілде – Sputnik. Мемлекет басшысы Қасым-Жомарт Тоқаев қазақстандықтарды Ұлттық домбыра күнімен құттықтады, деп хабарлайды Ақорда.

"Бұл – Елбасының рухани жаңғыру жолын және салт-дәстүріміздің мән-маңызын дәріптейтін игі бастама. Қос ішекті қара домбыраның үнінде Ұлы даланың тамыры терең тарихы мен сан ғасырлық шежіресі бар. Қазақтың бекзат болмысы мен асыл қасиеттері қашанда әнмен әрленіп, күймен көмкерілген", - деді президент.  

Халқымыздың төл өнерін төрімізден түспеген домбырасыз елестету мүмкін емес. Ұлттық рухты күмбірлеген күйден артық көтеретін дүние кемде кем, деп жалғастырды ол.

"Халқымыздың көрнекті ақыны Қадыр Мырза Әлі жырлағандай: "Нағыз қазақ – қазақ емес, нағыз қазақ – домбыра". Біз ұлттық аспабымыздың бүкіл әлем мойындаған мәдени құндылыққа айналғанын мақтан етеміз. Атадан балаға аманат болған осындай асыл қазынамызды қадір тұту – бәріміздің қасиетті борышымыз", - деді Тоқаев. 

Президент жылдан жылға домбыра тартатын жастардың қатары көбейіп келе жатқаны қуантатынын айтты.

Тағы оқыңыз: Домбыраны әлемге танытқан қазақстандық әртістер

Мемлекет басшысы қазақтың дәстүрлі ән-күйін насихаттап жүрген барша өнерпазға ризашылығын білдірді.

Ұлттық домбыра күні алғаш рет Қазақстанда 2018 жылдың шілдесінде тойланды. Тиісті жарлыққа елдің тұңғыш президенті Нұрсұлтан Назарбаев қол қойған болатын. Содан бері шілденің алғашқы жексенбісінде мейрам құрметіне концерттер мен мерекелік шаралар өтеді. Биыл коронавирус пандемиясына байланысты олар онлайн форматқа ауыстырылды.

180
Кілт сөздер:
Қасым-Жомарт Тоқаев, домбыра күні
ҰБТ кезінде аудиторияда отырған ата-аналар

Қазақстанда ата-аналар жиналысы өтеді премьер-министр тапсырма берді

0
Білім министрінің айтуынша, ата-аналар мен оқушылар үшін әдістемелік қолдау көрсетудің маңызы жоғары

НҰР-СҰЛТАН, 4 тамыз – Sputnik. Премьер-министр Асқар Мамин республикалық ата-аналар жиналысын өткізуді тапсырды, деп хабарлайды Sputnik Қазақстан тілшісі.

Үкіметтің бүгінгі онлайн отырысында жаңа оқу жылына дайындық мәселелері пысықталды. Осы орайда премьер-министр оқушылар мен мұғалімдердің дайындығына баса назар аудару қажеттігін атап, 25 тамызға дейін барлық дайындық жұмыстарын аяқтауға тапсырма берді. Иинтернет-платформаларда және теледидарда қажетті контент толық көлемде болуы шарт. Ал ата-аналар үшін республикалық жиналыс ұйымдастырылады.

"Оқыту әдістемесін толық пысықтап, 20 тамызға дейін алдағы оқу үрдісі туралы толық ақпарат бере отырып, онлайн режимде республикалық ата-аналар жиналысын ұйымдастыруды тапсырамын", – деді Мамин.

Білім және ғылыми министрі Асхат Аймағамбетовтың айтуынша, жаңа оқу жылына дейін ата-аналар мен балаларға үйде білім алу мәселелері бойынша арнайы сынып сағаттары да ұйымдастырылады.

"Ата-аналар мен оқушылар үшін әдістемелік қолдау көрсету өте маңызды. Біз бұны төртінші тоқсанның нәтижесінде көрдік. Сондықтан тамыз айында балаларға және ата-аналарға үйде қалай оқу керек, гигиена негіздері, кибермәдениет, интернет арқылы қалай оқу керек және дене жаттығуларының маңызы туралы бірыңғай сынып сағаттары, сондай-ақ, ата-аналар жиналыстарын өткізуді жоспарлап отырмыз", – дейді Аймағамбетов.

Оқи отырыңыз: Ата-аналар кірмейді: мектептерде "кезекші сыныптар" қалай жұмыс істейтіні белгілі болды

Оның сөзіне қарағанда, бүгінде алдын ала болжам бойынша биыл интернет мен  теледидар арқылы 2,6 миллион оқушы, кезекші сыныптарда 530 мың бала және шалғай ауылдарда штаттық режимде 157 мыңнан астам оқушы білім алады.

0
Кілт сөздер:
ата-аналар жиналысы, білім беру
Тақырып:
Төтенше жағдай және карантин
Тақырып бойынша
Алматылық ата-аналар Сағынтаевқа шағымданамын деп опық жеді
Бейсенбі күні республикалық ата-аналар жиналысы өтеді
Биыл әскери ант қабылдауға ата-аналар қатыса ала ма?
Ата-аналар қашықтан оқудың машақаты туралы айтып берді - видео
Қазақстандық ата-аналар 16 жасқа дейінгі балаларын үйден шықпай-ақ тіркей алады