Қасым-Жомарт Тоқаев

Тоқаев еуразиялық интеграция бағытын жалғастыра ма сарапшы пікірі

73
Сергей Рекеда Еуразиялық экономикалық одақ, кейбір саясаткерлер айтатындай, "бюрократиялық және аса таңдаулы жоба" емес деп санайды

МӘСКЕУ, 5 қыркүйек – Sputnik, Жәния Орынқаева. Қасым-Жомарт Тоқаев бастаған Қазақстан Орталық Азиядағы көршілеріне тағы да жақындай түседі, ал жаңа президент еуразиялық интеграция бағытын жалғастырады, деп есептейді Ресейдің Интеграциялар болашағын зерттеу орталығының бас директоры Сергей Рекеда.

Назарбаевтың ЕАЭО-дағы мұрасы

Қасым-Жомарт Тоқаев мемлекет басшысы лауазымына кіріскен күннен бастап, тұңғыш президент Нұрсұлтан Назарбаев бекіткен Қазақстанның сыртқы саяси басымдықтарының сабақтастығын атап өтті. Елдің жаңа басшысының мұндай саясаты еуразиялық интеграцияны дамытудың маңызды факторы болып саналады, дейді Рекеда.

Генеральный директор российского Центра изучения перспектив интеграции Сергей Рекеда
© Sputnik / Лев Рыжков
Ресейдің Интеграциялар болашағын зерттеу орталығының бас директоры Сергей Рекеда

"Біз Қазақстанның екінші президенті еуразиялық интеграцияны дамытуды жалғастыратынын көріп отырмыз, ал Нұрсұлтан Назарбаев Еуразиялық экономикалық одақтың құрметті төрағасы лауазымын иеленді, менің ойымша, оның осы бірлестіктің даму стратегиясын айқындауға мүмкіндігі болады", - деді Сергей Рекеда Sputnik Қазақстан тілшісіне Мәскеудегі "МедИАЦия" халықаралық журналистика мектебінде.

Сондықтан кейбір сарапшылардың Еуразиялық экономикалық одақ оны құрған бастамашылар кетісімен бюрократиялық және аса таңдауды жоба ретінде тарихқа кетеді деген пікірі ешқандай сын көтермейді, деп атап өтті Рекеда.  

Сарапшы Тоқаев Қазақстанның мұрагерлік сыртқы саяси белсенділігі мен көпвекторлы саясатын сақтайды деген сенімде. Бірақ жақын болашақта Орталық Азия шеңберіндегі аймақішілік интеграция бағыты үлкен мәнге ие болады.

Тоқаевтың реформалары

Интеграциялық орталықтың басшысы биыл күзде Қазақстанда қандай саяси өзгерістер болуы мүмкін екенін болжады.

 Рекеданың пікірінше, Қазақстанда мерзімінен бұрын парламент сайлауын өткізу қажеттілігі туралы пікірталастар жалғасады. Мемлекет басшысы кадрлық ауыс-түйістерді жалғастырады және мемлекеттік басқару жүйесін оңтайландыруға тырысады. Тоқаев шенеуніктерді халыққа жақындауға мәжбүрлейді. Мемлекеттік аппаратты қайта құрып, ішкі элиталық күштердің жаңа тепе-теңдігін іздейді.

ЕАЭО қатысушылары әлеуметтік мәселелерді қалай шешеді

ЕАЭО әр түрлі елдермен құратын еркін сауда аймақтары (ЕСА) тауар айналымының өсуіне ықпал етеді, деп есептейді Сергей Рекеда.

Еркін сауда аймағы туралы алғашқы келісім 2015 жылы Вьетнаммен жасалған. Нәтижесінде, ЕАЭО мен Вьетнам арасындағы сауда айналымы жыл сайын 30% өсіп келеді.

Қазақстан алғаш рет Вьетнамға астық экспорттады, Беларусь осы елмен машина жасау саласында бірлескен кәсіпорындар ашты, Ресей-Вьетнам тауар айналымының көлемі рекордтық деңгейге жетті.

Иранмен ЕСА туралы келісімі көлік инфрақұрылымын жақсартуға мүмкіндік береді.

Осы жылдың қазан айында Еуразиялық экономикалық одақ пен Сербия арасында ЕСА туралы келісімге қол қою жоспарлануда.

"Бұл келісімдер – ЕАЭО саясиландырылған және "посткеңестік кеңістікті қайта құруға" әрекет жасап жатыр деген айыптаулардың негізсіз екендігінің дәлелі. Еуразиялық бестік әртүрлі экономикалық әлеуеті бар мүлдем басқа елдермен ынтымақтасуға ашық", - деп атап өтті Рекеда.

