Ақша

Зейнетақы, жәрдемақы және жалақы өседі - Назарбаев тапсырма берді

42695
(Жаңартылды 14:37 01.12.2018)
2019 жылдың 1 қаңтарынан бастап Қазақстанда табысы төмен жұмысшылардың, оның ішінде мемлекеттік қызметшілердің жалақысы 1,5 есе артады

АСТАНА, 29 қараша — Sputnik. Қазақстан президенті Нұрсұлтан Назарбаев зейнетақы, әлеуметтік жәрдемақы және ең төменгі жалақы көлемін ұлғайтуды тапсырды.

Мемлекет басшысының төрағалығымен халықты әлеуметтік қорғау жүйесін жаңғырту мәселелеріне арналған кеңес өтті, деп хабарлайды Ақорда.

Жиында Нұрсұлтан Назарбаевқа Еңбек және халықты әлеуметтік қорғау министрлігі қызметінің негізгі қорытындылары, сондай-ақ президенттің Қазақстан халқына жолдауында айтылған тапсырмалардың орындалу барысы жөнінде есеп берілді.

Жалақы өседі

2019 жылдың 1 қаңтарынан бастап төмен жалақы алатын еңбеккерлердің, оның ішінде азаматтық қызметшілердің еңбекақысы 1,5 есе өседі.

Назарбаев айтқандай, әкімшілік, көмекші және техникалық қызмет көрсететін қызметкерлердің жалақысы көбейеді. 

"Экономиканың барлық саласындағы төмен жалақы алатын 1,3 миллион жалдамалы жұмысшылардың жалақысы орташа есеппен 30 пайызға көбейеді", – деді мемлекет басшысы.

Президенттің сөзіне сүйенсек, мемлекет жыл сайын әлеуметтік саланы қаржыландыру көлемін арттырып, міндеттемелердің бәрін орындап келеді. Биыл осы мақсаттарға 2,6 триллион теңге бөлінді. Бұл былтырмен салыстырғанда 21,3 пайызға көп.

Зейнетақы мен әлеуметтік жәрдемақы өседі

Назарбаев 2019 жылдың 1 қаңтарынан бастап жасына байланысты берілетін зейнетақы төлемдерін 7 пайызға, сондай-ақ мүгедектігі бойынша және асыраушысынан айырылған жағдайда берілетін мемлекеттік әлеуметтік жәрдемақылар көлемін 5 пайызға арттыру қажет екеніне тоқталды.

Басқосу барысында әлеуметтік сақтандыру мәселелері де талқыланды. Осыған орай, еңбек қабілетін жоғалтуына, жұмыстан босап қалуына немесе асыраушысынан айрылуына байланысты берілетін әлеуметтік төлемақының орташа көлемін 30 пайызға арттыруды қамтамасыз ету керектігі айтылды.

Шағын несие көлемін ұлғайту

Мемлекет басшысы еске салып өткендей, 2019 жылдан бастап Қазақстанның жұмыс істейтін барлық азаматтары үшін Бірыңғай жиынтық төлем енгізу жоспарланып отыр.

Оның айтуынша, биыл 1 қаңтардан бастап тұрмысы төмен отбасылар үшін атаулы әлеуметтік көмектің жаңа форматы енгізілді. Соның арқасында 10 ай ішінде 103 мыңға жуық отбасы немесе 534 мың адам мемлекеттік қолдау шараларымен қамтылған.

Сонымен қатар, Назарбаев шағын несиелер санын көбейту қажеттігін және олардың халыққа қол жетімділігін арттырудың маңыздылығы туралы айтты.

Мүмкіндігі шектеулі адамдарға көмек

Қазақстан президенті мүмкіндігі шектеулі адамдардың құқығын қорғау және тұрмысын жақсарту жөнінде жаңа ұлттық жоспар әзірлеуді тапсырды.

Құжат келесі мәселелерді қамтуы тиіс:

  • мүгедектікке ұшырататын жағдайлардың алдын алу;
  • кең ауқымдағы инклюзивті білім беруді енгізу;
  • ерекше мұқтаж жандарға арналған барлық әлеуметтік және көлік инфрақұрылымын бейімдеу;
  • жұмыс берушілер мен бизнес өкілдерінің мүгедектерді жұмыспен қамту ісіне белсенді атсалысуы.

Жаңа жұмыс орындары

Елбасы сапалы жұмыс орындарын ашу үшін еңбек нарығын дамытудың жаңа тәсілдерін әзірлеуге тапсырма берді. 

2025 жылға қарай қосымша 2 миллионға жуық жас маман еңбек нарығына шығады, деп атап өтті ол.

Жиын соңында Нұрсұлтан Назарбаев Президент әкімшілігіне тапсырмалардың орындалуын бақылауға алуды тапсырды.

