Теңге

Сайлаудан кейін девальвация бола ма Ұлттық банк жауап берді

5264
(Жаңартылды 17:41 14.05.2019)
Ұлттық банк төрағасының орынбасары айтқандай, 9 маусымнан кейін айтарлықтай өзгерістер болмауы тиіс

НҰР-СҰЛТАН, 14 мамыр – Sputnik. Қазақстанның Ұлттық банкінің басшылығы девальвацияға қатысты пікір білдірді, деп хабарлайды Sputnik Қазақстан тілшісі.

Банк төрағасының орынбасары Олег Смоляковтың сөзіне қарағанда, бірінші тоқсанның қорытындысы бойынша жарияланған төлем балансының статиcтикасы бойынша тауарлар мен қызметтердің айырбасы +800 миллион АҚШ долларын құрайды.

Тағы оқыңыз: Қазақстанда қаржылық реттеу агенттігі қайта құрылады

"Мәселен, өткен жылы бірінші тоқсанда - 900 миллион доллар болған. Негізі, төлем балансының тарихына қарасақ, бізде ағымдағы операциялардың "дефициттік есепшоты" жиі болады. Бұл дегеніміз елге келетін валютаға қарағанда ақша жұмсауымыз басым. Ал өткен жылдың төртінші тоқсанында +1,5 миллиард АҚШ доллары болды. Оған бірінші тоқсанның +800 миллионын қосыңыз, сонда таза 2,4 миллиард доллар елге келіп отыр. Ол кететін ақшадан көп", - деді Смоляков журналистерге берген сұқбатында.

Оның айтуынша, қазіргі мұнай бағасы, рубльдің бағамы, депозиттердің динамикасы және тағы басқа факторлар бір қалыпты және теңгенің бағамына айтарлықтай әсер етіп тұрған жоқ.

"Бүгінде түрлі қауесеттер девальвация туралы әңгімені көбейтіп отыр. Ұлттық банк валютаның бағамын реттемейді. Біздің негізгі міндетіміз – инфляция. Оны проценттік мөлшерлеме арқылы реттеп отырамыз. Ал айырбас курсын реттеуге қатысты ешқандай міндетіміз жоқ", - деп атап көрсетті Ұлттық банк төрағасының орынбасары.

Ал журналистердің "Сайлаудан кейін девальвация бола ма?" деген сұрағына ол "жоқ" деп қысқа қайырды. Бірақ 9 маусымнан кейін айтарлықтай өзгерістердің болмайтынына кепілдік берген жоқ.

Тағы оқыңыз: Қазақстанда ЖІӨ-нің өсу қарқыны артты

"Курс күнде өзгеріп жатады. Бірақ айтарлықтай өзгерістер болмауы керек. Мәселе мынада, қазіргі кезде біз мүлдем басқа жағдайда өмір сүріп жатырмыз. Бірақ әлі күнге дейін артқа жалтақтап жатамыз. Ол кезде ақша-кредиттік режиміміз басқаша болды. Курстың нақты бағамы белгіленіп отырды. Біз саналы түрде курстың ауытқуын барынша төмендеп, өзіміз реттеп отырдық. Содан неше түрлі қауіп-қатерлердің салдарынан девальвация болатын. Қазір мүлдем басқаша режим", - дейді Олег Смоляков.

5264
Кілт сөздер:
Ұлттық банк, теңге бағамы, президент сайлауы
Банк карталары

Маман банк картасымен қай жерде төлем жасау қауіпті екенін айтты

2426
(Жаңартылды 16:16 13.08.2020)
Маман алаяқтарға алданып қалмау үшін бірқатар ережені сақтау керек екенін айтып отыр. Сол кезде карта арқылы төлем жасауға болады

НҰР-СҰЛТАН, 13 тамыз — Sputnik. Қазіргі уақытта банк картасымен төлем жасау үйреншікті жағдайға айналды. Алайда интернет арқылы сатып алынатын заттардың ақшасын картамен төлеу әлі де қауіпті. Өйткені интернет алаяқтар түрлі тәсілдерді қолданады, деп хабарлады РИА Новости қауіпсіздік жүйелері орталығының бөлім басшысы Алексей Сизовқа сілтеме жасап.  

