ТМД-ның сандық интеграциясы: Қазақстан мен Ресей алда келеді

ТМД-ның цифрлық интеграциясы: Қазақстан мен Ресей алда келеді

233
(Жаңартылды 00:03 31.07.2019)
Қазақстан мен Ресей Тәуелсіз мемлекеттер достастығы елдері арасында цифрландырудан көш басында келе жатыр, деп атап өтті ТМД Атқару комитетінің сарапшысы  

МӘСКЕУ, 30 шілде — Sputnik, Алексей Стефанов. Қазақстан үкіметінің мәліметінше, цифрландыру нәтижесінде өнімділік 2% -дан 10% -ға дейін өсіп, ал шығындар 10-20% -ға азаяды деп күтілуде.

Еуразия даму банкінің Интеграциялық зерттеулер орталығы зерттеу жүргізіп, оған сәйкес Қазақстан мен Ресей әртүрлі салаларда цифрландыру процестеріне белсенді қатысатын елдер ретінде танылды.

ТМД Атқару комитетінің Экономикалық ынтымақтастық департаменті экономикалық даму стратегиясы бөлімі басшысының орынбасары Андрей Кушниренко Sputnik агенттігіне Тәуелсіз мемлекеттер достастығы аясындағы ең перспективалы жобалар туралы айтып берді.

ТМД елдері жаңа форматқа көшіп жатыр

"Қазір бүкіл әлем қоғам мен экономиканы цифрландыруға көшуде. Біз де бұл процестен қалыс қалмай, бірлескен іс-қимылдың дұрыс стратегиясын таңдауымыз керек. 31 мамырда Ашхабадта ТМД үкімет басшылары кеңесінің отырысы болды, онда көптеген премьер-министр цифрландыру мәселесі бойынша пікір алмасты", - деді Sputnik агенттігіне Андрей Кушниренко.

31 мамырда Қазақстан, Қырғызстан, Тәжікстан және Ресей үкімет басшылары осы тақырыпта сөз сөйледі. Кушниренко атап өткендей, Дмитрий Медведев – цифрландыруды жақтаушы. Оның үстіне, шенеуніктің айтуынша, олар цифрландыруды тез әрі бірлесіп жасау қажеттілігі жайлы ғана емес, нақты мәселелер туралы да сөз қозғаған.

"Мәселен, барлық Достастық елдері үшін ортақ цифрлық күн тәртібі қажет, интеграцияланған сандық инфрақұрылым құру керек, біздің әрекеттеріміздің технологиялық үйлесімділігі қамтамасыз етілуі тиіс, өйткені сіздің көршіңізде бәрі басқаша болса, онда жылдам дами алмайсыз. Нақты салалардың бірі ретінде, жалпыға ортақ платформа мен электронды сауданың бірыңғай ережелерін құру қажет", - деді Андрей Кушниренко.  

на Международном форуме Цифровая повестка в эпоху глобализации
© Sputnik / Серикжан Ковланбаев
Цифрлық форумның қатысушылары

Нәтижесінде, оның айтуынша, аталған негізгі бағыттар нақтыланып, "ТМД-ға мүше мемлекеттердің қоғамның сандық дамуы саласындағы ынтымақтастық тұжырымдамасы және оны іске асыру бойынша бірінші кезектегі шаралар жоспары" атты құжатта ұсынылған. Құжаттың өзі ТМД Экономикалық кеңесі жанындағы Экономикалық мәселелер жөніндегі комитеттің отырысында талқыланды. Одан әрі оны экономикалық кеңес, ал қазан айында үкімет басшылары қарайды.

"Бірлескен іс-қимылдардың жол картасы және оны жүзеге асыру жоспары жасалады. Әрине, қоғам мен экономиканы цифрландыру ісі – орасан ауқымды. Сонымен қатар онда түсініксіз нәрселер көп", - деп атап өтті Кушниренко.

Андрей Кушниренко дайындалған құжатты негізгі бағыттар көрсетілген деп санайды, осы бағытта дамып, нақтыланатыны және 2030 жылға дейінгі экономикалық даму стратегиясын жүзеге асыру жоспарында көрініс табатындығы айтылған.