42695
Кілт сөздер:
мүмкіндігі шектеулі тұлғалар, шағын несие беруді көбейту, зейнетақы, жәрдемақы, жалақы, Назарбаев
Тақырып:
Жәрдемақы қалай төленеді (59)
Тақырып бойынша
Нумеролог жаңа 2019 жыл қазақстандықтар үшін қандай болатынын болжады
Назарбаев 2019 жылы мұғалімдердің жалақысы артатынын айтты
2019 жылы қазақстандықтарды қандай өзгерістер күтіп тұр?
2019-2021 жылдарға арналған республикалық бюджет халыққа жұмсалмақ
2019 жылы 2 миллионнан астам адамның жалақысы өседі – Назарбаев
Банк карталары

Маман банк картасымен қай жерде төлем жасау қауіпті екенін айтты

6434
(Жаңартылды 18:19 13.08.2020)
Маман алаяқтарға алданып қалмау үшін бірқатар ережені сақтау керек екенін айтып отыр. Сол кезде карта арқылы төлем жасауға болады

НҰР-СҰЛТАН, 13 тамыз — Sputnik. Қазіргі уақытта банк картасымен төлем жасау үйреншікті жағдайға айналды. Алайда интернет арқылы сатып алынатын заттардың ақшасын картамен төлеу әлі де қауіпті. Өйткені интернет алаяқтар түрлі тәсілдерді қолданады, деп хабарлады РИА Новости қауіпсіздік жүйелері орталығының бөлім басшысы Алексей Сизовқа сілтеме жасап.  

"Қазіргі уақытта жалған сайттар көп. Тауарға төлем жасап, алаяқтардың торына түсіп қалу қаупі бар. Мұндай сайттардың көбінесе шынайы сайттардан еш ерекшелігі болмайды", - деді ресейлік маман.

Алаяқтарға алданып қалмау үшін бірқатар ережені сақтау керек. Біріншіден, тек онлайн сатып алуға арналған жеке есепшоты бар арнайы карта керек. Оның ішіне сатып алынатын тауар құнынан артық ақша салмаған жөн.

"Екіншіден, тексерілмеген сайттардан қомақты сомаға тауар сатып алмау керек. Үшіншіден, өзіңіздің жеке ақпаратыңызды ешкімге айтпаңыз. Банк немесе дүкен қызметкері хабарласса да, жеке ақпаратты бөлісуге болмайды", - деді Сизов.

Тағы оқыңыз: Kaspi.kz арқылы ақша аударуға тыйым салына ма – министрлік жауабы

6434
Кілт сөздер:
төлем, банк
Тақырып бойынша
Елордалық депутат Kaspi Gold иелерін 3% салық төлеуге міндеттеуді ұсынды
Қазақстанда интернет арқылы қанша ақша табуға болады
Облыс әкімінің орынбасары Kaspi Gold-қа ақша аударуға қатысты мәлімдеме жасады
Мәжіліс депутаттары банк картасы бойынша комиссияны азайтуды сұрады
Байланыс операторлары интернет неге баяу істеп тұрғанын түсіндірді
Теңге, ақша

"Атаулы әлеуметтік көмек қысқартылады": ақпаратқа қатысты түсініктеме берілді

11439
(Жаңартылды 10:46 12.08.2020)
Карантин кезінде әлеуметтік жәрдемақы алушылардың табысы есептелмей, автоматты түрде ақша аударылып отырды

АЛМАТЫ, 12 тамыз – Sputnik. Жұмыспен қамту орталығы Қазақстандағы төтенше жағдай кезінде астаналықтарға атаулы әлеуметтік көмек қысқартылмағанын мәлімдеді. Бұл жайында қала әкімдігінің ресми сайтында хабарланды.

Ведомство 2020 жылдың екінші тоқсанында төтенше жағдай режимі кезінде атаулы әлеуметтік көмек кірісті қайта есептеместен автоматты түрде тағайындалғанын айтты. Ал үшінші тоқсанда кірісті есептеу қарастырылған.

"Әлеуметтік желіде осы айда 2020 жылдың II тоқсанымен салыстырғанда атаулы әлеуметтік көмек қысқартылғаны туралы ақпарат тарап жатыр. 2020 жылдың шілде айынан бастап карантин шараларын сақтау аясында Нұр-Сұлтан қаласында АӘК есептеу II тоқсанындағы кірісті есептеуді ескере отырып, 2 941 отбасына автоматты түрде тағайындалды. Сондай-ақ "Электронды үкімет" веб-порталының "Электронды өтініш" бөлімі арқылы өтінім жіберген 160 жаңа өтініш берушіге АӘК есептелді", - делінген елорда әкімдігінің баспасөз қызметінің ақпаратында.

Қаланың барлық тұрғыны атаулы әлеуметтік көмек тағайындау, төлеу және алу шарттары туралы сұрақтар бойынша 8 7172 57 88 88 телефонына хабарласа алады. Кеңес беру әрбір өтініш берушімен жеке жүргізіледі.

