астық алқабы

Ауыл шаруашылығы министрлігі бірыңғай аграрлық салық енгізбек

62
(Жаңартылды 20:05 28.05.2018)
Аграрлық салық туралы заң жобасы осы жылдың күзінде қабылдануы мүмкін

АСТАНА, 28 мамыр — Sputnik. ҚР премьер-министрінің орынбасары және ауыл шаруашылығы министрі Өмірзақ Шөкеев министрліктің аграрлық салық енгізуге қатысты ұсынысына түсініктеме берді, деп хабарлайды Sputnik Қазақстан. 

"Бұл біздің ұсыныс. Бізге салық салуды жеңілдету керек. Салықтың көп түрі бар. Бірақ, шын мәнісінде ауыл шаруашылығынан бюджетке салық аз түседі. Егер біз, мәселен, жердің пайдаланылатын аумағына байланған бір ғана түсінікті салықты енгізсек, онда салық та көбірек түседі, әкімшілеу де жеңілдейді", — деді Шөкеев парламент кулуарында. 

Ол министрліктер мен қаржыгерлерден біраз ұсыныс келіп түскенін айтты. 

"Біз барлығын талқылаймыз. Қазір олар мәжілісте талқыланып жатқан заңнамаға өзгерістер енгізу туралы жобаға енгізілген. Біз 400-ден аса түзету енгіздік. Күзде парламентте қабылдаймыз деген үміттемін,"- деді министр.


62
Загрузка...