Мәжіліс төрағасы Нұрлан Нығматулин

"Ұялмаңыздар" Нығматулин Досаевтан айыппұлды көтеруді талап етті

2293
Мәжілісте қаржы нарығын реттеу мен дамыту және микроқаржылық қызмет мәселелері туралы заң жобасы қаралды

НҰР-СҰЛТАН, 22 мамыр – Sputnik. Мәжіліс төрағасы Нұрлан Нығматулин ұлттық банк төрағасы Ерболат Досаевқа екінші деңгейлі банктерге салынатын айыппұл сомасын көбейтуді ұсынды, деп хабарлайды Sputnik Қазақстан тілшісі.

Бүгін мәжілістің жалпы отырысында қаржы нарығын реттеу мен дамыту және микроқаржылық қызмет мәселелері туралы заң жобасы қаралды. Сұрақ-жауап барысында төменгі палата депутаты Аманжан Жамалов екінші деңгейлі банктерге салынатын айыппұл мөлшері туралы сұрады. Депутаттың айтуынша, заң жобасына сәйкес, валюта заңнамасын екінші қайтара бұзған банктерге 15 АЕК мөлшерінде айыппұл салу қарастырылған. Биыл 1 АЕК 2 525 теңге екенін ескерсек, айыппұл сомасы 37 875 теңгеге тең.

Тағы оқыңыз: "Бос сөзді қойыңдар" Нығматулин вице-министрге шүйлікті

"Банктерге арналған айыппұлдың осы мөлшері қалай есептеліп отыр? Өйткені әкімшілік құқық бұзушылық туралы кодекске сәйкес, бізде қаржы ұйымдарына банк заңнамасының талаптарын орындамағаны үшін 50-ден 1000 АЕК-ке дейін айыппұл салынады. Ал валюта заңнамасын орындау банк заңнамасын орындаудың бір бөлігі емес пе", - деді Жамалов.

Досаевтың айтуынша, қолданыстағы заңнамаға сәйкес, валюта заңнамасын бұзғаны үшін банктерге онсыз да 15 АЕК айыппұл салынып келеді. Енді, қаралып отырған заң жобасына сәйкес, егер қандай да бір банк заңды екінші рет бұзса, онда оған тағы да 15 АЕК деңгейінде айыппұл салу көзделіп отыр.

"Бұл жаңа норма емес, ол ұлғаймайды. Қазақстанның қаржыгерлер қауымдастығымен кеңескеннен кейін, 15 АЕК – әкімшілік айыппұлдың қолайлы мөлшері деп санаймыз", - деді ұлттық банк төрағасы.

Алайда мәжіліс спикері Нұрлан Нығматулин банктер үшін 15 АЕК тым аз деп есептейді.

"Екінші деңгейлі банк үшін 15 АЕК деген не? 38 мың теңге банк үшін ақша ма? Былай қарасаң, 50 АЕК те соншалық көп емес. Оның үстіне бұл жерде банк заңнамасын екінші рет бұзу жайы айтылып отыр. Бұл тым аз", -деп ашуланды ол.

Тағы оқыңыз: Ұлттық банк Алматыдан Нұр-Сұлтанға көшірілуі мүмкін

Төменгі палата төрағасы Ерболат Досаевтан айыппұл сомасын ұлғайту қажеттігін айтты.

"Ерболат Асқарбекұлы, ұялмаңыздар. Екінші оқылымға дейін заңнама талаптарын екінші қайтара бұзған банктер үшін ойға қонымды айыппұл мөлшерін енгізіңіздер. Менің ойымша,бұл объективті болады. Келістік пе?", - деп сұрады ол.

Досаев мәселені пысықтауға уәде берді.

2293
Кілт сөздер:
айыппұл, Ерболат Досаев, Нұрлан Нығматулин
Тақырып бойынша
Сайлаудан кейін девальвация бола ма – Ұлттық банк жауап берді
Қазақстандықтар кредитке 15 миллион доллар қарыз болып қалған
Қазақстанда 4 категориядағы адамдардың ипотекалық қарызы кешірілмек
Кредит тарихы нашар қазақстандықтар жұмысқа қабылданбауы мүмкін
Ұлттық банк салмағы 1 кг тартатын монета шығарды
Мұнай бұрғылау қондырғысы мен ОПЕК таңбасы

Қазақстанның ОПЕК+ келісімі аясында қалай жұмыс істеп жатқаны айтылды

37
Министрліктің хабарлауынша, Қазақстан келісім міндеттемелерін орындағаны туралы деректерді ОПЕК+ хатшылығына жолдаған

АЛМАТЫ, 5 тамыз – Sputnik. Қазақстан ОПЕК+ келісімі аясында қабылданған міндеттемелерді орындап жатыр. Келісімге сәйкес, Қазақстанның шілде айындағы міндеттемелері тәулігіне 1,319 миллион баррельді құрайды. Бұл жайында энергетика министрлігінің баспасөз қызметі хабарлады.

