Қаржы министрі Әлихан Смайылов

Шағын бизнес салықтан қашан босатылатыны белгілі болды

1210
Қаржы министрлігі мемлекеттік сатып алу мәселелеріне қатысты заң жобасын әзірледі. Ол шағын бизнесті ынталандыруға бағытталған

НҰР-СҰЛТАН, 3 қыркүйек – Sputnik. Осы жылдың соңына дейін шағын және микро бизнесті үш жылға салықтан босату туралы заңнамалық негіз әзірленеді. Бұл туралы бүгін премьер-министрдің бірінші орынбасары – қаржы министрі Әлихан Смайылов мәлімдеді, деп хабарлайды Sputnik Қазақстан тілшісі.

"Осы жылдың соңына дейін микро және шағын бизнес компанияларын олардың негізгі қызметінен үш жыл мерзімге салық төлеуден босату жөніндегі заңнамалық негіз әзірленетін болады", - деді министр үкімет отырысында.

Бұған қоса, келесі жылдың қаңтарынан бастап шағын және орта бизнес субъектілерін тексеруге үш жылдық тыйым күшіне енеді.

Смайыловтың айтуынша, қаржы министрлігі мемлекеттік сатып алу мәселелеріне қатысты заң жобасын әзірледі. Ол шағын бизнесті ынталандыруға бағытталған.

"Сонымен қатар, қолма-қол ақшасыз төлемдерді ынталандыру, көлеңкелі экономикаға қарсы іс-қимыл жөніндегі жұмыс күшейтіледі. Капиталды шығару, салық төлеуден бас тартуға қарсы күрес қатаңдатылады", - деді ведомство басшысы.

Тағы оқыңыз: Тоқаевтың Қазақстан халқына жолдауы – толық мәтін

Министр жуырда экономикалық тергеу қызметінің жұмысы оңтайландырылатынын атап өтті. Салық кодексінде көзделмеген төлемдер мен алымдарға тыйым салынады.

Сондай-ақ, жұмыссыздықты азайту және ауыл халқының өмір сүру деңгейін көтеру аясында ұлттық қордан 100 миллиард теңгеге жуық қаржы бөлінді.

1210
Кілт сөздер:
салық, шағын және орта бизнес
Тақырып:
Президент жолдауы - 2019 (26)
Тақырып бойынша
Тоқаев мораторий жариялады
Жұмыс істейтіндерге беріледі: Тоқаев 1 қаңтардан бастап өзгеріс болатынын айтты
Тоқаев 5% қосымша зейнетақы жарнасын аударуды кейінге шегерді
Тоқаев қазақ тіліне қатысты мәлімдеме жасады
"Тамыршыдай тап басады": Тоқаевтың баспасөз хатшысы жолдау туралы айтты
Банк карталары

Маман банк картасымен қай жерде төлем жасау қауіпті екенін айтты

6328
(Жаңартылды 18:19 13.08.2020)
Маман алаяқтарға алданып қалмау үшін бірқатар ережені сақтау керек екенін айтып отыр. Сол кезде карта арқылы төлем жасауға болады

НҰР-СҰЛТАН, 13 тамыз — Sputnik. Қазіргі уақытта банк картасымен төлем жасау үйреншікті жағдайға айналды. Алайда интернет арқылы сатып алынатын заттардың ақшасын картамен төлеу әлі де қауіпті. Өйткені интернет алаяқтар түрлі тәсілдерді қолданады, деп хабарлады РИА Новости қауіпсіздік жүйелері орталығының бөлім басшысы Алексей Сизовқа сілтеме жасап.  

"Қазіргі уақытта жалған сайттар көп. Тауарға төлем жасап, алаяқтардың торына түсіп қалу қаупі бар. Мұндай сайттардың көбінесе шынайы сайттардан еш ерекшелігі болмайды", - деді ресейлік маман.

Алаяқтарға алданып қалмау үшін бірқатар ережені сақтау керек. Біріншіден, тек онлайн сатып алуға арналған жеке есепшоты бар арнайы карта керек. Оның ішіне сатып алынатын тауар құнынан артық ақша салмаған жөн.

"Екіншіден, тексерілмеген сайттардан қомақты сомаға тауар сатып алмау керек. Үшіншіден, өзіңіздің жеке ақпаратыңызды ешкімге айтпаңыз. Банк немесе дүкен қызметкері хабарласса да, жеке ақпаратты бөлісуге болмайды", - деді Сизов.

Тағы оқыңыз: Kaspi.kz арқылы ақша аударуға тыйым салына ма – министрлік жауабы

6328
Кілт сөздер:
төлем, банк
Тақырып бойынша
Елордалық депутат Kaspi Gold иелерін 3% салық төлеуге міндеттеуді ұсынды
Қазақстанда интернет арқылы қанша ақша табуға болады
Облыс әкімінің орынбасары Kaspi Gold-қа ақша аударуға қатысты мәлімдеме жасады
Мәжіліс депутаттары банк картасы бойынша комиссияны азайтуды сұрады
Байланыс операторлары интернет неге баяу істеп тұрғанын түсіндірді
Теңге, ақша

"Атаулы әлеуметтік көмек қысқартылады": ақпаратқа қатысты түсініктеме берілді

11321
(Жаңартылды 10:46 12.08.2020)
Карантин кезінде әлеуметтік жәрдемақы алушылардың табысы есептелмей, автоматты түрде ақша аударылып отырды

АЛМАТЫ, 12 тамыз – Sputnik. Жұмыспен қамту орталығы Қазақстандағы төтенше жағдай кезінде астаналықтарға атаулы әлеуметтік көмек қысқартылмағанын мәлімдеді. Бұл жайында қала әкімдігінің ресми сайтында хабарланды.

