Цифрлық ХҚКО, архивтегі сурет

Сарапшы: Қазақстан мен Ресейде цифрландырудың қозғаушы күші мемлекет

73
Қазақстан – ЕАЭО елдері арасында интернет кең таралған мемлекеттердің бірі

НҰР-СҰЛТАН, 19 шілде — Sputnik. Цифрландыру индексі бойынша Қазақстан мен Ресейде цифрлық трансформацияның негізгі қозғаушы күші мемлекеттік сектор болып отыр, деп хабарлайды Еуразиялық даму банкінің интеграциялық зерттеулер орталығы.

"Көрсеткіштер сәйкесінше – 0,82 және 0,84. Мемлекет тарапынан жағдай жасау цифрлық технологиялардың кең тарауы үшін өте маңызды", - деп атап өтті Интеграциялық зерттеулер орталығының өкілдері Sputnik Қазақстанға берген сұқбатында.

Мемлекет цифрлық инфрақұрылымды дамытуға қаржы құйып қана қоймай, бизнесті цифрландыру және мемлекеттік құрылымдарға жаңа технологияларды енгізу үшін қажетті құқықтық базамен қамтамасыз етуі тиіс.

Тағы оқыңыз: Ресей Қазақстанға қандай қару-жарақ тасымалдап жатыр?

2017 жылы Қазақстан "Цифрлық Қазақстан" мемлекеттік бағдарламасын бекітті. Бұл бағдарлама бес негізгі бағыттан тұрады: экономика салаларын цифрландыру, цифрлық үкіметке ауысу, цифрлық Жібек жолын жүзеге асыру", адам капиталын дамыту және инновациялық экожүйе құру.

Бұл бағдарлама ұлттық технологиялық әлеует, стартап-индустрия және экономиканың басқа да шикізаттық емес салаларын дамыту арқылы құрылымдық өзгерістерге қол жеткізуі керек.

Сонымен қатар "Қазақстан Республикасының 2025 жылға дейінгі стратегиялық даму жоспары" аясында мемлекеттің басым бағыттары белгіленген: "жаңа экономиканың негізін қалау", "салаларды технологиялық тұрғыдан жаңарту және цифрландыру". Бұл бағыттар экономиканы цифрландыру, жоғары өндірістік технология компанияларын тарту және орналастыру, халық арасында цифрлық мәдениетті қалыптастыру үшін инфрақұрылымды дамытуға және кедергілерді азайтуға мүмкіндік береді.

Тағы оқыңыз: Қазақстан мен Ресей шекараға қатысты мәселелерді келісті

"Халықтың интернетке қолжетімділігі бойынша, ЕАДБ мүше елдерін екі топқа бөлуге болады. Интернет кең таралған топқа Ресей, Қазақстан, Беларусь және Армения жатады. Ал интернетке қолжетімділік шектелген елдер – Қырғызстан мен Тәжікстан", - делінген зерттеуде.

2017 жылы Қырғызстан мен Тәжікстанда халықтың интернетке қолжетімділігі тиісінше 38,2% және 22% болған екен.

73
Кілт сөздер:
цифрландыру, Ресей, Қазақстан
Тақырып бойынша
Енді қазақстандықтар карта арқылы бюджеттің жұмсалуын бақылай алады
Нұрсұлтан Назарбаев Astana Hub технопаркін ашты
Қазақстанда құрылыстың қалай жүріп жатқанын онлайн бақылауға болады
Назарбаев Қазақстандағы алғашқы "ақылды" қалаға барды
Қазақстанда салықты электронды түрде төлеу жеңілдейді
Мемлекет басшысы Қасым-Жомарт Тоқаев КСМ Техновид ЖШС кәсіпорнына барды

Президентке құрылыс материалдары өндірісінің технологиялық процесі көрсетілді

31
(Жаңартылды 17:28 25.09.2020)
Тоқаев Алматының Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты

НҰР-СҰЛТАН, 25 қыркүйек – Sputnik. Мемлекет басшысы Қасым-Жомарт Тоқаев Алматыға жасаған жұмыс сапары аясында "КСМ Техновид" ЖШС  кәсіпорнына барды, деп хабарлады Ақорданың баспасөз қызметі.  

"Мемлекет басшысы қаланың Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты", - делінген хабарламада.

Президентке кәсіпорынның өнімдері таныстырылып, құрылыс материалдары өндірісінің технологиялық процесі көрсетілді. Мұнда 250-ден астам адам жұмыс істейді.

Оқи отырыңыз: Коронавирустың екінші толқынына дайын болайық – Тоқаев

Компанияның жобаға салған жеке инвестициясы 3,8 миллиард теңге. Зауыттың қуаттылығы жылына 475 мың шаршы метр шыныпакет шығаруға жетеді.

Сондай-ақ мемлекет басшысына Алматы индустриялық аймағының жағдайы мен даму перспективалары туралы айтылды. Мұнда жыл аяғына дейін құны 85 миллиард теңге болатын 10 жобаны жүзеге асыру жоспарланып отыр.

