БЖЗҚ

БЖЗҚ басшысы ауысты: зейнетақы қорын енді кім басқарады?

1360
(Жаңартылды 19:00 01.04.2019)
Бүгін Бірыңғай жинақтаушы зейнетақы қорының жаңа төрағасы тағайындалды

АЛМАТЫ, 1 наурыз — Sputnik. Директорлар кеңесінің 2019 жылдың 1 сәуіріндегі шешімімен "Бірыңғай жинақтаушы зейнетақы қоры" (БЖЗҚ) АҚ басқармасының төрағасы болып Жанат Құрманов тағайындалды. 2017 жылдың 1 қаңтарынан зейнетақы қорын басқарған Нұрбибі Наурызбаеваның қызметтік өкілеттілігі тоқтатылды.

"Нұрбибі Наурызбаева басшылық еткен кезде БЖЗҚ менеджменттің жаңа деңгейіне көтеріліп, салымшылармен жұмыс істеу сапасы айтарлықтай артты. 2017-2018 жылдары қор зейнетақы қызметінің барлық түрін электронды форматқа көшірді. Белсенді салымшылар үлесі 67 проценттен 72 процентке дейін өсті" - делінген БЖЗҚ баспасөз қызметінің хабарламасында.

Нурбуби Наурызбаева ЕНПФ
© Sputnik / Сергей Ким
Нұрбибі Наурызбаева

Екі жыл бойы зейнетақы қоры қарыздарды қайтару үшін проблемалық активтермен белсенді жұмыс істеді. Қорға төленген қарыздың жалпы сомасы 16 миллиард теңгені құрайды. Ал 2014 жылдан бастап 2018 жылға дейінгі төленген қарыз сомасы 17,6 миллиард теңге болады.

Жанат Құрманов кім?

Жанат Бостанұлы Құрманов 1962 жылы Қарағандыда дүниеге келген. С. Киров атындағы Қазақ мемлекеттік университетін (физик), Мәскеу экономика, менеджмент және құқық институтын (экономист) тәмамдаған.

Жанат Курманов
© Sputnik / Серикжан Ковланбаев
Жанат Құрманов

Құрманов - физика-математика ғылымдарының кандидаты.

Әр жылдары Қазақстаның ғылым академиясы ядролық физика институтында, Ресей ғылым академиясының біріккен ядролық зерттеу интитутында жұмыс істеді.

1999 жылы ҚР Ұлттық банк департаменттерінің біріне қызметке тағайындалды. 2002-2006 жылдары БЖЗҚ бас директоры болды.

Одан бөлек, "Тұрғын үй құрылыс жинақ банкі", Halyk Finance, "Халык Life" директорлар кеңесінің мүшесі, Қазақстан қор биржасының директорлар кеңесінің басшысы қызметін атқарған.

2017 жылдың қыркүйегінен бастап 2019 жылдың 28 наурызына дейін ҚР Ұлттық банк төрағасының орынбасары болды.

БЖЗҚ тарихы туралы

БЖЗҚ 2013 жылдың 22 тамызында "МЖЗҚ" АҚ базасында құрылды. БЖЗҚ-ның құрылтайшысы әрі акционері - қаржы министрлігінің мемлекеттік мүлік және жекешелендіру комитеті.

БЖЗҚ-ның зейнетақы активтерін басқару Ұлттық банкке сеніп тапсырылған. 2016 жылдың 1 қаңтарынан бастап зейнетақы активтерін тиімді басқаруды жетілдіру бойынша шаралар ұсыну ұлттық қорды басқару жөніндегі кеңеске жүктелді.

Қазіргі зейнетақы заңнамасына сәйкес БЖЗҚ келесі қызметтерді атқарады: міндетті зейнетақы төлемдері, міндетті кәсіби зейнетақы төлемдері және ерікті зейнетақы төлемдерін қабылдау, зейнетақы төлемдерін жасау, зейнетақы жинағы мен төлемдерінің жеке есебін жүргізу.

1360
Кілт сөздер:
зейнетақы, басшы, БЖЗҚ
Тақырып бойынша
"Заң қабылданған жағдайда..." Қазақстандық мұғалімдер нені білуі тиіс?
Қазақстанда желтоқсанда орташа айлық жалақы 174 мың теңге болды
Министр Әбілқасымова кімдер зейнетке 53 жасында шығатынын айтты
Қазақстанда зейнетақы тағайындау әдістемесі өзгерді: биыл кім қанша алады?
Қазақстандықтар зейнетақы қорында қанша қаражат жинады?
Бірыңғай жиынтық төлемді онлайн төлей алмаған депутат министрге шағымданды
Онлайн калькулятор: болашақта қанша зейнетақы алатыныңызды білгіңіз келе ме?
Инвестиция, архивтегі фото

"Соңғы 100 жылда болмаған": Экономика министрлігі жағдай қалай өзгеретінін болжады

291
Алдағы уақытта қызмет көрсету саласы бірте-бірте қарқын ала бастайды. Қазақстан жыл соңына қарай біршама оң көрсеткішке қол жеткізеді

НҰР-СҰЛТАН, 8 шілде – Sputnik. Ұлттық экономика вице-министрі Мәди Такиев биыл экономикалық жағдайдың қалай өзгеретінін айтты, деп хабарлайды Sputnik Қазақстан тілшісі.

