Ақорда

Тоқаев теңгенің әлсіреуіне байланысты Ұлттық банкке тапсырма берді

670
(Жаңартылды 20:17 19.03.2020)
Президент Ұлттық банктің, үкіметтің және ұлттық холдингтердің үйлесімді жұмыс жүргізіп, тиімді шешімдер қабылдауының маңыздылығын атап өтті

НҰР-СҰЛТАН, 19 наурыз – Sputnik. Мемлекет басшысы Қасым-Жомарт Тоқаев Ұлттық банк төрағасы Ерболат Досаевтың есебін тыңдады.

Ерболат Досаев Қасым-Жомарт Тоқаевқа валюта нарығы мен қаржы саласындағы қазіргі ахуал туралы айтты.

Доллар тағы да қымбаттады: 19 наурыздағы валюта бағамы қандай

Ұлттық банк төрағасы Қазақстанның қор биржасындағы "теңге-доллар" саудасы кезінде Франкфурт аукционы әдісін уақытша енгізу, сондай-ақ, қаржылық тұрақтылық пен іскерлік белсенділікті сақтау мақсатында ақша-кредит саясатына қатысты қабылданған шаралар жайында баяндады.

"Мемлекет басшысы валюта нарығындағы жағдайды тұрақтандыру үшін Ұлттық банктің, үкіметтің және ұлттық холдингтердің үйлесімді жұмыс жүргізіп, тиімді шешімдер қабылдауының маңыздылығын атап өтті", - деп хабарлады Ақорданың баспасөз қызметі.

Қасым-Жомарт Тоқаевтың пікірінше, инфляция деңгейінің өсуіне қарсы жұмыстарға ерекше назар аудару керек.

Кездесу қорытындысы бойынша президент отандық кәсіпорындарға несие беруге, олардың операциялық қызметін қаржыландыруға қатысты кешенді қолдау шараларын қабылдауды тапсырды.

670
Кілт сөздер:
Қасым-Жомарт Тоқаев, теңге, доллар
Загрузка...