"Келесі бесжылдықта осы стратегияны іске асыру жоспарлары бойынша жұмыс басталды. Әрине, цифрландыру барлық салада маңызды орын алады. Ортақ ұран түрінде ғана емес, байланыс туралы айтпағанда, ауыл шаруашылығында, машина жасауда, тау-кен металлургия кешенінде жұмыс қызады.Сондықтан бұл құжат уақытында пайда болды, ол үлкен сұранысқа ие. Бізде мемлекеттердің пікірі алдымен кез келген комиссияда жиналады, содан кейін талқылау болады.Сонымен бірге жеті мемлекет өз пікірін білдірді және олардың барлығы идеяны сөзсіз қолдауы елдердің цифрландыру бойынша ортақ іс-қимылдарға қызығушылық танытатындығын білдіреді", - деді Андрей Кушниренко.

Қазіргі уақытта, оның айтуынша, ТМД елдері арасында цифрландырудың көшбасшылары – Ресей мен Қазақстан, ал қалған елдер артта қалмау үшін барлығын жасап жатыр.

"Өйткені, мысалы, Қырғызстанның өкілдері цифрландыру елде экономикалық серпіліс жасауға көмектесетінін түсінеді. 2019 жыл Қырғызстанда цифрландыру жылы болып жарияланды".

Еркін сауда аймақтары: ТМД елдері қандай проблемаларға кезігуде

Өзара келісім бойынша Достастық елдері жыл сайын ТМД Атқарушы комитетіне 2011 жылғы Еркін сауда аймағы туралы келісімнің ережелерін қалай жүзеге асырып жатқаны туралы есеп береді. Әртүрлі заң бұзушылықтар да тіркеліп жатыр. Мәселен, Беларусь пен Қырғызстан көрші елдерден әкелінетін кейбір тауарларға ҚҚС мөлшерлемесін арттырды. Осылайша, елдер өз тауарлары мен достастық елдерінен импортталатын тауарларға бірдей қарау қағидатынан шығып, өз өнеркәсібі мен ауыл шаруашылығын дамытуды ынталандыруға тырысты.

"Бірақ Беларусте айтылған кемшіліктер жойылды. Олар бірқатар өсімдік тауарына – өз өнімдеріне және импортталған өнімдерге ҚҚС әр түрлі ұстап келген. Салық өз өнімдеріне 10%, ал импортталатын тауарларға 20% болған. Бірақ 2019 жылдың 1 қаңтарынан бастап бұл проблема жойылды. Қырғызстанда да осыған ұқсас жағдай болды, ол жерде де проблема жойылды", - деді Андрей Кушниренко.   

Оның айтуынша, бір жылдағы кемшілікті атап өтіп, оны экономикалық кеңесте талқылауға шығару жеткілікті, келесі жылы ондай жағдай болмайды.

"Бұл басқа ешқандай проблема туындамайды дегенді білдірмейді, бірақ олардың барлығы жұмыс тәртібімен шешіледі. Дегенмен келісім аясында біз жасаған квазимемлекеттік сот жүйесі әлі күнге дейін қажет болмай отыр, өйткені қандай да бір іргелі даулар жоқ", - деді Кушниренко.

233
Ақша, теңге

Тоқаев: экономиканы әртараптандыру үшін жаңа реформаларды жүзеге асыру қажет

24
"Астана" халықаралық қаржы орталығы президентке жылдық есеп мен 2025 жылға дейінгі даму стратегиясын ұсынды

НҰР-СҰЛТАН, 2 шілде – Sputnik. Құнды қағаздардың ішкі нарығын дамыту үшін сенімді әрі нақты шаралар қабылдау керек. Президент Қасым-Жомарт Тоқаев "Астана" халықаралық қаржы орталығы басқару кеңесінің кеңейтілген отырысында осылай деді.

Кеңейтілген отырыс қорытындысы бойынша "Астана" халықаралық қаржы орталығының жылдық есебі мен оның 2025 жылға дейінгі даму стратегиясы қабылданды. 

