Ақорда

Тоқаев Тасмағамбетовтың кіші қызын марапаттады

515
(Жаңартылды 17:20 12.12.2019)
Бүгін президент Ақордада Тәуелсіздік күні қарсаңында бірқатар азаматты мемлекеттік наградалармен марапаттады

НҰР-СҰЛТАН, 12 желтоқсан – Sputnik. Қазақстанның Ресейдегі елшісі Иманғали Тасмағамбетовтың екінші қызы Софья Тасмағамбетова мемлекет басшысы Қасым-Жомарт Тоқаевтың қолынан марапат алды, деп хабарлайды Sputnik Қазақстан тілшісі.

Бүгін Қазақстан президенті Ақордада Тәуелсіздік күні қарсаңында бірқатар азаматты мемлекеттік наградалармен марапаттады.

Тоқаевтың қолынан марапат алғандардың арасында сценограф және костюмдер бойынша суретші Софья Тасмағамбетова да бар.

Ол "Қазақстанның еңбек сіңірген қайраткері" атағына ие болды.

Тағы оқыңыз: Зейнет жасына келген Тасмағамбетов қызметінде қала ма?

Софья Тасмағамбетова - Қазақстанның Ресейдегі елшісі Иманғали Тасмағамбетовтың кіші қызы. Жасы 36-да. Еліміздің үздік суретшілер тізіміне енген. Тұрмыста, бір қыз тәрбиелеп отыр.

515
Кілт сөздер:
қыз, Иманғали Тасмағамбетов, Қасым-Жомарт Тоқаев
Тақырып бойынша
Тоқаев үкіметке тапсырма берді: жаңа жылдан бастап кімнің қалтасы қалыңдайды
Тоқаев Роза Рымбаеваға құрметті атақ берді
Ресей Қазақстанға қанша гектар жерді қайтарады – сенат заң қабылдады
"Біздің борышымыз": Тоқаев Назарбаевтың еңбегін құрметтеуге шақырды
Тоқаев қандай шенеуніктерден құтылатынын айтты
Домбыра, архивтегі сурет

Ресей елшілігінің кеңесшісі домбыра тартты видео

291
(Жаңартылды 14:29 05.07.2020)
Ресейдің Қазақстандағы елшілігінің кеңесшісі Дмитрий Суворов домбырамен қазақтың күйлерін тартып, мерекемен құттықтады

НҰР-СҰЛТАН, 5 шілде – Sputnik. Ресейдің Қазақстандағы елшілігінің кеңесшісі Дмитрий Суворов домбыра тартып үйренді. Ол дипломаттар халық аспабын жақсы көретінін және бағалайтынын атап өтті.

"Ресейдің Қазақстандағы елшілігінің ұжымы атынан сіздерді тек Қазақстанда ғана бар бірегей мереке – Домбыра күнімен құттықтауға рұқсат етіңіздер. Сырт көзге қарапайым көрінген музыкалық аспаптың киелі үнінде қазақ халқының рухы мен сан ғасырлық даналығы жатыр", - деді Суворов.

Ресей елшілігінің кеңесшісі домбыра шертуді бір жыл ішінде үйреніп алған. Музыкалық аспап Ресей мен Қазақстан халықтарын етене байланыстырады, деп атап өтті ол.

"Біз, Ресейдің Нұр-Сұлтандағы елшілігінің дипломаттары домбырада ойнағанды жақсы көреміз. Орыс халық әуендері мен қазақтың күйлері домбыра үнімен қалай үйлесетінін тыңдап көріңіздер", - деді ол.

Ұлттық домбыра күні алғаш рет Қазақстанда 2018 жылдың шілдесінде тойланды. Тиісті жарлыққа елдің тұңғыш президенті Нұрсұлтан Назарбаев қол қойған болатын. Содан бері шілденің алғашқы жексенбісінде мейрам құрметіне концерттер мен мерекелік шаралар өтеді. Биыл коронавирус пандемиясына байланысты олар онлайн форматқа ауыстырылды.

291
Кілт сөздер:
Ресей елшілігі, домбыра күні
Тақырып бойынша
Тоқаев Ұлттық домбыра күнімен құттықтады
Ұлттық домбыра күні

Тоқаев Ұлттық домбыра күнімен құттықтады

180
Президент қара домбыраның үнінде Ұлы даланың тамыры терең тарихы мен сан ғасырлық шежіресі бар екенін атап өтті

НҰР-СҰЛТАН, 5 шілде – Sputnik. Мемлекет басшысы Қасым-Жомарт Тоқаев қазақстандықтарды Ұлттық домбыра күнімен құттықтады, деп хабарлайды Ақорда.