"Қазіргі уақытта жалған сайттар көп. Тауарға төлем жасап, алаяқтардың торына түсіп қалу қаупі бар. Мұндай сайттардың көбінесе шынайы сайттардан еш ерекшелігі болмайды", - дейді маман.

Алаяқтарға алданып қалмау үшін бірқатар ережені сақтау керек. Біріншіден, тек онлайн сатып алуға арналған жеке есепшоты бар арнайы карта керек. Оның ішіне сатып алынатын тауар құнынан артық ақша салмаған жөн.

"Екіншіден, тексерілмеген сайттардан қомақты сомаға тауар сатып алмау керек. Үшіншіден, өзіңіздің жеке ақпаратыңызды ешкімге айтпаңыз. Банк немесе дүкен қызметкері хабарласса да, жеке ақпаратты бөлісуге болмайды", - Сизов.

Тағы оқыңыз: Kaspi.kz арқылы ақша аударуға тыйым салына ма – министрлік жауабы

2426
Кілт сөздер:
төлем, банк
Тақырып бойынша
Елордалық депутат Kaspi Gold иелерін 3% салық төлеуге міндеттеуді ұсынды
Қазақстанда интернет арқылы қанша ақша табуға болады
Облыс әкімінің орынбасары Kaspi Gold-қа ақша аударуға қатысты мәлімдеме жасады
Мәжіліс депутаттары банк картасы бойынша комиссияны азайтуды сұрады
Байланыс операторлары интернет неге баяу істеп тұрғанын түсіндірді
Теңге, ақша

"Атаулы әлеуметтік көмек қысқартылады": ақпаратқа қатысты түсініктеме берілді

4400
(Жаңартылды 10:46 12.08.2020)
Карантин кезінде әлеуметтік жәрдемақы алушылардың табысы есептелмей, автоматты түрде ақша аударылып отырды

АЛМАТЫ, 12 тамыз – Sputnik. Жұмыспен қамту орталығы Қазақстандағы төтенше жағдай кезінде астаналықтарға атаулы әлеуметтік көмек қысқартылмағанын мәлімдеді. Бұл жайында қала әкімдігінің ресми сайтында хабарланды.

Ведомство 2020 жылдың екінші тоқсанында төтенше жағдай режимі кезінде атаулы әлеуметтік көмек кірісті қайта есептеместен автоматты түрде тағайындалғанын айтты. Ал үшінші тоқсанда кірісті есептеу қарастырылған.

"Әлеуметтік желіде осы айда 2020 жылдың II тоқсанымен салыстырғанда атаулы әлеуметтік көмек қысқартылғаны туралы ақпарат тарап жатыр. 2020 жылдың шілде айынан бастап карантин шараларын сақтау аясында Нұр-Сұлтан қаласында АӘК есептеу II тоқсанындағы кірісті есептеуді ескере отырып, 2 941 отбасына автоматты түрде тағайындалды. Сондай-ақ "Электронды үкімет" веб-порталының "Электронды өтініш" бөлімі арқылы өтінім жіберген 160 жаңа өтініш берушіге АӘК есептелді", - делінген елорда әкімдігінің баспасөз қызметінің ақпаратында.

Қаланың барлық тұрғыны атаулы әлеуметтік көмек тағайындау, төлеу және алу шарттары туралы сұрақтар бойынша 8 7172 57 88 88 телефонына хабарласа алады. Кеңес беру әрбір өтініш берушімен жеке жүргізіледі.

Астаналықтар АӘК тағайындауға өтінішті "Электронды үкімет" сайтында "электронды өтініш" бөлімі немесе czasp@astana.kz электронды поштасы арқылы бере алады, деп толықтырды Нұр-Сұлтан қаласының халықты жұмыспен қамту орталығы.

