қыз бала ән айтып тұр

"Ты - супер!" халықаралық ән байқауының төртінші маусымы өтеді

38
Музыкалық телебайқау жас орындаушылар үшін тамаша мүмкіндікке жол ашады, өткен маусымның көптеген қатысушысы кәсіби жолын одан әрі жалғастырып жатыр

НҰР-СҰЛТАН, 17 қыркүйек -Sputnik. 20 қыркүйекте НТВ телеарнасында Sputnik халықаралық агенттігі мен радиосының қолдауымен туғанынан отбасы жылуын сезбеген дарынды балаларға арналған ән байқауының жаңа маусымы шығады.

Биыл байқауға Ресей, Грузия, Әзербайжан, Абхазия, Қырғызстан, Беларусь, Эстония, Украина және Молдовадан келген 58 бала қатысуда.

Байқау шымылдығының ашылуына аз күн  қалса да, жұмыс қазірдің өзінде қайнап жатыр. 16 қыркүйекте тікелей эфирде жаңа маусымның тұсаукесері өтті.

 "Ты - супер!" шоуының қатысушылары мен көрермендерін "Россия сегодня" ХАА бас редакторы Маргарита Симоньян үлкен қошеметпен қарсы алды.

"Мен бұрынғы Кеңес одағы кеңістігіндегі жастайынан тағдыр тәлкегіне ұшыраған, бірақ ерекше дарынымен көзге түскен балаларды іздеп табуға мүмкіндік беріліп отырғанына қуаныштымын, - деді ол. – Байқау осындай жасөспірімдерге жарқын болашаққа жолдама береді. Бұл оларға бақыт сыйлайды. Сіздер осындай жобаға қатыса отырып, өз өміріңізге басқа қырынан қарайсыздар деп ойлаймын".

"Мен үшін бұл жобаның маңызы орасан", - дейді НТВ телеарнасының бас продюсері Тимур Вайнштейн. – Бұл жоба біз үшін үлкен бір отбасыға айналды. Жоба аясында құрылған қайырымдылық қоры жұмысының арқасында дарынды балаларға жалпы құны 8,5 миллион рубльді құрайтын 45 стипендия беріледі. Кәмелеттік жасқа толғанға дейін біз қатысушылардың әрқайсысын қолдауға тырысамыз".

Байқаудың бұған дейінгі маусымының жеңімпаздары Валерия Адлейба и Диана Анкудинованың көптен күткен арманы орындалды: олар Мәскеу төрінен өз пәтеріне қол жеткізді. Ал өткен маусымның соңында нағыз керемет оқиға болды. Бизнесмен және меценат Михаил Гуцериевтің арқасында Ресей астанасынан барлық 12 финалист пәтер кілтін алды.

Сондай-ақ, Тимур Вайнштейннің айтуынша, барлық дарынды бала жаңа отбасымен қауышқан. Кезінде байқауға қатысқан, бүгінде мектепті тәмамдаған түлектер беделді жоғары оқу орындары мен кәсіби училищелерге оқуға түсуге мүмкіндік алып, өздерін кәсіби тұрғыда жан-жақты дамытып келеді.

"Біз байқаудың жаңа маусымында балалардың шығармашылық жағынан қалай өскенін көрсеткіміз келеді", - деді НТВ өкілі. – Сондықтан, әрбір іріктеу бағдарламасы аясында өз шығармашылығын әрі қарай дамытып жүрген бұрынғы байқаулардың қатысушылары өнер көрсетеді. "Ты – супер!" жобасының бірінші маусымы жарыққа шықпастан бұрын, әлеуметтік бағытқа негізделген жобаның шоу түрінде шығатыны туралы шешім қабылданды. Алайда, біз бұл байқаудың Ресей үшін ғана емес, барлық ел үшін де маңызды оқиға болатынын  білдік. Қазір біздің YouTube-тегі арнамыздың 600-ден астам көрермені бар, рейтингіміз де жоғары".

Шекара асқан дарындар                        

Бұрынғы КСРО аумағындағы дарынды балаларды іздеумен Sputnik агенттігі айналысады. Алайда, биыл карантин шектеулері бұл міндетті біраз қиындатып жіберген екен.

"Әрине, өнерпаз жасөспірімдерді іздеу қиынға соққан жоқ, - деді "Россия сегодня" ХАА қоғаммен байланыс жөніндегі директоры Петр Лидов-Петровский. – Бірақ, шекара асу кезінде қатысушылар түрлі қиындықтарға тап болды.Мәселен, Эстония елінің қатысушылары бізге Финляндиядан паром арқылы жетті. Қырғызстан мен Әзербайжанның қыздары Стамбулдан ұшақ арқылы ұшып келді. Байқауға Грузиядан қатысуға ниет білдірген тағы бір жасөспірім қыз Оңтүстік Осетияның шекарасы арқылы жаяу өтті. Владикавказдан да ұшып келген қатысушылар болды. Беларусь елінен келген қыз да шекарадан жаяу өтуге мәжбүр болды".

