Дариға Назарбаева

"Өзін-өзі жазалауы керек" Дариға Назарбаева мүдделер қақтығысы мәселесін қозғады

1303
(Жаңартылды 17:54 28.12.2018)
Сенатор құрамына ең жемқор ведомстволар кіретін қаржы министрлігінің экономикалық тергеу қызметін басқаруы қаншалықты тиімді деген сауал тастады

АСТАНА, 27 желтоқсан – Sputnik. Сенат депутаты Дариға Назарбаева қаржы министрлігінде туындап отырған мүдделер қақтығысы мәселесін қозғады, деп хабарлайды Sputnik Қазақстан тілшісі.

Назарбаеваның ақпаратына сүйенсек, Бүкіләлемдік банктің соңғы есебі бойынша, сыбайлас жемқорлық жайлаған мемлекеттік органдар – салық және кеден ұйымдары екен. Осы орайда сенатор экономикалық тергеу қызметінің жұмысы қаншалықты тиімді деген сауал тастады. 

"Мүдделер қақтығысы мәселесі қаралып отыр. Ең жемқор ведомстволар қаржы министрлігінде. Оған қоса қаржы министрлігі Экономикалық тергеу қызметін басқарады. Сонда олар өзін-өзі тергеп, өзін-өзі жазалауы керек", — деді сенатор. 

Сондай-ақ, ол соңғы жылдары жемқорлық қылмыстарымен айналысатын Қаржылық мониторинг комитетінің (қаржы министрлігіне қарайды) жұмысы туралы ештеңе естілмейтінін де ескертіп айтты. 

"Қалай ойлайсыз, экономикалық тергеу қызметі қаржы министрлігі мен басқа да министрліктерден тәуелсіз болуы керек емес пе?",- деп сұрады Назарбаева ұлттық экономика министрі Тимур Сүлейменовтен. 

Сүлейменов экономикалық тергеу қызметіне қаржы министрлігінің құрылымында жұмыс істеу тиімдірек екенін айтты.

"Біз үкімет ведомстволары арасында өзара іс-қимылды оңайлату бағытында үлкен жұмыс атқарып жатырмыз. Экономикалық тергеу қызметі жұмысының тиімділігінде мәліметтер базасы үлкен рөл ойнайды. Ал мәліметтер базасын кеден және салық органдары толтырады. Сондықтан бұл тұрғыдан тиімдірек жұмыс істеуге көмектеседі", — деп сендірді министр. 

Ал қаржы вице-министрі Қанат Баеділов қаржы және мониторинг комитетінің құрамында дербес бөлімше құру қарастырылып отырғанын атап өтті. Ол Өзіндік қауіпсіздік басқармасы деп аталады. 

"Ол тікелей министрге бағынады және барлық комитеттің жұмысында жемқорлық болмағанын қадағалайды. Бұл келешекте өз жемісін береді деп ойлаймын", — деді Баеділов.

1303
Кілт сөздер:
жемқорлық, экономика, депутаттар, сенат отырысы, Қаржы министрлігі, Дариға Назарбаева
Тақырып бойынша
"Бес тонна өлі балық жиналды" Депутат қазақстандықтардың денсаулығына алаңдады
Вице-министрлер, полицейлер мен жауапты хатшы: 2018 жылдың парақорлары кімдер?
"Журналистердің сөзіне әуес болмаңыз" Министр Тоқаевтан сөз естіді
Сенат депутаты: Қытай Қазақстанды басынан бақайшағына дейін зерттеп отыр
Қасымбек жаңа министрлік не үшін қажет болғанын айтты
ТМД елдерінің тулары

ТМД елдері премьер-министрлерінің онлайн-отырысы өтті

49
Үкімет басшыларының отырысы онлайн-режимде өтті. Жиында коронавирус инфекциясына қарсы тұру және елдердің экономикалық байланысын нығайту мәселесі сөз болды

НҰР-СҰЛТАН, 29 мамыр  - Sputnik. Ресейдің премьер-министрі Михаил Мишустин коронавирус ТМД елдерінің экономикасына кері әсерін тигізіп жатқанын айтты. Сондықтан экономиканы цифрландыруды қамтамасыз етудің маңыздылығына тоқталды.

