Жәрмеңке

Министрлік азық-түлік бағасын төмендетудің жаңа әдісін ойлап тапты

725
(Жаңартылды 15:02 19.06.2019)
Әрбір облыс көкөністі диқандардан тікелей, төмен маржамен, делдалсыз сатып алуға мүмкіндік алады   

НҰР-СҰЛТАН, 19 маусым – Sputnik. Қазақстанның әр облысында көтерме-бөлу орталықтары салынады. Ол жеміс-жидек пен көкөністі тікелей ауыл шаруашылығы тауарын өндірушілерден сатып алуға мүмкіндік береді. Бұл туралы бүгін ұлттық экономика министрі Руслан Дәленов мәлімдеді, деп хабарлайды Sputnik Қазақстан тілшісі.

"Қазір көтерме-бөлу орталықтарын салу және олардың жұмысын ұйымдастыру жобасы жүзеге асып жатыр. Бұл жаңа дүние. Әрбір облыста осындай орталық салу жоспарланып отыр. Бұл жеміс-жидек пен көкөністі ауыл шаруашылығы тауарын өндірушілерден тікелей, төмен маржамен, делдалсыз сатып алуға және азық-түлік қымбаттаған кезде тауар интервенциясын жүргізуге мүмкіндік береді", - деді Дәленов ОКҚ-де өткен баспасөз мәслихатында.

Министр орталықтарды, өкінішке қарай, тез арада салып бітіру мүмкін емес екенін айтты. Бірақ, барлық облыста қазір құрылыс қарқынды жүріп жатыр.

"Біраз өңірде бұл орталық күзде жұмысын бастайды деп болжап отырмыз. Одан кейін олар тауар интервенциясын жүргізе алады", - деді ол.

Сондай-ақ, Дәленов базарлардағы азық-түлік бағасын қазір де өзі бақылап, қарап жүргенін айтты.

"Базар аралап, бағаны бақылап жүрмін. Бұл әкімдіктермен бірлесіп атқарылатын жұмыс. Әкімдіктерде шекті баға белгілеу сияқты тетіктер бар, тұрақтандыру қорлары жұмыс істейді. Біздің министрлікке азық-түлік бағасына қатысты азаматтардан арыз-шағым түсіп жатыр. Қазір талдау жүргізудеміз. Мүмкін, мен мұны қатты байқатып жүрген жоқ шығармын, бірақ мәселе тұрақты бақылауда", - деді министр.

 

725
Кілт сөздер:
азық-түлік, диқандар, көкөністер
Тақырып бойынша
"Жәрдемақы өскенде, азық-түлік қымбаттай ма?" - сенатор бағаны реттеу мәселесін көтерді
Министр Дәленов отставкаға кетуге дайын екенін мәлімдеді
Министр қанша қазақстандықтың жалақысы өсетінін айтты
Министр Дәленов: тариф арзандамаса, тікелей маған хабарласыңыздар
"Уайымдап жүр" Дәленов журналистерге ұрсып тастаған орынбарасы туралы айтты
"Мұның өзі жақсы" Нығматулин базар аралайтын министрді мақтады
Теңге, архивтегі фото

Еңбек министрлігі 21 250 теңгеге қатысты ақпарат жариялады

1788
(Жаңартылды 21:23 05.08.2020)
Жақын арада ақшалай қаражат азаматтардың шоттарына аударылады, деп хабарлады еңбек және халықты әлеуметтік қорғау министрлігі

НҰР-СҰЛТАН, 5 тамыз – Sputnik. Қазақстан аумағында карантиннің 2 аптаға созылуына байланысты біржолғы төлем алатын 969,5 мың адамға қосымша 21 250 теңге төленді.

"Осы бағыттағы жұмыс жалғасып жатыр. Жақын арада ақшалай қаражат азаматтардың шоттарына аударылады", - деп хабарлады еңбек және халықты әлеуметтік қорғау министрлігі.

Бұған дейін хабарланғандай, 2020 жылдың шілдесінде Мемлекеттік әлеуметтік сақтандыру қорынан біржолғы төлем алған қазақстандықтарға карантиннің ұзартылуына байланысты қосымша ақы автоматты түрде тағайындалады. Қайта өтініш берудің қажеті жоқ.

Карантин ұзартылғаннан кейін біржолғы төлем тағайындауға алғаш рет өтініш берген азаматтарға төлем 1,5 ең төменгі жалақы немесе 63 750 теңге (42 500 + 21 250 теңге) мөлшерінде тағайындалады.

Өтініш 2020 жылдың 1 қыркүйегіне дейін қабылданады.

Оқи отырыңыз: Ақорданың маңына жиналған бір топ адам кредиттің кешірілуін талап етті 

Айта кетейік, шілде айына 42 500 теңге мөлшерінде біржолғы төлем тағайындауға азаматтардан 2,4 миллионнан астам өтініш қабылданды. Төлем 2 миллион 201 мың адамға тағайындалып, оның 2 миллион 182 мыңына ақша түсті.   

Ал 42 500 теңге төлем алуға өтінімдер бірнеше жолмен қабылданады. 2,4 миллионнан астам өтінімнің ішінде 835,5 мың адам проактивті форматта төлем тағайындауға келісім берді.

"Тағы 621,4 мың адам Egov.kz порталы және telegram-боттар, 358,7 мың адам 42500.enbek.kz порталы, 634,8 мың адам екінші деңгейлі банктердің мобильдік қосымшалары мен интернет-ресурстары арқылы өтініш берген", - деп нақтылады ведомство.

