Ақша

"Самұрық-Қазына" Қытай кәсіпкерлерімен 13 миллиард долларға келісім жасасты

108
(Жаңартылды 20:07 14.06.2018)
Қазақстан компаниясы іскерлік кеңес барысында қытай инвесторларымен жаңа келісімдерге қол қойды

АСТАНА, 8 маусым — Sputnik. Бүгін Бейжіңде Қазақстан Республикасының президенті Нұрсұлтан Назарбаевтың Қытай Халық Республикасына ресми сапары аясында Қазақстан-Қытай іскерлік кеңесінің кезекті отырысы өтті.

Назарбаев Бейжіңде Халық батырлары ескерткішіне гүл қойды
© Photo : официальный сайт президента Республики Казахстан

ҚХР Халықаралық сауда бойынша көмек комитеті және "Самұрық-Қазына" АҚ бірлесе ұйымдастырған жиынға қазақстандық ұлттық және жеке компаниялардың топ-менеджерлері және қытайлық бизнес қауымдастықтың 300-ден астам өкілі, оның ішінде Қытайдағы ірі мемлекеттік корпорациялардың басшылары қатысқан.

"Біз алдағы уақытта екі жақты экономикалық қарым-қатынасты барынша қарқынды дамытуға мүдделіміз және кешегі екі елдің көшбасшылары қол жеткізген келісімдер, қол қойылған құжаттар мұны тағы бір мәрте растайды, сондай-ақ елдеріміздегі бизнестің өзара ынтымақтастығы мен дамуына жаңа серпін береді. Бүгінде Қазақстан – инвестициялық әлеуеті зор мемлекет. Бұл мақсатта бизнесті жүргізу жағдайын жақсарту және тікелей инвестициялар тарту бойынша жүйелі жұмыс жүргізіліп жатыр. Бүгінгі бесінші отырыста құны 13 миллиард АҚШ долларын тұратын 40-тан астам коммерциялық келісімге қол қою жоспарланып отыр", — деп атап өтті "Самұрық-Қазына" АҚ басқарма төрағасы Ахметжан Есімов.

Оның ішінде "Самұрық-Қазына" АҚ және Қытайдың ірі инвестициялық компанияларының біріне айналған "WintaGroup" өзара түсіністік туралы меморандумға қол қойды. Құжат қор басқаратын арнайы экономикалық аймаққа қатысу, инвестиция салу және дамыту бойынша стратегиялық ынтымақтастықты қарастырады. 

KTZ Express және JD Logistics арасындағы келісім "Қорғас – Шығыс қақпасы" АЭА көліктік-логистикалық инфрақұрылымы бойынша жәрдемдесумен бірге трансшекаралық электронды коммерция аясында логистикалық жобаларды дамытуға бағытталған. Airport Management Group және Beijing China-Russia united international logistics Co. Ltd Қазақстан арқылы әуе және жүк тасымалын, оның ішінде Rail Air жобасын дамытуға бағытталған келісімге қол қойды. Тағы үш келісім Қытайдың сауда-өнеркәсіптік банкімен, CNPC Guangxi Petrochemical Company, сонымен қатар China Express Airlines жасалды.

"Жақын арада іскерлік кеңестің қызметін ұйымдастыруда жаңа тәсілдерді әзірлеуді жоспарлап отырмыз. Олар бірлескен іс-шараларды, іскерлік кеңестің жұмысын күшейтуге бағытталады", — деп Есімов мемлекет басшысы Нұрсұлтан Назарбаевтың Қытай кәсіпкерлерінің қатысуымен өткен дөңгелек үстел барысында атап өтті.

Айта кетсек, Қазақстан Қытайдың Орта Азиядағы ең ірі сауда серіктесі болып табылады. Қазақстан экономикасына құйылған тікелей инвестициялардың көлемі бойынша Қытай 4-орында. Қазақстан экономикасына бағыттаған жалпы инвестицияның көлемі 17 миллиард АҚШ долларын құрады.

108
Кілт сөздер:
келісім, қытай инвесторлары, "Самұрық-Қазына" ұлттық әл-ауқат қоры
Қасым-Жомарт Тоқаев

Тоқаев үкіметтің бастамасы туралы: жағдайды қиындатып жіберуі мүмкін

608
Қазіргі кезде үкіметте бюджеттің кіріс бөлігін арттыру мәселелесі талқыланып жатыр. Президент бұл бюджетке түсетін қаржыны көбейтудің ең қарапайым тәсілі екенін айтты

НҰР-СҰЛТАН, 10 шілде – Sputnik. Мемлекет басшысы Қасым-Жомарт Тоқаев  жекелеген салықтардың мөлшерлемесін арттыруға қатысты пікір білдірді, деп хабарлайды Sputnik Қазақстан тілшісі. 

Президенттің айтуынша, қазіргі кезде үкіметте бюджеттің кіріс бөлігін арттыру мәселелесі талқыланып жатыр. Соның ішінде жекелеген салық түрлерінің, оның ішінде корпоративтік табыс салығы мен қосымша құн салығының мөлшерлемесін арттыру мәселелері қарастырылуда. 

