Ақша, архивтегі сурет

Ақорда миллиардтаған қаражаттың жымқырылғанын хабарлады

2678
Өңірлерді дамытудың 2020 жылға дейінгі мемлекеттік бағдарламасын іске асыруға бөлінген қаржының қаншалықты тиімді пайдаланылғаны талқыланды

НҰР-СҰЛТАН, 4 қазан — Sputnik. Мемлекеттік хатшы Қырымбек Көшербаевтың төрағалығымен президент жанындағы Сыбайлас жемқорлыққа қарсы іс-қимыл мәселелері жөніндегі комиссияның отырысы өтті, деп хабарлайды Ақорда.

Министрліктер мен ведомство өкілдері өңірлерді дамытудың 2020 жылға дейінгі мемлекеттік бағдарламасына арналған қаражаттың тиімді жұмсалуына баға берді.

Баспасөз қызметінің хабарлауынша, комиссия бұл бағдарлама өңірлердегі сыбайлас жемқорлық тәуекелдерін арттыратынын анықтаған. Бұл ең алдымен, тұрғын үй-коммуналдық шаруашылығы және ауыз сумен қамтамасыз ету салаларына қатысты.

Мемлекеттік органдар қанша бұзушылық анықтады

Прокурорлар алты өңірде қаржы жымқыру және мақсатсыз жұмсау фактілері бойынша жалпы сомасы 5,3 миллиард теңге мемлекеттік қаражаттың ысырап болғанын анықтаған. Осы фактілер бойынша жеті сотқа дейінгі тергеу жұмысы басталып, 267 миллион теңге қайтарылған.

Тағы оқыңыз: 13 тонна алтынды үйінде жасырған шенеунік ұсталды – видео

Сыбайлас жемқорлыққа қарсы іс-қимыл агенттігі 2017 жылдан бастап сыбайлас жемқорлық бойынша 145 қылмысты анықтады. Қылмыс жасағаны үшін 78 адам қылмыстық жауапкершілікке тартылып, 59-ы сотталды.

2019 жылы анықталған бұзушылықтар

Биыл  камералық бақылау жалпы сомасы 42,8 миллиард теңгені құрайтын мемлекеттік сатып алудың 45-ін тексерді. Жалпы сомасы 39,1 миллиард теңге болатын 42 процедура бойынша мемлекеттік сатып алу заңдылығын бұзу жағдайы анықталған.

Комиссия президент тапсырмаларын орындау барысында сыбайлас жемқорлықтың алдын алуға бағытталған нақты ұсыныстар дайындап, тиісті мемлекеттік органдарға жіберді.

2678
Кілт сөздер:
қаражат, Ақорда
Тақырып бойынша
Жемқорлық үшін бірінші басшы жазаланады - Тоқаевтың тапсырмасы қалай орындалып жатыр?
Шпекбаев: күн сайын жемқорлық туралы 50-100 хат келеді
Ақтөбе облысында полиция полковнигі ұсталған сәттің видеосы жарияланды
"Әр отбасының табысы 200 мың теңгеге жетеді": бюджеттен қосымша ақша бөлінеді  
1000 теңгені тегін алуға болады: ол үшін не істеу керек?  
Бірыңғай жинақтаушы зейнетақы қорының логотипі

Бірыңғай жинақтаушы зейнетақы қоры салымшылар туралы мәліметті жариялады

1690
(Жаңартылды 15:59 28.09.2020)
Қазақстанда 10 870 610 адамның шотында зейнетақы жинағы бар, олардың жалпы жинағы 11 триллион 942 миллиард 813 миллион теңгеге жеткен

НҰР-СҰЛТАН, 28 қыркүйек – Sputnik. Бірыңғай жинақтаушы зейнетақы қоры қазақстандықтар 2020 жылдың 1 қыркүйегіне дейін қанша ақша жинағанын жария етті.  

БЖЗҚ мәліметінше, 10 870 610 адамның шотында зейнетақы жинағы бар: 5 615 939 – ер, 5 254 671 – әйел. Олардың жалпы жинағы 11 триллион 942 миллиард 813 миллион теңгеге жеткен, оның ішінде 7 триллион 040 миллиард 032 миллион теңге ер азаматтарға, ал 4 триллион 902 миллиард 781 миллион теңге әйелдерге тиесілі.  

