Алматы

Қаңтарда қазақстандықтарға 200 млрд теңге зейнетақы төленді министрлік

247
(Жаңартылды 12:33 13.02.2020)
2020 жылдың 1 ақпанындағы жағдай бойынша, Қазақстандағы зейнеткерлер саны – 2 млн 222,5 мың адам

АЛМАТЫ, 13 ақпан – Sputnik. 2020 жылдың қаңтарында республикалық бюджеттен базалық зейнетақы төлеу үшін 62,1 млрд теңге, ынтымақты (еңбек) зейнетақы төлемдеріне 138,4 млрд теңге бөлінді, деп хабарлайды Sputnik Қазақстан еңбек және халықты әлеуметтік қорғау министрлігінің ресми сайтына сілтеме жасап.

2020 жылдың 1 ақпанындағы жағдай бойынша зейнеткерлер саны – 2 млн 222,5 мың адам. Ал базалық зейнетақы төлемдерін қоса алғанда, зейнетақы төлемдерінің орташа мөлшері 2020 жылдың 1 ақпанында 90 502 теңгені құрап отыр.

Тағы оқыңыз: Қазақстанның зейнетақы қоры 174 мың адамды іздеп жатыр

"2018 жылдың 1 шілдесінен бастап мемлекеттік базалық зейнетақы төлемі зейнетақы жүйесінде қатысу өтілін (мерзімін), тәжірибесін ескере отырып, әр алушыға жеке тағайындалады. Зейнетақы жүйесіне қатысу өтілі 1998 жылдың 1 қаңтарына дейін ынтымақты жүйеде жинақталған және міндетті зейнетақы жарналары төленген кезеңдер негізінде, сол күннен кейін жинақталған өтіл қосылады. Сондай-ақ, міндетті зейнетақы жарналарын төлеудің бір айы жинақталған зейнетақы жүйесіндегі бір айлық тәжірибе болып саналады", - делінген ақпаратта.

Министрлік мәліметінше, 2020 жылы ең төменгі күнкөріс деңгейі – 31 183 теңге. Егер зейнетақы жүйесіне қатысу өтілі 10 жыл немесе одан аз болса немесе мүлдем болмаса, базалық зейнетақы мөлшері ең төменгі күнкөріс деңгейінің 54%-ын құрайды. Содан кейін 10 жылдан асқан әр жыл үшін оның мөлшері 2%-ға артып отырады.

"Еңбек өтілі 20 жыл болған жағдайда базалық зейнетақы ең төменгі күнкөріс деңгейінің 74%-ын, 30 жыл – ең төменгі күнкөріс деңгейінің 94%-ын құрайды. Жұмыс өтілі 33 жыл және одан да көп болған кезде, ол ең төменгі күнкөріс деңгейінің 100% максималды мөлшерінде белгіленеді", - деп көрсетті министрлік.

Азаматтың зейнеткерлік жасқа жеткендегі базалық зейнетақы төлемінің мөлшері міндетті зейнетақы жарналары қаншалықты тұрақты және толық төленгеніне байланысты болады.

Демек, жасына байланысты зейнетақы төлемдерінің мөлшері (ынтымақты) 1998 жылдың 1 қаңтарындағы жұмыс өтіліне (кем дегенде 6 ай) және зейнетке дейінгі орташа айлық табысқа байланысты болады.

247
Кілт сөздер:
министрлік, зейнетақы, Қазақстан
Тақырып бойынша
Министр Нұрымбетов президент кеңесшісінің атышулы жазбасына жауап берді   
Қазақстанда бала үш жасқа толғанға дейін жәрдемақы төленуі мүмкін
Министр зейнетақы жинағының тең жартысын кімдерге алуға болатынын айтты
"Бұдан бәрі ұтады": министр жалақыға қатысты жағымды жаңалықты бөлісті
Қазақстанда зейнетақы төлеу тәртібі өзгеруі мүмкін: кім қанша алады?
Жүк көліктері