Алдын ала келтірілген мәлімет бойынша, шілде айында орташа тәуліктік өндіру тәулігіне 1,313 миллион баррель немесе міндеттемелердің 101%-ін құрады.

Министрліктің хабарлауынша, республика келісімнің міндеттемелерін орындағаны туралы деректерді ОПЕК+ хатшылығына жолдады.

Айта кетейік, Қазақстан сәуір айында ОПЕК+ қатысушы елдер арасында 2020 жылдың мамыр-шілдесінде мұнай өндіруді тәулігіне 9,7 миллион баррельге дейін ұжымдық қысқарту туралы келісім бойынша жаңа міндеттемелерге қосылды.

"ОПЕК+ келісіміне қатысу сұраныспен ұсыныс теңгерімін және мұнай бағасын қалпына келтіруге бағытталған. Қоймаларда мұнайдың толып кету қаупін болдырмау үшін энергетика министрлігі орта, ірі және алып кен орындарында өндірісті шектеу туралы шешім қабылдаған болатын", - делінген ақпаратта.

Мәмілеге қатысу арқасында нарықтың барлық қатысушысы мұнай өндірудің бақылануына және біртіндеп төмендеуіне қол жеткізді. Бұл әлемдік мұнай саласына оң әсеретті, деп толықтырды ведомство.

Оқи отырыңыз: Мұнай бағасы төмендеуінің себебі айтылды

37
Кілт сөздер:
мұнай бағасы, мұнай
Тақырып бойынша
"Өте ауыр жағдайға түсеміз": мұнай саласының маманы коронавирустың салдары туралы айтты 
Ноғаев: ОПЕК+ келісіміне қосылудың нәтижесінде мұнай өндіру тоқтаған жоқ
Мұнай саласында үш жарым мың адам жұмыссыз қалды – министр
"Мұнай дәуірінің" аяқталып келе жатқаны рас па
Энергетика министрі эпидемия мұнай саласына қалай әсер еткенін айтты
Ақша, дәрі

Медициналық сақтандыру қоры қазақстандықтардың наразылығына жауап берді

83
(Жаңартылды 12:48 05.08.2020)
Қазақстандықтар міндетті әлеуметтік медициналық сақтандыру жүйесінде қандай жағдайда сақтандырылмай қалуы мүмкін және бұл мәртебені өзгерту үшін не істеу керек

АЛМАТЫ, 5 тамыз – Sputnik. Әлеуметтік желіде азаматтар міндетті әлеуметтік медициналық сақтандыру жүйесінде кейбірінің сақтандырылмағанын, яғни  медициналық көмек алу мүмкіндігінен айырылғанын талқылап жатыр.

Медициналық сақтандыру қоры азаматтың үнемі жарна салып отырғанына қарамастан, не себепті мұндай жағдай туындап отырғанын түсіндірді.

"Міндетті әлеуметтік медициналық сақтандыру жүйесі туралы" заңның 5-бабына сәйкес, МӘМС жүйесіне жарналар ай сайын, қарызсыз түсіп отыруы тиіс. Бұл ретте әлеуметтік медициналық сақтандыру қорына төлем тікелей емес, "Азаматтарға арналған үкімет" мемлекеттік корпорациясы арқылы түседі. Төлем бірқатар тексеруден өтеді", - делінген медициналық сақтандыру қоры хабарламасында.

Демек, қандай да бір берешек анықталған жағдайда сақтандыру мәртебесі берілмейді. Сонымен қатар бірыңғай жиынтық төлем де тексеруден өтеді.

Төлем қалай тексеріледі

"Saqtandyrý" ақпараттық жүйесіне мемлекеттік корпорациядан төлем туралы деректер түскен кезде сол төлемнің түрі анықталады, яғни БЖТ (бірыңғай жиынтық төлем) немесе БЖТ емес екені нақтыланады.

