Экономика

ҚМГ жанармай бекеттеріндегі жағдай туралы айтып берді

© Sputnik / Серикжан КовланбаевЖанармай бекеті
Жанармай бекеті - Sputnik Қазақстан
Жазылу
Қазақстанда бензин тапшылығының алдын алған соң, алдағы қысқа мерзімде бензин бағасының қымбаттауы орын алады

АСТАНА, 16 қазан — Sputnik. Қазақстанда көп сұранысқа ие болатын АИ-92 бензиніне қатысты жағдай осы аптада тұрақталады, деп хабарлады  "ҚазМұнайГаз Өнімдері" ЖШС даму жөніндегі басқарушы директоры Бақытжан Тасанбаев.

"Астана бойынша бензиннің сатылымы еркін жүріп жатыр, қорда екі мың тоннадан астам АИ-92 бензині бар. Бұл ретте екі мың тоннадан астам бензин Ресейден импортталды, тағы 800 тонна бензин жолда келе жатыр. Бензин сатылымы еш кедергісіз орындалып жатыр. Қазақстанға қатысты айтар болсақ, жалпы қорда 12 мың тонна бензин бар. қазіргі кезде еліміздегі зауыттардың бірінде жөндеу жұмыстары жүргізіліп жатқанын ескерсек, импорттың қамтамасыз етілуі қажет болып отыр. "ҚазМұнайГаз Өнімдері" ЖШС 45 мың тонна ресейлік бензинді жеткізуге келісім жасады. Оның негізгі бөлігі осы аптада келіп жетеді", — деді Тасанбаев.

Қанат Бозымбаев - Sputnik Қазақстан
Қоғам
Бензин тапшылығының салдары: Назарбаев Бозымбаевқа сөгіс жариялады

Ол қазіргі уақытта АИ-92 бензинінің бір литрі 157 теңге, ал алдағы уақытта көп көлемдегі импорттың Ресейден әкелуіне байланысты баға көрсеткіштерінде өзгерістер болуы мүмкін екенін атап өтті.
"Қазақстандық және ресейлік өнімнің үлес салмағына қатысты бағаның өзгеріске ұшырауы мүмкін. Бензин бағасы қазақстандық және ресейлік бағаға және олардың жеткізу  теңгеріміне байланысты болады.  "Ең жоғары" бағаның қандай болатынын нақты айта алмаймын. Алдағы қысқа мерзімде бензиннің қымбаттауы болады", — деп қосты Тасанбаев.
Қыркүйек айының аяғымен қазан айының басында көп сұранысқа ие болатын АИ-92 бензинінің бағасы өсті. Ал, шамалы уақыттан кейін, еліміздің көптеген жанармай бекеттерінде АИ-92 бензинін қолма-қол ақшаға сатып алу мүмкін емес болды. Энергетика министрі Қанат Бозымбаевтың айтуынша, қараша-желтоқсан айларында бұл жағдай да, бензин бағасы да тұрақталады.

Жаңалықтар
0