ЕАЭО мен Қытай шекарасы арқылы тыйым салынған тауарларды өткізуге бақылау күшейеді

33
(Жаңартылды 11:27 04.06.2020)
Құжатта екі тараптың кедендік аумағына әкелінетін тауарларға қатысты кедендік операцияларды жүргізуді жеделдету, ақпарат алмасу және халықаралық логистикалық арналарды құру көзделген

НҰР-СҰЛТАН, 4 маусым – Sputnik. Қазақстан парламенті сенаты ЕАЭО мен Қытай кедендік шекарасы арқылы өткізілетін тауарлар мен халықаралық тасымал көліктері жөнінде ақпарат алмасу туралы келісімді ратификациялау жайлы заңды қабылдады, деп хабарлайды Sputnik Қазақстан тілшісі. 

Келісімге 2019 жылы 6 маусымда қол қойылған. Құжатта екі тараптың кедендік аумағына әкелінетін тауарларға қатысты кедендік операцияларды жүргізуді жеделдету, ақпарат алмасу және халықаралық логистикалық арналарды құру көзделген. 

Қаржы министрі Ерұлан Жамаубаевтың айтуынша, ақпарат алмасу ЕАЭО-ның интеграцияланған ақпараттық жүйесі мен Қытай өкілетті органдарының ұлттық ақпараттық жүйесі арқылы электронды түрде жүзеге асады. 

"Келісім күшіне енген күннен бастап 18 айдан кешіктірмей мәліметтің құрылымын, форматын, ақпарат алмасудың техникалық шарттарын анықтайтын жекелеген хаттамалар қабылданады. Бұл хаттамалар ЕАЭО-ға мүше мемлекеттердің орталық кеден органдарымен және Қытайдың бас кеден басқармасы арасында жасалады, ратификациялауды талап етпейді", - деді Жамаубаев сенат отырысында. 

Министр Қазақстанның ақпараттық жүйесі толығымен дайын екенін атап өтті. Бұл "Астана-1" ақпараттық жүйе. Кедендік жүйе былтыр өнеркәсіптік деңгейде іске қосылған. 

"ЕАЭО-ға келетін болсақ, одақтың комитетінде интеграцияланған ақпараттық жүйе бар. Ол жүйеге "Астана-1"-ден тиісті ақпаратты беріп отырамыз. Қазір ақпаратты беру тетіктері ЕЭК-пен талқыланып жатыр", - деді ол.

Жамаубаев бастапқы кезеңде Қытаймен тәуекелділігі жоғары тауарлар, мәселен, аяқ киім, халық тұтынатын киімдер, ойыншықтар және басқа да қымбат бұйымдар туралы ақпарат алмасу көзделгенін айтты. Кейін тауарлар тізбесі тағы кеңейтілетін болады. 

"Біздің мақсат – контрабанданы болдырмау, бюджетке көптеп ақша түсіру және ақпараттың барынша толық алмасуын қамтамасыз ету", - деді министр. 

Орталық кеден органдары арасында экспортталатын тауарлар шығарылғаннан кейін 4 сағаттан кешіктірмей ақпарат алмасуды жүзеге асыру мүмкіндігі беріледі. 

Келісімді іске асыру республикалық бюджеттен ақша бөлуді талап етпейді. Сенат депутаттары заңды бірауыздан қабылдады.

33
Тақырып бойынша
Қытаймен шекарадағы әскери техниканың не үшін шығарылғаны белгілі болды – видео
Қазақ-қырғыз шекарасынан жерасты каналы табылды: тергеу жүріп жатыр
Қазақстан-Қырғызстан шекарасынан өту жеңілдейді – президент заңға қол қойды
Қазақстан мен Өзбекстан шекарадағы кептеліс мәселесін шешті
Шекара маңы ынтымақтастығын дамытудың бағдарламасы әзірленді – видео
Самұрық-Қазына ұлттық әл-ауқат қорын басқару жөніндегі кеңестің отырысы

Назарбаев "Самұрық-Қазына" басшылығын мақтады

1921
(Жаңартылды 20:35 03.06.2020)
Елбасы өткен жылғы қор көрсеткіштерінің өсу қарқыны биылға резерв құруға мүмкіндік бергенін атап өтті

НҰР-СҰЛТАН, 3 маусым – Sputnik. Қазақстанның Тұңғыш президентінің төрағалығымен "Самұрық-Қазына" ұлттық әл-ауқат қорын басқару жөніндегі кеңестің отырысы өтті.