"Бұл – Елбасының рухани жаңғыру жолын және салт-дәстүріміздің мән-маңызын дәріптейтін игі бастама. Қос ішекті қара домбыраның үнінде Ұлы даланың тамыры терең тарихы мен сан ғасырлық шежіресі бар. Қазақтың бекзат болмысы мен асыл қасиеттері қашанда әнмен әрленіп, күймен көмкерілген", - деді президент.  

Халқымыздың төл өнерін төрімізден түспеген домбырасыз елестету мүмкін емес. Ұлттық рухты күмбірлеген күйден артық көтеретін дүние кемде кем, деп жалғастырды ол.

"Халқымыздың көрнекті ақыны Қадыр Мырза Әлі жырлағандай: "Нағыз қазақ – қазақ емес, нағыз қазақ – домбыра". Біз ұлттық аспабымыздың бүкіл әлем мойындаған мәдени құндылыққа айналғанын мақтан етеміз. Атадан балаға аманат болған осындай асыл қазынамызды қадір тұту – бәріміздің қасиетті борышымыз", - деді Тоқаев. 

Президент жылдан жылға домбыра тартатын жастардың қатары көбейіп келе жатқаны қуантатынын айтты.

Тағы оқыңыз: Домбыраны әлемге танытқан қазақстандық әртістер

Мемлекет басшысы қазақтың дәстүрлі ән-күйін насихаттап жүрген барша өнерпазға ризашылығын білдірді.

Ұлттық домбыра күні алғаш рет Қазақстанда 2018 жылдың шілдесінде тойланды. Тиісті жарлыққа елдің тұңғыш президенті Нұрсұлтан Назарбаев қол қойған болатын. Содан бері шілденің алғашқы жексенбісінде мейрам құрметіне концерттер мен мерекелік шаралар өтеді. Биыл коронавирус пандемиясына байланысты олар онлайн форматқа ауыстырылды.

180
Кілт сөздер:
Қасым-Жомарт Тоқаев, домбыра күні
Жұдырық, иллюстративті фото

Нұр-Сұлтанда жаппай төбелес видеоға түсіп қалды полиция түсініктеме берді

0
Тәртіп сақшылары жаппай төбелеске екі жасөспірімнің арасында туындаған жанжал себеп болғанын айтады

НҰР-СҰЛТАН, 4 тамыз – Sputnik. "Хан-Шатыр" ойын-сауық сауда орталығының жанында жаппай төбелес болды. Куәгерлер жас жігіттердің төбелесін видеоға түсіріп алды, деп хабарлайды Sputnik Қазақстан тілшісі.

Видеодан 20 шақты адамның төбелесіп жатқанын көруге болады. Оқиға орнына патрульдік полицияның келгені де кадрға түсіп қалған.

Қалалық полиция департаментінің мәліметі бойынша жасөспірімдер арасындағы жаппай төбелес 1 тамызда "Хан-Шатыр" ойын-сауық сауда орталығының жанында болған. Кешкі сағат 20:40 кезінде кезекші бөлімге оқиға туралы хабар түсті.

"Төбелеске қатысқандар кәмелетке толмаған. Олардың барлығы оқиға орнында ұсталды. Төбелестің себебі де анықталды. Екі жасөспірімнің арасында жанжал туындаған. Оның арты жаппай төбелеске ұласты. Қылмыстық кодекстің 293-бабы – "бұзақылық" бойынша қылмыстық іс қозғалды", – дейді полицейлер.

Оқи отырыңыз: Шымкентте жаппай төбелес кезінде ауыр жарақат алған жігіт қайтыс болды

0
Кілт сөздер:
жаппай төбелес, тәртіп сақшысы
Тақырып бойынша
Ақтаудағы жаппай төбелес: қылмыстық іс қозғалды – видео
Таразда жаппай төбелес болып, жас жігіт көз жұмды
Тұрғымбаев: Қордайдағы жаппай төбелес кезінде 8 адам қаза болды
Оралда жаппай төбелес болды – видео
Министрлік Қордайдағы жаппай төбелес қалай басталғанын айтып берді