Қазақ-қырғыз шекарасы

Қазақ-қырғыз шекарасында не болып жатыр: министрлік жауап берді

627
Қаржы министрлігінің мемлекеттік кірістер комитеті қазақ-қырғыз шекарасындағы "Қарасу" өткізу бекетіндегі жағдайды түсіндірді

НҰР-СҰЛТАН, 5 сәуір – Sputnik. Қырғызстаннан шыққан транзиттік тауарлар Ресей шекарасына жетпей, Қазақстан нарығына түседі. Осындай жағдайлар жиілеп кеткен соң, қазақстандық тарап шекарада бақылауды күшейтуге мәжбүр болған, деп хабарлайды Sputnik Қазақстан тілшісі.

Қаржы министрлігі мемлекеттік кірістер комитеті төрағасының орынбасары міндетін атқарушы Қуат Рақымов қазақ-қырғыз шекарасындағы "Қарасу" өткізу бекетінде жүк көліктерінің неге кептеліп тұрғанын түсіндірді. Айтуынша, осы жылдың қаңтарынан бастап мемлекеттік кірістер органы ҰҚК шекара қызметімен бірлесіп, шекарада бақылау жүргізген. Нәтижесінде бірнеше заң бұзушылық анықталыпты. Соның бірі – жанама салықтарға қатысты.

"Егер тауар Қырғызстаннан Қазақстанға тасымалданса, онда олар қосылған құн салығын төлеуі тиіс. Мәселен, құжатта тауар Қырғызстаннан транзитпен Ресейге жеткізіледі деп көрсетіледі. Алайда ол тауар Қазақстан-Ресей шекарасына жетпей, біздің елде қалып қояды. Осы жанама салықтарды өндіру өте өзекті мәселе болып отыр", - дейді Рақымов ОКҚ-де өткен брифингте.

Сондай-ақ, оның айтуынша, ілеспе құжаттарда көрсетілген тауар мен жүк көлігіне тиелген тауар мүлде екі түрлі.

"Тауар бағасы, саны мен көлемі төмендетіліп көрсетіледі", - деді ол.

Бұған қоса, қырғыз шекарасы арқылы үшінші елдерден Қазақстан аумағына жеткізілетін тауарлардың құны да жоғарылатылады.

"Осыған байланысты біз 27 наурызда шекарадағы бақылауды күшейттік. 27 наурыз бен 4 сәуір аралығында 1080 көлік өткізілді. 114 көлік бақылаудан бас тартып, тауардың ілеспе құжаттары дұрыс емес екенін бірден мойындап, кері қайтты", - деді Рақымов.

Ал Қырғызстанның өзінде өндірілген тауарлар мен құжаттары толық жүк көліктері шекарадан 15-20 минуттың ішінде өтеді.

Қазір, Рақымовтың айтуынша, шекарада 100-150 көлік кептеліп тұр.

"Қарасудағы" жағдай қалай шешіледі?

Қазақстандық тарап Қырғызстан кеден қызметінің басшылығымен екі кездесу өткізген.

"Шекарадағы бақылау шараларын бірлесіп өткізу туралы уағдаластық. Қырғыз тарапы тауардың кедендік құнын төмендету, декларацияға қатысты күдігімізді растады. Осы мәселелерді шешу үшін тиісті жұмыстар жүргізетін болды. Қазір біздің әріптестеріміз Бішкекте, бірлесіп жұмыс істеп жатыр. Жақын арада шекарадағы жағдай қалпына келеді деп ойлаймын", - деді Рақымов.

627
Кілт сөздер:
кеден, тауар, қазақ-қырғыз шекарасы
Тақырып бойынша
Қазақстан мен Өзбекстан шекарасында жүздеген көлік кептелісте тұр
Мәжіліс қазақ-қырғыз шекарасын шегендеу туралы шартты мақұлдады
Нығматулин қазақ-қырғыз шекарасындағы ұзын-сонар кезекті сынға алды
Жантүршігерлік қылмыс жасаған қырғызстандық Қазақстанға өтіп кетпек болған
Үш минут: Қазақстан-Қырғызстан шекарасында тексеріс қалай жүреді?
Токаев, Есимов и Бозумбаев

Тоқаев Есімовті Ақордада қабылдады

490
(Жаңартылды 18:36 07.08.2020)
Есімов мемлекет басшысына "Самұрық-Қазына" ұлттық әл-ауқат қорының" пандемиямен күрес кезіндегі қызметі жайында айтып берді

НҰР-СҰЛТАН, 7 тамыз – Sputnik. Президент Қасым-Жомарт Тоқаев "Самұрық-Қазына" ұлттық әл-ауқат қоры" АҚ басқарма төрағасы Ахметжан Есімовті қабылдады.

