Теңге

Қазақстанда 1 қаңтардан бастап 700 мыңнан астам адамның жалақысы өсті

3336
(Жаңартылды 20:14 22.01.2019)
Жүз отыз мыңға жуық жұмыс беруші қызметкерлерінің жалақысын 18%-ке көтермек

АСТАНА, 14 қаңтар — Sputnik. Қазақстанда 1 қаңтардан бастап 705 мың адамның жалақысы көтерілді. Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады.

"Мемлекет басшысы халыққа жолдауында 2019 жылдың 1 қаңтарынан бастап ең төменгі еңбекақы алатын жұмысшылардың жалақысын көтеруді тапсырды.  Елімізде 1,5 миллион адамды еңбекпен қамтып отырған 128,7 мыңға жуық жұмыс беруші 705,4 мың жұмыскердің жалақысын көтеруге дайын екендіктерін білдірді", — деп жазылған хабарламада.  

1235 кәсіпорын ірі кәсіпкерлік субьектілеріне жатады, 1711 – орташа, 125 мыңы шағын кәсіпкерлік.

Жоғарыда көрсетілген кәсіпорындарда ең төменгі еңбекақы алатын жұмыскерлердің орташа жалақысы 18%-ке, яғни 41,5 мыңнан 55,2 мың теңгеге дейін өседі.

3336
Кілт сөздер:
жолдау, жалақы, Назарбаев, Қазақстан
Тақырып бойынша
Бүгіннен бастап жалақысы төмен қазақстандықтар салықтан босатылды
Назарбаев кімдердің жалақысы 30-35 процентке өсетінін айтты
Амандық Баталов: бюджеттік қызметкерлердің жалақысы 35%-ке өседі
310 мың теңге. Жалақысы ең жоғары өңірлер белгілі болды
Теңге бағамы

Тоқаев теңге бағамына қатысты бірқатар тапсырма берді

2030
(Жаңартылды 15:43 01.07.2020)
Президент Ұлттық банк пен Қаржы нарығын реттеу және дамыту агенттігіне шағын және орта бизнес пен экономиканы кредиттеуді ұлғайтуды тапсырды

НҰР-СҰЛТАН, 1 шілде — Sputnik. Президент Қасым-Жомарт Тоқаев Ұлттық банктің есебін қабылдады, деп хабарлайды Ақорда.

Ұлттық банк төрағасы Ерболат Досаев және басқарма мүшелері екінші деңгейдегі банктер активтерінің сапасын бағалау бойынша өткен жылғы қаржы-несие саясатына қатысты жүргізілген жұмыстардың қорытындылары, Ұлттық банктің алтын-валюта резервінің ахуалы және Ұлттық қордың активтері туралы есеп берді.

Қасым-Жомарт Тоқаев айырбас бағамы тұрақтылығының маңыздылығына тоқталды. 

"Бұл мәселеде үкімет пен Ұлттық банк үйлесімді жұмыс істеуі қажет екенін атап айтқым келеді. Квазимемлекеттік компаниялардағы басы артық валютаны ішкі нарыққа сату тәжірибесін жалғастыра беру керек. Ұлттық банк қажет болған жағдайда айырбас бағамын тұрақтандыру үшін қосымша шаралар қабылдайды", – деді Қасым-Жомарт Тоқаев. 

Ломбардтарды тексеру

Президент Ұлттық банкке Қаржы нарығын реттеу және дамыту агенттігімен бірлесіп, кепілсіз тұтыну несиесіне қатысты мәселені ұдайы бақылауда ұстау жөнінде тапсырма берілді. Мемлекет басшысы қаржы ұйымдарының жұмысын ашық жүргізу маңызды міндет екенін атап өтті. Бұл мәселе жалған ломбардтар мен микроқаржылық ұйымдардың алаяқтық іс-әрекеттері жиілеуіне байланысты өте өзекті болып отыр. 

"Бұл жұмысты жылдамдату керек. Тексерулердің қорытындысы негізінде Қаржы нарығын реттеу және дамыту агенттігіне Бас прокуратурамен бірлесіп, аталған саланы реттеу жұмыстарын жүйелі түрде жүргізу және тұтынушылардың құқығын қорғау жөнінде ұсыныс енгізуді тапсырамын", – деді мемлекет басшысы.