Кеңесте "Самұрық-Қазына" акционерлік қоғамының қазіргі қызметі, шағын және орта бизнесті қолдау бойынша қабылданып жатқан шаралар, сондай-ақ кеңестің өткен отырысында берілген тапсырмалардың орындалу барысы қаралды, деп хабарлады Елбасының ресми сайты.

Отырысты ашқан Нұрсұлтан Назарбаев "Самұрық-Қазына" қоры ел дамуында маңызы рөл атқаратынын атап өтті.

"Биыл біз ауыр сынақтарға тап болдық. Коронавирус пандемиясы жаһандық экономикалық дағдарысқа әкеп соқты. Әлемдік экономика мен сауда өсімі тоқтады. Бұл факторлардың барлығы біздің экономикамызға кері әсерін тигізіп отыр. Осы орайда біз қалыптасқан күрделі ахуалға тез бейімделуге және дағдарысты еңсеруге септігін тигізетін экономиканың негізгі драйверлерін айқындауға тиіспіз", - деді Елбасы.

Қазақстанның Тұңғыш президенті мемлекеттің экономикалық өсімді қалпына келтіру шараларын дер кезінде қабылдағанына және маңыздылығына тоқталды.

"Экономикамызды қалпына келтіруде және әрі қарай дамытуда ұлттық әл-ауқат қоры басты рөл атқарады. Қазақстанның барлық негізгі компаниясы осы қордың құрамына кіреді. Қор компанияларының жиынтық активтері 28 триллион теңгені құрайды. Бұл – ЖІӨ-нің 40%-і. Мұнда 300 мың қызметкер жұмыс істейді. Қиындықтарға қарамастан компаниялардың бәрі жұмысын жалғастырып жатыр. Өткен жылғы қор көрсеткіштерінің өсу қарқыны биылға резерв құруға мүмкіндік бергенін байқап отырмыз", - деді Нұрсұлтан Назарбаев. 

Нурсултан Назарбаев провел заседание Совета по управлению Фондом национального благосостояния Самрук-Қазына
Назарбаев "Самұрық-Қазына" қорын басқару жөніндегі кеңестің отырысын өткізді

Елбасы қор компанияларының тиімділігін әрі қарай арттыру үшін нақты шаралар қабылдаудың маңыздылығын атап өтті.

Сонымен қатар Қазақстанның тұңғыш президенті қор компанияларын жекешелендіру мәселелеріне, сатып алулар және отандық тауарөндірушілерді қолдауда жергілікті үлесті арттыру бойынша қабылданып жатқан шараларға тоқталды.

Оқи отырыңыз: Назарбаев пен Байбек партияішілік сайлауға дайындықты талқылады

Кеңес қорытындысы бойынша Елбасы "Самұрық-Қазына" басшылығының дағдарысқа қарсы қабылдаған шараларының нәтижесін атап өтіп, бұл тәжірибені басқа да құрылымдарда қолданудың маңыздылығына тоқталды.

"Қор басшылығы дер кезінде қабылдаған шараларды қолдаймын және оң бағалаймын. Олар өз тиімділігін көрсетті. Дағдарыс кезінде мемлекет экономиканы қолдау үшін Ұлттық қордан қыруар қаржы бөлді. Алайда осы жағдайда "Самұрық-Қазына", керісінше, Ұлттық қорға 100 миллиард теңге бағыттады", - деді Қазақстанның тұңғыш президенті.

