Астана LRT тіреулері

Үкімет Қытайдың қарызынан бас тартты: LRT құрылысына ақша қайдан алынады

532
Елорда әкімі LRT құрылысына қажетті 600 миллион долларды қайдан тартатынын айтты    

НҰР-СҰЛТАН, 13 тамыз – Sputnik. Елордадағы жеңіл рельсті көлік құрылысын аяқтауға қажет қаражатты "Халық банк" беретін болды. Бұл туралы бүгін Нұр-Сұлтан қаласының әкімі Алтай Көлгінов айтты, деп хабарлайды Sputnik Қазақстан тілшісі.  

"Халық банкпен 3% мөлшерлемемен 500 миллион доллар және "Бәйтерек" холдингімен тағы 100 миллион доллар қарыз туралы келістік. Жұмысты биыл бастау үшін бұл жеткілікті. Жақын арада облигациялар шығарылады", - деді Көлгінов үкімет кулуарында.

Ол үкіметтің Қытайдың қарызынан бас тартып, осы арқылы 800 миллион доллар үнемдегенін еске салды.

"LRT бойынша барлық нормативті-құқықтық актілер үкіметтік және жергілікті атқарушы органдар деңгейінде қабылданды. Қазір екінші деңгейлі банктермен жұмыс жүргізіліп жатыр", - деді елорда әкімі.

Тағы оқыңыз: Қазақстан Қытайдан алған сыртқы қарызын өтеді

Бұған дейін Қазақстан президенті Қасым-Жомарт Тоқаев Астана LRT жобасын сынға алған болатын. Президенттің айтуынша, жоба тиімсіз болса, оған үнемі субсидия бөліп, бюджет қаржысын жұмсауға тура келеді.

Бастапқыда LRT жобасының құны 1,8 миллиар доллар болған еді. Қытайдың даму банкінен қарыз алған жағдайда, үкімет 2,6 миллиард доллар қайтаруы тиіс болатын. Алайда мемлекет шетелдік қарыздан бас тартты.

532
Кілт сөздер:
Astana LRT, сыртқы қарыз, қарыз, Қытай
Тақырып бойынша
Көлгінов LRT құрылысына бөлінген қаржы қалай үнемделетінін айтты
Тоқаевтың тапсырмасы: Нұр-Сұлтандағы LRT құрылысы қашан аяқталады
Тоқаев Нұр-Сұлтандағы аса қымбат жобаны сынға алды
Астана LRT-ның бұрынғы басшысына халықаралық іздеу жарияланды
Астана LRT-ның бұрынғы басшысына қатысты іс: Әсет Исекешев тың деректермен бөлісті
Загрузка...