1788
Тақырып бойынша
Қазақстанда 1 тамыздан бастап не өзгереді
"Қалай құдайдан қорықпайды?": Әбілдина кімге сенуге болмайтынын айтты
Депутат 42 500 теңге төлеуге қатысты тың ұсыныс жасады
Министрлік тамыз айында кімдер 63 мың теңге алатынын айтты
Қазақстанда қанша адамға 21 250 теңге берілетіні белгілі болды
Мұнай бұрғылау қондырғысы мен ОПЕК таңбасы

Қазақстанның ОПЕК+ келісімі аясында қалай жұмыс істеп жатқаны айтылды

65
Министрліктің хабарлауынша, Қазақстан келісім міндеттемелерін орындағаны туралы деректерді ОПЕК+ хатшылығына жолдаған

АЛМАТЫ, 5 тамыз – Sputnik. Қазақстан ОПЕК+ келісімі аясында қабылданған міндеттемелерді орындап жатыр. Келісімге сәйкес, Қазақстанның шілде айындағы міндеттемелері тәулігіне 1,319 миллион баррельді құрайды. Бұл жайында энергетика министрлігінің баспасөз қызметі хабарлады.

Алдын ала келтірілген мәлімет бойынша, шілде айында орташа тәуліктік өндіру тәулігіне 1,313 миллион баррель немесе міндеттемелердің 101%-ін құрады.

Министрліктің хабарлауынша, республика келісімнің міндеттемелерін орындағаны туралы деректерді ОПЕК+ хатшылығына жолдады.

Айта кетейік, Қазақстан сәуір айында ОПЕК+ қатысушы елдер арасында 2020 жылдың мамыр-шілдесінде мұнай өндіруді тәулігіне 9,7 миллион баррельге дейін ұжымдық қысқарту туралы келісім бойынша жаңа міндеттемелерге қосылды.

"ОПЕК+ келісіміне қатысу сұраныспен ұсыныс теңгерімін және мұнай бағасын қалпына келтіруге бағытталған. Қоймаларда мұнайдың толып кету қаупін болдырмау үшін энергетика министрлігі орта, ірі және алып кен орындарында өндірісті шектеу туралы шешім қабылдаған болатын", - делінген ақпаратта.

Мәмілеге қатысу арқасында нарықтың барлық қатысушысы мұнай өндірудің бақылануына және біртіндеп төмендеуіне қол жеткізді. Бұл әлемдік мұнай саласына оң әсеретті, деп толықтырды ведомство.

Оқи отырыңыз: Мұнай бағасы төмендеуінің себебі айтылды

65
Кілт сөздер:
мұнай бағасы, мұнай
Тақырып бойынша
"Өте ауыр жағдайға түсеміз": мұнай саласының маманы коронавирустың салдары туралы айтты 
Ноғаев: ОПЕК+ келісіміне қосылудың нәтижесінде мұнай өндіру тоқтаған жоқ
Мұнай саласында үш жарым мың адам жұмыссыз қалды – министр
"Мұнай дәуірінің" аяқталып келе жатқаны рас па
Энергетика министрі эпидемия мұнай саласына қалай әсер еткенін айтты
Архивтегі фото

Ордабасы ауданында коронавирус жұқтырған соңғы науқас жазылып шықты

0
Ауданда коронавирус инфекциясын жұқтырған 158 науқас тіркелген. Оның екеуі қайтыс болды. Қалғаны ауруханадан шыққан

НҰР-СҰЛТАН, 5 тамыз – Sputnik. Түркістан облысында Ордабасы аудандық орталық ауруханасының коронавирус инфекциясын жұқтырғандарға арналған инфекциялық бөлімі қазір бос тұр. Мұнда емделген соңғы науқас ауруынан толық сауығып шыққан.

"Парламент мәжілісінің депутаты Нұржан Әлтаев бастаған республикалық "Қоғамдық бақылау" өкілдері аудандық ауруханада болып, жағымды жаңалыққа куә болды", - деп хабарлады облыс әкімінің баспасөз қызметі.

Ордабасы аудандық орталық ауруханасы 120 мың халыққа қызмет көрсетеді. Ауданда коронавирус инфекциясын жұқтырған 158 науқас тіркелген. Оның ішінде 2 азамат қайтыс болды. Емделушілер толық жазылып шыққан. Пневмония ауруы да азайып, провизорлық госпитальдың төсек-орын саны 40 орынға қысқарған. Қазір аталған індетпен 21 науқас ем қабылдап жатыр.

Оқи отырыңыз: Мамин коронавирус пандемиясының жаңа толқыны туралы айтты 

Аудандық аурухана 9 жасанды тыныс алдыру аппараты және 70-тен астам оттегімен қамту жабдығымен қамтамасыз етілген. Жеке оттегі жеткізу орталығы орнатылған. Дәрі-дәрмек қоры жеткілікті. Бір ай бұрын құрылған 17 мобильді топ мыңға жуық науқасқа үйлеріне барып, ем көрсеткен.

"Қоғамдық бақылау" өкілдері аурухананың инфекциялық және провизорлық бөлімдерін аралап, жедел-жәрдем көлігімен және зертхана жағдайымен танысып шықты.  

0
Кілт сөздер:
Ордабасы ауданы, коронавирус
Тақырып:
Коронавирус эпидемиясы
Тақырып бойынша
Маска тақпағандарға 79 мың теңге айыппұл салынады
Қазақстанда коронавирустан қанша адам қайтыс болғаны айтылды
Билік коронавирустан қайтыс болғандардың нақты санын жасырып отыр ма?
Денсаулық сақтау министрі бетперде тағуға қатысты соңғы өзгерісті жариялады
Ақорда бірнеше қылмыстық істің қозғалғаны туралы ақпарат таратты