Ақша

Бір үйде тұратын екі-үш отбасының табысы қалай есептеледі: еңбек министрі жауап берді

3370
Сенат депутаты бір шаңырақта тұратын бірнеше отбасының жиынтық табысын бөлек есептеуді ұсынды

АСТАНА, 18 наурыз – Sputnik. Атаулы әлеуметтік көмекті тағайындаған кезде, бір үйде тұратын бірнеше отбасының жиынтық табысы бөлек емес, бірге есептеледі. Бұл туралы бүгін еңбек және халықты әлеуметтік қорғау министрі Бердібек Сапарбаев айтты, деп хабарлайды Sputnik Қазақстан тілшісі.

"Мен Атырау облысының он екі елді мекенінде 1200-ден астам адаммен кездестім. Жергілікті тұрғындар ең көп қойған сұрақ отбасының табысын есептеуге қатысты болды. Халқымыздың салт-дәстүрі бойынша, ауылды жерлерде бір үйде бірнеше үйленген отбасы тұрып жатыр. Үйленген екі-үш ағайынды бір шаңырақ астында тұрады. Отбасының табысын есептеген кезде, олардың жиынтық табысы бірге есептеледі екен. Әр отбасының жиынтық табысын неге бөлек есептемеске деген ұсыныс бар", - деді сенатор Сәрсенбай Еңсегенов сенатта өткен үкімет сағатында.

Бір баласы барлар да 21 мың теңге алады

Еңбек және халықты әлеуметтік қорғау министрі Бердібек Сапарбаев қазіргі заң бойынша барлығының табысы есептелетінін атап өтті.

"Егер бір үйде үш-төрт отбасы тұратын болса, олардың барлығының табысы есептеледі", - деп қысқа қайырды министр.

Сонымен қатар, сенат депутаты жеке қосалқы шаруашылықтан түсетін табысқа қатысты мәселені көтерді.

"Осының төңірегінде әңгіме көп. Егер сиыры болса, ол сиырды бағу бар, бейнеті көп. Жеке шаруашылықты кіріс көзі деп есептеген кезде, бұл мәселелер ескеріле ме, қандай да бір өзгерістер бола ма?", - деп сұрады Еңсегенов.

Еңбек министрі жиынтық табысты есептеген кезде, қорадағы малды ескеріп-ескермеу жергілікті биліктің құзырына берілгенін атап өтті.

Жақыпова 21 мың теңге мен қорадағы мал туралы айтты

"Қосалқы шаруашылықтарды ескеріп-ескермеу былтырдан бастап, заңға сәйкес, жергілікті биліктің құзырына берілген. Оны солар шешеді", - деді Сапарбаев.

3370
Кілт сөздер:
мұқтаждық, табыс, жәрдемақы, атаулы әлеуметтік көмек
Ақша, теңге

Тоқаев: экономиканы әртараптандыру үшін жаңа реформаларды жүзеге асыру қажет

147
"Астана" халықаралық қаржы орталығы президентке жылдық есеп мен 2025 жылға дейінгі даму стратегиясын ұсынды

НҰР-СҰЛТАН, 2 шілде – Sputnik. Құнды қағаздардың ішкі нарығын дамыту үшін сенімді әрі нақты шаралар қабылдау керек. Президент Қасым-Жомарт Тоқаев "Астана" халықаралық қаржы орталығы басқару кеңесінің кеңейтілген отырысында осылай деді.

Кеңейтілген отырыс қорытындысы бойынша "Астана" халықаралық қаржы орталығының жылдық есебі мен оның 2025 жылға дейінгі даму стратегиясы қабылданды. 

Мемлекет басшысының пікірінше, АХҚО экономикалық бастамаларды жүзеге асыруға белсенді атсалысуы керек екенін айтты. 

"Ірі инвесторларды бір ғана ел аса қызықтырмауы мүмкін, ал сауда және өнеркәсіптік салалар бойынша байланысы мығым Еуразиялық одақ пен Орталық Азияның бүкіл аймағын елемеу қиын.  Инвесторлар осы елдердің біріне қызығушылық танытса, бұл өзге мемлекеттерге де табыс әкеледі. Осыған орай АХҚО өңірдегі елдерді байланыстыратын әмбебап платформа ретінде қызмет атқара алады", – деді президент. 

