Koktebel Jazz Party фестивалі, архивтегі сурет

Koktebel Jazz Party-2020 фестивалінде кімдер өнер көрсетеді

46
(Жаңартылды 17:41 20.08.2020)
Қырым жағалауындағы Коктебель қаласы алдағы үш күн бойы джаз өнерінің көрігін қыздырады. Sputnik материалынан биылғы маусымда кімдер өнер көрсететінін оқып, біліңіз

НҰР-СҰЛТАН, 20 тамыз – Sputnik. Қырым жазындағы басты музыкалық кеш – Koktebel Jazz Party халықаралық джаз фестивалінің басталуына бір тәулік қалды. 21-23 тамыз аралығында фестиваль көрермендері түбектің ең әдемі жерінің бірі – Коктебельдің шеберлер ауылында орыс және халықаралық джаз өнерінің үздік үлгілерін тамашалайды.

Теңіз бен джаздың мерекелік атмосферасы Симферопольге келгеннен кейін бірден сезіледі: Қырым әуежайында фестиваль қатысушылары мен қонақтарына – Лариса Долина мен Игорь Скляр және Сергей Мазаев сынды жұлдыздардың Koktebel Jazz Party-ге шақырған аудиороликтері естіледі.

Фестиваль – 2020 ұйымдастырушылары қуаттылығы мың киловатт, ал салмағы жиырма тонна болатын дыбыстық және жарық-шам жабдықтарын орнатты. Мұның бәрі де ашық аспан астында джаз фестивалі аясында айрықша атмосфера құруға ықпал етеді. Келушілерге ыңғайлы болуы үшін KJP веб-сайтында барлық алаңқайлар мен ол жерлердегі негізгі қызметтердің картасы көрсетілді.

Биыл Koktebel Jazz Party-дың негізгі сахнасы – Волошин сахнасы болады және оған кіру дәстүр бойынша тегін. Негізгі сахнадағы концерттер 19.00-де басталып, түн ортасында аяқталады. Ал Волошин сахнасының бағдарламалары сағат 15.00-де басталады. Әртістердің өнерін тамашалауға билетті фестиваль сайтынан, сондай-ақ оның өтетін жеріндегі кассадан сатып алуға болады.

Фестивальде кім өнер көрсетеді

Бірінші күні басты сахнада Петр Востоковтың басқаруымен Үлкен джаз оркестрі, Бразилияның Esh джаз ансамблі, ресейлік Manka Groove тобы және Лариса Долина мен Хибла Герзмавидің қатысуымен Яков Окунның жұлдызды ансамблі өнер көрсетеді.

Сенбі күнгі бағдарламаға Анастасия Лютова мен "Лютый бенд" тобы, Wild Brass тобы, саксофонист, KJP фестивалінің арт-директоры Сергей Головня және Jazz Classic Community тобымен бірге Ресейдің халық әртісі Игорь Скляр қатысады. Ал сенбі күнгі кеш "Моральный кодекс" рок-тобының өнерімен аяқталады.

Фестивальдің соңғы күнінде Даниил Крамердің триосы, CHETMEN ұжымы, солист Карина Кожевникованың қатысуымен Сергей Головня басшылық еткен "SG BIG BAND" басты қойылымда өз топтамаларын ұсынады. Үшінші күннің бағдарламасында сонымен қатар Bril Family – орыс джазының патриархы Игорь Брил мен оның балалары, саксофонист – Александр мен Дмитрий, сонымен қатар джаз әншісі Мариам Мерабова өнер көрсетеді.

Koktebel Jazz Party-2020 фестиваліне шетелдік әртістер де қатысады – дәстүр бойынша олардың есімдері 21 тамыз күні жария етіледі. Джаз шекараларға қарамай, тіпті карантиндік шектеулер кезінде де бірге екендігін растау үшін әлемдік джаз жұлдыздары телекөпір форматында өтетін "Жарық жылдамдығындағы джаз" бағдарламасына қатысады.

Фестивальдің толық бағдарламасы Koktebel Jazz Party сайтында жарияланған.

Фестивальге қатысушылар мен көрермендердің қауіпсіздігін қамтамасыз ету мақсатында фестивальдің ұйымдастыру комитеті Роспотребнадзордың коронавирусқа қатысты барлық санитарлық талаптарын сақтайды.

2020 жылы сәуірде Koktebel Jazz Party фестивалі "Россия сегодня" ХАА мен "Қызыл алаң" медиа тобы бірлесіп, коронавирустық пандемиямен күресу кезінде ресейлік дәрігерлер мен ауруханаларға қолдау көрсету үшін Doctor Jazz Party онлайн-марафонын ұйымдастырды.