Ведомство 2020 жылдың екінші тоқсанында төтенше жағдай режимі кезінде атаулы әлеуметтік көмек кірісті қайта есептеместен автоматты түрде тағайындалғанын айтты. Ал үшінші тоқсанда кірісті есептеу қарастырылған.

"Әлеуметтік желіде осы айда 2020 жылдың II тоқсанымен салыстырғанда атаулы әлеуметтік көмек қысқартылғаны туралы ақпарат тарап жатыр. 2020 жылдың шілде айынан бастап карантин шараларын сақтау аясында Нұр-Сұлтан қаласында АӘК есептеу II тоқсанындағы кірісті есептеуді ескере отырып, 2 941 отбасына автоматты түрде тағайындалды. Сондай-ақ "Электронды үкімет" веб-порталының "Электронды өтініш" бөлімі арқылы өтінім жіберген 160 жаңа өтініш берушіге АӘК есептелді", - делінген елорда әкімдігінің баспасөз қызметінің ақпаратында.

Қаланың барлық тұрғыны атаулы әлеуметтік көмек тағайындау, төлеу және алу шарттары туралы сұрақтар бойынша 8 7172 57 88 88 телефонына хабарласа алады. Кеңес беру әрбір өтініш берушімен жеке жүргізіледі.

Астаналықтар АӘК тағайындауға өтінішті "Электронды үкімет" сайтында "электронды өтініш" бөлімі немесе czasp@astana.kz электронды поштасы арқылы бере алады, деп толықтырды Нұр-Сұлтан қаласының халықты жұмыспен қамту орталығы.

Айта кетейік, 14 шілдеде премьер-министр Асқар Мамин үкімет отырысында еңбек және халықты әлеуметтік қорғау министрлігіне АӘК-ті III тоқсанға тағайындауды белсенді түрде жүргізу туралы тапсырма берді.

Еңбек министрлігі атаулы әлеуметтік көмек тағайындау 121 мың отбасының 625 мың мүшесіне автоматты түрде ұзартылғанын хабарлады. Екінші тоқсанда 561 мың қазақстандық мемлекеттік инстанцияларға жүгінбей автоматты түрде жәрдемақы алды.

11321
Кілт сөздер:
Нұр-Сұлтан, түсініктеме, атаулы әлеуметтік көмек
Тақырып бойынша
Атаулы әлеуметтік көмек алатын отбасылар үшін жағымды жаңалық шықты
Қазақстанда бала үш жасқа толғанға дейін жәрдемақы төленуі мүмкін
"167 мың теңге алатындар бар": министр жәрдемақы туралы айтты
Қазақстанда 1-3 баласы бар отбасыларға жәрдемақы төлене ме – министрдің жауабы
Көпбалалы отбасылар жаңа жәрдемақы ала бастады
бетперде киген адамдар

Демалыстағы қатаң карантин қанша уақытқа дейін созылады

128
(Жаңартылды 13:13 14.08.2020)
"Атамекен" ұлттық кәсіпкерлер палатасы екі аптадан кейін демалыстағы қатаң карантинді алып тастау мәселесін көтермек

НҰР-СҰЛТАН, 14 тамыз – Sputnik. Қазақстанның бас мемлекеттік санитар дәрігері Айжан Есмағамбетова демалыстағы катаң карантин неге сақталатынын айтты, деп хабарлайды Sputnik Қазақстан тілшісі.

"Біріншіден, біз қатаң карантиннің нәтижесін сақтап қалуымыз қажет. Ал вирус қалай таралады? Адамдар жақын араласқанда инфекцияның таралу қаупі күшейеді. Демалыста ондай қарым-қатынас көбейеді. Халық сауда орталықтары мен базарларға барады. Сол себепті демалыстағы қатаң карантинді сақтай тұруға шешім қабылданды", - деді Есмағамбетова орталық коммуникациялар қызметінде өткен онлайн брифингте.

Оның сөзіне қарағанда, сенбі-жексенбі күндері ірі сауда орталықтары жабылады. Себебі ондай жерде халық көп жиналады.

"Біздің негізгі мақсатымыз – халықтың бір жерде шоғырлануына жол бермеу және қарым-қатынасты азайту. Соның арқасында инфекцияның таралу тізбегін үзе аламыз. Демалыстағы локдаунның негізгі мақсаты осы", - деп атап көрсетті Есмағамбетова. 

Әзірге демалыстағы қатаң карантин екі аптадай сақталады. Одан кейін "Атамекен" ұлттық кәсіпкерлер палатасы локдаунды алып тастау мәселесін көтермек.

"Кеше денсаулық министрі Алексей Цой демалыстағы локдаун екі аптадай болады деді. Біз өз кезегімізде табыстың 40 проценті демалыста түсетінін жеткіздік. Дегенмен, келістік. Осы уақыттың ішінде кәсіпкерлік нысандар өз жұмысын ретке келтіріп, барлық санитарлық талапқа сай жүргізуі керек", - деді "Атамекен" ҰКП басқарма төрағасының бірінші орынбасары Жұмағазиев.

"Егер екі аптадан кейін бәрі ойдағыдай болса, біз демалыстағы локдаунды алып тастауды сұрайтын боламыз. Бұл - кезең-кезеңімен шешілетін нәрсе. Себебі адамдардың өмірі мен денсаулығы маңызды. Кәсіпкерлер де оны жақсы түсінеді", - деп атап көрсетті ол.

128
Кілт сөздер:
демалыс, карантин