Ақша, теңге

Тоқаев атаулы әлеуметтік көмек туралы ойын айтты

2131
Президент көпбалалы отбасылар табысына қарамастан, отбасындағы бала санына қарай мемлекеттік қолдауға ие болатынын атап өтті

НҰР-СҰЛТАН, 20 желтоқсан – Sputnik. Мемлекет тек мұқтаж жандарға көмектесуі керек. Бұл туралы Қазақстан президенті Қасым-Жомарт Тоқаев мәлімдеді, деп хабарлайды Sputnik Қазақстан тілшісі.

"Үкіметтің алдында атаулы көмекті ашық әрі әділ көрсетуді қамтамасыз ету міндеті тұр. Көмек ең алдымен көпбалалы отбасылардағы балаларға көрсетілуі тиіс. Мемлекет тек мұқтаж жандарға көмектесуі керек", - деп санайды Тоқаев ұлттық қоғамдық сенім кеңесінің екінші отырысында.

Президент көпбалалы отбасылар табысына қарамастан, отбасындағы бала санына қарай мемлекеттік қолдауға ие болатынын атап өтті. Көпбалалы отбасыларға жаңа мемлекеттік жәрдемақы төленсе, тұрмысы төмен отбасыларда тәрбиеленетін балаларға кепілдендірілген әлеуметтік пакет беріледі.

Тағы оқыңыз: Президент үкіметке салыққа қатысты тапсырма берді

"Еңбек етуге ынталандырудың жаңа тәсілдеріне баса мән беріліп, атаулы әлеуметтік көмекті асыра пайдалану барынша азаяды. Ата-анасының қамқорлығынсыз қалған балаларға кешенді әлеуметтік-патронаттық қолдауды күшейту керек деп санаймын", - деді мемлекет басшысы.

Сондай-ақ, Тоқаев мүмкіндігі шектеулі азаматтарға қолдау көрсетудің тиімді жүйесін енгізуді тапсырды.

2131
Кілт сөздер:
мұқтаждық, мемлекет, Қасым-Жомарт Тоқаев
Тақырып:
Жәрдемақы қалай төленеді (57)
Тақырып бойынша
Министр желіде атаулы әлеуметтік көмекке қатысты тараған жаңсақ пікірге түсініктеме берді
"Жиһазды есептемеу керек": министр атаулы әлеуметтік көмек төңірегіндегі шуға нүкте қойды
Министр атаулы әлеуметтік көмек көрсетуге қатысты өзгеріс туралы айтты
Жаңа жылдан кейін кейбір отбасылар атаулы әлеуметтік көмектен қағылуы мүмкін
Доллар, теңге

"Қазатомөнеркәсіп" акциялары сатылғаннан кейін ұлттық қор $206 миллионға толықты

29
Қазақстандықтар 8 маусымға дейін брокерлік ұйымға өтініш беру арқылы атом компаниясының акцияларын иелене алады

НҰР-СҰЛТАН, 3 маусым – Sputnik. "Самұрық-Қазына" ұлттық әл-ауқат қоры "Қазатомөнеркәсіп" ұлттық атом компаниясындағы үлесінің 6,28 процентін 206 миллион долларға сатты. Бұл туралы қордың активтерді дамыту және жекешелендіру жөніндегі тең басқарушы директоры Ержан Тұтқышев хабарлады.

Оның айтуынша, қор жаһандық капитал нарығы тұрақтанғаннан кейін акциялардың бір бөлігін сатуды ұйғарған.

"Самұрық-Қазына" салыстырмалы түрде аз болып саналатын 6,28% қосымша пакетпен шығуға шешім қабылдады. Институционалды инвесторлардың өтінішін жинау нәтижесінде қор бір акцияға 13 доллар немесе 5,230,81 теңге бағамен 206 миллион доллар сомасына акциялар орналастырды", - деп түсіндірді Тұтқышев.  

Бұған дейін қазақстандық ұлттық әл-ауқат қоры "Қазатомөнеркәсіп" атом компаниясындағы өз үлесінің 4,55 процентін немесе 11,8 миллион акциясын сатуға ниетті екендігін мәлімдеді. Бұл саудаларға тек шетелдік және қазақстандық заңды тұлғалар қатыса алады.