Кездесу барысында мемлекет басшысына "Самұрық-Қазына" ұлттық әл-ауқат қорының" пандемиямен күрес кезіндегі қызметі жайында баяндалды, деп хабарлайды Ақорда.

Есімов қордың биыл наурыз айында дәрігерлерге, полиция және әлеуметтік сала қызметкерлері үшін 6 миллион бетперде алуға қаржы бөлгенін айтты.

"Самұрық-Қазына" қорының басқарма төрағасы президентке компанияның денсаулық сақтау министрлігімен бірлесе атқарған жұмысы туралы мәлімет берді. Бірлескен іс-әрекеттің нәтижесінде қор қаржысына 100 жедел-жәрдем көлігі, 1000 оттегі концентраторы, 50 өкпені жасанды желдету аппараты, 1000 ипульстік оксиметр және 3000 вирусқа қарсы "Авифавир" дәрісі сатып алынған.

Ахметжан Есімов қор Нұр-Сұлтан және Алматы қалаларында салынатын жұқпалы аурулардың алдын алу және бақылау бойынша емханалардың құрылысына қаржы бөлетінін жеткізді.

Қор төрағасы президентке Ресеймен бірлесіп қолға алынған коронавирусқа қарсы вакцина өндіру жоспары жайында айтты.

Тағы оқыңыз: Тоқаев биліктің қалай өзгеретінін айтты

Кездесуде "Самұрық-Қазына" қорына қарасты компаниялардың қазіргі жағдайы да талқыланды. Ахметжан Есімов биыл үкіметке 120 миллиард теңге көлемінде дивиденд төленетінін, мұның 2017 жылмен салыстырғанда он есе көп екенін айтты.

Бұған дейін "Самұрық-Қазына" ұлттық қорға 50 миллиард теңге қаржыны мерзімінен бұрын аударған болатын.

490
Кілт сөздер:
Ахметжан Есімов, Қасым-Жомарт Тоқаев
Тақырып бойынша
Қазақстандықтарды дүрліктірген оқиға: Тоқаев тапсырма берді
Тоқаев: үкімет карантин режимін сақтау шараларын күшейтуге міндетті
Тоқаев білім министріне ұстаздарға қатысты екі маңызды тапсырма берді
Тоқаев елшіні қызметінен босатты
Сыртқы істер министрі Тоқаев қандай тапсырма бергенін айтты
Қызметкер, жұмыс

Агенттік жұмыстан кеткен басшылар туралы ақпарат жариялады

2676
(Жаңартылды 18:24 07.08.2020)
Сыбайлас жемқорлыққа қарсы іс-қимыл агенттігі қоластындағы қызметкерлердің сыбайлас жемқорлығы үшін басшыларды отставкаға жіберу және тәртіптік жазаға тарту нормасының орындалуы бойынша есеп берді

НҰР-СҰЛТАН, 7 тамыз – Sputnik. Сыбайлас жемқорлыққа қарсы іс-қимыл агенттігі қоластындағы қызметкерлердің сыбайлас жемқорлығы үшін басшыларды отставкаға жіберу және тәртіптік жазаға тарту нормасының орындалуы бойынша есеп берді, деп хабарлайды Sputnik Қазақстан тілшісі.

Ресми мәліметке сәйкес, индустрия және инфрақұрылымдық даму министрлігінің лауазымды тұлғасын тәртіптік жауапкершілікке тарту жоспарланған болатын. Атап айтқанда, индустриялық даму және өнеркәсіптік қауіпсіздік комитетінің төрағасы Қанат Баитовқа тікелей бағынатын қызметкер сыбайлас жемқорлық әрекетін жасаған. Заң бойынша комитет басшысы жауап беруі тиіс. 

"25 шілде күні комитеттің Ақмола облыстық департамент басшысы Молдағұловқа қатысты сот үкімі заңды күшіне енді. Мамыр айында ол бір топ адаммен алдын ала сөз байласу арқылы кәсіпкерден 700 мың теңге сомасында заңсыз сыйақы алып, өнеркәсіптік қауіпсіздік саласында аттестат алуға қатысты оң шешім қабылдауға уәде берді", - дейді агенттік мамандары. 

