Азат Перуашев

Перуашев мемлекеттің ақшасына шалқып өмір сүргісі келетін шенеуніктерге шүйлікті

387
Депутаттың айтуынша, мемлекет ақшасына зәулім үй, қымбат автокөлік, тіпті эбен ағашынан жасалған бағалы жиһаз сатып алатын шенеуніктер бар

НҰР-СҰЛТАН, 20 маусым – Sputnik. Мәжіліс депутаты Азат Перуашев бюджет қаражатын оңды-солды шашатын шенеуніктерге бизнеске баруға кеңес берді, деп хабарлайды Sputnik Қазақстан тілшісі.

"Ақ жол" фракциясының пікірінше, ұлттық қордағы қаражатты үздіксіз пайдалану мен бюджет шығысының кірістен ұдайы артық болуына экономикалық базаның артта қалуы себеп болып отыр.

"Сарапшылардың мәліметінше, Ұлттық қордың шығысы кірістен кезекті рет асып түсті, яғни бюджеттің қазіргі әкімшілері өздеріне емес, болашақ ұрпаққа тиесілі ақшаны жеп жатыр деген сөз", - деп ашуланды депутат.

Перуашевтың айтуынша, мұнымен бірге мемлекеттік қарыз мөлшері де ұлғайып барады.

"Мұнымен қоса, мемлекеттік және кепілдендірілген мемлекеттік борыштың едәуір өсіп жатқаны таңғалдырады. Осыдан-ақ, біздің мемлекеттік органдар мен ұлттық компаниялардың ақшаны оңды-солды шашып жатқанын байқауға болады, бұл әдет түбегейлі қайта қарауды қажет етеді", - деді ол.

Тағы оқыңыз: Қазақстандық шенеуніктер 123 миллиард теңгені тиімсіз жұмсаған

Осы орайда мәжілісмен "Ақ жол" фракциясының араны ашылған шенеуіктердің мәселесін талай рет көтергенін еске салды. Оның ішінде мемлекет ақшасына зәулім үй, қымбат автокөлік, тіпті эбен ағашынан жасалған бағалы жиһаздарға дейін сатып алған жергілікті бастықтар бар.

"Осымен доғарарсыздар, мүмкін. Шалқып өмір сүргілеріңіз келсе, бизнеске барып, ақша табыңдар, ал мемлекеттік қызметкер халық ақшасының әр тиынын үнемдеуі қажет", - деп кеңес берді Перуашев.

387
Кілт сөздер:
шенеуніктер, Азат Перуашев
Тақырып бойынша
Шенеуніктің 7-сыныпта оқитын баласы 2 млн теңгеден астам табыс тапқан
Тоқаев жемқорлық туралы: мемлекеттік орган басшылары отставкаға кетуі керек
Баласын жұмысқа алған маңғыстаулық әкімге сөгіс жарияланды
Тоғыз пәтерді заңсыз иемденген: Петропавлда шенеунік әйелдер сотталды
Мемлекет басшысы Қасым-Жомарт Тоқаев КСМ Техновид ЖШС кәсіпорнына барды

Президентке құрылыс материалдары өндірісінің технологиялық процесі көрсетілді

34
(Жаңартылды 17:28 25.09.2020)
Тоқаев Алматының Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты

НҰР-СҰЛТАН, 25 қыркүйек – Sputnik. Мемлекет басшысы Қасым-Жомарт Тоқаев Алматыға жасаған жұмыс сапары аясында "КСМ Техновид" ЖШС  кәсіпорнына барды, деп хабарлады Ақорданың баспасөз қызметі.  

"Мемлекет басшысы қаланың Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты", - делінген хабарламада.

Президентке кәсіпорынның өнімдері таныстырылып, құрылыс материалдары өндірісінің технологиялық процесі көрсетілді. Мұнда 250-ден астам адам жұмыс істейді.

Оқи отырыңыз: Коронавирустың екінші толқынына дайын болайық – Тоқаев

Компанияның жобаға салған жеке инвестициясы 3,8 миллиард теңге. Зауыттың қуаттылығы жылына 475 мың шаршы метр шыныпакет шығаруға жетеді.

Сондай-ақ мемлекет басшысына Алматы индустриялық аймағының жағдайы мен даму перспективалары туралы айтылды. Мұнда жыл аяғына дейін құны 85 миллиард теңге болатын 10 жобаны жүзеге асыру жоспарланып отыр.