Қасым-Жомарт Тоқаев қаржы орталығы шетелден тікелей инвестиция тарту үшін өзінің әлеуетін толық пайдаланатынына сенім білдірді.

"Өзгеріс енгізетін уақыт келді. Сондай-ақ инвестиция портфельдері күшейту қажет. Құнды қағаздардың ішкі нарығы әлі толық дамыған жоқ. Сондықтан сенімді әрі нақты шаралар қабылдау керек. Қаржы нарығын реттеу және дамыту агенттігіне АХҚО-мен бірігіп, құнды қағаздардың ішкі нарығын ықпалдастыруға және дамытуға бағытталған жаңа әрі нақты нормативтік база әзірлеуді тапсырамын", – деді Тоқаев. 

Онлайн форматта өткен жиында қаралған негізгі мәселелердің бірі - Қазақстанның экономикалық өсімін қайта қалпына келтіру. 

Президент өз сөзінде АХҚО биржасына былтыр Полиметалл, "Қазатомөнеркәсібі" ҰАК»" АҚ және Halyk Bank секілді ірі корпоративтік компаниялардың акцияларының сәтті орналастырылғанын атап өтті.

Мемлекет басшысы пандемия мен мұнай бағасының құлдырауынан туындаған жаһандық дағдарыс жағдайында және дамушы елдердің нарығынан капиталдың кетуі кезінде ұлттық экономиканы әртараптандыру үшін жаңа реформаларды жүзеге асыру қажет екенін айтты.

147
Кілт сөздер:
реформа, экономика, Қасым-Жомарт Тоқаев
Тақырып бойынша
Тоқаев теңге бағамына қатысты бірқатар тапсырма берді
Вирустың екінші толқыны: сарапшылар экономика мен теңгенің тағдыры не болатынын айтты
Тоқаев Нұрсұлтан Назарбаевтың мінезі туралы айтты
Баспасөз хатшысы Елбасының денсаулығы туралы жазба жариялады
Тоқаев Назарбаев туралы жазды
Теңге бағамы

Тоқаев теңге бағамына қатысты бірқатар тапсырма берді

2965
(Жаңартылды 15:43 01.07.2020)
Президент Ұлттық банк пен Қаржы нарығын реттеу және дамыту агенттігіне шағын және орта бизнес пен экономиканы кредиттеуді ұлғайтуды тапсырды

НҰР-СҰЛТАН, 1 шілде — Sputnik. Президент Қасым-Жомарт Тоқаев Ұлттық банктің есебін қабылдады, деп хабарлайды Ақорда.

Ұлттық банк төрағасы Ерболат Досаев және басқарма мүшелері екінші деңгейдегі банктер активтерінің сапасын бағалау бойынша өткен жылғы қаржы-несие саясатына қатысты жүргізілген жұмыстардың қорытындылары, Ұлттық банктің алтын-валюта резервінің ахуалы және Ұлттық қордың активтері туралы есеп берді.

Қасым-Жомарт Тоқаев айырбас бағамы тұрақтылығының маңыздылығына тоқталды. 

"Бұл мәселеде үкімет пен Ұлттық банк үйлесімді жұмыс істеуі қажет екенін атап айтқым келеді. Квазимемлекеттік компаниялардағы басы артық валютаны ішкі нарыққа сату тәжірибесін жалғастыра беру керек. Ұлттық банк қажет болған жағдайда айырбас бағамын тұрақтандыру үшін қосымша шаралар қабылдайды", – деді Қасым-Жомарт Тоқаев. 