  • 5 906 632 адам – 500 мың теңгеге дейін;
  • 1 590 837 адам – 501 мың теңгеден 1 миллион теңгеге дейін;
  • 2 348 114 адам – 1 миллион теңгеден 3 миллион теңгеге дейін;
  • 634 188 адам – 3 миллионнан 5 миллион теңгеге дейін;
  • 238 931 адам – 5 миллионнан 8 миллион теңгеге дейін;
  • 151 908 адам 8 миллион теңгеден жоғары зейнетақы жинағына ие.

Бұл ретте ерлердің зейнетақы жинақтарының орташа сомасы – 1 миллион 254 мың теңге, ал әйелдерде – 933 мың теңге.  

Алайда бүкіл жинақтаушы зейнетақы жүйесі қолданыста болған кезең ішінде жарналарды тұрақты түрде аударып отырған адамдардың зейнетақы жинақтарын бағалайтын болсақ, онда 1998 жылдан бері зейнетақы жарналарын ай сайын аударып отырған салымшылардың арасында ер азаматтардың жинақтарының орташа сомасы 5,8 миллион теңге, ал әйелдерде – 4,4 миллион теңге.

Оқи отырыңыз: Перуашев зейнетақы мен жәрдемақыны басқаша есептеуді талап етті

Еске сала кетейік, президент Қасым-Жомарт Тоқаев биылғы Қазақстан халқына жолдауында 2021 жылы БЖЗҚ салымшылары өз зейнетақы жинағының бір бөлігін тұрғын үй сатып алуға, емделуге және қаржы компанияларының басқаруына беру үшін ала алатынын айтты.

Осыған байланысты мемлекет басшысының тапсырмасы бойынша жыл соңына дейін барлық қажетті нормативтік-құқықтық актілерді түпкілікті қабылдау үшін дайындық жұмыстары жүргізіліп жатыр.

1690
Кілт сөздер:
салымшы, зейнетақы жинағы
Тақырып бойынша
БЖЗҚ 24 миллиард теңгеге жуық қарызын қайтарып алды
Зейнетақыны пайдалану: жинақтағы қаражатты қалай тексеруге болады
"Қол жетпейтін дүние": қазақстандықтардың зейнетақы жинағын пайдалануға қатысты пікірі
Nur Otan партиясы зейнетақы жинағының бір бөлігіне салық салмауды ұсынды
Экономистер зейнетақы жинағын қай салаларда жұмыс істейтіндер алатынын айтты
Теңге, доллар, ақша

Ұлттық банк теңгенің әлсіреуіне қатысты мәлімдеме жасады

873
Ұлттық банктің мәліметінше, теңгенің әлсіреуі әлемдік нарықтарда АҚШ долларының нығаюымен байланысты болып отыр

НҰР-СҰЛТАН, 28 қыркүйек – Sputnik. Мұнай бағасының айтарлықтай өзгермегеніне қарамастан, 28 қыркүйекте сауда-саттықтың ашылуында теңгенің долларға шаққандағы бағамы 0,38%-ке әлсіреп, 428,20 теңгені құрады. Ұлттық банк теңгенің айырбас бағамына қатысты түсініктеме берді.

Ұлттық банк монетарлық операциялар департаментінің директоры Нұржан Тұрсынхановтың айтуынша, АҚШ долларының индексі коронавирустың екінші толқынына қатысты алаңдаушылық пен АҚШ-тағы президет сайлауына байланысты негізгі әлемдік валюталар қоржынына қарсы нығайып, екі айдағы шарықтау шегіне жеткен.

"ХВҚ өкілдерінің айтуынша, коронавирус пандемиясына байланысты дағдарыс болжанғаннан да ұзаққа созылады және кейбір елдердің экономикасына өсімге қайта оралу үшін жылдар қажет болады. Еуропада коронавирустың екінші рет қайталануы туралы үрей мен шектеу шараларын енгізу де долларға қолдау көрсетіп жатыр", - деп түсіндірді Тұрсынханов.  

