Дариға Назарбаева

Дариға Назарбаева банктердің неден қорқатынын айтып берді

1883
Сенат төрайымы бәсеке болмаса, отандық банктер мен несие ұйымдары өзгеріске ұмтылмайтынын алға тартты

НҰР-СҰЛТАН, 20 желтоқсан – Sputnik. Сенат төрайымы Дариға Назарбаева отандық банктердің проблемасын көтерді, деп хабарлайды Sputnik Қазақстан тілшісі.

Сенаттың бүгінгі отырысында депутаттар "Еуразиялық экономикалық одаққа мүше мемлекеттердің қаржы нарығы саласындағы заңнамасын үйлестіру туралы келісімді ратификациялау туралы" заң жобасын мақұлдады. Осы орайда кейбір сенаторлар ортақ қаржы нарығында отандық банктердің қиындыққа тап болатынын жеткізді. Себебі еліміздің қаржы ұйымдары әлі күнге дейін мемлекеттің көмегіне зәру. Ал ресейлік және халықаралық қаржы ұйымдары техникалық жағынан мықты және заманауи қаржы құралдарын қолданып келеді. Ондай бәсекеге төтеп беру оңай емес. 

Сенат төрайымы Дариға Назарбаева өз әріптестерінің пікіріне қосылды. Бірақ бәсеке болмаса, отандық банктер мен несие ұйымдары өзгеріске ұмтылмайды. 

"Жалпы, бәсекеден қорықпау қажет. Бүгінде "шетелдік банктер келіп, отандық банктерді басып алады" деген әңгіме өз банктерімізден шығып отыр. Себебі олар өз позицияларын жоғалтып аламыз деп қорқады. Бірақ бүгінде қаржы саласында проблема бар. Арзан ақша алуға мүмкіндік жоқ. Соның салдарынан шағын және орта бизнес тұншығып жатыр. Ал біздің банктер ол міндетті шешуге қауқарсыз", - деді Назарбаева.

Оның айтуынша, отандық банктер басқа қаржы ұйымдарымен бәсекеге түссе, өз шарттарын өзгертуге мәжбүр болады. Бұл – нарық заманының талабы.

Тағы оқыңыз: Дариға Назарбаева Елбасыдан бұрын сөйлеп, қайдан қауіп төніп тұрғанын айтты

"Мықты бәсекелестік болса, отандық банктер өз кемшіліктерінен құтылады. Ішкі әкімшілендіру жүйесін ретке келтіреді. Ол жерде де проблема бар", - деп атап көрсетті Назарбаева.

1883
Кілт сөздер:
ақша, банк, Дариға Назарбаева
Тақырып бойынша
"Ақшаны далаға шашады": Дана Нұржігіт халыққа кредит беру мәселесін көтерді
Жалақы, жәрдемақы және кредит: Қазақстанда 2020 жылдан бастап не өзгереді
"Қара тізімге" ілінгендерге 2,5 проценттік кредит беріле ме?
Кредит  барынша қолжетімді болады: үкімет жаңа бағдарлама әзірледі
Қазақстанда қандай банктер арқылы пара берілетіні белгілі болды
Ер адам, архивтегі фото

Күзде теңге тағы құнсыздана ма сарапшылар пікір білдірді  

1442
(Жаңартылды 17:07 14.08.2020)
Brent мұнайының қазіргі бағасы теңгенің қатты құнсызданбауына негіз болып отыр. Дегенмен бәрібір ұзақ мерзімде ұлттық валютаға қысым түседі

НҰР-СҰЛТАН, 14 тамыз – Sputnik. Алдағы күз айларында коронавирустың екінші толқыны басталады деп болжанып отыр. Өйткені жыл сайын сол уақытта инфекциялық аурулар өршіп кетеді. Үкімет дайындық шараларына кірісіп кетті. Ал халық арасында күзде теңге тағы құнсыздануы мүмкін деген әңгімелер де тарап жатыр. Sputnik Қазақстан тілшісіне сұхбат берген сарапшылар ұлттық валюта бағамына қатысты пікір білдірді.