Қаржы нарығындағы заманауи технологиялар

Ақпаратта пандемия кезіндегі әлемдік үрдістер мен еліміздегі жағдай қаржы саласына заманауи технологияларды енгізу қажеттігін көрсеткені туралы айтылған.

Осыған байланысты президент Ұлттық банкке үкіметпен және "Астана" халықаралық қаржы орталығымен бірлесіп, 2025 жылға дейінгі қаржы технологиясы мен инновациясын дамытудың тұжырымдамасын бекітуді тапсырды.

Экономика мен бизнесті кредиттеу

Сондай-ақ, Ұлттық банкке экономика мен бизнесті белсенді несиелеу міндеті қойылды.

"Соңғы үш жылда экономиканы несиелеудің өсімі аса байқалмады. Банктер жұмыс барысында барынша қолайлы және тиімді жағдай ұсына отырып, әрбір клиент үшін белсенді күреспейді. Сонымен қатар қазіргі жағдайда бизнеске қаржы ресурсы қажет және оны жылдам алуы керек", - деді президент. 

2030
Бос әмиян

Қазақстанға қатаң карантин керек пе сарапшылар пікірі 

1508
Мемлекет басшысы Қасым-Жомарт Тоқаевтың тапсырмасынан кейін мемлекеттік комиссия карантинді күшейтудің бірнеше нұсқасын қарастыруға кірісті. Бүгінде үш сценарий бар

НҰР-СҰЛТАН, 30 маусым – Sputnik. Қоғам ішінде қатаң карантинге қатысты екіұдай пікір қалыптасты. Sputnik Қазақстан тілшісіне сұхбат берген сарапшылар осы мәселеге қатысты өз ойын білдірді.

Қатаң шаралар экономикалық жағынан тиімсіз

Экономикалық шолушы Сергей Домнин наурыз-мамыр айларында болған қатаң карантинді еске алды. Оның айтуынша, санитарлық-эпидемиологиялық жағынан ондай шара тиімді болса да, экономикалық тұрғыда тиімсіз. Себебі қонақүйлер, мейрамханалар, дәмханалар, азық-түлік емес тауарлардың саудасы, қалааралық көлік пен пошта сияқты бағыттар кәдімгідей тоқтап қалды. Құрылысы саласы да тежелді. Халықтың кәсіпкерлік қызметтен түскен табысы күрт азайып кетті. 

"Жаңадан тағайындалған денсаулық сақтау министрінің сөзінде жақсы бір ой бар. Ол қазіргі кезде шектеу шараларынан бейімделуге көшу, яғни эпидемия жағдайында өмір сүруге үйрену керек дейді. Шамасы, эпидемияны қытайлық сценариймен жеңу мүмкін болмай отыр. Ондай мүмкіндік болса да, оны жіберіп алды. Енді, Швеция мен АҚШ-тың тәжірибесін зерделеп шығу қажет. Дегенмен, олардың қателіктерін де ескерген жөн", - дейді Домнин.

Жағдай қиындап кетеді

Сарапшының айтуынша, кез келген шектеу шаралары іскерлік белсенділікті төмендетіп, экономиканың дамуын тежеп отырады. Алайда барлығы шектеудің деңгейіне байланысты. Егер бұрынғыдай қалалар мен елді мекендердің арасындағы көлік қатынасын, сауда орындары мен қоғамдық тамақтану орындарының жұмысын тоқтатса, ал халыққа үйден шығуға тыйым салса, онда экономикалық құлдыраудың дәрежесі көктемгі көрсеткіштен де қатты болады.  

"Менде нақты есеп-қисап жоқ, алайда бөлек салаларды алатын болсақ, ішкі сауданың жылдық көрсеткіші сәуір айында 32 процентке, ал мамырда 21 процентке құлап кетті. Ал ішкі сауданың 40 проценті Алматыға тиесілі. Ол жақта ішкі сауда сәуірде 40 процентке, мамырда 28 процентке төмендеп кеткен. Мамырдың ортасында локдаун аяқталды. Байқап қарасаңыз, соның өзінде ішкі сауданың көрсеткіші қатты өскен жоқ", - дейді сарапшы. 