Ол сыртқы нарықтардың қысымын дамушы елдердің валюталары да сезінгенін атап өтті. Мәселен, түрік лирасы бұған дейінгі ең жоғары көрсеткіштерді жаңартса, Бразилия реалы мен Мексика песосы жұма күні 0,9%-ке әлсіреді, Оңтүстік Африка ранды доллармен салыстырғанда құнын 1,2%-ға жоғалтты.  

Ал Ресей рублі өткен аптада бір доллар үшін сәуірдегі деңгейдің ең жоғары көрсеткіші – 78 рубльден асып, анти-рекордсмен атанды. Мәскеу биржасындағы сауда-саттық 78,19 деңгейінде жабылып, жұма күні 1,35%-ке төмендеген.

Сондай-ақ, ол доллар индексінің өсуі мұнай бағасының төмендеуіне себеп болғанын айтты. Ұлттық банктің болжамынша, COVID-19 инфекциясының қайта өршуі мен бірқатар елде шектеу шараларының енгізілуіне байланысты мұнайға сұраныстың өсуі екіталай.

Осындай іргелі сыртқы факторлардың бәрі теңге бағамына әсер етеді.

873
Кілт сөздер:
доллар, теңге бағамы, Ұлттық банк
Тақырып бойынша
Ұлттық банк базалық мөлшерлемеге қатысты шешім қабылдады
Ұлттық банк экономикаға қатысты болжамын өзгертті

Әлемдегі ең әдемі кітапханалар әсерлі суреттер

0
  • Әлемдік кітапханалар туралы ең қызықты деректерді біздің материалымыздан оқыңыз! Суретте: ең үлкен ғибадатхана кітапханаларының бірі – Австриядағы Адмонт аббаттығының кітапханасы. Оның ұзындығы - 72 метр.
  • Әулие Галл ғибадатханасының кітапханасы – Швейцарияддағы ең ежелгі кітапхана.
  • Ватикан апостол кітапханасы – бұл Ватикандағы ортағасырлық және Қайта өрлеу (Ренессанс) дәуіріндегі қолжазбалардың ең бай коллекциясы сақталған кітапхана.
  • Манчестердегі Джон Райландс кітапханасы.
  • АҚШ конгресі кітапханасының қорында 158 миллионға жуық кітап бар. Оларға жай ғана көз жүгіртіп шығу үшін 130 жылдай уақыт қажет.
  • Цюрих университеті құқық институтының кітапханасы.
  • Джордж Пибоди кітапханасы, Балтимор, АҚШ.
  • Нью-Йорк қоғамдық кітапханасы – әлемдегі ең үлкен кітапханалардың бірі. Сондай-ақ, дүниежүзіндегі ең ауқымды ғылыми кітапханалық жүйелердің бірі.
  • Прагадағы Страхов ғибадатханасы кітапханасы, Чехия.
  • Дублиндегі Тринити-колледжі кітапханасы, Ирландия.
  • Рейксмюсеум зерттеу кітапханасы Нидерландыдағы өнер тарихын зерттейтін ең үлкен кітапхана және өнер мұражайының бір бөлігі саналады.
  • Штутгарт қалалық кітапханасының негізі 2011 жылы қаланған.
  • Португалия корольдігі кітапханасы, Рио-де-Жанейро, Бразилия.
  • Веймардағы герцогиня Анна Амалия кітапханасында неміс әдебиетінің және тарихи құжаттардың үлкен коллекциясы бар. Тюрингия, Германия.
Қазіргі кезде көп адам электронды кітапты оқығанды жөн көреді. Ал кейбірі, тіпті кітапхананы "ескінің қалдығы" деп есептейді. Жалпы, кітапханалар қажет пе? Сіз қалай ойлайсыз?

Осы бір сұрақтың жауабын ойлана отырып, әлемдегі ең әдемі кітапханалардың фотосуреттерін тамашалаңыз

Жуырда елорда мәслихатының депутаты Мирас Шекенов қаланың кітапхана қорын цифрландырып, оны бір кітапхана желісіне біріктіру жөнінде ұсыныс тастады. Оның пікірінше, қалғандарын астаналықтардың бос уақытын өткізуге арналған жаңа кеңістікке айналдырған жөн.