"Қазір бес айдың қорытындысы бойынша қызмет көрсету саласы 6,2 процентке төмендеді. Ал тауар өндіру динамикасы сақталып отыр. Осы саладағы өсім 4,8 процентті құрайды. Бұл – нақты көрсеткіштер", - деді Такиев онлайн брифингте.

"Ол кезде мені қолдамады": Тоқаев 12 жыл бұрынғы болжамы дәл келгенін айтты 

Вице-министр төтенше жағдаймен салыстырғанда екі апталық карантиннің жеңілдіктері басым екенін де ерекше атап өтті. Себебі бірқатар нысан жабылмай, өз жұмысын жалғастырып жатыр. Ал салық жеңілдіктері қараша айына дейін сақталады.

"Жалпы, алдағы уақытта қызмет көрсету саласы бірте-бірте қарқын ала бастайды. Өндірістік сектордың жоғары динамикасы сақталуда. Сондықтан жыл соңына қарай біз біршама оң көрсеткішке қол жеткіземіз деген болжам бар", - деп атап өтті Такиев.

Оның сөзіне қарағанда, бүгінде әлемдік экономика қатты қысқарып жатыр. Ондай жағдай соңғы 100 жылда болмаған. Оған коронавирус пандемиясы, сауда соғыстары, протекционизм мен энергия ресурстарының төмен бағасы кері әсерін тигізді. Осыған байланысты сәуірдің басында экономикалық болжам нақтыланып, республикалық бюджетке өзгерістер енгізілді.

291
Кілт сөздер:
Қазақстан, экономика
Тақырып бойынша
Тоқаев: экономиканы әртараптандыру үшін жаңа реформаларды жүзеге асыру қажет
Мемлекет басшысы азық-түлік бағасына қатысты тапсырма берді 
Карантиннен зардап шеккен кәсіпкерлер банкке өтініш бере алады
Қазақстанда "Цифрлық білім" бағдарламасы іске қосылады
Тоқаев "Астана" қаржы орталығының артықшылығын атады
Президент Қасым-Жомарт Тоқаев

Тоқаев "Астана" қаржы орталығының артықшылығын атады

40
(Жаңартылды 18:18 08.07.2020)
Мемлекет басшысының айтуынша, халықаралық қаржы орталығы Қазақстанның инвестициялық бағдарламасының тиімді жүзеге асуына атсалысады

НҰР-СҰЛТАН, 8 шілде – Sputnik. Президент Қасым-Жомарт Тоқаев "Астана" халықаралық қаржы орталығы (АХҚО) сотының жаңадан тағайындалған төрағасы Лорд Манстың ресми ант беру рәсіміне онлайн форматта қатысты, деп хабарлайды Ақорда сайты.

Мемлекет басшысы өз сөзінде, Қазақстан халықаралық стандарттарға сай келетін заманауи, кәсіби және тәуелсіз сот жүйесін қалыптастыруға ерекше көңіл бөлетінін атап өтті. Осы орайда тұңғыш президент – Елбасы Нұрсұлтан Назарбаевтың бастамасымен "Астана" халықаралық қаржы орталығының сотын құру арқылы еліміз сот жүйесіндегі құрылымдық реформаларға бейілді екенін тағы бір мәрте анық айқындап отыр.

Сондай-ақ, Тоқаев "Астана" халықаралық қаржы орталығының соты Қазақстанда жұмыс істеп жатқан немесе елімізге келуді жоспарлап отырған инвесторларға әлемдегі барлық ірі қаржы орталықтарындағыдай лайықты соттармен, сот процесстерімен, тәжірибесімен және стандарттарымен жұмыс істеуге мүмкіндік беретініне тоқталды.

"Жалпы құқық бойынша тәжірибелі соттар өздерінің бейтараптылығымен, әділдігімен және бармақ басты, көз қыстыға көнбейтіндігімен танымал. Сондай-ақ олар сот жүйесінің тұрақтылығы мен құқық бұзылмауының кепілі", – деді президент. 

Қасым-Жомарт Тоқаевтың пікірінше, пандемия мен мұнай бағасының құлдырауынан туындаған қазіргідей дағдарыс кезінде ел экономикасын қайта қалпына келтіру жұмысында, инвестиция тарту барысында "Астана" халықаралық қаржы орталығының маңызы арта түскен. 

"АХҚО сенімді қаржылық платформа ұғымының синониміне айналып, шетелдік инвесторлардың Қазақстанға деген сенімін арттыруы керек. Өз кезегінде "Астана" халықаралық қаржы орталығының маңызды бөлігі ретінде қаржы орталығының тәуелсіз сот жүйесінің жалпы құқық бойынша сотына АХҚО-ның қызметінде ерекше рөл атқарады. Соған сәйкес Қазақстанның инвестициялық бағдарламасының тиімді жүзеге асуына атсалысады", – деді мемлекет басшысы. 

