Kaspi bank картасы мен смартфон, иллюстратиті фото

Елордалық депутат Kaspi Gold иелерін 3% салық төлеуге міндеттеуді ұсынды

1980
(Жаңартылды 12:07 27.02.2020)
Нұр-Сұлтан мәслихатының депутаты Kaspi Gold картасынан онлайн аударымдар жасау тақырыбын қайта көтерді

АЛМАТЫ, 27 ақпан – Sputnik. Нұр-Сұлтан қаласы мәслихатының депутаты Илья Мещеряков Kaspi Gold картасын қолданатын астаналық кәсіпкерлерге жалпы табыстың 3 процентін салық ретінде төлеуді ұсынды, деп хабарлайды Sputnik Қазақстан тілшісі.

Депутат өз бастамасын астаналық мәслихат комиссиясының бюджет, экономика, өнеркәсіп және кәсіпкерлік жөніндегі тұрақты отырысында жария етті.

"Жеке кәсіпкер ретінде Kaspi банкпен байланысы бар бизнесмендерге, жеке тұлғаларға жалпы табыстың 3 пайызын салық ретінде төлеуді түсіндіруіміз керек. Жалпы табыстың 3 пайызы аса үлкен сома емес. Табыс бір миллион болса – 30 мың теңге, 10 миллион болса – 300 мың теңге", - деп атап өтті Илья Мещеряков.

Депутат астаналық кәсіпкерлерді ынталандыру мақсатында "Төле де, тыныш ұйықта", "Адал болу ұтымды" секілді жарнама ұранын да мысалға келтірді.

Қазір жеке тұлғалардың аударымдары туралы ақпарат банк құпиясы болып саналады. Және мемлекеттік кірістер комитетіне берілмейді. Елордалық мемлекеттік кірістер департаментінің басшысы Қалмұханбет Ысқақов осы мәселе бойынша банкпен келіссөз жүргізіліп жатқанын атап өтті.

"Өткен жылы белгілі бір келісімге қол жеткіздік. Kaspi bank Kaspi Business төлем карталарын шығарып, төлемдерді бөлуге тырысып жатыр", - деді басқарма басшысы.

Оқи отырыңыз: Тоқаев қазақстандықтарды дүрліктірген мәселеге нүкте қойды 

"Егер аталған жүйені банк енгізсе, Kaspi Gold карталары арқылы төлемдер мен аударымдар жасалады. Ал бизнесі барларға Kaspi Business картасы ұсынылады. Сол арқылы барлық ақпарат мемлекеттік кірістер комитетіне беріледі", - деді Ысқақов.

"Біз нақты салықтан үлкен шығынды көріп отырмыз. Бұл картаны барлық адам қолданатыны белгілі. Адамдарды pos-терминал арқылы төлем жасау мен кэшбэк түрінде төлемнің белгілі бір пайызын алуға қызықтыруға тырысып жатырмыз", - деді департамент бастығы.

Kaspi аударымдарын реттеу

2019 жылдың күзінде қазақстандықтар қаржы министрлігінің интернеттегі ақша аударымдарын тексеру, аударым салықтарын енгізу туралы жаңалығына қарсы екендерін айтқан болатын.

Қазақстан президенті Қасым-Жомарт Тоқаев азаматтарды қолдап, барлығын мұқият пысықтай отырып, мәселені күн тәртібінен алып тастауды тапсырды.

Қаржы министрлігі рәсімдерді жеңілдетуге және қолма-қол ақшасыз есеп айырысудың заңды балама әдістерін жасауға уәде берді.

1980
Кілт сөздер:
салық, банк, Каспий
Тақырып бойынша
Тоқаев жаңа мораторий жариялады
Тоқаевтың тапсырмасы: салықтан кімдер босатылмайтыны белгілі болды
1000 теңгені тегін алуға болады: ол үшін не істеу керек?  
"Трагедияға айналдырудың қажеті жоқ": Тоқаев үкіметке өтініш жасады
Жыл соңында кімдер салық төлемейді - үкімет түсініктемесі
Мемлекет басшысы Қасым-Жомарт Тоқаев КСМ Техновид ЖШС кәсіпорнына барды

Президентке құрылыс материалдары өндірісінің технологиялық процесі көрсетілді

32
(Жаңартылды 17:28 25.09.2020)
Тоқаев Алматының Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты

НҰР-СҰЛТАН, 25 қыркүйек – Sputnik. Мемлекет басшысы Қасым-Жомарт Тоқаев Алматыға жасаған жұмыс сапары аясында "КСМ Техновид" ЖШС  кәсіпорнына барды, деп хабарлады Ақорданың баспасөз қызметі.  

"Мемлекет басшысы қаланың Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты", - делінген хабарламада.

Президентке кәсіпорынның өнімдері таныстырылып, құрылыс материалдары өндірісінің технологиялық процесі көрсетілді. Мұнда 250-ден астам адам жұмыс істейді.

Оқи отырыңыз: Коронавирустың екінші толқынына дайын болайық – Тоқаев

Компанияның жобаға салған жеке инвестициясы 3,8 миллиард теңге. Зауыттың қуаттылығы жылына 475 мың шаршы метр шыныпакет шығаруға жетеді.

Сондай-ақ мемлекет басшысына Алматы индустриялық аймағының жағдайы мен даму перспективалары туралы айтылды. Мұнда жыл аяғына дейін құны 85 миллиард теңге болатын 10 жобаны жүзеге асыру жоспарланып отыр.

