Қазақстан мен Ресейдің XVI өңіраралық ынтымақтастық форумына дайындық

Қазақстан және Ресей: Елші әріптестіктің басты бағыттарын атады

85
(Жаңартылды 14:03 07.11.2019)
Дипломат Алексей Бородавкин Қазақстан мен Ресей екі жақты ынтымақтастықтың оң қарқынын қалай сақтап отырғанын айтты

НҰР-СҰЛТАН, 7 қараша– Sputnik. Ресейдің Қазақстандағы төтенше және өкілетті елшісі Алексей Бородавкин Sputnik Қазақстан-ға сұқбат беріп, екі ел ынтымақтастығының жетістіктері және байланысты одан әрі дамыту жоспары жайлы айтты.

Чрезвычайный и Полномочный Посол Российской Федерации в Республике Казахстан Алексей Бородавкин
© Sputnik / Владислав Воднев
Ресейдің Қазақстандағы төтенше және өкілетті елшісі Алексей Бородавкин

– Бүгін Омбыда "Шекара бойындағы әріптестікті дамытудың өзекті мәселелері" атты Қазақстан мен Ресейдің XVI өңіраралық ынтымақтастық форумы өтіп жатыр. Оған алғаш рет Қазақстан президенті Қасым-Жомарт Тоқаев қатысады. Сіз шекара маңындағы екі жақты әріптестіктің қандай аспектілеріне басымдық берер едіңіз?

– Қазақстан мен Ресейдің өңіраралық ынтымақтастық форумы мемлекет басшылар деңгейінде бірге атқарылған бір жылдық жұмыстың қорытындысын шығаруға арналған дәстүрлі алаңға айналды. Шынымен де, Қасым-Жомарт Тоқаев аталған шараға алғаш рет қатысады. Дегенмен, оның форум дәстүрін жалғастыратынына еш күмән жоқ. Мәселен, конструктивті диалог, өзекті мәселелерді жедел шешу, өзара тиімді одақтастық қатынас және ықпалдастық әріптестіктің векторы мен перспективті бағыттарын анықтау бойынша жұмыс атқаратынына сенімдімін.

Тағы оқыңыз: Омбы форумының алғашқы күні қалай өтті?

Өздеріңіз білетіндей, шара барысында шекара бойындағы ынтымақтастықтың Қазақстан-Ресей бағдарламасының тұжырымдамасын таныстыру жоспарланып отыр. Бұл құжат сауда көлемін арттырып, мәдени-гуманитарлық байланысты одан әрі нығайтуға негіз болмақ. Бұған қоса, екі елдің көршілес аймақтарының бірлескен, кешенді және үйлестірілген әлеуметтік-экономикалық дамуына қарқын бермек.

– Қос мемлекет арасындағы экономикалық ықпалдастық тұрғысынан 2019 жылғы ең маңызды қандай бес жетістікті атар едіңіз?

– Қазақстан - Ресейдің негізгі сауда-экономикалық серіктестерінің бірі. Биыл біздің елдер ықпалдастық байланысты нығайту үшін көп жұмыс атқарды. Бұл өз нәтижесін берді: сауда айналымы өсіп барады, бірлескен жобалар жүзеге асуда, сауда операциялары бойынша өзара есеп айырысуда ұлттық валюталар үлесі артып келеді.

Тағы оқыңыз: Қазақстан-Ресей шекарасында балаға берілетін сенімхатты алып тастау ұсынылды

Статистикалық мәліметке сүйенсек, әлем экономикасының алдында тұрған қауіп-қатерге қарамастан Қазақстан мен Ресей екі жақты ынтымақтастықтың оң қарқынын сақтап қалып отыр.

Сұқбаттың толық нұсқасын мына жерден оқыңыз.

85
Кілт сөздер:
Алексей Бородавкин, Ресей, Қазақстан
Тақырып бойынша
Қазақстан бүкіл әлемдегі этникалық қазақтарға арнайы куәліктер береді
Омбы қазақтары ана тілі мен салт-дәстүрін қалай сақтап қалды?
Ресей мен Қазақстан медиа байланысты нығайтуға кірісті
Омбыда қазақ суретшісіне ескерткіш орнатылды
Air Astana

Air Astana мен "ҚазМұнайГаз" 2022 жылы IPO-ға шығарылады 

18
"Самұрық-Қазына" 2020 жылдың соңына дейінгі жекешелендіру бағдарламасының белсенді кезеңіне қайтып оралмақ. Ол уақытқа дейін "Қазақтелеком" акцияларының 10%-ін сату көзделіп отыр

НҰР-СҰЛТАН, 24 қыркүйек – Sputnik. "ҚазМұнайГаз" ҰК АҚ мен "Эйр Астана" АҚ-ны IPO-ға шығару 2022 жылға жоспарланып отыр, деп мәлімдеді "Самұрық-Қазына" қорының логистика және халықаралық ынтымақтастық жөніндегі басқарушы директоры Ержан Тұтқышев.