Мемлекет басшысының пікірінше, АХҚО экономикалық бастамаларды жүзеге асыруға белсенді атсалысуы керек екенін айтты. 

"Ірі инвесторларды бір ғана ел аса қызықтырмауы мүмкін, ал сауда және өнеркәсіптік салалар бойынша байланысы мығым Еуразиялық одақ пен Орталық Азияның бүкіл аймағын елемеу қиын.  Инвесторлар осы елдердің біріне қызығушылық танытса, бұл өзге мемлекеттерге де табыс әкеледі. Осыған орай АХҚО өңірдегі елдерді байланыстыратын әмбебап платформа ретінде қызмет атқара алады", – деді президент. 

Қасым-Жомарт Тоқаев қаржы орталығы шетелден тікелей инвестиция тарту үшін өзінің әлеуетін толық пайдаланатынына сенім білдірді.

"Өзгеріс енгізетін уақыт келді. Сондай-ақ инвестиция портфельдері күшейту қажет. Құнды қағаздардың ішкі нарығы әлі толық дамыған жоқ. Сондықтан сенімді әрі нақты шаралар қабылдау керек. Қаржы нарығын реттеу және дамыту агенттігіне АХҚО-мен бірігіп, құнды қағаздардың ішкі нарығын ықпалдастыруға және дамытуға бағытталған жаңа әрі нақты нормативтік база әзірлеуді тапсырамын", – деді Тоқаев. 

Онлайн форматта өткен жиында қаралған негізгі мәселелердің бірі - Қазақстанның экономикалық өсімін қайта қалпына келтіру. 

Президент өз сөзінде АХҚО биржасына былтыр Полиметалл, "Қазатомөнеркәсібі" ҰАК»" АҚ және Halyk Bank секілді ірі корпоративтік компаниялардың акцияларының сәтті орналастырылғанын атап өтті.

Мемлекет басшысы пандемия мен мұнай бағасының құлдырауынан туындаған жаһандық дағдарыс жағдайында және дамушы елдердің нарығынан капиталдың кетуі кезінде ұлттық экономиканы әртараптандыру үшін жаңа реформаларды жүзеге асыру қажет екенін айтты.

24
Кілт сөздер:
реформа, экономика, Қасым-Жомарт Тоқаев
Тақырып бойынша
Тоқаев теңге бағамына қатысты бірқатар тапсырма берді
Вирустың екінші толқыны: сарапшылар экономика мен теңгенің тағдыры не болатынын айтты
Тоқаев Нұрсұлтан Назарбаевтың мінезі туралы айтты
Баспасөз хатшысы Елбасының денсаулығы туралы жазба жариялады
Тоқаев Назарбаев туралы жазды
Теңге бағамы

Тоқаев теңге бағамына қатысты бірқатар тапсырма берді

2425
(Жаңартылды 15:43 01.07.2020)
Президент Ұлттық банк пен Қаржы нарығын реттеу және дамыту агенттігіне шағын және орта бизнес пен экономиканы кредиттеуді ұлғайтуды тапсырды

НҰР-СҰЛТАН, 1 шілде — Sputnik. Президент Қасым-Жомарт Тоқаев Ұлттық банктің есебін қабылдады, деп хабарлайды Ақорда.

Ұлттық банк төрағасы Ерболат Досаев және басқарма мүшелері екінші деңгейдегі банктер активтерінің сапасын бағалау бойынша өткен жылғы қаржы-несие саясатына қатысты жүргізілген жұмыстардың қорытындылары, Ұлттық банктің алтын-валюта резервінің ахуалы және Ұлттық қордың активтері туралы есеп берді.

Қасым-Жомарт Тоқаев айырбас бағамы тұрақтылығының маңыздылығына тоқталды. 

"Бұл мәселеде үкімет пен Ұлттық банк үйлесімді жұмыс істеуі қажет екенін атап айтқым келеді. Квазимемлекеттік компаниялардағы басы артық валютаны ішкі нарыққа сату тәжірибесін жалғастыра беру керек. Ұлттық банк қажет болған жағдайда айырбас бағамын тұрақтандыру үшін қосымша шаралар қабылдайды", – деді Қасым-Жомарт Тоқаев. 