31
Кілт сөздер:
Алматы, президент, құрылыс
Тақырып бойынша
Тоқаев жарлыққа қол қойды
Қазақстанда өнеркәсіпті дамыту қоры құрылды
Қазақстанда жалпыұлттық сауалнама басталды
Тоқаев жұмыс сапарымен Алматыға барды
Олжас Құдайбергенов

Тоқаевтың бұрынғы кеңесшісі экономика министрлігіне жұмысқа орналасты

59
(Жаңартылды 15:43 25.09.2020)
Бұған дейін Құдайбергенов жеті ай бойы мемлекет басшысының экономика жөніндегі штаттан тыс кеңесшісі болып жұмыс істеді

НҰР-СҰЛТАН, 25 қыркүйек – Sputnik. Экономист Олжас Құдайбергенов жаңа қызметке орналасты. Ол Қазақстанның экономика министрлігі жанындағы басқарушы кеңестің төрағасы болып тағайындалды.

Бұл туралы мемлекеттік басқарудың жай-күйі мен болашағы талқыланған экономика министрлігі жанындағы басқарушы кеңестің отырысында белгілі болды. Ведомство басшысы Руслан Дәленов кеңестің негізгі міндеттерін түсіндірді. Ол министрліктің қызметін бағалап, жетілдіру бойынша ұсынымдық шешімдер әзірлейді.

Басқарушы кеңестің төрағасы болып экономист, Қазақстан президенті жанындағы әлеуметтік-экономикалық реформалардың мониторингін талдау орталығының мүшесі Олжас Құдайбергенов сайланды.

Кездесуге қатысушылар қойылған міндеттерді өнімді шешу үшін мемлекеттік органдардың кадрлық әлеуетін жетілдіруді ұсынды.

Ал Дәленов ұсынылған шараларды жүзеге асырудың тетіктері жаңа экономикалық саясаттың негізгі бағыттары бойынша нәтижеге қол жеткізуге бағытталатынын хабарлады.

Сынақ мерзімінен өтпеді: Молдағасымова тағы да жұмыссыз қалды 

Бұған дейін Руслан Дәленов президенттің кадрлық резервінде тұрған мамандармен кездесуінде басқарушы кеңес құрылатынын мәлімдеп, ол жерге кадр резервінің өкілін енгізуді ұсынған болатын.

Еске сала кетейік, 20 шілдеде Олжас Құдайбергенов президенттің экономика жөніндегі штаттан тыс кеңесшісі қызметінен босатылды.

59
Кілт сөздер:
экономика, Қасым-Жомарт Тоқаев
Тақырып бойынша
Құдайбергеновтің президент кеңесшісі қызметінен неге босатылғаны белгілі болды
Тоқаевтың кеңесшісі пневмония мен COVID-ке қатысты жазба жариялады
Тоқаев кеңесшісін қызметінен босатты
Тоқаевтың кеңесшісі 2 миллионға жуық қазақстандық коронавирус жұқтырғанын айтты
Қасым-Жомарт Тоқаев Hyundai Trans Kazakhstan зауытына барды

Тоқаев Алматыда автокөліктің капотына не жазды

528
(Жаңартылды 11:14 26.09.2020)
Президент Алматы қаласына жұмыс сапары кезінде қол қойған автокөлік жаңа зауыттың көрсету залына қойылады

НҰР-СҰЛТАН, 26 қыркүйек – Sputnik. Президент Қасым-Жомарт Тоқаев Алматыдағы Hyundai Trans Kazakhstan зауытына барған кезде жаңа автокөліктің капотында естелік жазба қалдырды.

Мемлекет басшысы "Iске сәт! Ақ жол тілеймін!" деп жазды. Ол сондай-ақ қол қойып, сол күннің датасын көрсетті.

Касым-Жомарт Токаев оставил надпись на капоте авто
© Photo : Astana Motors
Тоқаев жаңа автокөліктің капотында естелік жазба қалдырды

"Астана Моторс" компаниясы Sputnik Қазақстанға президент қол қойған көлікті не істейтіндерін айтты.  

"Ол тарих үшін сақталып, зауыт кеңсесінің көрсету залына қойылады", - деп хабарлады баспасөз қызметі.

Айта кетейік, кәсіпорында президентке автокөліктерді құрастыру процесі көрсетілген болатын. Ол 2020 жылдың 15 қазанында ашылады.

Кәсіпорын пайдалануға берілгеннен кейін оның қуаты бірінші кезеңде жылына 30 мың, екінші кезеңде 45 мыңға дейін машина жасауға жетеді. Инвестицияның жалпы көлемі – 28 миллиард теңгеден астам, оның 30% – компанияның өз қаражаты.

Оқи отырыңыз: Коронавирустың екінші толқынына дайын болайық – Тоқаев 

Hyundai Trans Kazakhstan кәсіпорны 700-ге жуық жұмыс орнын ашып, сабақтас салалардың дамуына серпін береді.

Инвесторлар келешекте автобөлшектер шығаратын зауыт салуды жоспарлап отыр. Осылайша компания отандық автокөлік өнеркәсібін дамыту жөніндегі көздеген мақсаттарына қол жеткізеді. Бұл отандық өндірістің 51 % астамын қамтамасыз етеді.

Еске сала кетейік, жұмада Қасым-Жомарт Тоқаев жұмыс сапарымен Алматыға барды. Ол қалалық клиникалық жұқпалы аурулар ауруханасы филиалының, өнеркәсіптік кәсіпорындардың және көпфункционалды музыкалық орталықтың жұмысымен танысты.

528
Кілт сөздер:
зауыт, Алматы, Қасым-Жомарт Тоқаев
Тақырып бойынша
Президентке құрылыс материалдары өндірісінің технологиялық процесі көрсетілді
Тоқаев жарлыққа қол қойды
Тоқаев жұмыс сапарымен Алматыға барды
Тоқаев Қазақстанның өлім жазасынан бас тартуына байланысты түсініктеме берді