Маусым айында экономиканы жаңғырту мәселелері жөніндегі мемлекеттік комиссия қор нарығындағы тұрақсыздық пен макроэкономикалық жағдайдың нашарлауына байланысты активтерді жекешелендірудің жаңа мерзімін айқындады.

"Соңғы уақытта жағдайдың едәуір жақсарғаны көрінеді – қор биржаларында тұрақтылық байқалады, инвестициялық белсенділік деңгейі өсіп келеді. Осыған байланысты қор 2020 жылдың соңына қарай ірі активтерді бәсекелестік ортаға беруге дайындық жүргізудің белсенді сатысына оралатын болады", - деді Тұтқышев.

Биыл IPO-ға дайындық кезеңінен өтіп жатқан бірнеше компания биржаға шығу мерзімі кейінге қалдырылғаны жөнінде жариялады. Бұл кірісі айтарлықтай төмендеген мұнай-газ секторы мен авиация саласындағы қазақстандық компанияларға да қатысты. Осыған байланысты жақын арада "ҚазМұнайГаз" бен "Эйр Астананы" IPO-ға әділ бағамен шығару мүмкін емес.

"ҚазМұнайГаз" ҰК АҚ мен "Эйр Астана" АҚ IPO-ға шығарудың жоспарлы мерзімі 2022 жылға көзделген. Бұл ретте, "Эйр Астана" АҚ-ның бизнес-жоспарын ескере келе, акциялардың қосымша эмиссиясын өткізу жоспарланған", - деді Тұтқышев.

Ол  дағдарыс басталған кезге дейін қордың портфельдік компанияларының қаржылық жағдайы тұрақты болғандығын, ал бұл үлкен шығынның болмауына әсер еткенін, сондықтан қазір акцияларды арзан бағамен сату орынсыз екенін атап өтті.

"Жылдың соңына дейін "Қазақтелеком" акцияларының 10%-і сатылады деген болжам бар", – деді Ержан Тұтқышев.

Қазіргі таңда "Самұрық-Қазына" қоры "Қазақтелекомның" 51% акциясына иелік етеді, яғни акциялардың бір бөлігі сатылғаннан кейін компания квазимемлекеттік болудан қалады, дегенмен, мемлекет стратегиялық бақылауды сақтайды.

"2021 жылы "Қазпошта" АҚ мен "Самұрық-Энерго" АҚ-ны стратегиялық инвесторға тікелей сату арқылы жекешелендіру жоспарланып отыр. Қор сатылым алдындағы дайындық жұмыстарын жүргізеді. "Самұрық-Энерго" АҚ-ның энергетика және көмір өнеркәсібі саласы үшін маңыздылығын ескере келе, оған инвестор тартпас бұрын, акцияларды сату параметрлері мен оны жүзеге асыру шарттары үкіметпен келісіледі", - деп түсіндірді Тұтқышев.

Сондай-ақ, 2022 жылы "Тау-Кен Самұрық" АҚ және "Qazaq Air" АҚ жекешелендіріледі. Алайда, бұл активтерді жекешелендіру әдісі әлі анықталған жоқ. Басқалармен салыстырғанда бұл компаниялар қалыптасу сатысында тұр, сондықтан оларды жекешелендіруді жүзеге асыру мерзімі 2022 жылға ауыстырылды.

 "2023 жылы "Қазақстан темір жолы" ҰК" АҚ-ны  IPO-ға шығару жоспарланып отыр. Бизнес-модельді қайта қарау және компанияның кіріс деңгейін арттыру үшін уақыт қажет", - деп түйіндеді Тұтқышев.

Жекешелендірудің 2016-2020 жылдарға арналған кешенді жоспары Қазақстан үкіметінің 2015 жылғы 30 желтоқсандағы N1141 қаулысымен бекітілген және 168 компанияны қамтиды.

Қазіргі таңда жекешелендіру жоспарына қордың 8 ірі активі және 22 шағын активі енгізілген.

Бүгінде жоспардың 82%-і орындалды.  2016 жылдан бастап қор 138 активті жекешелендіруді аяқтады, оның ішінде 85 актив сатылды, 11-і қайта құрылды және 42-сі таратылды.

18
Ирина Смирнова

Мәжіліс депутаты жұмыссыздарға бір триллион теңгені таратып беруді ұсынды

1187
Жұмыспен қамту жол картасы аясында 255 мың адамды тұрақты және уақытша жұмысқа орналастыру жоспарланған. Бір жұмыс орнын ашуға 4 миллион теңге қарастырылған

НҰР-СҰЛТАН, 24 қыркүйек – Sputnik. Мәжіліс депутаты Ирина Смирнова "Жұмыспен қамту жол картасына" жұмсалатын 1 триллион теңгені жұмыссыздарға таратып беруді ұсынды, деп хабарлайды Sputnik Қазақстан тілшісі.  