Оқи отырыңыз: Пандемия дәстүрді бұзды – Тоқаев Астана күніне арналған шараға бармады

Шара соңында Қазақстан президенті Лорд Вульфке қаржы орталығының сот жүйесін құру барысында сіңірген еңбегі үшін алғыс айтып, Лорд Мансқа АХҚО сотының төрағасы ретіндегі жұмысына табыс тіледі.

40
Кілт сөздер:
Қасым-Жомарт Тоқаев, "Астана" қаржы орталығы
Тақырып бойынша
Қазақстанда Назарбаевқа ескерткіш ашылды: Тоқаев сөз сөйледі
Тоқаев Ұлттық домбыра күнімен құттықтады
"Бұған жол беруге болмайды": Тоқаев жұртты алаңдатқан мәселе туралы айтты
Тоқаев Назарбаевты қалай құттықтады – фото
Тоқаев ел азаматтарын дүрбелеңге салынбауға шақырды
Дәрігер, коронавирус

Мен көрген қиындықты ешкімнің басына салмасын Түркістан әкімі 

0
Коронавирус жұқтырған Түркістан қаласының әкімі желіде жазба жариялап, дәрігерлердің арқасында аман қалғанын айтты

АЛМАТЫ, 8 шілде – Sputnik. Түркістан әкімі Рашид Аюпов коронавирус инфекциясын жұқтырған соң бірнеше ішкі ағзасының зақымданғанын хабарлады. Бұл жайында қала әкімі Facebook парақшасында жазды.  

"Осы екі апта ішінде дұғада болған әр адамның арқасында, Алланың қалауымен ел қатарына қайта оралу мүмкіндігі бұйырып отыр. Тез арада асқынып кеткен аурудан қолынан келгенше қолдап, аман алып қалған дәрігерлерге алғысымды сөзбен жеткізу қиын. Бұл ауру, өкінішке қарай, салдарсыз өтпеді. Бірнеше ішкі ағза жұмысын тоқтатты, енді қайта қалпына келтіру қажет болып тұр. Әлі де ұзақ уақыт оңалу шараларын жасаймын",- деп жазды қала әкімі.

Айтуынша, коронавирусқа тапсырған кейінгі тест әлі де инфекцияның ағзадан кете қоймағанын көрсеткен. Соған қарамастан қала әкімі қызметіне кіріспек.

"Елге қызмет етуге қайта ораламын. Әрине, барлық сақтық шарасын орындаймын. Дәл қазір жағдай ешкімге де оңай болып тұрған жоқ. Біртіндеп, бірігіп, жағдайды қайта жақсартып аламыз деп сенемін", - деп жазды Аюпов.

Сонымен қатар қала басшысы барлық сақтық шарасын орындау қажет екенін тағы да еске салды.

"Мен көрген қиындықты ешкімнің басына салмасын деп тілеймін. Ең маңыздысы – бетперде тағып жүру. Жасы үлкендерді барынша қорғап қалуға тырысайық", - деп толықтырды Аюпов.

Сондай-ақ, жағдайға байланысты көмек қолын созуға мүмкіндігі бар кәсіпкерлерден байланысқа шығуын сұрады.

"Еліміздегі жағдайды бәріміз көріп отырмыз. Жоққа шығаруға тырысудың, көз жұма қараудың еш мәнісі болмаған, қазір де жоқ. Қиын қыстау заманда елімізге бірігіп қол ұшын созайық",- деді Аюпов.

Оқи отырыңыз: Коронавируспен ауырған Алматы облысының әкімі Нұр-Сұлтанға жеткізілді 

Айта кетейік, 22 маусымда Түркістан қаласының әкімі Рашид Аюповтың коронавирус жұқтырғаны белгілі болды.

Одан бөлек Қазақстанның тұңғыш президенті Нұрсұлтан Назарбаев, мәжіліс төрағасы Нұрлан Нығматулин, бұрынғы денсаулық сақтау министрі Елжан Біртанов, депутат Бекболат Тілеухан, премьер-министрдің орынбасары Ералы Тоғжанов коронавирус жұқтырды.

8 шілдеде коронавирус табылған Алматы облысының әкімі Амандық Баталов жүрек жеткіліксіздігіне байланысты Нұр-Сұлтан қаласындағы кардиология орталығына жатқызылды.

0
Кілт сөздер:
коронавирус, әкім, Түркістан
Тақырып:
Коронавирус эпидемиясы
Тақырып бойынша
"Кім емдейді?": Көлгінов астаналықтарға үндеу жасады
Қостанай облысының әкімі коронавирус жұқтырды
Павлодар облысының әкімі өңірде дәрігер жетпей жатқанын айтты
Шымкент әкімі желіде тарап кеткен видео туралы айтты