Жиын барысында премьер-министр Асқар Маминның, "Самұрық-Қазына" ұлттық әл-ауқат қоры" акционерлік қоғамының басқарма төрағасы Ахметжан Есімовтің, "Қазмұнайгаз" ұлттық компаниясы" акционерлік қоғамының басқарма төрағасы Алик Айдарбаевтың, "Қазақстан темір жолы" ұлттық компаниясы" акционерлік қоғамының басқарма төрағасы Сауат Мыңбаевтың баяндамалары тыңдалды.

1921
Кілт сөздер:
Самұрық-Қазына, Назарбаев
Тақырып:
Төтенше жағдай және карантин
Тақырып бойынша
Назарбаев мәжіліс төрағасын қабылдады
Экономиканы қалпына келтіру бағдарламасын бастау қажет – Назарбаев
Назарбаев елге қандай адамдар қажет екенін айтты 
Мемлекет басшысы ауқымды өзгерістер болатынын мәлімдеді  
Елбасы қорынан кімдерге 50 мың теңгеден берілетіні айтылды
Ақша, архивтегі сурет

Ірі көлемде пара алған әкім орынбасары қамауға алынды видео

0
Алматы облысындағы Қарасай ауданы әкімнің орынбасары 33,5 миллион теңгені заңсыз сыйақы ретінде алды деген күдік бар

НҰР-СҰЛТАН, 4 маусым – Sputnik. Сыбайлас жемқорлыққа қарсы іс-қимыл қызметі жергілікті биліктің бірнеше өкіліне қатысты сотқа дейінгі тергеуді бастады, деп хабарлайды Sputnik Қазақстан тілшісі.

Алматы облысында Қарасай ауданы әкімінің орынбасары аса ауыр сыбайлас жемқорлық қылмысы үшін ұсталды. Тергеуші Данияр Биғайдаровтың айтуынша, әкімінің орынбасары мемлекеттік сатып алулар кезінде қамқорлық жасаған. Ол кәсіпкерден пара алғаны үшін айыпталып отыр.

"Жол картасы 2020" бағдарламасы аясында кезекті құрылыс нысаны бойынша рәсімделген келісімшарттың жалпы құны 660 миллион теңге болған. Әкімнің орынбасары осы ақшадан 33,5 миллион теңгені заңсыз сыйақы ретінде алды деген күдік бар. 

 "Бұдан бөлек, Алматы облысында Кербұлақ ауданы әкімі аппаратының жетекшісіне қатысты сотқа дейінгі тергеу басталды. Шенеунік жекеменшік фирма өкілімен бірге 5 миллион теңге көлемінде бюджет қаражатын жымқырғаны үшін айыпталып отыр. Ол ақша жұмыспен қамтудың жол картасы аясында бөлінген болатын", – деді Биғайдаров бүгінгі онлайн брифингте.

Ал Қарағанды облысы Жаңарқа ауданындағы Атасу кентінде әкім аппаратының лауазымды тұлғалары балабақша құрылысына бөлінген бюджет қаражатын жымқырды деген күдікке ілінді. Осылайша, "Ер төстік" сәбилер балабақшасының құрылысына бөлінген 5 миллион теңге қолды болды.

Оқи отырыңыз: Нұр-Сұлтанда басқарма басшысын ұстау сәтінің видеосы жарияланды

Сондай-ақ, Қарағанды қаласының жер қатынастары, сәулет және құрылыс бөлімінің басшылығы мен Шет аудандық құрылыс бөлімінің қызметкерлеріне қатысты сотқа дейінгі тергеу басталды.

0
Кілт сөздер:
пара, парақорлық, пара алу
Тақырып бойынша
Қостанай облысында пара алған полицей видеоға түсірілді
Блок-бекетте пара алған шенеуніктерге қатысты сот үкімі шықты
СҚО-да карантинде кедергісіз жүру үшін полицей 1 миллион 300 мың пара алған
Аса ірі көлемде пара алған басқарма төрағасына қатысты тергеу басталды
Пара ретінде темекі алған полицейдің үстінен іс қозғалды