Еңбек өнімділігін арттыру керек

Қаржы кеңесшісі Расул Рысмамбетовтың пікірінше, Қазақстан коронавирустың екінші толқынын жеңіл еңсереді. Себебі төтенше жағдай кезінде мемлекеттік органдар да, жеке құрылымдар да біраз тәжірибе жинады. Банктер мен компаниялар қашықтан жұмыс істеуге үйренді. 

"Иә, жыл сайын күзде инфекциялық аурулар өршіп кетеді. Сондықтан тағы шектеу шаралары енгізіледі деп ойлаймын. Бірақ коронавирустың екінші толқыны біріншісіне қарағанда жеңілдеу өтеді. Сол кезде цифрлық экономиканы дамытуға жақсы мүмкіндік болады", - дейді Рысмамбетов.

Сарапшының айтуынша, теңге бағамына пандемия да, карантин де қатты әсер етпейді. Негізгі фактор – мұнай бағасы және осы шикізатқа тәуелді отандық экономика.

"Теңге бағамына карантин немесе пандемия емес, мұнайға тәуелді экономикамен өткізген бейқам жылдар әсер етіп отыр. Теңге карантинге қарамастан, әлсірей береді. Шикізаттық мемлекеттің тағдыры сол, ылғи девальвацияға ұшырап отырады. Бүгінде осы проблеманы валюталық одақтар арқылы шешуге болады деген ұсыныстар бар. Алайда олай ғана емес, экономиканың сапасын және еңбек өнімділігін көтеріп те шешуге болады", - деп атап өтті Рысмамбетов.

Теңге қатты құнсыздана ма?

Экономист Бауыржан Ысқақов та теңгенің бағамы көбінесе мұнайға байланысты екенін айтып отыр. Сондықтан осы шикізаттың қазіргі бағасы күзде түспесе, теңге бағамы анау айтқандай өзгермейді деп санайды.   

"Қазір Brent маркалы мұнайдың бір баррелі 44-45 доллардың шамасында тұр ғой. Бұл теңгенің қазіргі бағамын ұстап тұруға жеткілікті. Меніңше, күзде ұлттық валютамыздың бағамы әрі кетсе, 440 теңгеге барады. Бірақ бір кездері "500-ге дейін жетуі мүмкін" деп айтылды ғой. Оған себептер де болған. Бірақ қазір жағдай өзгерді", - дейді Ысқақов.

Сарапшының айтуынша, коронавирусқа қарсы шаралар, вакцинаның шығуы, карантинді жеңілдету және тағы басқа жағымды өзгерістер оң әсерін беріп жатыр.

Оқи отырыңыз: Досаев теңгенің не себепті әлсірегенін түсіндірді

"Сондықтан күзде теңге қатты құлдырап кетеді, девальвация болады деп айта алмаймын. Оған қоса үкімет дағдарысқа қарсы шараларды қолға алды. Ұлттық қордан біраз ақша бөлінді. Жалпы, осы саладағы шаралардың нәтижесі көріне бастайды. Бірақ коронавирустың екінші толқыны болса, қосымша қолдау шараларын қолға алу қажет. Экономиканы дамытпасақ та, осы қарқында ұстап қалу үшін тағы ақша құю керек болады", - деді Ысқақов.

Санкция теңгеге кері әсер етуі мүмкін

Ал GSB UIB бизнесті талдау орталығының сарапшысы, экономист Мақсат Халық ұлттық валютамызға оң әсер етіп жатқан қазіргі сыртқы факторды атады. Ол – доллардың құнсыздануы.

"Негізі қазірдің өзінде теңгеміз біраз құнсызданып кететін еді. Бүгінде АҚШ-тың федералды резерв жүйесі долларды көптеп басып, экономикасына салып жатыр. Ал ақша массасының өсуі доллардың әлсіреуіне себеп болды. Қазір доллар еуроға қарағанда, Швейцарияның франкіне қарағанда біраз құнсызданды. Демек, әлемдік валюталарға шаққанда доллардың өзі әлсіреп, теңгеміздің қатты құнсызданбауына септігін тигізіп тұр", - деп түсіндірді Халық. 