Марафон халықаралық джаз күнінде, 30 сәуірде Рунет желісінде, ria.ru сайтында және РИА Новостидің ВКонтакте желісіндегі аккаунтында басталды. Doctor Jazz Party онлайн-марафоны Ресей, Қытай, АҚШ, Бразилия, Жапония сияқты тоғыз елдің джаз музыкасының жұлдыздарын бір арнаға тоғыстырды. Марафон жеті сағатқа созылып, екі миллионға жуық адам оның қатысушыларының өнерін тамашалады.

Koktebel Jazz Party фестивалі туралы

Ол 2003 жылы Koktebel джазының негізін қалаушы – журналист Дмитрий Киселевтің жеке бастамасы ретінде пайда болды. Қырымның кішкентай ғана ауылы фестивальге өз атын беріп, ол бүгінде әлемдік джаз фестивальдерінің тізімінде танымал орын алды. Дәстүр бойынша жұлдызды қатысушылардың есімдерін ұйымдастырушылар құпия сақтайды.

Бірнеше жыл бойы фестивальге аты аңызға айналған барабаншы Джимми Кобб (АҚШ), латын джазының ең үздік альбомы үшін "Грэмми" сыйлығының иегері атанған Гонсало Рубакальба (Куба), өзінің жаңашыл ойнау техникасымен танымал болған америкалық бас-гитара және контрабаст гитарашы Стэнли Кларк, Club Des Belugas ню-джаз клубының жұлдыздары (Германия), бірегей саксофонист Роберт Антиполовский (Израиль), Гейдельбергтің De-Phazz неміс тобы өнер көрсетті. Сондай-ақ, Ресей Федерациясының президенті Владимир Путин KJP-2017 қонағы болды.

Оқи отырыңыз: Doctor Jazz Party қайырымдылық онлайн-марафоны – трансляция

Koktebel Jazz Party – бұл әлемдік деңгейдегі джаз ғана емес. Бұл теңіз бен музыканың, адам жаны мен тәнінің бірсәттік үйлесімін тудыратын нағыз еркіндік. Фестивальді "Россия сегодня" ХАА өткізеді, ал ұйымдастырумен "Қызыл квадрат" медиа-тобы айналысады.

Sputnik радиосы – Koktebel Jazz Party-дің медиа серіктесі болып табылады.

46
Кілт сөздер:
мәдениет, өнер, Қырым
Тақырып бойынша
Димаш Құдайберген Токиода концерт береді
"Әміре" фильмінің трейлері жарияланды
"Әміре" фильмі Голливудте үздік деп танылды
"Үнемі күліп жүретін": танымал әнші Батырхан Шүкенов туралы не білеміз?
Келесі жазда Коктебель музыка апталығы өтеді
Астана Балет театры он қайырымдылық концертін өткізеді

"Дәрігерлерге алғыс айтамыз": "Астана Балет" он қайырымдылық концертін өткізеді

17
(Жаңартылды 17:46 21.09.2020)
Алғашқы қайырымдылық концерті 3 қазанда Нұр-Сұлтан қаласында ұйымдастырылады. Театр концертке келушілер үшін барлық санитарлық нормаға сәйкес келетін арнайы "келу алгоритмін" әзірлеген

НҰР-СҰЛТАН, 21 қыркүйек – Sputnik. "Астана Балет" театры Нұр-Сұлтан мен басқа өңірлердің дәрігерлері үшін он қайырымдылық концертін өткізеді, деп хабарлайды театрдың баспасөз қызметі.

"Біз бірнеше ай бойы бар күшін-жігерін адамдардың денсаулығы мен өмірін сақтап қалу жолында жұмсап, еңбектің ерен үлгісін көрсетіп келе жатқан ақ халатты абзал жандарға шынайы ризашылығымызды білдіргіміз келеді", – деді театр директоры Александр Совостьянов.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Алғашқы концерт 3 қазанда Нұр-Сұлтан қаласында өтеді

Он қайырымдылық концерті Қазақстанның бірнеше қаласында өтеді, олардың алғашқысы 3 қазанда Нұр-Сұлтан қаласында ұйымдастырылады. Гастрольдік кесте өңірлердегі эпидемиологиялық жағдайға байланысты кейінірек белгілі болады.

Гастрольдік сапар мәдениет және спорт, сондай-ақ, денсаулық сақтау министрліктерінің қолдауымен ұйымдастырылады.

"Біз концертке көрерменді шақыру арқылы өзімізге жүктелетін жауапкершілікті толықтай сезініп отырмыз, сондықтан, бұған жан-жақты дайындықпен келдік. Театр көрермендер үшін барлық санитарлық нормаға сәйкес келетін арнайы "келу алгоритмін" әзірледі", – деп атап өтті Совостьянов.

