Баспана

Енді баспанасы барлар да "7-20-25" бағдарламасы арқылы пәтер алуы мүмкін

1056
(Жаңартылды 14:09 23.01.2019)
Ағымдағы бағалау бойынша, биыл қазақстандықтардың баспанаға деген қажеттілігі шамамен 16 мың пәтерді құрайды

АСТАНА, 22 қаңтар – Sputnik. Ұлттық банк меншік құқығында баспанасы бар азаматтарға "7-20-25" бағдарламасына қатысу құқығын беруді ұсынып отыр, деп хабарлайды Sputnik Қазақстан тілшісі.

Бүгін үкіметте ұлттық банк төрағасы Данияр Ақышев президенттің бастамасымен іске қосылған "7-20-25" бағдарламасы қалай іске асып жатқанына тоқталды. 

"7-20-25" бағдарламасына қатысу талаптарының бірі – азаматтың меншік құқығында баспанасының болмауы. Алайда, Ақышевтің айтуынша, басында баспанасы болса да, тағы да пәтер сатып алғысы келетіндер көп.  Олар көп балалы отбасылар, балаларына баспана сатып алғысы келетін ата-аналар, басқа өңірлерге көшетін азаматтар болуы мүмкін. 

"Халықтың қажеттілігін назарға ала отырып, ұлттық банк үкіметке меншік құқығында баспанасы бар азаматтарға бағдарламаға қатысу құқығын беру мүмкіндігін зерделеуді ұсынады", — деді Ақышев үкімет отырысында. 

Оның айтуынша, ағымдағы бағалау бойынша биыл қазақстандықтардың баспанаға деген қажеттілігі шамамен 16 мың пәтерді құрайды.

Сондай-ақ бағдарламаны жандандыру үшін былтыр желтоқсанда мемлекеттік тұрғын үй бағдарламаларына өзгерістер енгізілген. 

"Нұрлы жер" бағдарламасы бойынша салынған үйлер Тұрғын үй құрылыс жинақ банкі арқылы салымшылар мен кезекте тұрғандарға және барлық азаматтарға "7-20-25" бағдарламасы бойынша ипотекалық қарыздар арқылы сатылуы мүмкін", — деді Ақышев. 

Бұған қоса, бастапқы жарнаны азайту үшін қызметкерлердің жекелеген санаттарына қолдау көрсетілуде. Атап айтсақ, жеңілдікпен берілетін ипотека бойынша бастапқы жарнаны субсидиялау механизмі енгізілді.

1056
Кілт сөздер:
"7-20-25" бағдарламасы., баспана, Нұрлы жер, Ұлттық банк, Данияр Ақышев
Тақырып бойынша
"7-20-25": қазақстандықтарға баспана сатып алу үшін 110 миллион доллар берілді
Ұлттық банк "7-20-25" бойынша қай кезде ипотека берілмейтінін түсіндірді
"7-20-25" бағдарламасы арқылы пәтер алу қолжетімді бола түсті
"7-20-25": екі миллиард теңге көлемінде әлеуметтік көмек беріледі
"7-20-25": бір миллион теңге кімге және қалай берілетіні белгілі болды
"7-20-25" баспанаға мұқтаждардың барлығын бірдей жарылқай алмауы мүмкін
"7-20-25": Депутаттар Шымкент үшін ипотека мөлшерін көтеруді сұрады
"7-20-25": Мыңнан астам халық тұрғын үй бағдарламасымен баспана алады
"7-20-25": пәтер алғандардың айлық табысы 200 мың теңге екені анықталды
"7-20-25" тұрғын үй бағдарламасы
Мемлекет басшысы Қасым-Жомарт Тоқаев КСМ Техновид ЖШС кәсіпорнына барды

Президентке құрылыс материалдары өндірісінің технологиялық процесі көрсетілді

31
(Жаңартылды 17:28 25.09.2020)
Тоқаев Алматының Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты

НҰР-СҰЛТАН, 25 қыркүйек – Sputnik. Мемлекет басшысы Қасым-Жомарт Тоқаев Алматыға жасаған жұмыс сапары аясында "КСМ Техновид" ЖШС  кәсіпорнына барды, деп хабарлады Ақорданың баспасөз қызметі.  

"Мемлекет басшысы қаланың Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты", - делінген хабарламада.

Президентке кәсіпорынның өнімдері таныстырылып, құрылыс материалдары өндірісінің технологиялық процесі көрсетілді. Мұнда 250-ден астам адам жұмыс істейді.

Оқи отырыңыз: Коронавирустың екінші толқынына дайын болайық – Тоқаев

Компанияның жобаға салған жеке инвестициясы 3,8 миллиард теңге. Зауыттың қуаттылығы жылына 475 мың шаршы метр шыныпакет шығаруға жетеді.

Сондай-ақ мемлекет басшысына Алматы индустриялық аймағының жағдайы мен даму перспективалары туралы айтылды. Мұнда жыл аяғына дейін құны 85 миллиард теңге болатын 10 жобаны жүзеге асыру жоспарланып отыр.