Экономистің айтуынша, санкциялық соғыстар теңгеге кері әсер етуі мүмкін. Мәселен, АҚШ-тың Ресейге қатысты санкциялары күшейтілетін болса, рубль біраз құнсызданады. Ұлттық валютамыз да әлсірейді. Ал мұнайдың қазіргі бағасы теңге бағамын ұстап тұр. Алайда уақыт өте келе, ұлттық валютамызға қысым түседі. 

"Brent маркалы мұнай бағасының 40 доллардан жоғары тұрғаны теңгеміздің қатты құнсызданбауына негіз болып отыр. Бірақ бәрібір ұзақ мерзімде ұлттық валютамызға қысым түседі. Өйткені экспортымыздың көп бөлігі осы шикізаттан тұрады. Ал экспорттан түсетін ақша азайса, теңгенің жағдайы қиындайды. Сондықтан ұзақ мерзімде ұлттық валютамыз қатты құнсызданбаса да, ақырын-ақырын құнын жоғалтуы мүмкін", - дейді Халық.

1442
Кілт сөздер:
доллар бағамы, теңге бағамы
Тақырып бойынша
"Экономикалық ахуал күрделі": қаржы министрі алдағы жоспар туралы айтты
Brent мұнайының қымбаттауы теңгеге қалай әсер етті
Ұлттық экономика министрі келешегі бар салаларды атады
Тоқаев теңге бағамына қатысты бірқатар тапсырма берді
Банк карталары

Маман банк картасымен қай жерде төлем жасау қауіпті екенін айтты

8004
(Жаңартылды 18:19 13.08.2020)
Маман алаяқтарға алданып қалмау үшін бірқатар ережені сақтау керек екенін айтып отыр. Сол кезде карта арқылы төлем жасауға болады

НҰР-СҰЛТАН, 13 тамыз — Sputnik. Қазіргі уақытта банк картасымен төлем жасау үйреншікті жағдайға айналды. Алайда интернет арқылы сатып алынатын заттардың ақшасын картамен төлеу әлі де қауіпті. Өйткені интернет алаяқтар түрлі тәсілдерді қолданады, деп хабарлады РИА Новости қауіпсіздік жүйелері орталығының бөлім басшысы Алексей Сизовқа сілтеме жасап.  

"Қазіргі уақытта жалған сайттар көп. Тауарға төлем жасап, алаяқтардың торына түсіп қалу қаупі бар. Мұндай сайттардың көбінесе шынайы сайттардан еш ерекшелігі болмайды", - деді ресейлік маман.

Алаяқтарға алданып қалмау үшін бірқатар ережені сақтау керек. Біріншіден, тек онлайн сатып алуға арналған жеке есепшоты бар арнайы карта керек. Оның ішіне сатып алынатын тауар құнынан артық ақша салмаған жөн.

"Екіншіден, тексерілмеген сайттардан қомақты сомаға тауар сатып алмау керек. Үшіншіден, өзіңіздің жеке ақпаратыңызды ешкімге айтпаңыз. Банк немесе дүкен қызметкері хабарласса да, жеке ақпаратты бөлісуге болмайды", - деді Сизов.

Тағы оқыңыз: Kaspi.kz арқылы ақша аударуға тыйым салына ма – министрлік жауабы

8004
Кілт сөздер:
төлем, банк
Тақырып бойынша
Елордалық депутат Kaspi Gold иелерін 3% салық төлеуге міндеттеуді ұсынды
Қазақстанда интернет арқылы қанша ақша табуға болады
Облыс әкімінің орынбасары Kaspi Gold-қа ақша аударуға қатысты мәлімдеме жасады
Мәжіліс депутаттары банк картасы бойынша комиссияны азайтуды сұрады
Байланыс операторлары интернет неге баяу істеп тұрғанын түсіндірді
дәмхана

Бекшин Алматыда карантин қалай жеңілдетілетінін айтты

149
Он жетінші тамыздан бастап республика бойынша карантин жеңілдетіледі, дегенмен демалыс күндері қатаң шаралар сақталады

АЛМАТЫ, 15 тамыз –Sputnik. Алматы қаласының бас мемлекеттік санитар дәрігері Жандарбек Бекшин қаладағы қоғамдық тамақтану орындарының жұмыс режиміндегі өзгерістер туралы айтты, деп хабарлайды Sputnik Қазақстан тілшісі.