ЕАЭО елдерінің Қытаймен интеграциядан қауіптенуіне негіз бар ма

Ресейдің интеграция орталығы басшысының пікірінше, ЕАЭО-ға мүше елдер үшін Қытаймен қатынас жасау мәселесі қазір тұжырымдама сатысында. Барлық ел үшін Қытаймен өзара әрекеттесудің рецепті прагматизм саясатына құрылуы мүмкін.

"Басты мәселе Қытаймен ынтымақтастық орнату немесе орнатпауда емес, онымен қарым-қатынасты қалай құруда болып отыр. Мұндай алып елмен АҚШ қана тең жағдайда қатынас жасай алады. Сондықтан интеграциялық модульдерді құру Қытаймен диалог үшін толық прагматикалық құрал болып табылады", - дейді Рекеда.

ЕАЭО елдері жыл соңына дейін қандай келісімдерге қол қояды

ЕАЭО аясында көптен күткен құжат – бұл Еуразиялық одақтың толыққанды ортақ еңбек нарығын қалыптастыруға елеулі үлес қосатын зейнетақымен қамтамасыз ету туралы келісім.   

Қатысушы елдер бұған дейін өздерінің ұстанымдары туралы келісімге келді, қазір жоба ашық талқыланып жатыр. Сондай-ақ жыл соңына дейін, сарапшылардың болжамына сәйкес, Иранмен еркін сауда аймағы күшіне енеді және Сербиямен сауда келісіміне қол қойылады деп күтілуде.

Сонымен қатар, ұстанымдарды үйлестіру, нормативтік құқықтық актілерді, ортақ нарықтарды қалыптастыру, тарифтік емес кедергілерді бекіту және жою жұмыстары жалғасады.  

73
Кілт сөздер:
Еуразиялық экономикалық одақ, Қасым-Жомарт Тоқаев
Тақырып бойынша
Ресей Қазақстанның басты одақтасы болып қала береді - Назарбаев
Асқар Мамин ЕАЭО-дағы әріптестерімен киіз үйде бас қосты – фотодерек
Мамин премьерлерге жалпы ішкі өнімді қалай өсіру қажеттігін айтты  
ЕАЭО премьер-министрлері Қырғызстанда қандай мәселе талқылап жатыр?
ЕАЭО бизнестің мүддесін ескереді - Еуразиялық экономикалық комиссия
Мемлекет басшысы Қасым-Жомарт Тоқаев КСМ Техновид ЖШС кәсіпорнына барды

Президентке құрылыс материалдары өндірісінің технологиялық процесі көрсетілді

32
(Жаңартылды 17:28 25.09.2020)
Тоқаев Алматының Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты

НҰР-СҰЛТАН, 25 қыркүйек – Sputnik. Мемлекет басшысы Қасым-Жомарт Тоқаев Алматыға жасаған жұмыс сапары аясында "КСМ Техновид" ЖШС  кәсіпорнына барды, деп хабарлады Ақорданың баспасөз қызметі.  

"Мемлекет басшысы қаланың Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты", - делінген хабарламада.

Президентке кәсіпорынның өнімдері таныстырылып, құрылыс материалдары өндірісінің технологиялық процесі көрсетілді. Мұнда 250-ден астам адам жұмыс істейді.

Оқи отырыңыз: Коронавирустың екінші толқынына дайын болайық – Тоқаев

Компанияның жобаға салған жеке инвестициясы 3,8 миллиард теңге. Зауыттың қуаттылығы жылына 475 мың шаршы метр шыныпакет шығаруға жетеді.

Сондай-ақ мемлекет басшысына Алматы индустриялық аймағының жағдайы мен даму перспективалары туралы айтылды. Мұнда жыл аяғына дейін құны 85 миллиард теңге болатын 10 жобаны жүзеге асыру жоспарланып отыр.

32
Кілт сөздер:
Алматы, президент, құрылыс
Тақырып бойынша
Тоқаев жарлыққа қол қойды
Қазақстанда өнеркәсіпті дамыту қоры құрылды
Қазақстанда жалпыұлттық сауалнама басталды
Тоқаев жұмыс сапарымен Алматыға барды
Олжас Құдайбергенов

Тоқаевтың бұрынғы кеңесшісі экономика министрлігіне жұмысқа орналасты

59
(Жаңартылды 15:43 25.09.2020)
Бұған дейін Құдайбергенов жеті ай бойы мемлекет басшысының экономика жөніндегі штаттан тыс кеңесшісі болып жұмыс істеді

НҰР-СҰЛТАН, 25 қыркүйек – Sputnik. Экономист Олжас Құдайбергенов жаңа қызметке орналасты. Ол Қазақстанның экономика министрлігі жанындағы басқарушы кеңестің төрағасы болып тағайындалды.