Департамент басшысы осы қылмыс үшін параның он есеге артық мөлшерін, яғни, 7 миллион теңге көлемінде айыппұл төлеуге міндеттелді. Мемлекеттік қызметте лауазым атқару құқығынан да өмір бойына айырылды. Алайда комитет төрағасы Баитов Молдағұловқа қатысты сот үкімінің заңды күшіне енуіне дейін өз еркімен қызметінен босатылды.

"Бұдан бөлек, Қостанай облысы әкімінің өкімімен білім басқармасының басшысы Цымбалюк өз еркімен жұмыстан кетті. 29 шілде күні оған бағынышты "Ақпараттандыру және білім сапасын бағалау орталығы" КММ-нің басшысы Павличенко қызметтерді мемлекеттік сатып алу туралы шарт бойынша кезекті төлемді жедел аударғаны үшін пара алған. Сот үкімі заңды күшіне енбеген", - деді құқық қорғаушылар.

 

2676
Кілт сөздер:
басшы, жұмыс
Тақырып бойынша
Қазақстанда бірнеше әкім отставкаға кетуге өтініш берді
"Ұпай жинайсыз деді": Тоқаев үкіметті неге отставкаға жібермегенін ашық айтты
Ұлттық ұланның лауазымды қызметкері ұсталды – видео
Әкімдікке қарасты кәсіпорынның былық-шылығы ашылды - видео
Қостанай әкімі отставкаға кетуі мүмкін 
Ливанға аттанып бара жатқан Қазақстанның әскери дәрігерлері

Қазақстандық әскери дәрігерлер Ливан астанасына аттанды

8
Ливан астанасына аттанған әскери дәрігерлердің көпшілігі ағылшын тілін жетік меңгерген мамандар

НҰР-СҰЛТАН, 8 тамыз – Sputnik. Қазақстан президенті – Қарулы күштер бас қолбасшысы Қасым-Жомарт Тоқаевтың тапсырмасына орай, Қарулы күштердің жеке құрамынан құралған әскери дәрігерлер тобы Ливан астанасына аттанды, деп хабарлайды қорғаныс министрлігінің баспасөз қызметі.

29 медицина маманы мен 4 аудармашы бар топ Нұр-Сұлтан – Ақтау – Бейрут бағыты бойынша ұшты.

"Бүгін таңертең Бейрут портындағы жарылыс салдарынан зардап шеккендерге медициналық көмек көрсету үшін әуе қорғаныс күштерінің әскери-көліктік авиация ұшағы Ливан астанасына аттанды. Әскери медицина қызметкерлерінің мақсаты зардап шеккендерге білікті медициналық көмек көрсету болып табылады", – делінген хабарламада.

Ведомство мәліметінше, топ құрамында жоғары білікті хирургтер, травматологтар, нейрохирургтер, анестезиолог-реаниматологтар, сондай-ақ хирургиялық салаға бейімделген орта медициналық персоналдар бар. Олардың көпшілігі ағылшын тілін жетік меңгерген.

Елдегі Covid-19 эпидемиясына байланысты топ құрамына инфекционист және терапевт дәрігерлер қосылмады.

Оқи отырыңыз: Тоқаев қазақстандықтардың қауіпсіздігі үшін Ливан президентіне қоңырау шалды

Айта кетейік, 4 тамыз күні Ливан астанасында әскери-теңіз күштерінің базасына жақын орналасқан Бейрут портының маңында қуатты жарылыс болып, 150-ден астам адам қаза болды. Бес мыңға жуық адам жарақат алды. Алайда, ауруханаларда орын жетіспеуінен зардап шеккендер стационар жағдайында ем қабылдай алмауда.

8
Кілт сөздер:
әскерилер, көмек
Тақырып бойынша
Тоқаев әскери жағдайда өзінің өкілеттігін кеңейту мәселесін заңдастырды
Ақмола облысында әскери дәрігер пневмониядан көз жұмды
Әскери роботтар өндірісіндегі серпіліс
Ресейдің әскери дәрігерлері Нұр-Сұлтан мен Алматыдағы госпитальдерде жұмысқа кірісті
Нұр-Сұлтанда иттің үргеніне ашуланған әскери қызметкер ерлі-зайыптының зәресін алды