Ерболат Досаев

"Талқылауға зауқым жоқ" Досаев девальвация жайлы қауесетке түсініктеме берді

367
(Жаңартылды 14:01 22.05.2019)
Ұлттық банк төрағасы елімізде инфляциялық таргеттеу саясаты толық көлемде жүзеге асырылып жатқанын атап өтті

НҰР-СҰЛТАН, 22 мамыр – Sputnik. Қазақстанда валюта саясаты тұрақты. Бұл туралы ұлттық банк төрағасы Ерболат Досаев айтты, деп хабарлайды Sputnik Қазақстан тілшісі.

Ұлттық банк төрағасы желіде тараған 9 маусым – президент сайлауынан кейін теңге құлдырайды деген қауесетке түсініктеме берді.

"Елде ақша-кредит саясаты, валюта саясаты тұрақты. Девальвация бола ма, болмай ма, оны талқылауға зауқым жоқ, ол жағын әлеуметтік желілерге қалдырдым. Мен өз жұмысымды істеуім керек. Ұлттық банк өз саясаты арқылы азаматтар мен бизнестің сенімін қайтарады. Егер саясат нарық жағдайына сәйкес келсе, бәрі жақсы болады деген сөз", - деді ол мәжіліс кулуарында.

Досаев елімізде инфляциялық таргеттеу саясаты толық көлемде жүзеге асырылып жатқанын атап өтті.

"Әлеуметтік желілер адамдардың өз пікірін айтуға, талқылауға деген мүмкіндіктерін кеңейтті. Бірақ қауесет әр заманда да болған", - деді ол.

Тағы оқыңыз: Нығматулин ұлттық банк төрағасынан айыппұлды көтеруді талап етті

Бұған дейін Досаевтың орынбасары Олег Смоляков та девальвацияға қатысты пікір білдіріп, президент сайлауынан кейін теңге бағамы күрт құбылмайтынын мәлімдеген еді.

367
Кілт сөздер:
инфляция, қауесет, Ерболат Досаев
Тақырып бойынша
"7-20-25" автокредиті берілмейтін болды – Ұлттық банк
Досаев теңге бағамы туралы айтты
Ұлттық банк: жалақының өсуі инфляцияға әсер етпейді
Тоқаев Ұлттық банк төрағасына теңге бағамына қатысты тапсырма берді  
Теңгенің алдағы тағдыры қандай болады? Министрлік жауап берді
Ұлттық банкті Алматыдан Нұр-Сұлтанға көшіру жоспарланып отыр
Загрузка...