32
Кілт сөздер:
Алматы, президент, құрылыс
Тақырып бойынша
Тоқаев жарлыққа қол қойды
Қазақстанда өнеркәсіпті дамыту қоры құрылды
Қазақстанда жалпыұлттық сауалнама басталды
Тоқаев жұмыс сапарымен Алматыға барды
Олжас Құдайбергенов

Тоқаевтың бұрынғы кеңесшісі экономика министрлігіне жұмысқа орналасты

59
(Жаңартылды 15:43 25.09.2020)
Бұған дейін Құдайбергенов жеті ай бойы мемлекет басшысының экономика жөніндегі штаттан тыс кеңесшісі болып жұмыс істеді

НҰР-СҰЛТАН, 25 қыркүйек – Sputnik. Экономист Олжас Құдайбергенов жаңа қызметке орналасты. Ол Қазақстанның экономика министрлігі жанындағы басқарушы кеңестің төрағасы болып тағайындалды.

Бұл туралы мемлекеттік басқарудың жай-күйі мен болашағы талқыланған экономика министрлігі жанындағы басқарушы кеңестің отырысында белгілі болды. Ведомство басшысы Руслан Дәленов кеңестің негізгі міндеттерін түсіндірді. Ол министрліктің қызметін бағалап, жетілдіру бойынша ұсынымдық шешімдер әзірлейді.

Басқарушы кеңестің төрағасы болып экономист, Қазақстан президенті жанындағы әлеуметтік-экономикалық реформалардың мониторингін талдау орталығының мүшесі Олжас Құдайбергенов сайланды.

Кездесуге қатысушылар қойылған міндеттерді өнімді шешу үшін мемлекеттік органдардың кадрлық әлеуетін жетілдіруді ұсынды.

Ал Дәленов ұсынылған шараларды жүзеге асырудың тетіктері жаңа экономикалық саясаттың негізгі бағыттары бойынша нәтижеге қол жеткізуге бағытталатынын хабарлады.

Сынақ мерзімінен өтпеді: Молдағасымова тағы да жұмыссыз қалды 

Бұған дейін Руслан Дәленов президенттің кадрлық резервінде тұрған мамандармен кездесуінде басқарушы кеңес құрылатынын мәлімдеп, ол жерге кадр резервінің өкілін енгізуді ұсынған болатын.

Еске сала кетейік, 20 шілдеде Олжас Құдайбергенов президенттің экономика жөніндегі штаттан тыс кеңесшісі қызметінен босатылды.

59
Кілт сөздер:
экономика, Қасым-Жомарт Тоқаев
Тақырып бойынша
Құдайбергеновтің президент кеңесшісі қызметінен неге босатылғаны белгілі болды
Тоқаевтың кеңесшісі пневмония мен COVID-ке қатысты жазба жариялады
Тоқаев кеңесшісін қызметінен босатты
Тоқаевтың кеңесшісі 2 миллионға жуық қазақстандық коронавирус жұқтырғанын айтты
Харьков маңында Ан-26 ұшағы апатқа ұшырады

Украинада әскери ұшақ құлап, 25 адам көз жұмды

0
Жиырма бес адам әуе апатынан қаза тапты, бортта болған тағы екі әскери қызметкер ауыр жарақат алды, оларды күйік шалған

НҰР-СҰЛТАН, 26 қыркүйек – Sputnik. Украинаның солтүстік-шығысындағы Харьков облысында Ан-26 әскери ұшағының апатқа ұшырауынан кем дегенде 25 адам көз жұмды, деп хабарлады РИА Новости.

Бортта 28 адам – әскери ұшқыштар мен курсанттар болған.

Украинаның төтенше жағдайлар жөніндегі мемлекеттік қызметінің хабарлауынша, оқиға кеше жергілікті уақыт бойынша сағат 20:50 шамасында Чугуев қаласының маңында, әскери әуежайдан екі шақырым жерде болған.

Крушение самолета Ан-26 под Харьковом
© Sputnik / Сергей Одинцов
Харьков маңында Ан-26 ұшағы апатқа ұшырады

"Ұшақ жерге құлап түскеннен кейін өртеніп кетті. Алдын ала мәлімет бойынша Ан-26 бортында 28 адам – әскери ұшқыштар мен И.Кожедуб атындағы Харьков әуе күштері ұлттық университетінің курсанттары болған. Ұшақ апатынан 25 адам қаза болды. Екеуін күйік шалды", - деді елдің төтенше жағдайлар мемлекеттік қызметі.

Орал маңында қолдан жасалған ұшақ құлады – ұшқыш қаза тапты

Ан-26 апатының мән-жайы мен себебін тексеру үшін мемлекеттік комиссия құрылды.

"Сенбі күні Украина мемлекетінің басшысы Владимир Зеленский Харьков облысына келеді", - деп хабарлады президент кеңсесі.

Алдын ала мәлімет бойынша, апаттан аз уақыт бұрын ұшақтың бір қозғалтқышы істен шыққан.

0
Кілт сөздер:
әскери қызметкер, ұшақ апаты, Украина
Тақырып бойынша
"Ұшақты атқылаған": үш жыл бұрынғы әуе апатына қатысты жаңа дерек шықты
Алматы - Қостанай рейсінің жолаушысы ұшақ бортында көз жұмды
Шымкент-Нұр-Сұлтан ұшағының жолаушылары жанжал шығарды - видео
"Қытай ұшағы радиоактивті зат шашып жүр": ақпаратқа түсініктеме берілді
Ұшақ Алматыны бір сағат айналып ұшты: Air Astana не болғанын түсіндірді