Шырша

Жаңа жыл жақындап қалды: Сағынтаев әкімдерге қандай тапсырма берді?

1724
(Жаңартылды 14:23 27.11.2018)
Үкімет басшысы әкімдерге азық-түлік бағасын бақылауда ұстауды тапсырды

АСТАНА, 26 қараша – Sputnik. Қазақстанның премьер-министрі Бақытжан Сағынтаев желтоқсан айындағы мереке күндері мен жаңа жыл алдында азық-түлік бағасының негізсіз өсіп кетуіне жол бермеуді тапсырды, деп хабарлайды Sputnik Қазақстан тілшісі.

Сағынтаев әкімдерге нарықты азық-түлік өнімдерімен толықтыру, сауда инфрақұрылымын дамыту және делдалдарды жою бойынша шаралардың іске асырылуын бақылауды тапсырды. 

"Мұны желтоқсандағы мереке күндері мен жаңа жыл алдындағы кезеңде ерекше назарда ұстауды сұраймын. Бұл жағдайды толық бақылауға алыңыздар", — деді үкімет басшысы. 

Сондай-ақ, премьер-министр президенттің тапсырмасын орындау аясында 2019 жылдың қаңтарынан электр энергиясы мен газ, жылу, су, көмір тарифі төмендейтінін атап өтті. Сонымен қатар, мобильді байланыс пен интернет те арзандайды. 

"Елбасының тапсырмасы 1 қаңтардан бастап іске асуы қажет. Әкімдіктерге көмірдің қолайлы бағасын қамтамасыз ету үшін өңірлік операторлардың үздіксіз әрі сапалы жұмысын қамтамасыз етуді тапсырамын", — деді ол. 

Сағынтаев жыл басынан бері бірқатар өңірде қоқыс шығару тарифінің өскенін айтты. Мәселен, ШҚО-да – 30%, БҚО-да – 46%, СҚО-да –50% және Алматы қаласында 40%-ке өсіп отыр. 

"Ақтөбе облысында жолақы бағасы 30 процентке өскен. Сол себепті әкімдерге облыстың коммуналдық қызмет тарифтерінің өсуіне жол бермеуді және оларды төмендету бойынша тиісті жұмыстарды жүргізуді тапсырамын",- деді премьер-министр.

1724
Кілт сөздер:
жаңа жыл, қымбаттау, баға, әкімдер, азық-түлік, Бақытжан Сағынтаев
Тақырып:
Жаңа жыл 2019: Доңыз жылында бізді не күтіп тұр? (31)
Тақырып бойынша
Астанада кейбір азық-түліктің бағасы арзандады
Жаңа жылдан бастап газ бен жарық арзандайды
Сағынтаев кооперативтердің азық-түлік бағасына әсерін анықтауды тапсырды
Человек открывает дверь

Қазақстанда тұрғын үй арзандады Ибрагимова

5090
(Жаңартылды 21:51 03.08.2020)
"Қазақстанның тұрғын үй құрылыс жинақ банкі" АҚ басшысының пікірінше, Қазақстанда жылжымайтын мүлік бағасының өсуіне ықпал ететін фактор жоқ 

НҰР-СҰЛТАН, 3 тамыз – Sputnik. Элиталық тұрғын үй нарығында баға төмендеді. Бұл туралы "Қазақстанның тұрғын үй құрылыс жинақ банкі" АҚ басқарма төрайымы Ләззат Ибрагимова премьер-министрдің баспасөз қызметіне берген сұхбатында мәлімдеді.

Оқи отырыңыз: Қазақстанда үйленгеніне 3 жыл толмаған жас отбасылар үшін жаңа бағдарлама іске қосылды

"Элиталық тұрғын үй нарығында баға төмендегені байқалады, өйткені өте қымбат пәтерлерге деген сұраныс төмен. Менің ойымша, қайталама тұрғын үй (екінші дәрежелі тұрғын үйлер – Sputnik) нарығында баға төмендеуі мүмкін, өйткені онда бәрі сату жылдамдығына байланысты, яғни, егер сіз қымбат бағаға сатқыңыз келсе, онда сіз ұзақ уақыт жүріп қаласыз", — деп түсіндірді Ибрагимова.

Оның айтуынша, бүгінгі таңда Қазақстанда жылжымайтын мүлік бағасының өсуіне ықпал ететін ешқандай фактор жоқ.

"Сонымен қатар ұзақ мерзімді перспективада сұраныс жоғары болады, өйткені жастар саны артып жатыр", - деп толықтырды спикер.

Ол карантиннен кейін барлық ипотекаға деген қызығушылықтың артқанын атап өтті.

"Маусым айында біз 5 мыңнан астам қарыз бердік. Бұл наурыз, сәуір және мамырдан бастап кейінге қалдырылған сұраныс. Шілде айында да сұраныс аса жоғары болды. Біз сондай-ақ "Бақытты отбасы", "Әскери баспана" бағдарламаларын іске асырып жатырмыз, "5-10-20" өтінімдерін қарауды толықтай тамыз айынан бастаймыз", - деп түйіндеді банк басшысы.