"Сауда-экономикалық саладағы әріптестікті нығайтудың маңыздылығы артып отыр. Коронавирус эпидемиясының салдарын жою үшін сауда кедергілері мен шектеулерді жою жұмысын белсенді жүргізу керек. Көлік саласындағы байланысты нығайту қажет", - деді Мишустин.

Оның айтуынша, еркін сауда жөніндегі келісімді барынша жылдам жасау керек. Осының арқасында экономикаларды цифрландыру қамтамасыз етіледі.

Пкіріталасқа қатысушылар ТМД-ның 2030 жылға дейін дамуы стратегиясының жобасын қабылдады.

ТМД-ға мүше елдер премьер-министрлерінің келесі отырысы 6 қарашада Өзбекстанда өтеді деп жоспарланып отыр.

49
Әуежай, архивтегі сурет

Қазақстан қандай мемлекеттермен әуе қатынасын жандандырады

91
(Жаңартылды 16:10 29.05.2020)
Алдымен коронавирус бойынша эпидемиологиялық жағдайы жақсы мемлекеттермен әуе қатынасы ашылатыны хабарланды

НҰР-СҰЛТАН, 29 мамыр - Sputnik. Индустрия және инфрақұрылымдық даму министрлігі халықаралық рейстерді ашу тәртібін түсіндірді, деп хабарлайды Sputnik Қазақстан тілшісі. 

Азаматтық авиация комитетінің төрағасы Талғат Ластаевтың айтуынша, ведомствоаралық комиссияның бүгінгі отырысында бірнеше халықаралық бағытта рейстерді ашуға тапсырма берілді.

Алдымен коронавирус бойынша эпидемиологиялық жағдайы жақсы мемлекеттермен әуе қатынасы ашылады. Қазіргі кезде комитет мамандары Қытай, Оңтүстік Корея және Әзербайжанмен арадағы рейстерді ашу мәселесін пысықтауға кірісті. Осы мемлекеттерде эпидемиологиялық жағдай өзгерсе, тиісті шаралар қолға алынады.  

"Екінші кезеңде Түркия, Біріккен Араб Әмірліктері, Германия, Таиланд және Чехия қарастырылады. Айта кетер жәйт, осы рейстердің бәрі ертеңнен бастап ашылмайды және эпидемиологиялық жағдайға қарай барлық инстанциялармен келіскеннен кейін басталады. Рейстердің ашылатын күнін қосымша хабарлаймыз", - деді Ластаев бүгінгі онлайн брифингте.    

Айта кетейік, карантин енгізілгелі бері Қазақстанда 97 халықаралық бағытқа әуе қатынасы тоқтатылған болатын. Ұшақтар аптасына 440 рейс жасап тұрды.

91
Кілт сөздер:
әуе қатынасы, мемлекет, Қазақстан
Тақырып бойынша
Қазақстанда блок бекеттер алынып, қалааралық автобустар жолға шығады
"Ешқайда шықпайды": пойыздағы жаңа тәртіп туралы айтылды
Карантин баспана бағасына қалай әсер етті?
Қазақстанның туризм саласы миллиардтаған шығынға ұшырауы мүмкін
Алматыда 30 мамырда діни ғимараттар ашылады
Мысық балық жеп жатыр

Коронавирус Уханьдағы базардан тараған жоқ Қытай ғалымдары

0
Сарапшылар Қытайда коронавирус жұқтырған алғашқы он үш адамның базарға еш қатысы жоқ екенін дәлелдеді

НҰР-СҰЛТАН, 31 мамыр – Sputnik. Коронавирус ең алғаш Уханьдағы базардан тараған жоқ. Бұл туралы Қытайдың ауруларды бақылау және алдын алу орталығының ғалымдары мәлімдеді.

Мамандар Ухань базарындағы өнімдерден COVID-19 табылмағанын айтты.  Ғалымдар инфекция адамға жарқанаттан жұқты деген болжамды растап, вирус теңіз өнімдері базарында болған науқастан тарала бастады деген пайымға келді.

Алайда сарапшылар вирус алғашқы адамға базарда емес, басқа жерде жұқты деп отыр.

Ғалымдар Қытайда ең алғаш тіркелген 13 адамның Уханьдағы базарға еш қатысы жоқ екенін дәлелдеді, деп жазады The Sun.

0
Кілт сөздер:
Қытай, коронавирус
Тақырып:
Коронавирус эпидемиясы