3 маусым сағат 14.00-ден бастап жеке транш ашылады, ол жеке тұлғаларға – осы акцияларды халықаралық және қазақстандық заңды тұлғаларға ұсынылған шарттармен сатып ала алатын Қазақстан азаматтарына арналған.

Қазақстандықтардың өтініші 8 маусым сағат 16:00-ге дейін қабылданады.

Қызығушылық танытқан қазақстандықтар брокерлік ұйымға хабарласып, қаржы аударып, акция сатып алуға өтініш беруі керек.

"Қазақтелеком" KCell-ді сатып алады: абоненттер үшін не өзгереді? 

Ержан Тұтқышев "Қазатомөнеркәсіпті" жекешелендіруден түскен барлық қаражат Қазақстанның ұлттық қорын толықтыруға жұмсалатынын айтты.

Айта кету керек, "Қазатомөнеркәсіп" компаниясы Қазақстан үкіметі бекіткен жекешелендіру тізіміне енгізілді. "Самұрық-Қазына" қорына компаниялардың акцияларын 25% дейін сатуға рұқсат етілді.

2018 және 2019 жылдары қор рұқсат етілген 25% акциялардың 18,8%-ін орналастырды. Қор биыл 6,28% акцияны сатады және өз балансында ұлттық атом компаниясы акцияларының 75%-ін қалдырады.   

29
Кілт сөздер:
Самұрық-Қазына, акциялар, ұлттық қор
Тақырып бойынша
Тоқаев шенеуніктерге: ақша мен уақытты босқа жұмсауды доғару керек
Есімов Назарбаевқа сыртқы қарыз 5,1 миллиард долларға азайғанын хабарлады
Сатылған жоқ: "Қазақфильмге" ешкім қызықпады
Назарбаев "Самұрық-Қазына" туралы: мұның бәрі Қазақстан халқына тиесілі
Абаев Назарбаевтың қатты сынға алынған шешімі туралы айтты
Жансұлтан Матаев: ТҮҚЖБ сатылғаннан кейін де мемлекет негізгі акционер болады
Архивтегі фото

Дағдарыс пен пандемия кезінде Қазақстан азық-түлік өндірісін ұлғайтты

31
Ауыл шаруашылығының негізгі капиталына салынған инвестициялар 10,1% -ке артып, 98,4 миллиард теңгені құрады

НҰР-СҰЛТАН, 3 маусым – Sputnik. Осы жылдың төрт айының қорытындысы бойынша короновирус пандемиясынан туындаған дағдарысқа қарамастан, агроөнеркәсіп кешені саласында жағдай тұрақты болды. Бұл туралы ауыл шаруашылығы министрі Сапархан Омаров мәлімдеді.

"Ауыл шаруашылығы жалпы өнімінің көлемі 2,2% -ке, азық-түлік өндірісі 2,4% -ке өсті", - деді ауыл шаруашылығы министрлігінің басшысы.

Ауыл шаруашылығының негізгі капиталына салынған инвестициялар 10,1% -ке артып, 98,4 миллиард теңгені құрады, азық-түлік өндірісі 14,9%-ке ұлғайып, 20,6 миллиард теңге болды.

Оқи отырыңыз: Биыл ауыл шаруашылығы дақылдары 22,5 миллион гектарға егіледі

"Мал шаруашылығында жалпы өнім шығару көлемі 2,3%-ке өсті. Өндіріс көлемінің артуына ет өндірісінің 3,6% -ке, сүттің 3,2%-ке өсуі ықпал етті", - деді Омаров.

Өсімдік шаруашылығында 2020 жылы көктемгі дала жұмыстарын уақтылы жүргізу үшін барлық қажетті шара қабылданды.

Ауыл шаруашылығы министрлігі басшысының айтуынша, бүгінде егіс жұмыстары аяқталуға жақын.  