Депутаттың айтуынша, Жұмыспен қамту жол картасына бір триллион теңге қарастырылған. Жол картасы аясында 255 мың адамды тұрақты және уақытша жұмысқа орналастыру жоспарланған. Сонда бір жұмыс орнын ашуға 4 миллион теңге жұмсалады. Ал ашылатын жұмыс орындарының дені – уақытша.

"Уақытша жұмыс орындары үшін мұндай баға тым жоғары деп ойламайсыз ба? Сыбайлас жемқорлық деңгейі мен мемлекет қаржысын жұмсау тиімділігін ескерсек, бұл ақшаны азаматтарға бағдарламасыз-ақ немесе жергілікті жобалар түрінде тікелей қолдау көрсетуге жұмсаған дұрыс болмай ма?!", - деген ұсыныс тастады Смирнова мәжілісте өткен үкімет сағатында.

Еңбек және халықты әлеуметтік қорғау министрі Біржан Нұрымбетов жұмыспен қамту жол картасына 1 триллион теңге көзделгенін растады. Оның 300 миллиард теңгесі республикалық бюджеттен, ал 700 миллиарды жергілікті бюджеттен бағытталады.

Оқи отырыңыз: Перуашев зейнетақы мен жәрдемақыны басқаша есептеуді талап етті

"Сіз дұрыс айтасыз, есептеу кезінде бір жұмыс орнына 4 миллион теңгеден келеді. Бұл біздің қатаң талабымыз болатын. Қазір әкімдер мен жұмыс берушілер уақытша болса да, бір жұмыс орнын ашуға мұндай ақша өте аз деп санайды. Бірақ, біз осындай қатаң талап қойдық", - деді министр.  

Ол "Еңбек" бағдарламасында да уақытша жұмыс орындары басым екенін айтты. Алайда, олардың құны төмен.

"Себебі жастар практикасына, әлеуметтік жұмыс орындары мен қоғамдық жұмыстарға бағытталатын қаражаттың бәрі тек жалақыға ғана жұмсалады. Мұндай жұмыс орындарын құру жылына әлдеқайда арзанға түседі, ең көбі жылына 600 мың теңгеге дейін", - деді Нұрымбетов.

1187
Кілт сөздер:
жұмыссыздық, мәжіліс депутаты
Тақырып бойынша
Елімізде 400 мың жұмыс орны құрылса, 300 мыңы жабылып жатады – министр
Депутат бес жылдан кейін бала туатын әйелдер санының азаятынын айтты
Жыл соңына дейін 700 мың адам жұмыссыз қалуы мүмкін – министрлік болжамы
Азаматтарды жұмыспен қамту мақсатында әкімдіктерге жаңа міндет жүктелді
Зейнетақы жинағын беру халыққа шынайы көмек пе?
Коронавирустың екінші толқыны басталса, 2,2 млн адам қиын жағдайда қалуы мүмкін
Владимир Путин

Ресей президентін Бейбітшілік үшін Нобель сыйлығына ұсынды

0
Өтінім 10 қыркүйекте Ослодағы Нобель комитетінің штаб-пәтеріне түсті, деп хабарлады ресейлік жазушы Сергей Комков

НҰР-СҰЛТАН, 24 қыркүйек – Sputnik. Жазушы Сергей Комков Ресей Федерациясының президенті Владимир Путинді 2021 жылғы Бейбітшілік үшін Нобель сыйлығына ұсынғанын мәлімдеді, деп хабарлады РИА Новости.

"Мен тиісті өтінімді 9 қыркүйекте жібергенмін. Келесі күні, яғни 10 қыркүйекте ол өтінім Ослодағы Нобель комитетінің штаб-пәтеріне түсті", - деді Комков арнайы баспасөз мәслихатында.

Оның айтуынша, өтінімдерді қабылдау қыркүйекте басталып, қазан айында аяқталады. Комитет барлық өтінімді наурызға дейін қарайды.

Путиннің баспасөз хатшысы Дмитрий Песков те осы бастамаға қатысты пікір білдірді.

"Шешім қабылданса, тамаша болады. Ал болмаса, ештеңе етпес", - деді Песков журналистерге берген сұхбатында.

Оқи отырыңыз: Әдебиет саласындағы Нобель сыйлығы фотографтың кесірінен ешкімге бұйырмады 

Айта кетейік, 9 қыркүйекте Норвегияның стортинг (парламент) депутаты Кристиан Тибринг-Чьедде 2021 жылғы бейбітшілік үшін Нобель сыйлығын АҚШ президенті Дональд Трампқа табыстауды ұсынды.

2017 жылы Қазақстанның тұңғыш президенті Нұрсұлтан Назарбаев та ядролық қарусыздандыру саласындағы еңбегі үшін осы сыйлыққа ұсынылған болатын.

0
Кілт сөздер:
сыйлық, Владимир Путин