34
Кілт сөздер:
Алматы, президент, құрылыс
Тақырып бойынша
Тоқаев жарлыққа қол қойды
Қазақстанда өнеркәсіпті дамыту қоры құрылды
Қазақстанда жалпыұлттық сауалнама басталды
Тоқаев жұмыс сапарымен Алматыға барды
Олжас Құдайбергенов

Тоқаевтың бұрынғы кеңесшісі экономика министрлігіне жұмысқа орналасты

59
(Жаңартылды 15:43 25.09.2020)
Бұған дейін Құдайбергенов жеті ай бойы мемлекет басшысының экономика жөніндегі штаттан тыс кеңесшісі болып жұмыс істеді

НҰР-СҰЛТАН, 25 қыркүйек – Sputnik. Экономист Олжас Құдайбергенов жаңа қызметке орналасты. Ол Қазақстанның экономика министрлігі жанындағы басқарушы кеңестің төрағасы болып тағайындалды.

Бұл туралы мемлекеттік басқарудың жай-күйі мен болашағы талқыланған экономика министрлігі жанындағы басқарушы кеңестің отырысында белгілі болды. Ведомство басшысы Руслан Дәленов кеңестің негізгі міндеттерін түсіндірді. Ол министрліктің қызметін бағалап, жетілдіру бойынша ұсынымдық шешімдер әзірлейді.

Басқарушы кеңестің төрағасы болып экономист, Қазақстан президенті жанындағы әлеуметтік-экономикалық реформалардың мониторингін талдау орталығының мүшесі Олжас Құдайбергенов сайланды.

Кездесуге қатысушылар қойылған міндеттерді өнімді шешу үшін мемлекеттік органдардың кадрлық әлеуетін жетілдіруді ұсынды.

Ал Дәленов ұсынылған шараларды жүзеге асырудың тетіктері жаңа экономикалық саясаттың негізгі бағыттары бойынша нәтижеге қол жеткізуге бағытталатынын хабарлады.

Сынақ мерзімінен өтпеді: Молдағасымова тағы да жұмыссыз қалды 

Бұған дейін Руслан Дәленов президенттің кадрлық резервінде тұрған мамандармен кездесуінде басқарушы кеңес құрылатынын мәлімдеп, ол жерге кадр резервінің өкілін енгізуді ұсынған болатын.

Еске сала кетейік, 20 шілдеде Олжас Құдайбергенов президенттің экономика жөніндегі штаттан тыс кеңесшісі қызметінен босатылды.

59
Кілт сөздер:
экономика, Қасым-Жомарт Тоқаев
Тақырып бойынша
Құдайбергеновтің президент кеңесшісі қызметінен неге босатылғаны белгілі болды
Тоқаевтың кеңесшісі пневмония мен COVID-ке қатысты жазба жариялады
Тоқаев кеңесшісін қызметінен босатты
Тоқаевтың кеңесшісі 2 миллионға жуық қазақстандық коронавирус жұқтырғанын айтты
Петропавл – Нұр-Сұлтан тас жолындағы жол апаты

Көкшетаулық танымал кәсіпкер Нұр-Сұлтанға барар жолда көз жұмды

89
(Жаңартылды 14:20 26.09.2020)
Автокөлікте бес адам болған, үшеуі апаттан қаза болды. Олар Көкшетау қаласынан елордаға қарай келе жатқан

НҰР-СҰЛТАН, 26 қыркүйек – Sputnik. Петропавл – Нұр-Сұлтан тас жолында жол апаты салдарынан үш адам көз жұмды. Олардың арасында көкшетаулық танымал кәсіпкер Владимир Свидерский болды, деп хабарлады Kokshetau.asia.

Свидерский жанармай құю бекеттері желісіне иелік еткен.

ДТП на трассе Нур-Султан- Петропавловск
Петропавл – Нұр-Сұлтан тас жолындағы жол апаты
Жол апаты Нұр-Сұлтан – Петропавл тас жолының 285-ші шақырымында болды. 1960 жылы туған Владимир Свидерскийдің Range Rover көлігімен бес адам Көкшетау қаласынан елордаға жол тартқан.

"Бізді басып озбақ болды": Өрт сөндіру көлігі аударылып, жүргізуші көз жұмды

716 порталының хабарлауынша, апат салдарынан Свидерский мен 55 жастағы жолаушы Олег Анисимов сол жерде қайтыс болған. Тағы бір жолаушы – 1963 жылы туған Валерий Бевзовой ауруханада жан тапсырды.

"Екі жолаушы түрлі жарақатпен Көкшетаудағы көпсалалы облыстық ауруханаға жеткізілді", - делінген хабарламада.

Қазір апаттың себебі анықталып жатыр.

 

 

89
Кілт сөздер:
жол апаты, кәсіпкер
Тақырып бойынша
"Орда" әншілерінің ата-анасы қаза болды: полиция жол апатының мән-жайын айтты
Алматыда Lexus жүргізушісі жаяу жүргіншілерді қағып кетті
"Сағынышымыз сейілді": Сәкен Майғазиев жүрек елжірететін видео жариялады
Танымал қазақстандық әнші жол апатына түсті – фото
Қазақстан әйелдер құрамасының бас бапкері қайтыс болды