31
Кілт сөздер:
Алматы, президент, құрылыс
Тақырып бойынша
Тоқаев жарлыққа қол қойды
Қазақстанда өнеркәсіпті дамыту қоры құрылды
Қазақстанда жалпыұлттық сауалнама басталды
Тоқаев жұмыс сапарымен Алматыға барды
Олжас Құдайбергенов

Тоқаевтың бұрынғы кеңесшісі экономика министрлігіне жұмысқа орналасты

59
(Жаңартылды 15:43 25.09.2020)
Бұған дейін Құдайбергенов жеті ай бойы мемлекет басшысының экономика жөніндегі штаттан тыс кеңесшісі болып жұмыс істеді

НҰР-СҰЛТАН, 25 қыркүйек – Sputnik. Экономист Олжас Құдайбергенов жаңа қызметке орналасты. Ол Қазақстанның экономика министрлігі жанындағы басқарушы кеңестің төрағасы болып тағайындалды.

Бұл туралы мемлекеттік басқарудың жай-күйі мен болашағы талқыланған экономика министрлігі жанындағы басқарушы кеңестің отырысында белгілі болды. Ведомство басшысы Руслан Дәленов кеңестің негізгі міндеттерін түсіндірді. Ол министрліктің қызметін бағалап, жетілдіру бойынша ұсынымдық шешімдер әзірлейді.

Басқарушы кеңестің төрағасы болып экономист, Қазақстан президенті жанындағы әлеуметтік-экономикалық реформалардың мониторингін талдау орталығының мүшесі Олжас Құдайбергенов сайланды.

Кездесуге қатысушылар қойылған міндеттерді өнімді шешу үшін мемлекеттік органдардың кадрлық әлеуетін жетілдіруді ұсынды.

Ал Дәленов ұсынылған шараларды жүзеге асырудың тетіктері жаңа экономикалық саясаттың негізгі бағыттары бойынша нәтижеге қол жеткізуге бағытталатынын хабарлады.

Сынақ мерзімінен өтпеді: Молдағасымова тағы да жұмыссыз қалды 

Бұған дейін Руслан Дәленов президенттің кадрлық резервінде тұрған мамандармен кездесуінде басқарушы кеңес құрылатынын мәлімдеп, ол жерге кадр резервінің өкілін енгізуді ұсынған болатын.

Еске сала кетейік, 20 шілдеде Олжас Құдайбергенов президенттің экономика жөніндегі штаттан тыс кеңесшісі қызметінен босатылды.

59
Кілт сөздер:
экономика, Қасым-Жомарт Тоқаев
Тақырып бойынша
Құдайбергеновтің президент кеңесшісі қызметінен неге босатылғаны белгілі болды
Тоқаевтың кеңесшісі пневмония мен COVID-ке қатысты жазба жариялады
Тоқаев кеңесшісін қызметінен босатты
Тоқаевтың кеңесшісі 2 миллионға жуық қазақстандық коронавирус жұқтырғанын айтты
Қасым-Жомарт Тоқаев Hyundai Trans Kazakhstan зауытына барды

Тоқаев Алматыда автокөліктің капотына не жазды

453
(Жаңартылды 11:14 26.09.2020)
Президент Алматы қаласына жұмыс сапары кезінде қол қойған автокөлік жаңа зауыттың көрсету залына қойылады

НҰР-СҰЛТАН, 26 қыркүйек – Sputnik. Президент Қасым-Жомарт Тоқаев Алматыдағы Hyundai Trans Kazakhstan зауытына барған кезде жаңа автокөліктің капотында естелік жазба қалдырды.

Мемлекет басшысы "Iске сәт! Ақ жол тілеймін!" деп жазды. Ол сондай-ақ қол қойып, сол күннің датасын көрсетті.

Касым-Жомарт Токаев оставил надпись на капоте авто
© Photo : Astana Motors
Тоқаев жаңа автокөліктің капотында естелік жазба қалдырды

"Астана Моторс" компаниясы Sputnik Қазақстанға президент қол қойған көлікті не істейтіндерін айтты.  

"Ол тарих үшін сақталып, зауыт кеңсесінің көрсету залына қойылады", - деп хабарлады баспасөз қызметі.

Айта кетейік, кәсіпорында президентке автокөліктерді құрастыру процесі көрсетілген болатын. Ол 2020 жылдың 15 қазанында ашылады.

Кәсіпорын пайдалануға берілгеннен кейін оның қуаты бірінші кезеңде жылына 30 мың, екінші кезеңде 45 мыңға дейін машина жасауға жетеді. Инвестицияның жалпы көлемі – 28 миллиард теңгеден астам, оның 30% – компанияның өз қаражаты.

Оқи отырыңыз: Коронавирустың екінші толқынына дайын болайық – Тоқаев 

Hyundai Trans Kazakhstan кәсіпорны 700-ге жуық жұмыс орнын ашып, сабақтас салалардың дамуына серпін береді.

Инвесторлар келешекте автобөлшектер шығаратын зауыт салуды жоспарлап отыр. Осылайша компания отандық автокөлік өнеркәсібін дамыту жөніндегі көздеген мақсаттарына қол жеткізеді. Бұл отандық өндірістің 51 % астамын қамтамасыз етеді.

Еске сала кетейік, жұмада Қасым-Жомарт Тоқаев жұмыс сапарымен Алматыға барды. Ол қалалық клиникалық жұқпалы аурулар ауруханасы филиалының, өнеркәсіптік кәсіпорындардың және көпфункционалды музыкалық орталықтың жұмысымен танысты.

453
Кілт сөздер:
зауыт, Алматы, Қасым-Жомарт Тоқаев
Тақырып бойынша
Президентке құрылыс материалдары өндірісінің технологиялық процесі көрсетілді
Тоқаев жарлыққа қол қойды
Тоқаев жұмыс сапарымен Алматыға барды
Тоқаев Қазақстанның өлім жазасынан бас тартуына байланысты түсініктеме берді