Бұл туралы мемлекеттік басқарудың жай-күйі мен болашағы талқыланған экономика министрлігі жанындағы басқарушы кеңестің отырысында белгілі болды. Ведомство басшысы Руслан Дәленов кеңестің негізгі міндеттерін түсіндірді. Ол министрліктің қызметін бағалап, жетілдіру бойынша ұсынымдық шешімдер әзірлейді.

Басқарушы кеңестің төрағасы болып экономист, Қазақстан президенті жанындағы әлеуметтік-экономикалық реформалардың мониторингін талдау орталығының мүшесі Олжас Құдайбергенов сайланды.

Кездесуге қатысушылар қойылған міндеттерді өнімді шешу үшін мемлекеттік органдардың кадрлық әлеуетін жетілдіруді ұсынды.

Ал Дәленов ұсынылған шараларды жүзеге асырудың тетіктері жаңа экономикалық саясаттың негізгі бағыттары бойынша нәтижеге қол жеткізуге бағытталатынын хабарлады.

Сынақ мерзімінен өтпеді: Молдағасымова тағы да жұмыссыз қалды 

Бұған дейін Руслан Дәленов президенттің кадрлық резервінде тұрған мамандармен кездесуінде басқарушы кеңес құрылатынын мәлімдеп, ол жерге кадр резервінің өкілін енгізуді ұсынған болатын.

Еске сала кетейік, 20 шілдеде Олжас Құдайбергенов президенттің экономика жөніндегі штаттан тыс кеңесшісі қызметінен босатылды.

59
Кілт сөздер:
экономика, Қасым-Жомарт Тоқаев
Тақырып бойынша
Құдайбергеновтің президент кеңесшісі қызметінен неге босатылғаны белгілі болды
Тоқаевтың кеңесшісі пневмония мен COVID-ке қатысты жазба жариялады
Тоқаев кеңесшісін қызметінен босатты
Тоқаевтың кеңесшісі 2 миллионға жуық қазақстандық коронавирус жұқтырғанын айтты
Ақорда ғимараты

Президент ұлттық қоғамдық сенім кеңесінің мүшелерімен кездесу өткізді

0
Ақордадағы кездесуде демографиялық саясат, балалар әдебиетін дамыту мәселелері талқыланып, жергілікті өзін-өзі басқару ісін одан әрі дамыту, мемлекеттік стратегиялық жоспарлау жүйесін жақсарту жөніндегі ұсыныстар қарастырылды

НҰР-СҰЛТАН, 26 қыркүйек – Sputnik. Алматыда мемлекет басшысы Қасым-Жомарт Тоқаев президент жанындағы ұлттық қоғамдық сенім кеңесінің мүшелері Қайрат Жолдыбайұлымен және Андрей Чеботаревпен кездесу өткізді, деп хабарлады Ақорда.

Қоғам қайраткері Қайрат Жолдыбайұлымен кездесуде демографиялық саясат, өскелең ұрпақтың рухани-адамгершілік тәрбиесі және еліміздегі балалар әдебиетін дамыту мәселелері талқыланды.

Оқи отырыңыз: Коронавирустың екінші толқынына дайын болайық – Тоқаев  

"Альтернатива" өзекті зерттеулер орталығының директоры Андрей Чеботарев президенттің Қазақстан халқына арнаған жолдауында айтылған бастамаларына қолдау білдірді. Атап айтқанда ауыл әкімдерінің тікелей сайлауын өткізудің маңыздылығы еліміздің саяси трансформация үдерісіндегі тағы бір оң қадам екенін айтты. Сонымен қатар кездесуде жергілікті өзін-өзі басқару ісін одан әрі дамыту, мемлекеттік стратегиялық жоспарлау жүйесін жақсарту, мүлік меншіктерінің бірлестігін құру және оның қызметі жөніндегі ұсыныстар қарастырылды.

0
Кілт сөздер:
президент, Қасым-Жомарт Тоқаев
Тақырып бойынша
Сарапшылар ауыл әкімін сайлау кезінде қандай қиындықтар болуы мүмкін екенін айтты
Тоқаев жарлыққа қол қойды
Қазақстан ресми түрде өлім жазасынан бас тартты
Тоқаев жұмыс сапарымен Алматыға барды
Тоқаев Алматыда автокөліктің капотына не жазды