Қайырымдылық концерттердің бағдарламасына театрдың "визит карточкасына" айналған айрықша қойылымдар енеді. Солардың бірі – "Ұлы дала мұрасы" дивертисменті. Онда артистер қазақ ұлттық биінің өзгеше мәнерін, иірімі мен ырғағын жан-жақты ашып көрсетеді.

"Өнер адамның рухын көтереді, жан тыныштығын сыйлайды. Біз осы орайда, айрықша қойылымдарды әзірледік, олар көрерменге жеңіл және мерекелік көңіл-күй сыйлайды", - деді театрдың бас балетмейстері Мукарам Авахри.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Гастрольдік кесте өңірлердегі эпидемиологиялық жағдайға байланысты болады

Сондай-ақ, ол артистердің концерттің басты қонағы – дәрігерлерге қажырлы еңбегі үшін алғыс білдіргісі келетінін жеткізгісі келеді.

"Артистер көрерменмен кездесетін күнді ерекше толғаныспен тағатсыздана күтіп жүр. Себебі, осы уақытқа дейін оларға сахна, көрерменнің қошеметі жетіспегені анық, ал кері байланыс оларды қанаттандырады әрі шабыттандырады", - деді  Авахри.

Қазан айында "Астана Балет" көпшілік назарына спектакльдер мен бірнеше премьера ұсынады, олардың ішінде қазақстандық балетмейстер Анвара Садықованың "Желтораңғы туралы аңыз" атты премьерасы бар.

17
Астана Опера

Пандемия кезіндегі театр: "Астана Операда" алғашқы концерт өтті

9
(Жаңартылды 14:19 21.09.2020)
"Астана Опера" театрындағы концертке 50 көрермен қатысты. Олардың арасында мәдениет және спорт министрі Ақтоты Райымқұлова болды

НҰР-СҰЛТАН, 21 қыркүйек – Sputnik. "Астана Опера" театры өзінің VIII маусымын "Опералық классиканың парақтары" гала-концертімен ашты.

"Бас санитар дәрігердің қаулысына сәйкес, концертке небары 50 көрермен, соның ішінде мәдениет және спорт министрі Ақтоты Раймқұлова қатысты", – деп хабарлады театрдың баспасөз қызметі.

Кезекті маусым шымылдығын театр дирижері, Қазақстанның еңбек сіңірген қайраткері, мемлекеттік сыйлықтың лауреаты Алан Бөрібаев ашты.

Концерт бағдарламасына әйгілі "Абай", "Дон Карлос", "Кармен", "Тоска", "Мадам Баттерфляй", "Севильский цирюльник" операларынан ариялар мен қойылымдар енген.

Оған театрдың барлық солисі, хор артистері, оркестр және миманс музыканттары қатысты.

"Барлығы жұмысты сағынып қалғандықтан, оған ерекше ынта-ықыласпен кірісіп кетті. Біз өнерімізді әрбір көрерменнің жүрегіне жеткізгіміз келеді. Мәселен, Абайдың 175 жылдығына орай, бағдарламаға Жұбанов пен Хамидидің "Абай" операсынан көріністер енгізілді", – деді өз ойымен бөліскен Бөрібаев.

Театрда не өзгерді?

Санитарлық талаптарға сәйкес, фойеде санитайзерлер қойылды. Ал залдағы орындықтар шахматтық тәртіппен орналасқан. Көрермендер қойылымның соңына дейін бетперде киіп отыруы тиіс.

"Оркестр музыканттарын отырғызу тәртібіне де өзгерістер енгізілді. Яғни, санитарлық талаптар бойынша, аспапта ойнаушылар бір-бірінен бір жарым метр қашықтықта отыруы тиіс. Әрине, мұндай арақашықтықта мінсіз музыканттар ансамблін құру қиын, десек те, оркестр артистері өздерін бұл жағдайдан тамаша алып шықты", – делінген театр хабарламасында.

Жаңа формат: көрермен көзімен

Көрермендер театр қойылымдарын сағынып қалған екен. Сондықтан, жаңа форматқа қатысты жылы лебіздерімен бөлісті. 

"Театрларға аз көрерменге арналған қойылымдар қоюға рұқсат етілгенін білген кезде, бірден билет сатып алдық. Біз классикалық өнерге, театрға, артистердің өнеріне сусап қалыппыз", – дейді көрермен Аида Махпирова.

Оның айтуынша, жұмыстағы ұзақ үзіліске қарамастан, барлық солист пен хор артистері концертке тамаша вокалдық дайындықпен келген.

"Бүгін оркестрдің үні керемет естілді, әлемдік опера жауһарларының Алан Бөрібаев дайындаған тамаша интерпретациясын тыңдау бізге сөзсіз, рухани ләззат сыйлады", - дейді ол.