Оның ойынша, көктемгі шектеу шараларынан кейін халықтың тұтыну қабілеті де төмендеп кеткен. Себебі жұмыссыздардың саны көбейді, жұмысшыларды ақысыз демалысқа немесе жартылай жұмыс күніне ауыстырды. Енді, қайтадан осы іспетті шаралар қолға алынса, экономикалық жағдай қиындап кетеді.

"Үкімет жалпыұлттық ауқымда төтенше жағдайды қайта енгізеді дегенге сену қиын", - деп атап көрсетті Домнин. 

Экономиканы күйрейтіп тастайды 

Саясаттанушы Марат Шибутов та қатаң карантин қазіргі экономикалық жағдайды ушықтырып жібереді деп санайды. 

"Қазіргі кезде вирус жұқтырғандардың саны неге өсіп отыр? Себебі тест тапсыратын адамдар көбейді. Ал наурыз-мамыр айларында болған қатаң карантин тиімсіз болды деп санаймын. Экономика құлдырап кетті, төрт миллионға жуық адам жұмыссыз қалды. Сыртқы шекараларды жауып тастаса да болатын еді. Әзірше, карантиннің салдарынан экономикаға келген шығын толыққанды көрініп тұрған жоқ", - дейді Шибутов.

Оның ойынша, қатаң шектеу шаралары экономиканы күйретіп тастайды. Соның ішінде ауыл шаруашылығы да бар. 

"Қазіргі кезде ауыл шаруашылығы саласында жұмыс қызу жүріп жатыр. Екі апталық карантиннің өзі агроөнеркәсіп кешеніне кері әсерін тигізеді", - деді сарапшы. 

Адам өмірі қымбат 

Ал экономист Андрей Чеботарев, керісінше, локдаунды қолдап отыр. Себебі аурудың салдарынан жұмыс істейтін адам болмай қалса, экономика әлдеқайда қатты зардап шегеді. 

"Мен локдаунды қолдаймын. Адамдар өз денсаулығын бағалауды үйренуі керек. Өздері істей алмаса, күштеп үйреткен дұрыс. "Бүгінде бетпердені таққан міндетті емес" дейтіндер әлі де бар. Сонда олар Оңтүстік Корея мен Жапонияның тәжірибесін білмей ме? Ол жақта барлығы бетперде тағады. Соның арқасында вирустың таралу деңгейі төмендеп отыр", - дейді Чеботарев. 

Экономист қатаң карантин кезінде Бірыңғай жинақтаушы зейнетақы қорына түскен жарналардың есебін де келтірді. Оның айтуынша, мамырда ақпан айымен салыстырғанда жарналардың көлемі 8 процентке төмендесе, сәуірде 4-ақ процентке азайған. Сонда ресми түрде жалақы алғандардың көбісі табысынан көп қағылған жоқ. Адамдар қатаң карантин болса да, жалақысын алып тұрды. 

"Демек, ондай жағдай ары қарай жалғаса береді. Негізі, экономиканы немесе өмірді таңдаңыз десе, мен өмірді таңдайтын едім. Меніңше, халық тым босаңсып кетті. Карантин шараларын дұрыс сақтамады", - деп атап көрсетті Чеботарев.

Үш сценарий

Денсаулық сақтау министрі Алексей Цой Қазақстандағы COVID-19 инфекциясының таралуы бойынша алдағы жағдайдың дамуына байланысты үш сценарийді ұсынды.  