5090
Кілт сөздер:
тұрғын үй, баспана
Тақырып бойынша
Ақтөбеде "Нұрлы жермен" салынған жаңа үйге қатысты дау шықты
Баспана алу тәртібі қалай өзгерді: "сатылы жүйенің" ерекшелігі қандай?
"833 мың жетпейді": сенат төрағасы қандастарды мазалайтын үш мәселені атады
Қазақстандықтарға 6%-тік ипотека беріледі: ол үшін не істеу керек
Архивтегі фото

42 500 теңге: 2,1 миллионнан астам қазақстандық ақша алды

104
(Жаңартылды 20:36 03.08.2020)
Әлеуметтік төлемнің басым бөлігі проактивті форматта тағайындалды, сондай-ақ өтініштер Egov.kz порталы, telegram-боттар, 42500.enbek.kz порталы арқылы берілген

НҰР-СҰЛТАН, 3 тамыз – Sputnik. Еңбек және халықты әлеуметтік қорғау министрлігі шілде айында шектеу шараларын енгізуге байланысты табысынан айырылған жағдайда Мемлекеттік әлеуметтік сақтандыру қорынан ең төменгі жалақы – 42 500 теңге мөлшерінде біржолғы төлем тағайындауға азаматтардан 2,4 миллион өтініш қабылдады.

"Төлем 2 миллион 140 мың адамға тағайындалды. Ақшалай қаражат 2,1 миллион қазақстандыққа аударылды", - деп хабарлады еңбек министрлігі.  

Төлем алуға өтінімдер бірнеше арна арқылы қабылданады. 2,4 миллион өтінімнің ішінде 833,8 мың адам проактивті форматта төлем тағайындауға келісім берді.

"Тағы 604,4 мың адам Egov.kz порталы және telegram-боттар, 342,8 мың адам 42500.enbek.kz порталы, 625,2 мың адам екінші деңгейдегі банктердің мобильдік қосымшалары мен интернет-ресурстары арқылы өтініш берген", - деп нақтылады ведомство.

Оқи отырыңыз: Министрлік тамыз айында кімдер 63 мың теңге алатынын айтты 

Азаматтардың санаттары бөлінісінде 833,8 мың өтініш бірыңғай жиынтық төлем төлеушілерден берілді.

Жұмыс берушілер жалдамалы қызметкерлері үшін 202,8 мың өтініш берді.

Қалған 1 миллион 369,6 мың өтініш азаматтардың басқа санаттарынан келіп түсті – жеке кәсіпкерлер, жеке практикамен айналысатын адамдар, азаматтық-құқықтық сипаттағы шарттар бойынша табыс алатын жеке тұлғалар.

 Өтініш 2020 жылдың 1 қыркүйегіне дейін қабылданады.

104
Тақырып:
Төтенше жағдай және карантин
Тақырып бойынша
Үкімет тамыз айына 42 500 теңге қалай төленетінін түсіндірді
Депутат 42 500 теңге төлеуге қатысты тың ұсыныс жасады
"Қалай құдайдан қорықпайды?": Әбілдина кімге сенуге болмайтынын айтты
Қазақстанда 1 тамыздан бастап не өзгереді
Білім күні, архивтегі сурет

Білім күні қалай өтеді министр жауап берді 

0
(Жаңартылды 10:54 04.08.2020)
Жаңа оқу жылына дейін ата-аналар мен балаларға үйде білім алу мәселелері бойынша арнайы сабақтар ұйымдастырылады

НҰР-СҰЛТАН, 4 тамыз – Sputnik. Білім және ғылым министрі Асхат Аймағамбетов Білім күні қалай ұйымдастырылатынын айтты, деп хабарлайды Sputnik Қазақстан тілшісі. 

"1 қыркүйек - Білім күнін онлайн режимде өткізуді жоспарладық", - деді Аймағамбетов үкіметтің онлайн отырысында. 

Министрдің айтуынша, жаңа оқу жылына дейін ата-аналар мен балаларға үйде білім алу мәселелері бойынша арнайы сабақтар ұйымдастырылады. 

"Ата-аналар мен оқушылар үшін әдістемелік қолдау көрсету өте маңызды. Біз бұны төртінші тоқсанның нәтижесінде көрдік. Сондықтан тамыз айында балаларға және ата-аналарға үйде қалай оқу керек, гигиена негіздері, кибермәдениет, интернет арқылы қалай оқу керек және дене жаттығуларының маңызы туралы бірыңғай сынып сағаттары, сондай-ақ, ата-аналар жиналысын өткізуді жоспарлап отырмыз", - деп атап көрсетті Аймағамбетов.

Оның сөзіне қарағанда, алдын ала болжам бойынша биыл интернет мен теледидар арқылы 2,6 миллион оқушы, кезекші сыныптарда 530 мың бала және шалғай ауылдарда штаттық режимде 157 мыңнан астам оқушы білім алады.

0
Кілт сөздер:
министр, Асхат Аймағамбетов, білім күні
Тақырып бойынша
Білім министрі Аймағамбетов сүйінші жаңалығын бөлісті
Білім министрлігі карантинге байланысты қандай өзгеріс болғанын хабарлады
Депутат білім министріне ата-аналарды мазалаған мәселені жеткізді
Денсаулық сақтау министрі бетперде тағуға қатысты соңғы өзгерісті жариялады
Мамин коронавирус пандемиясының жаңа толқыны туралы айтты