Астаналықтар АӘК тағайындауға өтінішті "Электронды үкімет" сайтында "электронды өтініш" бөлімі немесе czasp@astana.kz электронды поштасы арқылы бере алады, деп толықтырды Нұр-Сұлтан қаласының халықты жұмыспен қамту орталығы.

Айта кетейік, 14 шілдеде премьер-министр Асқар Мамин үкімет отырысында еңбек және халықты әлеуметтік қорғау министрлігіне АӘК-ті III тоқсанға тағайындауды белсенді түрде жүргізу туралы тапсырма берді.

Еңбек министрлігі атаулы әлеуметтік көмек тағайындау 121 мың отбасының 625 мың мүшесіне автоматты түрде ұзартылғанын хабарлады. Екінші тоқсанда 561 мың қазақстандық мемлекеттік инстанцияларға жүгінбей автоматты түрде жәрдемақы алды.

11439
Кілт сөздер:
Нұр-Сұлтан, түсініктеме, атаулы әлеуметтік көмек
Тақырып бойынша
Атаулы әлеуметтік көмек алатын отбасылар үшін жағымды жаңалық шықты
Қазақстанда бала үш жасқа толғанға дейін жәрдемақы төленуі мүмкін
"167 мың теңге алатындар бар": министр жәрдемақы туралы айтты
Қазақстанда 1-3 баласы бар отбасыларға жәрдемақы төлене ме – министрдің жауабы
Көпбалалы отбасылар жаңа жәрдемақы ала бастады
Портфель

Жезқазғанға жаңа әкім тағайындалды

0
(Жаңартылды 14:20 14.08.2020)
Жезқазғанның бұрынғы әкімі Қайрат Бегімов басқа жұмысқа ауысуына байланысты қызметінен босатылды

АЛМАТЫ, 14 тамыз– Sputnik. Жезқазғанның жаңа әкімі болып Қайрат Әбсаттаров тағайындалды. Бұған дейін ол "Азаматтарға арналған үкімет" мемлекеттік корпорациясының басқарма төрағасының бірінші орынбасары –басқарма мүшесі қызметін атқарған.

Жаңа басшыны Қарағанды облысының әкімі Жеңіс Қасымбек таныстырды, деп хабарлады облыс әкімдігінің баспасөз қызметі.

"Қайрат Бектайұлының мемлекеттік басқаруда тәжірибесі бар, қаладағы мәселелерді біледі және шешімін табады. Ол тәжірибесімен білімінің арқасында президент қойған міндеттерге сәйкес жұмысты ұйымдастыра алады", - деді Қасымбек.

Қаланың жаңа басшысының кандидатурасы Жезқазған мәслихатының депутаттарына кезектен тыс сессияда ұсынылды. Олар Қайрат Әбсаттаровқа бірауыздан дауыс берді.

Ал Қайрат Бегімов президент әкімшілігінің келісімімен басқа жұмысқа ауысуына байланысты атқарып отырған қызметінен босатылды.

Қайрат Әбсаттаров туралы не білеміз?

Қайрат Бектайұлы Әбсаттаров 1966 жылы Жезқазғанда дүниеге келген. Үш жоғары білімі бар. 1990 жылы Қарағанды политехникалық институтын "автомобиль және автомобиль шаруашылығы" мамандығы бойынша;

1998 жылы О.Байқоңыров атындағы Жезқазған университетін "экономика және өндірісті басқару" мамандығы бойынша;

 2018 жылы "МИСиС" Ұлттық техникалық зерттеу университетін "іскерлік әкімшіліктендіру магистрі" мамандығы бойынша тәмамдаған.

1990-1997 жылдары Жезқазғанның автомобиль өнеркәсібінің өнеркәсіп кәсіпорындарында, Қарағанды облысының әкімшілік аппаратында еңбек еткен.

Әр жылдары стратегиялық жоспарлау және реформалау агенттігінде, Қазақстан президентінің әкімшілігінде жұмыс істеген, ақпарат және байланыс министрлігінің жауапты хатшысы лауазымын атқарды. Сонымен қатар көлік және коммуникация вице-министрі, бірнеше министрлікте комитет төрағасы болды. Одан кейін премьер-министр кеңсесін, өңірлік даму департаментін басқарды.

Оқи отырыңыз: Жаңа әкім Павлодар қаласының атауын өзгертуге қатысты пікір білдірді

2019 жылдан бастап осы күнге дейін "Азаматтарға арналған үкімет" мемлекеттік корпорациясы басқармасы төрағасының бірінші орынбасары – басқарма мүшесі болған.

"Құрмет" орденімен марапатталған.

0
Кілт сөздер:
жаңа әкім, Жезқазған
Тақырып бойынша
Жаңа әкім Назарбаевқа Астананың құрылысын қалай жалғастыратынын айтты
Ақтөбе қаласына жаңа әкім тағайындалды
Шымкентке жаңа әкім келді
Нұр-Сұлтанның "Алматы" ауданына жаңа әкім тағайындалды
Ақтау қаласына жаңа әкім тағайындалды