Қазір жоба қатысушылары Мәскеу маңындағы демалыс орнына орналастырылды. Бұл маусымда оларға арналған ойын-сауық шаралары тоқтатылды. Мұның жақсы жағы да бар. Себебі, тәлімгерлердің дәрісін тыңдауға көбірек мүмкіндік алады.

Байқаудың қазылар алқасының құрамында Диана Арбенина, Алексей Воробьев, әнші Елка, продюсер және композитор Игорь Крутой бар.

Ата-ана қамқорлығынсыз қалған балаларға арналған "Ты - супер!" халықаралық ән байқауын НТВ телеарнасы РФ білім министрлігінің қолдауымен Sputnik халықаралық ақпарат агенттігі және радиосымен бірлесіп өткізеді.

38
Әнші Димаш Құдайберген мен актер Джеки Чан

Димаш Джеки Чанның жаңа фильміндегі басты әнді шырқады

592
"Авангард" деп аталатын фильмнің премьерасы Қытай мен Сингапурде және Малайзияда 30 қыркүйекте өтеді

НҰР-СҰЛТАН, 25 қыркүйек – Sputnik. Қазақстандық орындаушы Димаш Құдайберген Джеки Чанның жаңа фильмінің басты әнін орындады.

"Жақын күндері Джеки Чанның "Авангард" атты жаңа фильмі көрерменге жол тартады. Мен ол жерде фильмнің басты әнін шырқадым. 30 қыркүйектен бастап кинотеатрлардан көріңіз", – деп жазды Димаш Instagram парақшасында.

Айта кетейік, "Авангард: Арктикалық қасқырлар" премьерасы 30 қыркүйекте Қытай мен Сингапурде және Малайзияда өтеді. 15 қазаннан бастап Ресей кинотеатрларынан көрсетіле бастайды.

Басты рөлдерді Джеки Чанның өзі мен Ян Ян, Ай Лун, Мия Муци, Чжу Чжентинг, Ван Чжэнвэй, Саид Бадрия, Мир Сарвар, Джан Айдин және Кайл Пол сынды актерлер ойнады. Фильмнің режиссері Стэнли Тун.

Оқи отырыңыз: "Үндемедім": Димаш Құдайберген неден ұялғанын айтты

Фильмде "Авангард" тобы туралы айтылады. Картина сюжеті бойынша Ұлыбританияда "Арктикалық қасқырлар" жалдамалы тобы қытайлық кәсіпкер мен оның қызын ұрлап кетеді. Кепілге алынған адамдарды құтқарудың жалғыз үміті – бұл "Авангард" халықаралық қауіпсіздік қызметі. Олар ғылым мен техниканың жаңа жетістіктерімен қаруланғандықтан, өзгелер орындай алмайтын міндеттерді жүзеге асырады.

592
Кілт сөздер:
жаңа фильм, Джеки Чан, Димаш Құдайберген
Тақырып бойынша
"Ненің құрметіне?!": Димаш шенеуніктерге неге шүйлікті
Димаш тағы бір талантымен жанкүйерлерін тәнті етті – видео
"Бұл неткен қасірет еді": Димаш Құдайберген желіде жазба жариялады
"Димаш Құдайберген" Марсқа ұшты
"Олар мені Димаш деп атайды": науқастарға ән салған санитар сұхбат берді
Астана Балет театры он қайырымдылық концертін өткізеді

"Дәрігерлерге алғыс айтамыз": "Астана Балет" он қайырымдылық концертін өткізеді

62
(Жаңартылды 17:46 21.09.2020)
Алғашқы қайырымдылық концерті 3 қазанда Нұр-Сұлтан қаласында ұйымдастырылады. Театр концертке келушілер үшін барлық санитарлық нормаға сәйкес келетін арнайы "келу алгоритмін" әзірлеген

НҰР-СҰЛТАН, 21 қыркүйек – Sputnik. "Астана Балет" театры Нұр-Сұлтан мен басқа өңірлердің дәрігерлері үшін он қайырымдылық концертін өткізеді, деп хабарлайды театрдың баспасөз қызметі.

"Біз бірнеше ай бойы бар күшін-жігерін адамдардың денсаулығы мен өмірін сақтап қалу жолында жұмсап, еңбектің ерен үлгісін көрсетіп келе жатқан ақ халатты абзал жандарға шынайы ризашылығымызды білдіргіміз келеді", – деді театр директоры Александр Совостьянов.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Алғашқы концерт 3 қазанда Нұр-Сұлтан қаласында өтеді

Он қайырымдылық концерті Қазақстанның бірнеше қаласында өтеді, олардың алғашқысы 3 қазанда Нұр-Сұлтан қаласында ұйымдастырылады. Гастрольдік кесте өңірлердегі эпидемиологиялық жағдайға байланысты кейінірек белгілі болады.