Ломбардтарды тексеру

Президент Ұлттық банкке Қаржы нарығын реттеу және дамыту агенттігімен бірлесіп, кепілсіз тұтыну несиесіне қатысты мәселені ұдайы бақылауда ұстау жөнінде тапсырма берілді. Мемлекет басшысы қаржы ұйымдарының жұмысын ашық жүргізу маңызды міндет екенін атап өтті. Бұл мәселе жалған ломбардтар мен микроқаржылық ұйымдардың алаяқтық іс-әрекеттері жиілеуіне байланысты өте өзекті болып отыр. 

"Бұл жұмысты жылдамдату керек. Тексерулердің қорытындысы негізінде Қаржы нарығын реттеу және дамыту агенттігіне Бас прокуратурамен бірлесіп, аталған саланы реттеу жұмыстарын жүйелі түрде жүргізу және тұтынушылардың құқығын қорғау жөнінде ұсыныс енгізуді тапсырамын", – деді мемлекет басшысы.

Қаржы нарығындағы заманауи технологиялар

Ақпаратта пандемия кезіндегі әлемдік үрдістер мен еліміздегі жағдай қаржы саласына заманауи технологияларды енгізу қажеттігін көрсеткені туралы айтылған.

Осыған байланысты президент Ұлттық банкке үкіметпен және "Астана" халықаралық қаржы орталығымен бірлесіп, 2025 жылға дейінгі қаржы технологиясы мен инновациясын дамытудың тұжырымдамасын бекітуді тапсырды.

Экономика мен бизнесті кредиттеу

Сондай-ақ, Ұлттық банкке экономика мен бизнесті белсенді несиелеу міндеті қойылды.

"Соңғы үш жылда экономиканы несиелеудің өсімі аса байқалмады. Банктер жұмыс барысында барынша қолайлы және тиімді жағдай ұсына отырып, әрбір клиент үшін белсенді күреспейді. Сонымен қатар қазіргі жағдайда бизнеске қаржы ресурсы қажет және оны жылдам алуы керек", - деді президент. 

2425
Ресейдің СІМ ғимараты

"Бізге дәлел қажет": Ресей New York Times мақаласына баға берді

0
Таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады

АЛМАТЫ, 2 шілде – Sputnik. Ресейдің сыртқы істер министрлігі Ресейдің тәлібтермен "сөз байласқанына" қандай да бір дәлел бар екеніне қатысты түсініктеме берді. Ресей Федерациясы президентінің Ауғанстандағы арнайы өкілі, Ресей СІМ екінші Азия департаментінің директоры Замир Кабуловтың айтуынша, мақалада тек бос айыптаулар жазылған.

"Бізге дәлел қажет, ал олар жоқ. Бұл бос пайымдау ғана", - деп мәлімдеді Кабулов Sputnik радиосына. 

Ол сондай-ақ, мақалада есімі аталатын контрабандист Рахмат Азизи жайлы ешқашан естімегенін айтты. Басылымның мәліметі бойынша, ол екі тараптың арасында бас делдал болған.  

Сонымен қатар Кабулов мақаланы оқып отырған кезде жауаптан гөрі сұрақ көп туындайтынын атап өтті.

"Жалған дүниені де мұқият дайындау қажет",- деп толықтырды ойын Кабулов. 

Айта кетейік, таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады. Мақала авторының айтуынша, делдал – контрабандист Рахмат Азизи деген азамат.

Бұған дейін NYT басылымы атауы көрсетілмеген арнайы қызметтерге сілтеме жасап, Ауғанстандағы америкалық сарбаздарға шабуыл жасағаны үшін Ресейдің тәлібтермен байланысы бар жауынгерлерге сыйақы ұсынғаны жайлы мақала жариялады. Алайда мақалада ешқандай дәлел көрсетілмеген.

"Талибан" қозғалысының өкілі Забиулл Муджахид америкалық басылымның бұл сөзін жоққа шығарды. Ал Трамп бұл мақаланы тапсырыспен жазылған болуы мүмкін деп бағалады.

0