  • Біріншісі – карантиннің жарияламау. Онда тамыздың аяғында күн сайын КВИ жұқтырған 27 мың адам тіркелетін болады. Олардың барлығын ауруханаға жатқызуға тура келеді. Сонда 300 мың инфекциялық және провизорлық орын қажет болады. 
  • Екіншісі – екіапталық қатаң карантин. Оны көктемдегідей республика бойынша енгізу керек. Сонда күн сайын 7 мың науқас тіркеледі. Ал тамыздың соңында ауруханаларда 80 мың орын жасақтау қажет. 
  • Үшінші сценарий – төрт апталық жалпыреспубликалық карантин. Соның нәтижесінде тамыздың аяғына қарай күн сайын 2 500 адамды ауруханаға жатқызады. Ал республика бойынша 30 мың орын қажет болады.
1508
Кілт сөздер:
коронавирус, сарапшылар, карантин, Қазақстан
Тақырып:
Төтенше жағдай және карантин
Тақырып бойынша
Коронавирусты емдеу тәртібі өзгерді – ауруханалар қалай босатылады
Қатаң карантин қайта оралуы мүмкін: Тоқаев үкіметке екі күн уақыт берді 
Министр қатаң карантин жайлы: жақын арада түпкілікті шешім қабылданады
"30 маусымда қатаң карантин енгізіледі": үкімет ақпаратқа қатысты түсініктеме берді
Қостанай облысында карантин ұзартылды
Нұрлы жол вокзалында жолаушылардың құжатын тексеру

Қазақстанда карантиннің күшеюіне байланысты қандай пойыздар тоқтайды

0
Республикада екі аптаға енгізілген шектеу шараларына байланысты бірнеше пойыздың қатынау жиілігі қысқарған

НҰР-СҰЛТАН, 2 шілде – Sputnik. Қазақстанда карантиннің күшеюіне байланысты жолаушыларды пойызбен тасымалдауға қатысты шектеу шаралары енгізілді, деп хабарлайды Sputnik Қазақстан индустрия және инфрақұрылымдық даму министрлігіне сілтеме жасап.

"Осы жылдың 2 шілдесінде, елдегі ағымдағы эпидемиологиялық жағдайды ескеріп, мемлекеттік комиссия темір жол көлігімен жолаушыларды тасымалдау бойынша шектеу шараларын енгізу туралы шешім қабылдады", - делінген министрліктің хабарламасында.

Осыған байланысты 5 шілдеден бастап №321/322 "Алматы – Сарыағаш" жолаушылар пойызы уақытша тоқтатылады.

Тағы оқыңыз: Қазақстанда екі апталық карантиннің талаптары бекітілді

Сонымен қатар, бірнеше жолаушылар пойызының жүру жиілігі қысқарады.

Атап айтсақ, №3/4 "Алматы-Нұр-Сұлтан", № 31/32" Алматы-Павлодар" және  № 67/68" Нұр-Сұлтан-Өскемен " пойыздары бұрынғыдай күн сайын емес, күнара қатынайды.

Ал №257/258 "Нұр-Сұлтан-Достық" пойызы аптасына екі рет емес, тек бір рет жүреді.

Бұған дейін 1 шілдеден елордадан шығатын үш пойыздың қозғалысы уақытша тоқтатылғаны хабарланған болатын.

  • №19/20 "Нұр-Сұлтан-Атырау";
  • №95/96 " Нұр-Сұлтан-Орал";
  • №701/702 "Нұр-Сұлтан-Алматы".

Төтенше жағдай аяқталғаннан кейін, бірінші маусымнан жолаушылар пойыздарының қозғалысы кезең-кезеңмен жандана бастады. Бүгінде 93 пойыз қатынайды.  

Қазақстанда 5 шілдеден жаңа карантин басталады.

Ел ішінде әуе және теміржол қатынасы сақталады, бірақ бірқатар шектеу көзделген. Өңірлер арасында қалааралық автобустар уақытша тоқтатылады.

Бұдан бөлек, қоғамдық көліктің жұмыс уақыты шектеледі.

Карантин әзірге екі аптаға енгізіліп отыр, одан кейін ұзартылуы немесе қатаңдатылуы мүмкін.

0
Кілт сөздер:
пойыздар, карантин
Тақырып:
Төтенше жағдай және карантин
Тақырып бойынша
Карантин режимін бұзғандар жауапқа тартылады – Тоғжанов
Қазақстанда карантин қандай жағдайда қатаңдатылады
Қазақстанда жаңа карантин жарияланды: 42 500 теңге төлене ме?
Вице-премьер тығылып той өткізетіндер туралы айтты