Бұл сөзін Шекенов жыл сайын елдің бас шаhарындағы кітапханаларға баратын азаматтар санының азайып келетінімен және рухани кемелдену ордасын қамтамасыз етуге бюджет қоржынынан бөлінетін қаржы мөлшері айтарлықтай орасан екендігімен түсіндірді.

Қазір Қазақстанның бас шаhарында 18 көпшілік және балалар кітапханасы бар. Олардың қорында барлық жастағы азаматтарға арналған және әлемнің 100 тіліндегі бір миллионнан астам кітап тұр.

Sputnik Қазақстан әлемнің ең әдемі кітапханалары бейнеленген фотосуреттер топтамасын назарыңызға ұсынады.

Білім мен тарихтың қазынасы шоғырланған бұл кітапханаларда соңғы үлгідегі гаджеттің экраны жеткізе алмайтын тамаша атмосфера бар.

Әлемдегі кітапханалар туралы қызықты деректер

  • Ең көне кітапхана Египеттің Синай түбегінде орналасқан. Бұл Әулие Екатерина ғибадатханасының кітапханасы. Ол 6-шы ғасырдың ортасында салынған және әлемдегі екінші діни орынға айналды (Ватиканнан кейін). Кітапхананың есігі қарапайым адамдар үшін жабық, сондықтан ондағы әдебиетті алуға тек монахтар мен шақырылған студенттерге ғана рұқсат етілген.
  • Әлемдегі ең үлкен кітапхана – АҚШ конгресінің кітапханасы. Оның қорында 158 миллионға жуық кітап бар. Оларға жай ғана көз жүгіртіп өту үшін 130 жылдай уақыт қажет.
  • Әлемдегі ең шағын кітапханалар Нью-Йоркте орналасқан, онда тек бір адамға ғана шақталған орын бар. Қорда бар-жоғы 40 кітап тұр. Шағын кітапхананың мақсаты – мегаполис тұрғындарына қаланың қайнаған өмірі мен қарбалас тіршілігінен аз уақытқа болсын демалуға көмектесу. Инновациялық кітапхана қорындағы әдебиеттердің арнайы қорғаныш мұқабасы бар.
  • Әлемдегі ең биік кітапхана Шанхай қонақ үйінде, 230 метр биіктікте орналасқан. Қорда қытай және ағылшын шығармаларының коллекциясы сақталған. Алайда кітапхананың ауданы небары 57 шаршы метрді құрайды.
  • Ең алғашқы кітапханашы – грек сыншысы және Гомер түсіндірушісі – Зенодот.
  • Алғашқы "көшпелі кітапхана" 1857 жылы пайда болды. Ол Камбрия аудандарында саяхат жасады. Мұндай кітапхананы құру идеясы әдебиетті қарапайым азаматтар арасында насихаттағысы келген меценат Джордж Мурға тиесілі.
  • Кітапханаларда көбінесе Інжіл немесе Гиннестің рекордтар кітабы қолды болып жатады.
  • Германияда бір-екі еуро төлеп, бір айға жергілікті суретшінің кез келген картинасын алуға мүмкіндік беретін көркемөнер кітапханалары бар.
  • Егер сіз Норвегияда кітап шығарсаңыз, үкімет оның 1000 данасын сатып алып, елдің барлық кітапханасына жібереді.
  • Гарвард университетінің кітапханасы сыртқы мұқабасы адам терісінен жасалған кітаптардың коллекциясымен мақтана алады.
  • Амстердамдағы әуежайлардың бірінде "сенім" кітапханасы бар. Онда кітапханашы деген атымен жоқ, кітапты қайтару мерзімі де белгіленбеген. Егер адам белгілі бір кітапты алғысы келсе, оның орнына басқа кітапты қалдырып кетуі керек.
0
  • Әлемдік кітапханалар туралы ең қызықты деректерді біздің материалымыздан оқыңыз! Суретте: ең үлкен ғибадатхана кітапханаларының бірі – Австриядағы Адмонт аббаттығының кітапханасы. Оның ұзындығы - 72 метр.
    © CC BY-SA 3.0 / Jorge Royan

    Әлемдік кітапханалар туралы ең қызықты деректерді біздің материалымыздан оқыңыз! Суретте: ең үлкен ғибадатхана кітапханаларының бірі – Австриядағы Адмонт аббаттығының кітапханасы. Оның ұзындығы - 72 метр.