"Бюджетке түсетін қаржыны көбейтудің ең қарапайым тәсілі осы болғандықтан, үкіметті түсінуге болады. Бірақ экономиканы жандандыру керек деп, салықты ойланбай, біржақты арттыру онсыз да күрделі әлеуметтік-экономикалық жағдайды қиындатып жіберуі мүмкін. Сондықтан аталған мәселені барынша ақылға салып шешу қажет", - деді Тоқаев үкіметтің бүгінгі кеңейтілген отырысында. 

Мемлекет басшысы бюджет тұрақтылығын қамтамасыз ету үшін тиімсіз шығындарды қысқарту қажеттігін жеткізді. Бүгінде экономика үшін тиімділігі аз салықтық жеңілдіктердің есебінен қосымша резервтерді қарастыру ұсынылып отыр.

608
Тақырып бойынша
Тоқаев биліктің қалай өзгеретінін айтты
"Ұпай жинайсыз деді": Тоқаев үкіметті неге отставкаға жібермегенін ашық айтты
Президент қандай шешім жедел қабылдануы тиіс екенін ескертті
Дәрігер дене қызуы көтеріле бастағанда не істеу керектігін айтты
Локдаун режимі: демалыс күндері тағы қандай облыста карантин күшейтіледі?
Мемлекет басшысы Қасым-Жомарт Тоқаев

Президент екінші Жолдауында қандай мәселені көтеретінін айтты

175
Қасым-Жомарт Тоқаев экономикасы шикізаттық сипатқа ие Қазақстан үшін дағдарыс өте қауіпті екенін жеткізді

НҰР-СҰЛТАН, 10 шілде – Sputnik. Мемлекет басшысы Қасым-Жомарт Тоқаев халыққа арналған екінші Жолдауында қандай мәселені көтеретінін айтты, деп хабарлайды Sputnik Қазақстан тілшісі.

"Бүгін біз пандемия кезінде экономикамызды даму жолына шығаратын маңызды әрі осы кезең үшін шұғыл мәселелерді қарастырдық. Дегенмен өзімнің екінші Жолдауымда экономикалық серпінге бастайтын жаңа шараларды ұсынатын боламын", - деді Тоқаев үкіметтің кеңейтілген отырысында.

Президент экономикасы шикізаттық сипатқа ие Қазақстан үшін дағдарыс өте қауіпті екенін жеткізді. Ол елге дамудың жаңа бағдары қажет деп санайды.

"Күмәнді сттратегиялар мен бағдарламаларға ақша мен күш жұмсауға қақымыз жоқ. Ұлттық экономиканың тиімділігі мен бәсекеге қабілеттігін арттыру мақсатында құрылымды реформалар жүргізетін кез келді", - деді мемлекет басшысы.

Оқи отырыңыз: Қазақстан пандемиямен күресуге 150 миллиард теңге бөледі 

Айта кетсек, 10 шілдеде президенттің төрағалығымен үкіметтің кеңейтілген отырысы өтті. Жиында Қазақстанның әлеуметтік-экономикалық дамуының қорытындылары мен жыл соңына дейін орындалатын міндеттер қаралды.

175
Кілт сөздер:
жолдау, экономика, Қасым-Жомарт Тоқаев
Тақырып бойынша
Мемлекет басшысы жаңа оқу жылына дайындық мәселесін қозғады
Тоқаев мораторий жарияланған Жер кодексі туралы: Бұл мәселеге енді оралмаймыз
"Салғырттыққа жол бермеу керек": Тоқаев кімдер жауапқа тартылатынын айтты
Президенттің тапсырмасы: мектептерде жаңа пән енгізіледі
Тоқаев министрлер мен әкімдерге: демалысты ұмытыңдар
Аурухана, архивтегі сурет

Қазақстандағы "белгісіз пневмония": министр Тоқаевтың сауалына жауап берді

0
(Жаңартылды 21:36 10.07.2020)
Денсаулық сақтау министрі Алексей Цой биыл елде түрлі пневмонияға шалдыққандар саны күрт артқанын айтты

НҰР-СҰЛТАН, 10 шілде — Sputnik. Қазақстан президенті Қасым-Жомарт Тоқаев денсаулық сақтау министрінен Қазақстандағы "белгісіз пневмония жағдайлары" туралы сұрады.

"Біздің елде пневмонияның белгісіз түрі өршігені туралы ақпарат тарап жатыр. Ол біздің статистикада көрсетілмей жатқаны айтылады. Бұл қандай пневмония?" - деп сұрады Тоқаев үкіметтің кеңейтілген отырысында.

"2020 жылдың бірінші жартыжылдығында 98 546 адам пневмонияға шалдықты. Өсім - 55,4%", - деп жауап берді Цой.

Мемлекет басшысы бұл пневмония салдарынан қанша адам қайтыс болғанын нақтылады.

"Бірінші жартыжылдықта 1772 жағдай тіркелді. Өткен жылы (бір жылда) 1 780 адам қайтыс болды", - деді Алексей Цой.

Президент бұл төтенше жағдай екенін айтты. 

"Сонда жағдай төтенше деген сөз бе? Көп адам қайтыс болды, мұны мойындау керек", - деді Тоқаев.

0