Гастрольдік сапар мәдениет және спорт, сондай-ақ, денсаулық сақтау министрліктерінің қолдауымен ұйымдастырылады.

"Біз концертке көрерменді шақыру арқылы өзімізге жүктелетін жауапкершілікті толықтай сезініп отырмыз, сондықтан, бұған жан-жақты дайындықпен келдік. Театр көрермендер үшін барлық санитарлық нормаға сәйкес келетін арнайы "келу алгоритмін" әзірледі", – деп атап өтті Совостьянов.

Қайырымдылық концерттердің бағдарламасына театрдың "визит карточкасына" айналған айрықша қойылымдар енеді. Солардың бірі – "Ұлы дала мұрасы" дивертисменті. Онда артистер қазақ ұлттық биінің өзгеше мәнерін, иірімі мен ырғағын жан-жақты ашып көрсетеді.

"Өнер адамның рухын көтереді, жан тыныштығын сыйлайды. Біз осы орайда, айрықша қойылымдарды әзірледік, олар көрерменге жеңіл және мерекелік көңіл-күй сыйлайды", - деді театрдың бас балетмейстері Мукарам Авахри.

Астана Балет даст десять благотворительных концертов для врачей в Нур-Султане и регионах
© Photo : пресс-служба театра "Астана Балет"
Гастрольдік кесте өңірлердегі эпидемиологиялық жағдайға байланысты болады

Сондай-ақ, ол артистердің концерттің басты қонағы – дәрігерлерге қажырлы еңбегі үшін алғыс білдіргісі келетінін жеткізгісі келеді.

"Артистер көрерменмен кездесетін күнді ерекше толғаныспен тағатсыздана күтіп жүр. Себебі, осы уақытқа дейін оларға сахна, көрерменнің қошеметі жетіспегені анық, ал кері байланыс оларды қанаттандырады әрі шабыттандырады", - деді  Авахри.

Қазан айында "Астана Балет" көпшілік назарына спектакльдер мен бірнеше премьера ұсынады, олардың ішінде қазақстандық балетмейстер Анвара Садықованың "Желтораңғы туралы аңыз" атты премьерасы бар.

62
Архивтегі фото

Қытайда тәрбиеші өлім жазасына кесілді

0
Балабақша қызметкері Ван Юнь әріптесінен өш алу мақсатында оның тобына барып жүрген балаларды улағаны анықталды

НҰР-СҰЛТАН, 29 қыркүйек – Sputnik. Қытайдың Цзяоцзо қаласында халық соты балабақша қызметкерін өлім жазасына кесті, деп хабарлады РИА Новости.

Сот материалдарына сәйкес, "Мэнмэн" балабақшасында жұмыс істеген Ван Юнь деген келіншек орта топқа жауапты тәрбиешімен жанжалдасып қалған. Артынан әріптесінен өш алу мақсатында оның тобына барып жүрген балаларды улауға шешім қабылдайды. Сөйтіп, 2019 жылы 27 наурызда таңертең Сунь есімді тәрбиешінің балалары жейтін ботқаға натрий нитритін салып жіберген. Сол күні 25 бала уланып, ауруханаға түсті. Бір бала көз жұмды.

Оқи отырыңыз: Балабақшадағы балалар есек етін жеп келгені әшкере болды 

Тергеу шаралары барысында Ван Юньн осы іспетті тағы бір қылмыс жасағаны анықталды. Осыдан үш жыл бұрын үйдегі жанжалдан кейін ол күйеуін улаған. 2017 жылы ақпан айында алдымен интернет арқылы натрий нитритіне тапсырыс берген. Ал химиялық затты алғаннан кейін суға қосып, күйеуіне берген. Ол кезде ер адам уланғанмен қатты зардап шекпеген.    

Цзяоцзо қаласының орта санаттағы халық сотының шешімімен Ван Юнь өлім жазасына кесілді.

0
Кілт сөздер:
Қытай, балабақша
Тақырып бойынша
Шымкентте балабақшада төрт бала мен тәрбиеші уланып қалды
Алматы облысында балабақшадағы видеодан кейін тәрбиеші хабарсыз кетті
Алматыда балабақшадан сәби ұрламақ болған әйелге қатысты тың дерек шықты
Бүлдіршінді сорпамен күйдірген балабақша қызметкері жазадан құтылды
Шипажайда баланы сүлгімен ұрған тәрбиеші қылмыстық жазаға тартылмайтын болды