Ломбардтарды тексеру

Президент Ұлттық банкке Қаржы нарығын реттеу және дамыту агенттігімен бірлесіп, кепілсіз тұтыну несиесіне қатысты мәселені ұдайы бақылауда ұстау жөнінде тапсырма берілді. Мемлекет басшысы қаржы ұйымдарының жұмысын ашық жүргізу маңызды міндет екенін атап өтті. Бұл мәселе жалған ломбардтар мен микроқаржылық ұйымдардың алаяқтық іс-әрекеттері жиілеуіне байланысты өте өзекті болып отыр. 

"Бұл жұмысты жылдамдату керек. Тексерулердің қорытындысы негізінде Қаржы нарығын реттеу және дамыту агенттігіне Бас прокуратурамен бірлесіп, аталған саланы реттеу жұмыстарын жүйелі түрде жүргізу және тұтынушылардың құқығын қорғау жөнінде ұсыныс енгізуді тапсырамын", – деді мемлекет басшысы.

Қаржы нарығындағы заманауи технологиялар

Ақпаратта пандемия кезіндегі әлемдік үрдістер мен еліміздегі жағдай қаржы саласына заманауи технологияларды енгізу қажеттігін көрсеткені туралы айтылған.

Осыған байланысты президент Ұлттық банкке үкіметпен және "Астана" халықаралық қаржы орталығымен бірлесіп, 2025 жылға дейінгі қаржы технологиясы мен инновациясын дамытудың тұжырымдамасын бекітуді тапсырды.

Экономика мен бизнесті кредиттеу

Сондай-ақ, Ұлттық банкке экономика мен бизнесті белсенді несиелеу міндеті қойылды.

"Соңғы үш жылда экономиканы несиелеудің өсімі аса байқалмады. Банктер жұмыс барысында барынша қолайлы және тиімді жағдай ұсына отырып, әрбір клиент үшін белсенді күреспейді. Сонымен қатар қазіргі жағдайда бизнеске қаржы ресурсы қажет және оны жылдам алуы керек", - деді президент. 

2965
Дәрі-дәрмек

Парацетамол мен ибупрофенді кімдерге ішуге болмайды?

696
(Жаңартылды 13:51 06.07.2020)
Мамандар қазақстандықтар дәріханадан жаппай сатып алып жатқан дәрілердің кері әсері болуы мүмкін екенін ескертті. Сондықтан міндетті түрде дәрігер тағайындауы тиіс

НҰР-СҰЛТАН, 6 шілде – Sputnik. Температурасы 38,5 градустан төмен ересектерге парацетамол мен ибупрофен ішуге болмайды. Бұл туралы орталық коммуникациялар қызметінде медицина ғылымдарының кандидаты, доцент, "Астана медициналық университетінің" кафедра меңгерушісі Нұрила Малтабарова айтты.

Оның айтуынша, бұл препараттар қабынуға қарсы дәрілер тобына жатады. Дәрігерлерде оларды қолданудың нақты хаттамасы бар.  

"Парацетамол мен ибупрофенді ересектер температурасы 38,5 градустан жоғары болған кезде ғана ішуі керек. Бұл препараттардың түрлі баламасы бар. Алайда дәрілердің кері әсері болуы мүмкін екенін ұмытпау қажет", - деді доцент.

Медицина ғылымдарының кандидаты неврологиялық сырқаттармен есепте тұрған балалардың  температурасы 37,5 градус болғанда парацетамол тағайындалатынын айтты.

Айта кетсек, Қазақстанда коронавирус жұқтырғандар санының артуына байланысты дене қызуын түсіретін дәрілер тапшылығы туындады.

Бұл мәселені шешуді президент денсаулық сақтау министрлігі мен құқық қорғау органдарына тапсырды.

696
Кілт сөздер:
коронавирус, дәрі-дәрмек
Тақырып бойынша
Шымкенттік дәрігер президентке үндеу жолдады - денсаулық министрі жауап берді 
COVID-19: министр қандай дәрілер көмектеспейтінін айтты
COVID-19: дәрігер желіде тараған кеңес несімен қауіпті екенін айтты
Нұр-Сұлтанда дәрі-дәрмекке қатысты жедел желі іске қосылды
Шымкентте тегін таратылуы тиіс дәрілерді ұрлаған сатушы ұсталды