Содан кейін тұтынушыда алдыңғы 12 кезеңде берешектің бар-жоғына тексеру жүргізіледі. Берешек болған жағдайда сақтандыру мәртебесі берілмейді, бұл төлемшінің кез келген санатына қатысы бар.
Егер қарыз болмаса және төлем түрі БЖТ емес болса (яғни жеке кәсіпкер, жалдамалы қызметкер, жеке төлемші жарнасы), сақтандыру мәртебесі келесі үш айға беріледі. Алайда берешекті болдырмау үшін келесі айларда МӘМС үшін жарна төлеуді жалғастыру қажет.

Егер берешек жоқ болса және бірыңғай жиынтық төлем болса, онда өткен екі ай үшін БЖТ төлемдерінің бар-жоғына тексеру жүргізіледі. Егер олар болса, сақтандыру мәртебесі сол айдың соңына дейін беріледі. Олар болмаған жағдайда сақтандыру мәртебесі берілмейді.

Төлем түскен сайын Saqtandyrý жүйесі 12 ай ішінде төлемшінің барлық жарнасының сақтандыру мәртебесін қайта есептейді.

Қордағы мәртебені қалай өзгертуге болады

Егер азамат өзінің "сақтандырылмағанын" анықтаса және оның берешегі болса, "Азаматтарға арналған үкіметке", медициналық әлеуметтік сақтандыру жүйесі әкімшілік басқармасына (МӘМС мәселесі бойынша) жүгінуі қажет: 8 (7172)55 21 00, ішкі нөмір 10-537, 10-452, 10-292, 10-437.

Төлемдердің болуы немесе болмауы туралы, сондай-ақ 12 күнтізбелік ай ішінде жүзеге асырылған қайтарымдар туралы ақпаратты "электрондық үкімет" порталында "медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесіндегі аударымдардың және (немесе) жарналардың аударылған сомалары туралы ақпарат беру" электрондық мемлекеттік қызметіне тапсырыс беріп біле алады.

Сонымен қатар азамат "сақтандырылмаған" болса, Telegram-дағы SaqtandyryBot арқылы тексеруге болады.

МӘМС жүйесі Қазақстанда 1 қаңтардан бастап толық күшіне енді. Жұмыс берушілердің медициналық сақтандыру қорына аударымдары 2017 жылдың шілдесінде әрбір қызметкердің өз қаражаты есебінен кіріс мөлшерінің 1%-ін аударудан басталды.

2019 жылы жұмыс берушілер әр қызметкер үшін 1,5%, 2020 жылы 2% және 2022 жылы 3% аударады. Бұл сондай-ақ жалдамалы жұмыскерлері бар жеке кәсіпкер және шаруа қожалығы иелеріне де қатысты.

83
Кілт сөздер:
қазақстандықтар, медициналық сақтандыру қоры
Тақырып бойынша
Медициналық сақтандыру қорының басшылығы қанша жалақы алады?
Медициналық сақтандыру: екі жұмыс болса, жарна қалай аударылады?
Медициналық сақтандыру қоры енді әрбір науқасқа 1,7 миллион теңгеге дейін бөледі
Медициналық сақтандыру қорында қанша ақша бар – басшылық жауап берді
Медициналық сақтандыру қорының бұрынғы басшылығы тергеуге алынды
Архивтегі фото

Қазақстан ескекшілері "Үлкен Мәскеу регатасына" қатысады

0
Ресей ескек есу федерациясы Қазақстан спортшыларының қандай талаптарды орындауы тиіс екенін хабарлады

НҰР-СҰЛТАН, 5 тамыз – Sputnik. Қазақстан спортшылары "Үлкен Мәскеу регатасы-2020" сайысына қатысатынын растады. Ресей ескек есу федерациясының президенті Алексей Свирин Sputnik Қазақстанға ұлттық құраманың ескекшілері өз елінде коронавирусқа тест тапсыратынын айтты.

Жарыс 7-9 тамыз аралығында Крылатское есу каналында өтеді. Үлкен Мәскеу регатасына ресейліктерден бөлек, Қазақстан, Молдова және Беларусь спортшылары қатысады.

"Біз барлық талапты жібердік, жарысқа қатысатындар оны орындауы тиіс. Олар өз елінде тест тапсырады", - деп мәлімдеді Свирин.

Ол шетелдік құрамалардың мүшелері тест тапсырғаннан кейін көп ұзамай Мәскеуге жететініне сенім білдірді.

"Бұл туралы ешқандай сұрақ туындамайды. Барлық құрама Есу каналында, бір жерде тұрады", - деп атап өтті Свирин.  

Сайыстар кезінде ұйымдастырушылар спортшылар мен делегация мүшелерінің денсаулығына күнделікті мониторинг жүргізіп, дене қызуын өлшеп тұрады. Егер күдік болса, шара қолданады.

0