 

31
Кілт сөздер:
азық-түлік, дағдарыс
Тақырып:
Төтенше жағдай және карантин
Тақырып бойынша
Әкімдік алдына малын айдап келді: Павлодар облысында жайылым мәселесі дауға айналды
"Ондай болмаған": жерді мемлекет меншігіне қайтаруға қатысты қандай өзгеріс енгізілді
"Ауыл тұрғындары қиналып жүр": Тоқаев Көкшетауда үлкен жиын өткізіп жатыр
"Жерді кері қайтарып аламыз": Шөкеев шаруалар үшін маңызды мәселені көтерді
Министрлік жерді тиімсіз игеретін шаруалардың "қара тізімін" жариялайды
Ауыл шаруашылығы министрлігі егіс науқаны қалай жүргізіліп жатқанын айтты
Федералды телеарнаның продюсері Елена Воронцова

Ақпараттық продюсерлік ету тәжірибесі SputnikPro мамандық құпиясын ашады

0
Sputnik халықаралық ақпарат агенттігі және радиосы ақпаратқа продюсерлік ету жөнінде вебинар өткізеді. Оған қазақстандық журналистер, блогерлер, продюсерлер және медиа сарапшылар шақырылып отыр

НҰР-СҰЛТАН, 3 маусым – Sputnik. 5 маусымда сағат 16.00-де (Нұр-Сұлтан уақыты) "Ақпараттық продюсерлік ету тәжірибесі: кейіпкерлерді іздеу, жабық аумаққа ену және мамандықтың басқа да құпиялары" деген тақырыпта SputnikPro білім беру жобасының онлайн-сессиясы өтеді.   

Сюжеттің тақырыбын қалай таңдау керек? Журналистік материалдың кейіпкерін тауып, онымен сөйлесу үшін не қажет? Түсірілімге қайда рұқсат береді және егер бас тартса не істеу керек? Федералды телеарнаның продюсері Елена Воронцова қатысушылардың осы және басқа да сұрақтарына жауап береді.

Елена Воронцова – 15 жылдан астам тәжірибесі бар медиа сарапшы (ток-шоу, деректі фильмдер, федералды телеарнаның жаңалықтар қызметі). Ол "Пусть говорят" (Бірінші арна), "Главный герой" (НТВ), "Степаныч" деректі фильмі (НТВ), "Ты супер!" халықаралық балалар вокал конкурсы (НТВ), "Вести" (Россия 1 арнасы) және тағы басқа бағдарламаларға продюсерлік етуге қатысқан.

Модульге қатысу үшін қазақстандық журналистер, блогерлер, продюсерлер мен медиа сарапшылар мына сілтеме арқылы тіркеле алады.

SputnikPro "онлайн-маусымы" наурыз айының ортасында ашылды. Қатысушылар бір-біріне чатқа хабарлама жіберіп, нақты уақыт режимінде пікірін ортаға сала алады.

SputnikPro ағарту жобасы туралы

SputnikPro – халықаралық Sputnik ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген  маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

2018 жылдың наурызынан бері оған 80 елдің өкілі қатысқан. SputnikPro шеберлік сағаттары мен семинарлары Әзербайжан, Армениядан Үндістанға, Грекиядан Қытайға дейін 22 елде ұйымдастырылды.

Sputnik халықаралық ақпарат агенттігі мен радиосы туралы

Sputnik – ірі халықаралық бұқаралық ақпарат құралдарының бірі, ол 33 тілдегі мультимедиялық интернет-сайттарды, әлемнің 90-нан астам қаласында және интернетте орыс, ағылшын, француз және басқа тілдердегі баламалы және цифрлық радиохабарды біріктіреді. Sputnik-тің жаңалықтар таспасы тәулік бойы әлемдегі жетекші басылымдарға ағылшын, араб, испан, қытай және парсы тілінде ақпарат жеткізеді.

0
Тақырып бойынша
SputnikPro вебинары: видеоны оңай әрі дұрыс түсіру арқылы қалай аудитория жинауға болады
Жалған ақпарат тарату үшін көбінесе "аналар" чаттары қолданылады – SputnikPro сарапшысы
Адамдар ақпараттық фастфудтан мезі болды – SputnikPro сарапшысы
SputnikPro: басқа адамның суретін авторлық құқықты бұзбай қалай пайдалануға болады
SputnikPro сарапшылары сайтты ыңғайлы етуге қатысты кеңес берді