Бір атап өтерлігі, театрдың қыркүйектегі афишасына Римский-Корсаковтың музыкасына жазылған "Күміс ғасыр балеттері" мен "Шехеразада" қойылымдары енген екен.

Театр және пандемия

Наурыз айында, Қазақстанда коронавирус инфекциясы алғаш тіркелген кезде, театрлар негізгі қызметін тоқтатқан болатын. Алайда, артистер өз өнерлерін көрермен назарына онлайн-форматта паш етті. Осы ретте, "Астана Опера" театры 20-дан астам қойылымды әзірледі. Олардың ішінде елорда күні өз көрерменіне жол тартқан "Абай" операсы да бар.

Жеңіс күнінде үш танымал баритон әнші "Тырналар" халықаралық онлайн-жобасына қатысты. Танымал композицияны "Астана Операның" солисі Талғат Мұсабаев, Ресейдің Үлкен театрынан шақырылған солист Василий Ладюк және Абай атындағы Қазақ мемлекеттік академиялық опера және балет тетрының солисі Расул Жармағамбетов шырқады. 

Композиция "Астана Опера" театрының бас концертмейстері Елена Сахноның, сондай-ақ, симфониялық оркестрдің музыканттары мен "Астана Опера" хоры әртістерінің сүйемелдеуімен орындалды.

9
Кілт сөздер:
театр, өнер, "Астана Опера" мемлекеттік опера және балет театры
Тақырып бойынша
 "Астана Опера" Санкт-Петербург сахнасында
Астана Опера театры Ресейде BraVo сыйлығын иеленді
"Астана опера" театрында қойылым кезінде өрт шықты
"Астана опера" мемлекеттік опера және балет театры
"Астана Опера" театрының жетекші солисі жол апатынан қаза болды
Медицина құралдары, архивтегі фото

Дәрігерлер трактордың астына түскен қызды аман алып қалды

0
Қыз жедел хирургия бөліміне ес-түссіз күйде түскен. Дәрігерлер оны бірден аппаратқа қосып, жамбасына шұғыл ота жасаған

НҰР-СҰЛТАН, 21 қыркүйек – Sputnik. Астаналық дәрігерлер абайсызда трактордың астына түскен бес жасар қызға ота сәтті жасалғанын мәлімдеді, деп хабарлайды Sputnik Қазақстан тілшісі.

Айта кетейік, 6 қыркүйек күні Қорғалжын ауылында екі бала шөп тиелген трактордың тіркемесіне шыққан. Алайда екеуі де құлап, доңғалақтың астына түскен. Салдарынан 8 жасар ұл оқиға орнында жан тапсырды. Ал бес жасар қыз Нұр-Сұлтан қаласының №2 көпбейінді балалар ауруханасына жеткізілді.

Ақмола облысында екі бала шөп тиелген трактордың астына түсті 

Аурухананың травматолог дәрігері Мұхтар Ахмұрзаевтың айтуынша, қыз жедел хирургия бөліміне ес-түссіз күйде түскен. Оны бірден аппаратқа қосып, жамбасына шұғыл ота жасаған. Бала 10 күн бойы жансақтау бөлімінде жатты.

"Бала өте ауыр жағдайда түсті, жарақаттан қатты шок алып қалған.  Бірақ аурухана мамандары – хирургтар, нейрохирургтар, травматолог пен реаниматологтар жедел көмек көрсетіп, отаны сәтті жасап шықты", - дейді Ахмұрзаев.

Қазіргі кезде бала ауруханадан шығуға дайындалып жатыр. Ата-анасы дәрігерлерге шексіз ризашылығын жеткізді.

"Қазір қызымның жағдайы жақсы. Көңіл-күйі де жақсарған. Әкесімен видео байланыс арқылы сөйлесіп тұрады. Отбасымызбен дәрігерлерге алғыс айтамыз. Бірінші Құдайдың қалауымен, екінші дәрігерлердің арқасында қызымыз аман қалды", - дейді қыздың анасы.

Полиция осы оқиға бойынша Қылмыстық кодекстің 345-бабы 3-тармағы "Көлiк басқаратын адамдардың жол жүрісі немесе көлiкті пайдалану қағидаларын бұзуы" бойынша сотқа дейінгі тергеуді бастаған болатын.

 

0
Тақырып бойынша
"Рөлді ұстамай-ақ айдаймын": мас жүргізушінің оқиғаға дейінгі әрекеті белгілі болды
Алматылық әйел бір уақытта екі көліктің астына түсті - фото
Алматыда ер адам автобустың астына жатып алды – видео
Нұр-Сұлтанда әйел адам көлік астына түсіп қаза болды
Жүк көлігі самокат мінген жігітті басып кете жаздады – видео