  • Әулие Галл ғибадатханасының кітапханасы – Швейцарияддағы ең ежелгі кітапхана.
    © REUTERS / ARND WIEGMANN

    Әулие Галл ғибадатханасының кітапханасы – Швейцарияддағы ең ежелгі кітапхана.

  • Ватикан апостол кітапханасы – бұл Ватикандағы ортағасырлық және Қайта өрлеу (Ренессанс) дәуіріндегі қолжазбалардың ең бай коллекциясы сақталған кітапхана.
    © AP Photo / Pier Paolo Cito

    Ватикан апостол кітапханасы – бұл Ватикандағы орта ғасырлық және Қайта өрлеу (Ренессанс) дәуіріндегі қолжазбалардың ең бай коллекциясы сақталған кітапхана.

  • Манчестердегі Джон Райландс кітапханасы.
    © REUTERS / PHIL NOBLE

    Манчестердегі Джон Райландс кітапханасы.

  • АҚШ конгресі кітапханасының қорында 158 миллионға жуық кітап бар. Оларға жай ғана көз жүгіртіп шығу үшін 130 жылдай уақыт қажет.
    © AFP 2019 / BRENDAN SMIALOWSKI

    АҚШ конгресі кітапханасының қорында 158 миллионға жуық кітап бар. Оларға жай ғана көз жүгіртіп шығу үшін 130 жылдай уақыт қажет.

  • Цюрих университеті құқық институтының кітапханасы.
    © REUTERS / ARND WIEGMANN

    Цюрих университеті құқық институтының кітапханасы.

  • Джордж Пибоди кітапханасы, Балтимор, АҚШ.
    © CC BY-SA 3.0 / Matthew Petroff

    Джордж Пибоди кітапханасы, Балтимор, АҚШ.

  • Нью-Йорк қоғамдық кітапханасы – әлемдегі ең үлкен кітапханалардың бірі. Сондай-ақ, дүниежүзіндегі ең ауқымды ғылыми кітапханалық жүйелердің бірі.
    © AP Photo / Seth Wenig

    Нью-Йорк қоғамдық кітапханасы – әлемдегі ең үлкен кітапханалардың бірі. Сондай-ақ, дүниежүзіндегі ең ауқымды ғылыми кітапханалық жүйелердің

  • Прагадағы Страхов ғибадатханасы кітапханасы, Чехия.
    © AP Photo / Jon Gambrell

    Прагадағы Страхов ғибадатханасы кітапханасы, Чехия.

  • Дублиндегі Тринити-колледжі кітапханасы, Ирландия.
    © REUTERS / Clodagh Kilcoyne

    Дублиндегі Тринити-колледжі кітапханасы, Ирландия.

  • Рейксмюсеум зерттеу кітапханасы Нидерландыдағы өнер тарихын зерттейтін ең үлкен кітапхана және өнер мұражайының бір бөлігі саналады.
    © AP Photo / Peter Dejong

    Рейксмюсеум зерттеу кітапханасы Нидерландыдағы өнер тарихын зерттейтін ең үлкен кітапхана және өнер мұражайының бір бөлігі саналады.

  • Штутгарт қалалық кітапханасының негізі 2011 жылы қаланған.
    © CC0 / Pixabay

    Штутгарт қалалық кітапханасының негізі 2011 жылы қаланған.

  • Португалия корольдігі кітапханасы, Рио-де-Жанейро, Бразилия.
    © CC BY 2.0 / Mayumi Ishikawa

    Португальская королевская библиотека, Рио-Де-Жанейро, Бразилия

  • Веймардағы герцогиня Анна Амалия кітапханасында неміс әдебиетінің және тарихи құжаттардың үлкен коллекциясы бар. Тюрингия, Германия.
    © AP Photo / JENS MEYER

    Веймардағы герцогиня Анна Амалия кітапханасында неміс әдебиетінің және тарихи құжаттардың үлкен коллекциясы бар. Тюрингия, Германия.

Кілт сөздер:
кітапхана, сурет