Айта кетейік, 14 шілдеде премьер-министр Асқар Мамин үкімет отырысында еңбек және халықты әлеуметтік қорғау министрлігіне АӘК-ті III тоқсанға тағайындауды белсенді түрде жүргізу туралы тапсырма берді.

Еңбек министрлігі атаулы әлеуметтік көмек тағайындау 121 мың отбасының 625 мың мүшесіне автоматты түрде ұзартылғанын хабарлады. Екінші тоқсанда 561 мың қазақстандық мемлекеттік инстанцияларға жүгінбей автоматты түрде жәрдемақы алды.

4400
Кілт сөздер:
Нұр-Сұлтан, түсініктеме, атаулы әлеуметтік көмек
Тақырып бойынша
Атаулы әлеуметтік көмек алатын отбасылар үшін жағымды жаңалық шықты
Қазақстанда бала үш жасқа толғанға дейін жәрдемақы төленуі мүмкін
"167 мың теңге алатындар бар": министр жәрдемақы туралы айтты
Қазақстанда 1-3 баласы бар отбасыларға жәрдемақы төлене ме – министрдің жауабы
Көпбалалы отбасылар жаңа жәрдемақы ала бастады
АРТиШОК театры

Қазақстанда 14 тамызда қандай маңызды оқиғалар болады

0
(Жаңартылды 16:53 13.08.2020)
Sputnik Қазақстан 14-20 тамыз аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

14 ТАМЫЗҒА ЖОСПАРЛАНҒАН ШАРАЛАР

10.00 – АRTиШОК театры спектакльдерде қолданылған реквизиттер, костюмдер, әртістердің портреті мен жеке заттарын сатады. Өтетін орны: 28 Панфиловшы паркіндегі АRTиШОК театрының жазғы алаңы.

12.20 – Орталық коммуникациялар қызметінде "Бизнестің жол картасы" мемлекеттік бағдарламасының жүзеге асырылуына арналған брифинг өтеді.  Трансляцияны Орталық коммуникациялар қызметінің Youtube және Facebook-тегі ресми парақшасынан көруге болады.

19.00 - Нұр-Сұлтан қаласы әкімдігі мемлекеттік академиялық филармониясының концерті (Мәдениет және спорт министрлігінің Youtube каналында трансляцияланады).

15 ТАМЫЗҒА ЖОСПАРЛАНҒАН ШАРАЛАР

11.00 – Мүмкіндігі шектеулі спортшылардың барлық санаты арасында шахматтан ашық онлайн турнир. Жарысқа есту, көру және тірек-қимыл кемістігі бар спортшылар қатыса алады.  Жарыстар Қазақстанда 2020 жылы 16 тамызда аталып өтетін Спорт күніне орайластырылған. Турнирді Нұр-Сұлтан әкімдігінің бұқаралық спорттық шаралар дирекциясы Мүгедек спортшыларға арналған балалар мен жасөспірімдер спорт мектебімен бірлесіп ұйымдастырып отыр. (+7 701 641 36 58 телефоны арқылы тіркелуге болады).

18.00 – "Бетховен – Бессмертие - Любовь" балеті, "Астана Опера" театры (трансляция tengri.tv-да).

19.00 - Кенен Әзірбаев атындағы Жамбыл облыстық филармониясының концерті (Мәдениет және спорт министрлігінің Youtube каналында трансляцияланады).

16 ТАМЫЗҒА ЖОСПАРЛАНҒАН ШАРАЛАР

12.00 – "Классика детям" - "Музыка рисует и показывает" концерті, "Астана Опера" театры (Трансляция tengri.tv-да).

19.00 – "Салтанат" мемлекеттік би ансамблі ұжымының жазып алынған қойылымдары көрсетіледі (Мәдениет және спорт министрлігінің Youtube каналында трансляцияланады).

20 ТАМЫЗҒА ЖОСПАРЛАНҒАН ШАРАЛАР

19.00 - "Тоска" операсы, "Астана Опера" театры (трансляция tengri.tv-да)

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0