Айтуынша, жұмыс күндері қаладағы қоғамдық тамақтану орындары таңғы сағат 9.00-ден 22.00-ге дейін жұмыс істейді. Ал демалыс және мейрам күндері сағат 10.00-23.00 арасында ашық болады.

"Көптеген қоғамдық тамақтану орындары көпқабатты үйлердің бірінші қабатында орналасқан. Жеке орналасқан тамақтану орындарының халыққа ешқандай зияны тимесе, жұмыс уақытын бір сағатқа көтеруге мүмкіндік бар. Осыны қарастырып, бір шешімге келеміз", - деді Жандарбек Бекшин.

Қаланың бас санитары кәсіпорындардың жұмысы тоқтамауы қажет екенін, соған сәйкес санитарлық нормалар қабылданғанын айтты.

"Қоғамдық тамақтану нысандарының күндіз келушілерді қабылдау ережесі бар. Олар толымдылығы 50%-ке дейін қабылдай алады. Үстелдердің арасында екі метр арақашықтық болуы керек, ал енді орындықтар арасы 60 сантиметрден кем болмауы керек. Тамақтану орындарының қызметкерлері бетперде мен қолғап киіп жүруі керек. Сондай-ақ, қоғамдық экрандар қойылады", - деді Алматының бас санитар дәрігері.

Алматы қаласы кәсіпкерлік және инвестициялар басқармасының басшысы Еркебұлан Оразалин сауда және ойын-сауық орталықтары, аумағы 2000 шаршы метрден асатын сауда орталықтары, таза ауада орналасқан аттракциондар аудиттен өтетінін хабарлады.

"Басқарма аудандармен бірге аудитті жылдам түрде өткізуге дайын. Қазір республиканың бас санитар дәрігерінің қаулысын күтіп отырмыз. Демалыс күндеріне қарамай жұмыс жүргізіледі. Жандарбек Бекшиннің қаулысына қосымша ереже енгізіліп жатыр. Ең алдымен, жұмыскерлерді тестілеу. Кәсіпкерлер қызметкерлерін тестілеуден өткізу үшін infokazakhstan.kz сайтына тіркеліп, қаладағы 12 лабораторияда тестілеуден өткізуге өтініш бере алады",- деді Оразалин.

Айтуынша, қаланың бас санитар дәрігерінің қаулысында кәсіпкерлік нысандарға, кәсіпкерлік компанияларға видеобақылау орнату пилоттық жобасы қабылданып жатыр.

"Жұмыскерлер мен келушілер бойынша медициналық бетпердені қалай таққаны, арақашықтықты қалай сақтап жатқанын бақылау үшін видеобақылау орнату қабылданып жатыр", - деді басқарма басшысы.

Айта кетейік, мемлекеттік комиссия карантинді жеңілдетуге байланысты жұмысын қайта бастайтын қызмет түрлерінің тізімін бекітті:

  • сауда ойын-сауық орталығы, сауда үйлері, сауда желілері, жабық базарлар (бір келушіге төрт шаршы метр). 
  • сұлулық салондары, шаштараз, СПА орталықтары, косметологиялық қызмет көрсететін нысандар (алдын ала жазылу бойынша 1 келушіге 4 ш.м.); 
  • бассейні жоқ фитнес орталықтары (толымдылығы 50%-тен аспауы тиіс, 1 келушіге 5 ш.м.), бассейні жоқ моншалар мен сауналар (толымдылығы 50%-дан аспауы тиіс, 1 келушіге 4ш.м.); 
  • балаларға арналған түзету кабинеттері, балалар және ересектерге білім беру орталықтары (топта 5 адамнан артық болмайды, жазылу бойынша қабылдайды); 
  • мектепке дейінгі балалар мекемелерінің кезекші топтары (5 адамнан артық болмауы керек);
  • ашық ауадағы аттракциондарар ақашықтықты сақтау, маска тағу және адамдар ағынын реттеу арқылы жұмыс істейді.
149
Кілт сөздер:
карантин